蘭芳園

营业中

休息中

尋晚7:00 p.m.去左新店食,叫左個蔥油雞撈丁. 正確黎講應該係薑油雞撈丁﹐無乜蔥﹐多多薑.食到我要撩晒D薑出黎.好失望﹐上次黎好食好多.我決定俾多次機會佢﹐如果下次都係咁差就以後都唔黎喇﹗

原來第一間唔代表係最好我指奶茶ar !!!一間被指為第一間研發絲襪奶茶的茶餐廳相信只係研發而沒有成功我會從奶茶,豬扒撈丁,員工及環境黎講奶茶好!! 講到咁把閉, 就試下你夠唔夠水平正宗茶餐廳奶茶杯吧, 老店o係食具上keep到個mood, 無用新杯新碟做得不錯, 是老店應有的"文化"財產慢慢將奶茶送進口中, umm...texture 都夠厚, 奶的份量同牌子不錯不錯.......搭真D....那股茶葉滾得太過火的潺味真係好難頂奶味又有點輕輕的酸, 是茶的溫度作怪算吧~! 不能再飲落去豬扒撈丁個丁滾左超過上限起碼一分鐘太林了, 滾得太耐了, D 麵的麥味一去不留豬扒都OK...就比豬肉乾厚D濕佢D D都要頂肚ga..奶茶唔飲...唯有食埋佢員工脾氣真係.......好似欠左佢咁佢個ar姐大大力踏左我一腳我成隻鞋頭都drty晒...佢轉身過黎係咁做唔"正宗"的廣東話鬧我阻住晒鬧左成半分鐘...同桌的食客都對小弟苦笑, 笑說這裡是正常的環境白磚(講衰D有點似做白事的地方)無老店應有風采格調單睇食物質素,他將位於香港茶餐廳中游員工就....我諗D員工都唔會次次都唔睇後面就向後行幾步gei?!

2007年12月6日，蘭芳園熱奶茶：我覺得飲完舌頭有D“”，但覺得佢落D奶份量適中。咖央西多：多士沒預期中厚，咖央味道也一般，傳統的西多好吃一點。

今日同朋友去左蘭芳園食野我叫左雞撈同埋奶茶食雞扒煎到好香好好味奶茶又好飲又滑確係高幾班收得係貴左小小但係勝在夠和味伙計好招呼老闆仲同我做埋朋友希望下一次可以有discount啦得閒既話會多d黎試下

成日聽人講蘭芳園, 但每次週未經過都總有人在門口排隊,一直無緣試試! 今日放假同朋友經過見有空位,於是行入去吃了個下午茶。我們order了兩杯凍奶茶(1杯少甜)、西多、蔥油雞撈丁及白汁牛脷撈丁。凍奶茶- 有奶茶冰塊在內, 我估原意是可以令冰塊溶解後不至於變淡,這個概念我幾欣賞,但個人認為杯奶茶味道只屬一般, 我叫少甜, 但杯茶仍然幾甜、甜味蓋過茶味, 茶味又不夠香濃, 當然我朋友要的普通奶茶就更像飲糖水吧! 不喜歡! 西多- 落單後三分鐘就送到,速度快! 無須加糖漿,因為已經有咖央夾中間,味道ok, 不過不失!蔥油雞/牛脷撈丁–蔥油雞很多油, 白汁牛脷味道及賣相普通, 同樣很快上檯, 可惜丁麵很腍, 我相信係因為時間關係預早煮定, 然後有客落單再翻煮, 以$34的價錢換取此等質素, 整體來講一般! 唔知係今次失水準, 還是因為看了太多食客追捧評論, 令我期望過高以至失望吧! 沒有試其他食物,不能評論, 或者會有好味的, 但以上食物就麻麻了。兩人共消費$60!

繼續慕名而來，來到蘭芳園，是日星期六下午，所以人好像不算太多，等了一會兒已經有位，仲快過勝香園。入到去阿叔馬上問食咩野，好彩出面已經諗定食咩，我們拿拿聲點了一個心多多撈丁，一個蔥油雞撈丁，一份傳統舊式咖央西多和熱奶茶。等野食黎之間我們發現這裡已經盡用店內所有空間，所以真係好逼，如果係熱天都幾煩。跟住後面又突然「隊」兜野落黎就算，但其實同一張台可以好多人都等緊果樣野，所以唔知既話可能拎左人地果份食左先都唔知。後來我們的食物終於送到，第一口嚐蔥油雞撈丁，什麼味？當然就是蔥油味。那即是平時用蔥油撈飯果種味。不過一丁麵碌得剛剛好，加埋一齊係ok，但真係無咩特別，包括d雞。跟住心多多撈一丁就係五香肉丁+一隻煎蛋+幾隻雞翼。呢個就更加無咩特別，都係肉丁果種味，以咁既價錢，其實就算中環都有好幾間普通茶記食到咁既撈丁。食食下d麵已經凍哂..店內開了很大冷氣。然後食咖央西多，呢件就真係幾好食，內暖外脆，加埋杯香滑奶茶，終於感覺到傳統茶餐廳的味道。

就快晚上七時，經過『蘭芳園』，決定入內晚飯，剛瀏覽餐牌時，阿姐就介紹主人與奴隸獸食下午茶餐。難得在這個時候還有下午茶，於是就點了：傳統舊式咖央西多+ 奶茶（HK$22.00）：已有十多年沒有食咖央，清淡的班蘭葉味道，令主人回憶起兒時食的早餐，雖然味道不是很特別，亦食得很開心。奶茶香滑，令一向對奶茶沒有太大興趣的奴隸獸亦讚不絕口。真是奇怪，掂解食晚飯變食下午茶餐？？P.S. 友人告訴我們中環『永樂園』下午茶餐到晚上七時半呢。

提早收工，逼個朋友仔陪我去食雞扒撈丁，雞算滑，但個汁就無麼特別啦～除左俾葱油外加甜醬油，出前一丁煮得太淋，吾夠彈牙。而奶茶就茶味偏重，搶過所有奶味。價錢方面佢算係高價的茶記ＰＳ：奶茶有小強

叫左個"界young"西多同奶茶。兩樣都好正﹗個西多好熱呀，入面鬆軟，外面脆脆地，加埋d牛油真係好好味奶茶出色唔單只香仲好滑好滑好好味見到好多人食撈丁但係太飽..... 唯有下一次黎食啦

Arrived at 11:50pm. 見到menu有個嗰名抵死嘅歺: 「慳啲洗歺」(11:00am-12:00noon). 其實都要30大元。有五香肉丁通粉、厚多士、奶茶。五香肉丁通粉:肉丁& 湯OK, 惜通粉太淋!厚多士:I ordered 奶油多，不俗，包都算新鲜，沒有"慷"味，但有..how should i say...麵粉香。奶茶：第一兩口覺得名過其實，但越飲越喜欢。它勝在茶味濃、亦滑；喜欢奶的人會嫌不夠奶，亦正因此，它不會"笠"ロ －恰到好處!!!多士跟奶茶, 絕配!順帶"賣廣告": 愛奶茶的朋友，請看我在"長沙灣新華茶餐廳"對幾間馳名/特色奶茶的比較。

星期日去到蘭芳園見到好多人仲唸住去第二到食但係個老闆話等一陣就得開頭都唔係好信不過等左5mins就有好快手..... 仲有d怕食唔切tim我叫左個雞扒撈丁同奶茶飲個塊雞扒真係好好味煎到好香奶茶仲好滑好香星期日咁多人都有咁既水準蘭芳園真係有料到仲有最開心就係唔使急住食d野食又黎得快伙計又有禮貌又好招呼only 30幾蚊超好有機會再黎食!

星期日，本來想去勝香園，但原來該店星期日休息的，於是去了次選蘭芳園。來到，全店滿座。等了一會就有位了。點了馳名蔥油雞排撈丁，番茄薯仔豬排通，同埋侍應極力推介的樽裝冰鎮奶茶(佢話樽裝奶茶係星期日才會供應，來到一定會試)。其實，蔥油雞排撈丁同番茄薯仔豬排通都好普通，可以一試。不過，奶茶真係好正，非常掂，有茶味，奶量同甜味適中，份量剛剛好，飲到吊晒癮，不枉侍應極力推介。有機會一定會再試這裡的奶茶，真係好回味。(食物得3分，奶茶5分。野食其實偏貴!!!!)

早餐吃了蕃茄通粉和多士﹐很喜歡他的蕃茄通粉﹐很開胃﹐個同仲有薯仔﹐真材實料﹐會再去﹗

星期四放假，終於有機會可以黎呢度試下喇﹗見個個都講到呢道0的撈丁有幾好食，當然就係叫招牌菜雞扒撈丁，味道其實.....不過不失吧，雞扒煎得香口，充斥住薑蔥油的味道，是幾特別的，但驚喜就好似少左0的咁囉﹗好味既係呢度既豬扒包，包皮不是硬豬而是軟豬包，上台暖暖的，豬扒不算大件不過肉汁夠，最重要係裡面有0的好似叫做他他汁既醬汁，令食落酸酸甜甜辣辣的，好味道﹗奶茶係幾香呢，乜唔係無冰架咩？不是太大驚喜，但整體當然合格有餘﹗

我也是老蘭的常客喇。豬dum兜撈丁真是百吃不厭。我通常是星期六或星期日去吃午餐。逢星期日只有新鋪營業，舊鋪不開，而且無論是樓面或廚房的班底好像跟平日也不一樣，所以同一道菜在平日和在星期日連樣子也可以完全不同。所以各位對食物的形容可能會有點出入。其實我覺得各有各好吃啦- 比如我至愛的豬dum兜撈丁星期日會多汁點、豬dum兜切得薄一點；也好啊。