蘭芳園

营业中

休息中

都說過，返工前食早餐，想飲茶啡會去勝香園，要食碗粥當然是威記，一盅兩件就梗係蓮香。是日太座返中環，來一齊吃早餐，原本去緊勝香園，她卻被這裡出面的茶檔道具所吸引，說想來吃，呦她不過，就幫襯了。可能是日朝早下著微雨，來吃的人也不少。找了角落的圓檯坐下，叫了早餐B及厚多士各一，例牌奶茶及鴦走少甜。我的多士名叫「招牌厚多士」，但一點也不厚，烘得無厘火氣，練奶及油都塗得一塌糊塗，漏了一堆在碟上，老實講，比起勝香園的奶油多，是差幾班！太座的早餐B都唔掂，牛油多士薄薄的，亦腍腍的。另外腿腸煎蛋的香腸及火腿都是白烚的，美其名就是健康一點，但沒賣相又欠缺味道，完全唔掂。這樣低水準的早餐，總共也要37蚊，下次都係唔好亂咁四圍去，返勝香園好過。

在對面新景記食完麵,過來試一試奶茶始祖---蘭芳園....因為只慕名為飲奶茶(對面食飽),就叫了我的熱奶茶(多士奶茶餐共18元)和阿仔的紅豆冰(13元)來飲,怎知叫完個伙計就介紹我要多過多士並指著塊鏡說每位最低消費要20元,唯有硬嗗了....飲品到了,落糖飲了,入口不外如是,不見得比平時飲過的茶餐廳奶茶會更好(我平時青衣涌美飲開的比蘭芳園更好),實在名過其實,說真的,我入來只是為著奶茶而來,又要被人硬屈食其他食物,而得出的味道結果是這樣就失望了.....埋單31元...店內非常擠迫

兩個人一齊食lunch,專登去試下依間咁出名的蔥油雞扒撈丁. 嘩,12點9去到,好多人,不過個turnover好高,一陣就有位. 一坐低就叫0左個蔥油雞扒撈丁餐,個麵加一杯hot 檸水,要$32,都幾貴.個丁黎到,原來蔥油雞扒撈丁係,彊蓉+雞扒+撈的出前一,丁,食落,唔覺得好特別...值得一讚既係個雞扒炸得好乾.

今日一朝早去到蘭芳園時間非常好,搭正11點3,可以試下佢既雞扒撈丁(第一次食)上次黎既時候因為太飽,所以only叫左杯ice milk tea總體黎講,佢既撈丁真係幾高水準,0的蔥油同個公仔面好match,個面硬度岩岩好,而蔥油最正係佢既薑蓉,可以話係同個面互相輝映雞扒亦都係幾好,外面夠脆,香口,而里面0的yuk汁仍可以保持在內,而椰菜可以話係有0的意料不到,食落去剩係聽到兩種聲一種係"ka la",一種係"sharp",非常爽口,gd不得不提呢間野service真係quite gd,尤其是係個30多歲中年男人(少少髮線上移),好鬼鬼馬,最記得佢0個"yan台腳",收銀0個個男人就不斷討論緊今日報紙頭板個女仔,feel到佢幾有仁心如果呢,蘭芳園可以將佢既撈丁整得濕身多些少,同埋令到佢唯一有雪味既雞扒唔見埋,咁就為之very gd喇!

中環午飯時間難搵食，大可行遠一點去中環尾上環頭的蘭芳園，因為番木台快，排隊等位也不過5分鐘左右，每個月總會來這裡一趟，探下我喜愛的撈丁。撈丁選擇頗多，貪心的可以叫客心多多撈丁，有煎蛋、雞翼、辣辣的五香肉丁、少許椰菜; 磨菇汁煎雞扒撈丁味道一般，有點令公仔麵變意粉的感覺; 我最愛蔥油雞扒撈丁，第一次吃的時候看見撈丁旁邊那些薑蔥曾問: 油雞飯的薑蔥?? 吃起來卻很香很夠味，配搭不錯。小小秘訣是吃之前記得撈勻些，才不會吃到最後那些麵沒有味。

本想去勝香園, 可惜假日關了門呢! 所以到此, 要了魚片喇沙米餐, $30。選了厚多士, 熱奶荼。厚多士: 外脆內軟, ok魚片喇沙米: 魚片切厚片, 很硬, 不好吃。奶荼: 香滑, 好味沒太大意欲再試。

共來過3 次,好耐之前一次, 吃聰油low丁,只覺很一般.前晚第二次, 食豬扒包+熱央,塊扒有筋, 結果咬唔開跌左出個包, 半塊沒吃...個央ok, 沒有酸味.昨晚第三次, 食炸魚柳+薯條+熱奶茶,即炸, 塊魚沒雪味, 幾好,薯條是細條那種, 我鐘意粗螺絲紋多d.個奶茶飲不出比別家更好,或者我不懂品嘗,但至少它不會溝茶葉溝到成杯午花茶咁...(有些茶記溝到不倫不類)都係懷念澳洲牛奶公司果杯.環境沒有feel. 伙記幾nice.

而家先講蘭芳園,已經落後十幾個馬位.幾年前呢間老牌茶水檔憑荵油雞扒撈出前一丁,除左平地警一聲雷外,還有創出用出前一丁去做其他用途,如極之好的炒出前一丁,老尖新記的芝士撈丁等.無論點比,蘭記的秘製醬油同薑荵,與出前一丁簡直天作之合.除左撈丁,番茄薯仔湯通粉,好有home made feel感覺.少不了豬扒包, 同絲襪奶茶.年前仲有過癮到極的鬼佬飯,其實係白汁同肉醬兩味,後來不賣了,可惜.

平日食lunch好少o黎，因為同事鐘意去勝香園，o尋日入南丫島前o黎食個lunch。我食o左個喇沙牛米，配厚多士，已預o左唔正宗，果然湯底唔夠濃。有三塊大牛，勁腍唔好食，一點口感都冇。厚多士雖然烘得脆，但係冇得留邊，有D失望。我覺得杯奶茶比以前淡o左，奶味重過茶味。媽媽食了蕃茄湯豬扒蛋通粉，佢都覺得湯底較淡，反而佢勁讚佢飲個杯「茶走」，佢話夠香滑。而老豆食雪菜肉絲米，佢一句comment都冇，帶佢o黎咁迫的地方食野，唔俾佢鬧已算偷笑啦!

去茶餐廳我只會去蘭芳園, 自從近幾年差不多每個星期六都會去吃午餐.怎解?? 因為我和女友都覺得這裏的奶茶是全港最好飲. 此外撈丁更是一絕, 個人最鐘意當然是叉焼汁猪頸肉撈丁, 叉焼汁甜甜地好開胃, 猪頸肉又香又爽, 好食!!此外不得不提的就是這裏的傳統午餐, 好低食!有厚多士一件, 火腿庵烈, 叉焼湯丁一碗再跟飲品, 都係最多三十六元, 低呀!!!另外個人最鐘意飲熱檸茶, 有香濃茶味之外亦沒有因為長時間浸住檸檬而發出既苦溼味.猪朳包亦可口, 可以一吃但勝香園略勝一點.最後提醒一下大家不要再叫這裏的窩蛋免牛飯, 越叫越失望, 免牛汁越來越稀, 不知所謂. 如果想食窩蛋免牛飯, 請到大家樂好了.

早兩日夜晚食完九記+ 築地市場, 仲係好想食0野, 就走0黎諗住試0下d 奶茶係咪真係咁好飲, 另外亦叫0左個奶油多兩個人share.熱奶茶... 飲落好滑, 味道應該係50% 奶50% 茶, 不過個人覺得一般, 可能始終鍾意多奶0既奶茶多d 啦.奶油多ok 好食, 未至於內軟外脆, 但都幾香口, 煉奶份量亦適中.地方無想像中咁"up dup", 起碼幾乾淨. 應該會係一個食tea 0既好去處. : )

1, 奶茶滑度可以, 但最失敗竟然用膠杯, 茶香不出, 奶味亦不夠.2, 丁麵泡水再煮, 永遠吃不到丁麵彈牙口感.3, 厚多士為不厚, 只普通多士一件.希望而至, 失望而回.

星期六長周，有男友接放工，見蘭芳園咁出名就黎試下啦~ 一入到去，嘩勁多人！即刻叫返碟豬頸肉撈丁同豬泵兜撈丁。豬泵兜撈丁okay啦~不過不失，略嫌薑蔥多得濟。不過個豬頸肉撈丁就唔掂咯！完全冇汁既0的、豬頸肉又乾到爆，男友都話唔好食。唔知佢係失手定點啦～以咁既質素都可以做到其門如市，可見香港人都係鍾意趁墟既。

茶餐廳簡直係香港最偉大既發明！在中環亂碰亂撞，又周圍問下人…終於黎左蘭芳園！星期一既兩點半黎到，唔洗等位，不過地方比較迫。男朋友叫左個蔥油雞排撈丁加凍奶茶…碗丁唔算大，但係見佢唔會好乾身，亦都唔係好油，雞排煎得好靚，薑蔥份量適中唔會令個麵好咸，我試左一啖雞排，見佢煎得幾乾身，但食落一D都唔乾，肉汁鎖住係裡面，而且一D都唔"鞋"口，我男朋友話D雞皮仲好脆添！凍奶茶裡面果然係有一大粒奶茶冰冰，好得意！但我起初仲以為係全部冰都係奶茶冰冰添！我男朋友話奶茶果真好滑，但佢認為都係太興既"冰鎮奶茶"正D…可能因為佢真係連一粒冰都無啦！我見到有沙嗲牛肉包，當然要試啦！事關唔係間間茶餐廳都有得食，要好食既就更難得…今次哩個唔夠沙嗲味，但牛肉都幾多，同埋唔會好似坊間既沙嗲牛肉咁"乸"到"淋"哂又無牛肉味，哩個保留到牛肉味同肉質自然…至於個包就普通D喇…都幾軟，但焗得唔夠香同脆…凍檸水少甜都唔係好覺佢少左甜，但係檸檬夠多，好夠酸又唔澀，好味！員工幾有禮貌，食物上得好快！有樣野好特別…茶餐廳有煎蘿蔔糕食，好多粥店都未必有，有機會都要試下！

吃飯時間, 中環度度都人頭湧湧, 蘭芳園出名, 出面當然排晒長龍。最喜歡奶茶, 很香滑, 用奶茶冰做凍奶茶, 的確好有諗頭, 唔會整淡晒。曾試1- 牛柳撈丁: 撈得有些干,麵有些膠口2- 蔥油雞排撈丁: 完全香港特色-fushion, 意念創新, 雞排又大又滑3- 蕃茄薯仔湯豬排通($29): 湯清清地, 好-好-味!!可轉雞排或公仔麵人多地方當然逼, 但見侍應有心服務, 食時也開心些。