蘭芳園

营业中

休息中

侍應態度差撈丁冇特別, 完全唔知點解佢可以拎黎做招牌, 咁都30幾蚊真係幾貴!咖央西多第一次有d新鮮感奶茶唔係特別好飲

又聽又寫又諗地過了3 個鐘, 2:00pm 落到中環又餓又頭痛, 0拿0拿臨入0黎叫個蔥油雞扒撈丁($36), 加個凍奶茶(加$2).凍奶茶先0黎, 依然奶味茶味50:50, 味道絕對無問題, 不過d 冰比上次更多(上次已經好多了!), 唯有飲得快d, 等佢無得沖得太淡, 睇0黎以後即使天氣好熱, 都係要叫熱奶茶先得了!因為有次0係隔0黎(新店) 食的心多多撈丁太唔好食, 一心諗住0黎舊店呢邊會好食d, 但原來係錯0既-- 蔥油雞扒撈丁賣相一樣求其, 雖然係招牌0野, 但雞扒好鹹, 好乾又幾硬, 蔥油落得太少, 唔係好撈得晒d 出前一丁, 認真唔得; 好在出前一丁叫做幾爽口.環境都係咁, 懷舊又幾迫夾; 招呼就無特別.埋單$38, 上次覺得肉赤, 今次都唔例外... 縱使係咁, 我相信我仍然會再0黎, 因為食了咁多次都依然未試過佢的咖央西多@_@ 唔知到時試過之後會點呢? 如果唔好食的話, 仲會0黎飲奶茶嗎?我都唔知.

Lunch with colleague and it was crowded as always. I had a pork instant noodle with spring onion oil, and a hot tea. The instant noodle wasn’t too dry like normal mix noodles, I bet they put a lot of oil in it but it doesn’t feel oily. The pork wasn’t specially nice nor the spring onion, its just junk food afterall. The tea instead has always been good, they served it reali hot, its rich texture need no explain but onli ppl who tried understands. Only problem is the waiter get pushy during lunch

i tried this restaurant yesterday, and found out it is good. Even it is not fancy furniture, the environment is much more like the fmaily style....a pretty warm feeling.the price is reasonable, but the taste is very good.i take a long quene with my friends to get the seats, but it is still worth it.will try it again.gigi

小女子成日食0野都怕肥, 但當日同父母在中環走著, 難得入到去蘭芳園的老店, 面對住那傳統的咖央西多同豬排飽, 仲有那杯用花奶的香濃奶茶, 實在...美食當前唔顧得咁多喇!! 咁大個女第一次食咖央西多, 對食西多但無落鍊奶同糖漿感到好新奇有趣. 又幾OK喎~唔係太甜, 又唔會太油, 果2塊飽仲幾有咬口TIM!! 那是煙韌的感覺吧~? 對這"傳統"食物幾有好感~~~再來個豬排飽, 雖然只係用嘉頓飽, 但覺得佢地都有落心機去整好塊飽咁呢~烘得都好脆口呀~!! 塊豬排都炸得好, 唔會食落成口油, 又唔柴口, 不過蕃茄可以落多塊同沙律醬可以落多少少就更GOOD喇~~~壓軸是那杯熱奶茶, 茶味香濃花奶香滑, 比例剛好唔會互搶了味道~! 晃兩晃, 有點所謂的掛杯現象呢~!! 又一好玩食物 正呀!!!!環境當然很舊式, 很喜歡呢種懷舊的味道呢~~~ ^^

新界人難得過港島區~搵唔到勝香園，見蘭芳園一樣係排長龍，又貼滿食評，一於入去。叫個***蕃茄薯仔豬扒蛋通+ 熱央***有雜誌推薦，但同相中個樣差好遠...湯底點都算唔上好味，沒蕃茄，薯仔只有兩粒，其他野...全部同一間普通茶餐廳無分別。眼見隔離個uncle果碟豬扒飯，D飯爛到一pat野咁，唔方好食...仲有，有個服務態度極差既阿叔，呼喝客人，痴線~唉~ 總之失望...仲收$32，又坐得辛苦，又要俾人催住走。講真，我唔會再去~...只係好多人食薑蔥撈丁，可能OK啩~

食完ＰＲＥＴ，行上黎，岩岩杯ＹＯＧＵＲＴ好似已經冇左半，天氣凍果然要食多Ｄ野ＲＥＦＩＬＬ　ＥＮＥＲＧＹ！上到黎，唔係好多人，因為未到ＬＵＮＣＨ　ＨＯＵＲ，都係１１點半左右，要左個蔥油雞扒撈丁＋凍奶茶＋西多。我食丁丁，因為咳唔食得甜野，丁丁仍舊好味，依舊ＯＩＬＹ，不過冇計啦，話明蔥油就一定油膩Ｄ架喇；奶茶，ＫＥＥＰ住水準，又香又滑；西多，男友覺得太甜，不過入面唔係ＰＥＡＮＵＴ　ＢＵＴＴＥＲ就好特別。呀姐招呼幾好，至少有笑容，下次食第二樣！

名氣大不是特別好食較一般茶餐廳貴

上次試過奶茶, 麻麻地, 都係唔夠赤柱泗溢好! 今次男友叫左個麵, 勁普通! 我叫左個西多, 好好味啊! 又唔係好甜, 又香! 正! 依家唸起都想食.值得一提是服務, 真係好好, 好有禮貌!

到中環進修三天，在上課最後一天，我決定到有五十多年歷史的老店蘭芳園吃午餐。一個人沿著登山電梯的斜路朝著結志街的方向向上走，走得氣喘如牛的我走結志街街口便見到蘭芳園如大牌檔般的廚房。可能時間尚早的關係，不需要等待我便安坐古舊的店舖中。難得來到中環，我要一次過吃盡蘭芳園的名點。於是我點了一客葱油雞排撈丁連熱絲襪奶茶($36)，再加一客咖央西多士($14)。葱油雞排撈丁味道不錯，夠熱，雞排亦香口，不過必須撈好才吃，否則吃到最後會很鹹。至於咖央西多士很好味，也許我自己也很喜歡吃西多士，而且平時於快餐店只能吃到花生醬西多士，所以有一定的新鮮感。其實我也不知道咖央是甚麼，不過之前見蘇施黃對它讚不絕口，所以今次一定要試試。絲襪奶茶很滑、有茶味，色素亦較深，有別於一般快餐店或茶餐廳的奶味較重的奶茶。三款東西共五十元正，一餐並不便宜的午餐。不過中環黃金地段再加上五十年老字號，我覺得還是可以接受吧。

每逄日間去開中環, 都必去"蘭芳園",嘆最出名的"絲襪奶茶"!雖然過兩個鋪位就是他的新店, 營業到8時, 但感覺還是舊的好!來到"蘭芳園", 除了奶茶外,一定要嘆他最出名的豬扒飽!

同友人實在係抱太大期望，公仔麵普通到唔普通，但要成三十幾蚊個餐真係唔抵~~ 奶茶-講真，有啲茶餐廳仲好過佢，同埋佢地太好生意，成日都好想你快啲走~唯一可以讚就係"咖o央多"，呢個幾好味，但係總括o黎講，真係試一次就已足夠了~~

一月廿一日(星期一)同老公食lunch,已經協議左黎呢度食架!!!早d去等好快就有位!!!...都有speed,不過配合得冇澳洲牛奶公司咁好啦當然!我叫左厚多士配沙嗲牛肉米,當然飲凍奶茶...厚多士好鬆軟!同埋熱!!好食!!有口感!而牛肉都唔錯,不過沙嗲汁多d會更加好!!凍奶茶就比較冇奶味!勝香園比較好!!而老公既蕃茄薯仔湯豬排炒蛋通佢話好食過勝香園因為冇咁濃味!!!同埋好湯既感覺!不過第次再試熱奶茶,因為老公話熱既先試到真功夫!

因為看到蠻多人推介這間店的西多和奶茶~~所以今天特地去試了!!不過...西多沒有我想像中的好食~~味道只能說ok~~但奶茶真係正呢~~!!好滑有茶味~~good!!可惜個人認為價錢貴左些少...

前幾日得閒就去左蘭芳園試下佢地奶茶我地叫左凍和熱奶茶, 雞排撈丁, 多士, 豬排包撈丁無乜特別, 好普通豬排包都係...唔掂多士就OK , 入面的咖央配搭得幾好食熱奶茶, 有好香濃的茶味, 而且好滑溜, 唔錯！凍奶茶就無咁香濃...可能我飲唔慣凍奶茶, 所以夜晚就腸胃炎...而且環境又逼又窄...