蘭芳園

营业中

休息中

今日下晝3點幾去，諗住同朋友食個tea ，歎杯奶茶。去到門口就塞住遊客影相同等外賣，等左一陣都好快有位啦。坐低唔夠5秒，就有個男伙計走黎諗住落單，我未睇晒個餐牌，佢就咀up up, 行開左。再過30秒，又行埋黎，將兩sets 刀叉掉喺枱面，係好大力咁掉喺枱面， 又見我未決定到食乜，就攞咗張有相嘅餐牌掉喺我睇緊張餐牌上面，態度真係一流。當我諗到食咩，就叫佢埋黎寫野，我就叫套餐，佢就好大聲咁講，冇餐，星期六日係冇餐架，都講左冇架啦！你相像下，佢講尼番說話既時候再配合佢一幅好不耐煩嘅樣。我好似入黎就係要受罪咁，仲坐係食咩？我地最終走左冇食到。講真，我好upset，我未知佢依家嘅食物質素如何，服務嘅質素就已經差到不得了。食肆係要靠口碑，祝佢好運。