蘭芳園

营业中

休息中

每次黎蘭芳園我都一定會叫一杯凍奶茶再配一個西多士and 豬扒包。個豬扒好香脆；面包都好脆囗。一口西多士配一口豬扒包，可以滿足為食嘅我！ 最後一杯凍奶茶，可以令你唔會覺得太乾，幫助消化😄

諗住入去試下奶茶☕️，每人最底消費$28，店員話要5人共$140，咁未每人打算落左飲品先☕️☕️🥤🥤☕️，再落食物，但店員點都唔比叫飲品先，一定要每人落一樣食物，我地每人5杯飲品加3樣食物都夠$140啦🥪🥪🍔☕️☕️☕️🥤🥤，佢係都要人叫5樣野，傻嘅，當我遊客呀，激鬼氣，唔食走人，走仲要話「走啦，點解呀仲咩呀」，幾好食都假，唔會再去😤😤⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯😡

Alisa: Barbara...原來而家就黎3點啦! 行行下有d肚餓添, 不如我地去食個Tea呀!Barbara: 好呀！行開中環尼頭，當然要去蘭芳園朝聖一下啦！快d行啦！Barbara: 嘆返杯港式絲襪奶茶同配個金牌🏅豬扒包, 簡直絕配！Alisa: 真係好好味啊！😍 (d侍應叔叔都好好人架！）絲襪奶茶 +豬扒包=下午茶We ❤️ Tea Time

假期要排隊，要等十位左右，排隊時都聞到奶茶香。座下後，叫左兩個撈丁，一個雞扒蔥油撈丁，另一個係芝麻汁牛冧肉撈丁，仲有咸牛脷包，再加兩杯奶茶！落單時個夥計古古怪怪！九唔搭八！最大問題係個夥計係咁流鼻水！又唔抺！啲鼻涕就快流晒出嚟咁，感覺嘔心！啲單亂到不得了，奶茶送錯隔離枱大叫掉左佢！之後又問我地飲乜嘢！等到食完奶茶都未到，問佢佢話：「咁多單等等先！」態度極差，好似追佢還錢咁樣！就算更好食！都唔推介大家去！何況味道極之一般，經歷與國內遊客一同感受比囚犯不如的「服務」態度？！丟盡香港臉，令我想起戲院開播前個句：佢拍過無數電影···最後個句容許我改左少少：香港既旅遊業都俾你搞林晒。真係可一不可再！完！

匆匆那年、驚鴻一瞥， 嚐過蘭芳園的凍奶茶後，念念不忘！今天 抽到大館入場券 ，特地提早一點出門再來朝聖。。。 奶茶依舊丶人面全非！以往堆到滿的日本客人，換上了韓國oppa & families。 本地人也不少。逼夾，依然是那樣的逼夾！服務差，服務依是那樣的差， 有點像「貼錢買難受亅。一口凍奶茶， 奶味依舊香濃， 奶茶也沖得很滑， 只是轉了要「少糖亅！ 人大了，有時要求就會改變， 只是 熱愛美食的 情懷依然未變。還多叫了一杯熱奶茶做對比。 有比較之下，發覺原來凍奶茶真是好喝很多。。。 不是說熱奶茶不好喝，只是沒有比 灣仔 丶大坑和跑馬地的競爭對手出色！匆匆那年 ，我們見過太少世面 ，只愛喝同一杯茶。。。那麼莫名其妙 ，那麼討人歡喜， 擠迫起來又太討厭。。。青蔥那年丶活該匆匆 ，因為我們不懂， 時間的誓言。。。下一次再來？  那夕將是何年。。。。。。🦉。。。🦉

蘭芳園有幾間分店，始終都係覺得中環呢一間最有味道。店舖外有一個細小嘅綠色車仔，係比客人買外賣，造型幾特別幾古舊。而我今日真係食咗一下沙嗲牛肉公仔麵，公仔麵都煮得唔錯，唔會話太過林，雖然係有味精，但係好食嘅嘢食真係食咗先算啦！呢度嘅凍奶茶都10分出色，飲落有茶香又有奶香，而且入口10分順滑，口感非常之好。

超過5年無食過，今日經過就決定再試一下，結果令人非常失望！我同老公叫左「心多多撈丁」同「蔥油豬扒撈丁」！首先麵條好硬，完全無味；其次雞翼同豬扒乾到不得了，又燶，成件事都唔值呢個價錢！對我尼講，應該唔會再有下次！

成日見佢地前面有人排隊，今日得閒去試一吓。叫個豬扒包套餐，$55加凍飲$3 ，同撈麵套餐同價，不過份量小很多，得一個細包同罐頭蘑菇做嘅奄列，唔系幾夠食。食完d野，奶茶仲未到要呆坐一陣。凍奶茶唔錯，不過同其他茶記比又唔係有乜咁特別。算係到港式奶茶始祖飲杯嘢，打個卡吧。試一次就夠。想飽的話建議食撈丁。

今日下晝3點幾去，諗住同朋友食個tea ，歎杯奶茶。去到門口就塞住遊客影相同等外賣，等左一陣都好快有位啦。坐低唔夠5秒，就有個男伙計走黎諗住落單，我未睇晒個餐牌，佢就咀up up, 行開左。再過30秒，又行埋黎，將兩sets 刀叉掉喺枱面，係好大力咁掉喺枱面， 又見我未決定到食乜，就攞咗張有相嘅餐牌掉喺我睇緊張餐牌上面，態度真係一流。當我諗到食咩，就叫佢埋黎寫野，我就叫套餐，佢就好大聲咁講，冇餐，星期六日係冇餐架，都講左冇架啦！你相像下，佢講尼番說話既時候再配合佢一幅好不耐煩嘅樣。我好似入黎就係要受罪咁，仲坐係食咩？我地最終走左冇食到。講真，我好upset，我未知佢依家嘅食物質素如何，服務嘅質素就已經差到不得了。食肆係要靠口碑，祝佢好運。

第一次光顧這店，我隨便找個位置坐下，即被職員大叔指示坐指定位置，我坐下後他咀裹仍喋喋不休 ......🤬。我隨手攞起插在架上的一疊餐牌時，有一位女士坐下，大叔立即上前話：「唔好囉曬！比啲人睇啦 ⋯⋯ 🤬🤬」。我點了熱奶茶少奶，占醬厚多士。等食期間，我突然感到頭髮被掃了一下，回頭一看只見女職員指手劃腳地帶位😓。老實說奶茶茶味香濃真的不錯，但厚多士的確令人失望，第一：厚多士厚度不明顯，驟眼看與普通多士無異；第二：多士不熱不脆，口感一般；第三：多士以半份的形式上碟，仲要收$18，簡直覺得「搵笨」。其間有一對年輕情侶被職員安排指定座位，職員態度不太友善😒😒😒，少女一怒之下掉頭走了。第一次光顧有如此經歷，簡直覺得佢地唔憂做，趕客一樣👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻。

好耐冇喺中環搵食，同事話未去過蘭芳園 ，今日一於去試下。星期六下午十二點幾去到，門口已經排曬隊。 不過等咗十分鐘左右就可以入到去。叫咗三樣嘢包括蔥油雞扒撈丁、 蔥油豬扒飯同奶油豬，當然唔少得呢度出名嘅絲襪奶茶啦。不過食完大失所望。蔥油雞扒撈丁已經算係比較好食既一個，鷄扒算滑 麵質都算爽口。至於個蔥油豬扒飯，幾塊豬扒砌埋都唔夠一塊，呃咗我半塊。豬扒肉地好鞋，而且啲飯好削。 蔥油份量太多，搞到個飯好鹹。至於個奶油豬，牛油同煉奶嘅份量就少得可憐。同白豬仔包唔差得好遠。結論：名大於實，下次應該唔會再嚟。

今次特登帶朋友黎食，見個個都係外面影相，真係影下相好啦，千祈唔好入去食。我明明記得十年前黎食個陣係幾好架，而家份量少，唔好食不止，員工態度之惡劣，真係匪夷所思。未開始點嘢食已經開始俾人話唔識字，嗌多杯嘢飲又俾人鬧點解落多杯，解釋多兩句又話：問你幾杯咋，唔駛講咁多嘢。我朋友係遊客，我覺得帶咗佢地黎，我真係好唔好意思，好尷尬，好後悔。本來想落去蘭桂坊happy hour 都冇心機。澳牛都係催你點快啲啫，呢度簡直係對你隨意謾罵，返工都冇咁受氣，好嬲！

復活節假期第2日, 睇書介紹, 下午第一次幫襯 ，等咗20分鐘，入咗去落order 叫咗牛肉撈丁，豬扒撈丁，熱奶茶，熱鴛鴦。 首先感覺地狹窄， 細細張枱都坐滿六個人 ，非常之擠迫，落單時伙記冇乜禮貌，這裹大約有九成半係遊客， 絕大多數是中國遊客 ，落單時，伙記冇乜耐性， 有點呼呼喝喝，甚至乎我們聽到廣東話吋客人， 遊客又不太白地道方言，有D睇唔過眼 ， 影響香港形象。 食物方面 : 我相信所有香港嘅茶餐廳都識沖到杯絲襪奶茶，冇乜特別，什麼豬扒/牛扒撈丁, 都是坊間嘅食品, 冇乜特別. 可能遊客唔敢，或不敢去香港其他嘅茶餐廳。最搞笑的， 同檯有位遊客，叫了西多士，侍應都冇畀糖漿 佢，佢就係咁齋食，我都睇唔過眼， 叫佢落糖漿先食。 價錢一啲都唔平， 所以基本上，本地人幫襯一次之後 ，大部份不會回頭。 遊客們，遊客們，雖然嗰度話有50年歷史嘅排擋，好多明星相，發哥 ，蔡瀾相片等..........其實好多香港食市都有他們的相片, 普通一間食肆都可能有他們的相片， 真是不突出，總之毫無驚喜， 以後唔會再幫襯。

小時候住在中環，家人偶爾也會帶我到蘭芳園吃多士，但畢竟那時年紀還小，好像從來沒喝過蘭芳園的奶茶。今天襯著到PMQ，順道買杯奶茶試試，確實香滑，奶味茶味都足夠，並沒有互相蓋過，是真正的港式奶茶。

簡直感覺像受騙。成日開openrice「睇多過寫」，但今次感覺實在太失望（對食物）所以一定要寫。平時行過成日見到排晒長龍，今日第一次試。叫咗個Omlette 豬扒包套餐同埋多士餐。無論賣相、質、量都和預期中很大落差😅。1）碟嘢出現桌上的第一眼觀感已經唔對路，隻蛋同個包都像兒童餐的樣子，件omlette 看起來應該只用了一隻蛋。頽。2）食落，不覺好味。3）現在只是用餐很三個半小時，我已經肚餓中，想起我其實吃了$95蚊嘢，繼而motivate我要寫這評論⋯⋯實在有更多比這性價比更優勝的茶餐廳。求其噏幾間如囍囍、瑞安、龍城等都好好多。沒有下次。