蘭芳園

营业中

休息中

中環番工，食黎食去都係啲$60樓上既野其實呢間都唔例外，價錢唔係特別平食物唔太出眾，而且算係偏多遊客排隊唯一特別既係奶茶，又香又滑又濃個日我叫左心多多撈丁有五香牛肉、滷水雞翼、煎蛋加個公仔麵盛為$50幾蚊，值唔值就好睇自己啦我覺得偏鹹，而個滷水汁係有啲甜甜地既個款黎不過一個細細地既麵似乎就唔多夠啦有少少椰菜係旁邊做配菜呢間環境比較逼，而且坐得好唔舒服好焗如果要我揀一間，我一定會揀係佢上面既勝x園~大家都係食番一啲富有香港特色既食物食既係屬於香港既特色味道...推介:  /5

今日放假，打算去大館參觀下。係參觀之前，因為有朋友仔係中環返工，順便搵佢食午餐。我朋友就介紹我黎呢間餐廳，由於係放飯時間，我就一早左15分鐘黎到搵位。一去到，已經見到門外已經排左一條隊，冇得攞飛。起初以為要等好耐，但都係等左大約10分鐘左右（可能因為我地係3位）🤣我地一坐低已經好快決定食乜，二話不說地叫野食。叫左個羅宋湯雞蛋豬扒通粉、喇沙豬扒通粉配奶油豬仔包。餐廳裡面有少少迫，好明顯呢度係食快飯，因為叫左冇耐，就已經到左2碗午餐。我就食呢個羅宋湯，睇個樣已經好吸引，因為又有豐富番茄🍅薯仔，一d唔求其。食落去都好濃郁既羅宋湯😋😋😋另外，兩個朋友仔就叫左喇沙湯。聞落去都幾香，不過我個人不太喜歡喇沙味，我朋友就覺得都不錯。最後，呢個奶油豬仔包樣貌好平平無奇，諗住都唔太好食。點知，食落去又有少少驚喜，因為都脆口，同埋麵包外面都有少少甜味、都好鬆軟。

古色古香，最有名的蘭芳園，相信大家都唔會陌生！ 而係中環返工的肥妹仔都好鐘意黎食，貪佢快靚正！！ Menu 款式唔算好多，但絕對滿足到你！叫完唔使10分鐘美食已經送到你面前啊。突然好想食奶油脆豬，所以就叫左呢個喇沙豬扒面配奶油脆豬餐奶油脆豬依然係皮脆...入面奶油多多。豬扒通粉雖然個豬扒浸左落湯面度，因為唔係脆皮豬扒，所以其實唔會影響豬扒嘅味道。不過呢碗豬扒通粉份量唔算太大，所以其實如果大胃王嘅朋友就可能會唔夠食啦。

蘭芳園地道嘢食都幾受歡迎 ，今日同事萬歲請食下午茶，我見到menu有寫"金牌豬扒包"，見到"金牌"兩個字好似係有信心嘅保證，就係好似金牌殺手一樣級數都高啲，所以就嗌咗一份金牌豬扒包再加杯熱飲嘅下午茶餐。可能因為我地叫的外賣太多，個豬扒包好似夾到"扁踢踢"不似人形，外型大打折扣，再食一口，豬扒好似乾咗啲，冇佢寫"金牌"應有的質素，不過佢沙律醬酸酸甜甜提升了口感，還好不錯，其實若然豬扒能保持肉汁會更好。

食下午茶，不得不提老字號冰室 - 蘭芳園第一次黎朝聖😁 星期日，門口大概有十個人左右排隊，可見大部份都係遊客，但唔係十分鐘已經可以入去啦！店內環境同一般老店一樣，都係比較逼狹但眼見衛生程度ok。但侍應服務態度就好似一間馳名食店 食物出色但係態度_ _🙈咁我哋分別叫咗龍蝦汁蟹籽雞扒撈丁 同埋蔥油豬扒撈丁，兩款味道都唔錯！😊但撈丁醬汁略嫌唔夠味。最後試埋馳名絲襪奶茶 果然香濃細滑😍😍相信每次黎係必點既！！！

是咁的。中環蘭芳園唔係第一次去, 不過真係唔會成日去, 始於係無益嘢 + 好難等位 😂😂.尖沙咀 & 上環分店都有去食過! 唔知呢, 始終本舖奶茶最好味! 其餘2間無論奶茶定係食物總覺差咁少少! .之前食過最出名嘅雞扒撈丁, 今次食 "普通" 一份早餐😂.咸牛肉炒蛋! 好多咸牛肉, 蛋內裡仍然嫩滑, 午餐肉薄薄2片! .最主要係奶茶! 幼滑香濃, 茶味濃厚, 入口順滑! 不過較早年已失色不少! 有朋友話凍奶茶比熱奶茶好, 下次再試試...

很久很久沒幫襯，今天難得星期六，中午12點來到不用排隊便有位！本來想試蕃茄薯仔湯通粉，不過店內很多食客都叫撈丁，所以轉軚我叫了心多多撈丁 (見圖右)，勝在款式夠多: 有雞翼，五香肉丁和煎蛋。原來還有椰菜伴碟，感覺上健康一點，吃完沒那麼罪疚果然沒有失準，味道很好，雞翼不會太乾，雞肉還有肉汁的煎蛋亦很脆很香口。友人點了蔥油豬扒撈丁 (見圖左)，蔥油很香，豬扒亦不錯，不過麵質比較乾身，吃之前記得要把蔥油撈好！凍鴛鴦亦很正及很提神！現在已凌晨1:30，但仍很精神所以多人排隊是有他過人之處，以味道取勝！下次有機會再來

作為中環老字號，當然要去食出名嘅撈丁和絲襪奶茶！我們幾個同事午餐的時候去食，本來以為要等位，點知原來蘭芳園流轉的時間很快，等左一小片刻便有位了！我們不約而同都被撈丁吸引，點了蔥油豬扒撈丁/心多多撈丁（雞翼，五香肉丁，煎蛋）。作為撈丁，汁不算很多，但因為偏鹹所以乾身一點也可以，而且蔥油也是偏鹹的所以豉油汁如果太多便會太鹹了。另外，我們也點了豬仔包，豬仔包反而很香很脆！值得推薦！而著名的絲襪奶茶，茶澀味和奶混合得宜，很香滑！大家可以一試！

下午嚟咗呢度食咗個雞扒撈丁加入蔥油晏晝嘅時間排左陣隊就已經入得但係間鋪頭其實好少local勁多外國遊客咁其實一早都想試吓個雞扒撈丁加蔥油我下單之後10分鐘之內有得食 雞扒好味嘅一個煎過啦咁個效果比較煙人啲然之後佢個出前一丁啦又唔會太林加埋啲醬油家加蔥油嚟咁其實都幾野味啦另外就係都叫咗杯凍奶茶走甜拉就真係沖得幾好係唔錯嘅 要走甜先飲到本身既味道 我覺得係可以接受 整體來講如果快食嘅香港地道嘢食呢間係咁錯嘅選擇

人龍長期都咁長嘅出名茶記，今次黎就係要朝聖個杯絲襪奶茶，味道果然濃郁，茶香和奶香各具特色，值得一喝。餐廳內位置好少，空間唔多，基本上店員都想你食完拿拿聲走，多遊客的食店係香港都會咁處理客人，似乎係無可厚非，而你想唔想受到你種對待，就要睇D野食係咪真係咁無可取替喇。必食之選我會覺得係個西多士，西多嘅熱度令奶油自己慢慢融化，加埋糖漿，雖然係甜膩都不能，但又唔食唔得，認真愛恨交纏。外表睇落得一塊，原來內有乾坤，係二合為一架！【咖央西多士】:HKD 23

满怀憧憬进到兰芳园，不仅失望，还有愤怒因为刚吃完中午饭很饱了，想到这家店点喝的……点了两杯奶茶，戴眼镜的短发服务员阿姨立刻变脸甩下低消每人28的提示餐牌，满脸不屑的表情却一话不说。🙄好咯，那店家不提醒，我第一次来店里怎么知道低消。我继续点了个猪扒包，低消够了。。这位阿姨真是够了，从餐具盒里大力拿出用不着的餐具再大力摔在桌子空位置上嘴上小声碎碎念着什么我也不知道 😑不用猜都知道在骂了感觉来消费是来讨骂 早说不欢迎消费少的客人那我进都不会进门啊省的劳烦店家要服务但是我忍着了心中怒火，没转身离店，就想看看态度这么嚣张的店制作的东西有多好吃呵呵呵呵呵呵，一个小杯子装的奶茶，里面全是冰块，奶茶占比不知道有没有1/4。猪扒包也很一般。来这里是我旅途中最大的后悔，一想到香港就会想到服务态度极差

好多年前已經食過蘭芳園 幾乎每次都要排一排隊而且入邊環境非常擠迫 從來未試過唔需要同人搭枱冇食一排帶咗朋友去試結果確實係有啲失望，因為價錢唔算平但係食物嘅性價比完全唔高 質素亦都唔係好叫咗一個雞扒撈丁$55 包熱飲喇沙米粉 $56 跟奶油豬同熱飲個雞扒撈丁非常乾得好少豉油而且旁邊嘅蔥油又好鹹 雖然佢份量算多俾一個出前一丁多少少，但係整體成個面都好乾 而且雞扒味道唔算特別出色 係有啲失望另外佢個喇沙湯底一啲都唔濃 米粉嘅份量極少仲要加入雜豆 感覺九唔搭八奶油豬亦都好細個 普普通通唔算出色成間鋪唯一要讚嘅係佢哋嘅絲襪奶茶，建議飲熱奶茶先可以飲到佢哋又濃又幼滑 👍🏻👍🏻

奶茶冇茶味，撈麵水流流唔夠乾身， 雞扒好硬， 奶油豬 乾爭爭梗死， 就係覺得佢出咗名日日排長龍， 職員嘅落單態度唔好，地方又迫，仲要趕頭趕命收吉碟趕你走…重點吾明點解佢用發泡膠碟禁唔環保。

已經唔係第一次幫襯「蘭芳園」的中環老店，但發覺原來未曾寫過這間老店的食評，反而尖沙咀分店就在幾年前寫過一篇；今日路經此地，就專程去嘆杯絲襪奶茶，順便完成這篇簡評。從遠處已經見到一大班人圍著一個小鐵皮檔，很難想像這樣的一個小檔也可以成為外國出版的香港旅遊書的推介之一。是否仍然是幾十年前開業時的鐵皮檔已經不是重點，反正到了今天，這個鐵皮檔只是「蘭芳園」中環老店內的其中一個沖泡港式奶茶的水吧。鐵皮檔後面就是「蘭芳園」的梗舖，門口狹窄，還要往下走兩級樓梯才能進入鋪內，門口旁邊又要擺個收銀櫃枱，之後還要規劃多一個茶水吧；加上裏面三尖八角，毫無章法地擺滿枱枱櫈櫈，務求在僅有的空間內、同時招呼最多客人 - 搭枱當然是理所當然，還要一張四人小摺枱坐七個人！舖內非常地踎，當然不會是「中國冰室」那種充滿60年代風情的懷舊高樓底閣樓冰室，甚至稱不上是港式茶餐廳；除了四幅牆及有瓦遮頭之外，與露天大排檔沒有什麼分別，環境甚至更差。最大特色就是牆壁上貼滿了譚詠麟先生最當紅的 1980 年代的一系列黑膠唱片封套。周末下午，茶餐全部暫定，所有食品、飮品一律要單點。圖文並茂的餐牌當然介紹了所有馳名出品，但卻沒有列出價錢

原先就冇期望，但系竟然冇期望都可以失望，真系想爆粗，食到成肚火，茶餐廳一杯奶茶加一個西多要40，環境差，食物唔衛生，西多既牛油得果少少，職員既態度霖都知一定唔會好，但系真系霖唔到禁差，對住大陸人既態度，聽都聽得出係歧視，連我一個香港人都睇唔落，一開始唔知道有最低消費，霖住陪frd食，結果個frd點完我未有點距即刻黑面，然後甩個最低消費既牌過黎，一杯奶茶，23蚊，認真果句，大家樂跟餐既好過距十倍有多，而且，半杯冰，當你係鋪租貴，但系食物質量系米要好少少，杯奶茶既味比冰沖淡曬，淨係得水味，完全，係完全唔值尼個價，本來霖住行完街休息下，點知成肚火，d職員好似全世界得罪距錦，除左係老字號之外，完全冇其他可取之處，如果大家唔信我就自己去親身經歷下，反正，野唔好食，環境唔好，價錢超貴，性價比奇低，大家係外面打包杯奶茶影個相可能仲OK，入去食既話，唔洗錢我都唔會去，完全冇分，負分，差評，從來未試過禁失望