蘭芳園

营业中

休息中

晨早經過中環, 行過見到呢間野就入黎試下.叫左薯仔番茄火腿通,奶醬多同熱奶茶.通粉個薯仔番茄湯底幾正, 煲得夠出味同無味精.奶醬多合格, 但如果可以再焗燶d塊多士會更好.奶茶係幾滑, 而且奶既份量都啱啱好,唔會搶左d茶味.

都好過無...因為我係專登去勝香園食麥多士點知5:30pm到步亞姐話已經收工, 好失望, 十分失望.最後同傻鬼去此店補數啦. 2個人叫左一件奶油多士及一個蔥油雞扒撈丁加奶茶. 唔知係咪極之想食多士, 所以一來已經好開心咁食啦, 特別覺得味道係唔同出面個d.(我相信心理作用). 不過我幾欣賞個撈丁, 我係屋企試過自己整都唔會好似佢地咁好味道, 可能係個醬汁啦. 個雞扒就無咩特別啦.最正係杯奶茶...

Talking abt milktea in HK, u probably think of here~ It's said that the iced milktea comes in with milktea-turned ice, so that the richness of the milktea can be kept as if itz hot.However, it just turned out differently, there was only one little piece of ice made of milktea i could see, which means the rest was simply ordinary ice that you see at 99 % of other restaurants~~Check it out from the pic!!!but, to be fair, i really could tell they made the milktea wiht some kinda of different herbs

之前行過都想入黎試下，聽講話哩度的奶茶好出名，今日終於黎試一次喇！十二點半黎到，好彩未有人係門口排隊，入到店裡面，原來已經坐滿晒人喇，好似好旺場咁喎！坐低之後叫左蔥油豬扒撈丁同埋熱奶茶，奶茶真係好滑喎，蔥油豬扒撈丁就一般啦，個人覺得mama地，可能覺得佢好油掛，同埋豬扒煎得好乾，食落去好似好厚咁。同事就話咖啡幾好，但係撈丁就mama。

19/3/2006 星期日同BF行中環，突然間好想食勝香園的餐蛋麵茄底及奶占麥多。但勝香園星期日休息又唔想行太遠，惟有來這裡食蔥油雞扒撈丁。豈料各項包類也售罄，西多卻例外。點了蔥油雞扒撈丁、豬頸肉撈丁、熱奶茶及茶走。熱奶茶及茶走先上，茶走的茶味卻比從前淡了。BF對杯奶茶不太滿意，他的豬頸肉撈丁微辣味道還可以。豬頸肉撈丁被他吃完的同時，我不禁要同大叔講聲仲有個蔥油雞扒撈丁未到。大叔立即去追查，發現原來漏了單。等了一會，終於有得食，撈丁硬度OK但始終同勝香園差一點。出前一丁都係勝香園同我個朋友煮得好食d。雞扒有雪味，但煎得香口。下次都係行遠一點去樂香園好過，至少無咁迫。

我食左個朱頸肉撈丁+ 奶茶ok la$32~貴左d唔明點解d人煲到咁犀利~我以為呢d咁大名氣既鋪頭既伙計會好串又唔係幾nice wo!^^

香港官方話既「十大茶餐廳」之一。朝早係舊（細）店要o左個個豬扒飽餐跟熱奶茶。你話係特色又好，招牌又好，都係不出o個幾字真言：「即整，好食；即上，好食；多人食，所以新鮮、好食」。請唔好對傳媒誇大既豬頸肉豬扒飽抱以不設實際既暇想：佢除o左用豬頸肉做中間塊肉之外，其實同坊間其他豬扒飽無乜分別- 尤其是用薄切豬扒既豬扒飽；反而某餐廳用豬仔飽做豬扒飽，好似仲有睇頭。奶茶呢，唔，睇你鍾意o係度飲o個o下，定係真係鍾意佢個茶啦。

食完新景記, 順路一到蘭芳園飲個奶茶先, 第一次去, 係門口都唔知點先可以叫到杯外賣, 皆因個門口超迫超多人, 千辛萬苦先入到去叫2杯奶茶.....望到店內個d位真係超唔得, 咁迫點食得好啊?係咪真係咁正先?個杯外賣奶茶,超多冰....d冰都未溶都feel到佢淡淡地, 如果冰溶晒就一定好淡...滑就幾滑, 茶唔會鞋口的, 都算好飲,又唔係貴, 但其實有d茶記都有呢d水準, 所以似乎over-rated啦, 不過門口個位係幾有feel的~~~~

雞油撈丁一句講晒正！雞扒新鮮好味！䓤油香！丁麵彈牙爽口！絲襪奶茶凍熱都好好味！電車路行上去都要食！係坐得迫Ｄ咯............

豬扒撈公丁幾好呀係喊左小小奶茶都唔錯唔算最好，但好過好多地方

今日放左學去左食, 都ok 貴架, 一個著名撈丁+ 凍奶茶要34 蚊. 又唔係話特別好食. 加多個豬扒飽-- 都唔算好好~ 食. 去過一次就算喇. 下次都係去返勝香園好的.p.s. 去新個間因為想試奶茶冰冰, 但原來唔係所有冰都係,咁同普通既有咩分別?

識呢間餐廳係因為以前廚房大佬介紹一次之後就已經愛上但因為唔太就腳既問題所以都唔算常去但有經過親都會去食d野但食完就好即刻走=.=因為真係唔太好坐凍奶茶同豬扒包~咖央西多都係我至愛不過凍奶茶我一定要少甜可能因為我唔多飲得甜既關係我始終覺得佢d奶茶甜得滯而個豬扒飽水準有時就真係幾飄忽時好時壞甘~所以我都係覺得西多比較好始終穩定d總括黎講都係一間可以一去再去既餐廳

今日罕有地早落堂, 有得同朋友走0左出0黎食brunch!終於試0左蔥油雞扒撈丁! 不過發覺似係"薑茸雞扒撈丁" 多d, 無乜蔥/油-_-" d 麵比想像中乾身, 一d 都唔滯, 好好食呢=) 雞扒係炸的, 無乜油, 不過略乾, 亦嚡0左少少.熱奶荼as usual 咁滑同50% 奶50% 茶味! =)幫襯過唔少次, 0岩0岩先發覺佢總店同分店係唔同廚房的, 連menu 都唔同. 飲奶茶的話, 兩間差不多; 但個人覺得如果要食奶油多, 去分店(大鋪) 會好d, at least 烘得靚d 唔會漏晒d 煉奶出0黎-_-"Service 同環境其實唔ok, 但都唔expect d 乜, 可能因為佢始終係茶餐廳, 仲要咁出名, 入到幫襯好naturally 會有"奈佢唔何" 的心態.

蔥油雞扒撈丁和蕃茄薯仔湯通粉都是這兒的名菜。以蕃茄薯仔湯通粉來看，跟其他一般的茶餐廳的什麼叉燒或五香肉丁麵相比，是比較有營養的。不過以HK30 來說(雖然包餐飲) 就略貴一點。奶茶是不錯的，淡奶的存在令奶茶更香濃，難得的是沒有搶去紅茶的原味。當在考慮到要付HKD30 的時候，我想我未必會很熱衷的再光顧。

因為嘉菲猫鍾意呢度啲奶茶, 所以呢幾日都來吃早餐-餐蛋豬仔飽- 一般啦, 唔係硬豬, 所以無嘜期望. 不過炒蛋有啲蛋汁, 攞番啲分啦. (咦, 禽流感......)金牌豬扒飽- 豬扒細細塊, 又唔係特別鬆化, 好多茶記都靓過佢, 唔值得叫做金牌豬扒飽.厚身多士- 同KC兄嘅 comment 一様, 唔係厚身, 又唔係香脆, 花生醬多(醬少)唔掂, 油多(牛油一pat pat)都唔掂, 証明唔係一時失手嘅問題, 一句講晒: 多士做得好馬虎. 奶茶- 唯一比較可取, 有茶味, 但係中環都唔係無敵, 都有好多茶記同佢差不多或好過佢.PS : 門口做多士嘅阿姐黑口黑面, 又無禮貌, 佢又唔係我老闆, 晨早流流, 要睇佢面色? 有無攪錯?