蘭芳園 (已結業)

看完猛獁象，感覺上上了一課的是我們四個大人而不是小朋友。而且不經不覺，也到了下午茶的時間。IFC一是貴，一是人多，要想找一家價錢合理又坐得舒服，行去又唔駛日晒雨淋的，就立即想起信德的蘭芳園。一家人，歎奶茶食包仔，古早代的香港人生活，就是這樣的如意。室內環境不拍了，因為自從去過了尖沙咀的分店後，此蘭芳園同彼蘭芳園其實是相同的，對於這一種懷舊feel，(也許我用語要潮D)那些年feel，已經不再是驚訝，不再覺得有什麼特別。好奇的只是老爸，好像懷念舊世紀的人細路咁，周圍參觀。我就著重於食，所以是次的到訪，不會著重去評環境裝修，我主要點評的，是這兒的食物。此店有一個大大的，吊滿了燒味及潮式打冷的味部。老爸看了靚叉燒，回來立即叫食一份叉燒瀨粉。瀨粉爽滑，叉燒是真的的蜜汁叉燒，顯明是瘦的叉燒肉，舊舊都十分之腍，好過好多酒樓燒臘店。 太太要了一個奶油豬，豬仔包外面脆，肉心方面依然是軟綿綿的。煉奶香，麵包香，保持到老店的水準。她要的紅豆冰，粒粒起沙，椰汁香甜，也是不錯。 我就來了一個牛脷包，包是漢堡包的包，芥末，芝士同厚厚的牛脷，感覺像

是日過大海, 發現原來碼頭旁邊開左蘭芳園一直好喜歡舊蘭芳園的撈丁同奶茶, 見到佢有間新舖即刻決定試下佢的早餐佢的裝修好有特色, 好有大排檔同懷舊風味早餐無撈丁, 友人點左茄湯通粉, 而我就點左兩餸出前一丁餐餐飲大家點左蘭芳園最出名的奶茶友人的茄通我無試過, 但係佢的comment係麻麻地, 唔多好食而我的一丁麵亦都有點失望, 因為佢唔係真的出前一丁麵係一般茶餐廳的即食麵, 當然亦無附送麻油, 麵身唔爽, 亦唔彈牙不過最失望的都係佢的奶茶之前試過蘭芳園的奶茶係會有奶茶冰冰, 等D冰溶左唔會溝淡杯奶茶但係點知我同友人的奶茶都係無奶茶冰冰, 可能係因為早餐的關係呢個早餐真係好失望... 好掛住舊蘭芳園的奶茶~~~

從前和Honey到過結志街舊店幾次，人越來越多，食客堆在狹窄的小街等，自從信德中心店開張，我和Honey就轉移地點。由舊店光顧到新店，是因為Honey喜歡的「蔥油鷄扒撈丁」麵質太稔，失去丁麵原有啖口的特點，甚至連出前一丁那麵粉香都沒有，跟一般光身麵無異。鷄扒不入味，也沒有即煎的香脆。新店跟舊店相比，太令人失望！另外我點了「石斑喇沙米粉」石斑實，蛋又老！唯一仍OK的，只有奶茶和奶油猪只是OK而已，坊間好多茶餐廳都做到。作為食客光顧一間茶餐廳，當然不能要求食物質素超高，但作為一間出名的老店，連旅遊書都會向海外旅客推介的，如此食物質素實在令人汗顏。最令食客不滿的，是侍應的服務態度：serve我們的一位叔伯級阿哥還好，serve對面座較年輕的阿哥就令人看了也大，對面座食客甫坐下，還來不及看餐牌(桌上4、5張餐牌)年輕阿哥就不停問什麼，窒了又窒說：你唔講食乜我都帮唔到你格！」態度極惡劣！

11月27日, 今日要去上環搭直通車北上~ 時間緊迫, 所以去咗信德搵食. 呢度近年都新添咗好多食肆, 我地要食得快, 又唔想食嗰d連鎖快餐, 見到呢到有蘭芳園又唔洗等位, 就入去食下好耐無食嘅撈丁啦!::: 豬泵兜撈丁配叉燒汁 + 凍奶茶 :: $42 + $2叫咗個普通中名字又帶點玩味嘅豬泵兜撈丁食下~ 其實豬泵兜唔係好似豬天梯嗰d咩特別部位, 只係豬頸肉, 不過都叫燒得幾惹味, 而且唔會咬落成口油咁啦! 叉燒汁甜甜地又帶少少辣, 同豬頸肉都夾到~ 其實呢度最出名嘅係蔥油雞扒撈丁, 呢個撈麵雖然無雞扒但都有一pat蔥油比你試下. 不過其實個撈丁已經有叉燒汁, 再加蔥油味道實在有點過濃, 同埋兩隻汁加埋有d膩… 再加埋個份量唔少嘅丁麵, 食完真係超飽!以前中環店凍奶茶其中一個特式係用奶茶冰, 咁個奶茶就唔會因為溶冰而越飲越淡. 不過今日一落單侍應已經提醒我地無奶茶冰用番普通冰… 唔知係咪心理作用, 硬係覺得呢個凍奶茶無咁好飲, 雖然茶味都夠濃, 但就奶味不足, 同埋都有少少稀…::: 滷水豬肋骨撈丁+ 熱奶茶::: $42豬肋骨其實即係豬軟骨, 肉地都幾夠淋, 可惜個滷水汁味唔夠重,

其實這一天真係想不到會往澳門遊玩,其因母親前一天晚上才提議不如去下澳門,反正自己都二,三年沒有去過,順便散下心又可以陪下她,來到上環距離乘船還有一段時間可以吃下早餐,吉野家味千等又好似不是母親口味,自己想不起這裏也開了一間蘭芳園,坦白講中環那間真的不濟,但沒有辦法下就坐下速速吃過早餐,除了煎蛋腸仔等基本ABC餐外,還有豬仔包,豬扒包等供應,差不多三十元一個早餐,都幾貴.問過售完豬扒包,唯有轉食咸牛舌麭,母親就選豉油王炒麵配粥.檸檬茶目前為止令我覺得較為好一點就是早前在嘉華咖啡小食出品,這裏沒有什麼茶味,連甜味也欠奉.都不濟的檸茶!牛舌麭把它一開二,擺放得蠻整齊,吃落麵包凍的,看來不是烘過,牛舌不致凍,只有少許暖,不過配上芝士還算夾得來,這客包不難吃,但未致要付二十七元.粥我沒有吃粥,只有母親一人吃掉,不過把肉分了給我,用上雪藏雞中翼,我都不知給什麼反應好!不過都有少少心理準備.沒有什麼味道最後的炒麵不提也沒有影響,這一次都不算是中伏,因為以前都略教過.吃完看著股市下跌.心中不是味兒,乖乖走入閘口準備去澳門更好!

不經不覺蘭芳園位於上環信德中心的分店已經開業差不多一年一向蘭芳園令人印象深刻莫過於其豬扒撈丁,絲襪奶茶,豬扒包，有別於中環老店以及尖沙咀分店，上環分店有廣東燒味與潮州打冷供應，而且燒味燒味師傅更來自大酒店，老闆一家也是潮州人，因此，縱使售賣燒味和潮州打冷是其初試蹄聲，我們也有一定信心是晚原打算在上環孖沙街找晚餐，但仍是新年時節，很多食店還未開門/提早關門老公仔忽提議到信德中心碰碰運氣，看到蘭芳園還是燈火通明，今回有運了！新店子，懷舊的裝潢，與尖沙咀分店相近，摺櫈上遇印有"芳"字不吃撈丁，是晚決定和老公仔來個打冷夜!五十八元的蠔餅，份量較平日吃到的厚而大份外表鬆脆，而且不油膩蛋漿滿滿的，吃落富蛋香味，老公仔愛吃蛋，寧捨滿足！蠔仔份量亦不少，蠔味鮮香濃郁用中型的湯碗盛著蠔仔體至較細小，味道卻鮮味吸引，蠔仔沒有腥味米粒煮得恰到好處，不至於得過稔，吃起來有咬口，質感不俗還有肉碎木魚等配料，味覺享受豐富吃第一口感覺較咸，滷水汁的確比一般的打冷店較濃且咸只要沾少少汁就能提升大腸鵝腸的鮮味大腸鵝腸質感彈牙有咬口，還透出陣陣羶香底部有豆卜和芽菜，份量適中店員見到所有食物送上，就給我倆每人一碗是日例湯-

赶去爬山,先过来这里打个底. 由于吃过了一些早餐,点了我最爱的丝袜奶茶: 香浓顺滑,几乎是香港最好喝奶茶.西多士: 煎的刚刚好,配上炼乳,滋味无限.非常满意的一餐 .这家分店似乎食物质素保持总店水准,但是环境要宽敞光亮的多,以后可以转战这里.

我第一次幫襯上環信德中心嘅 <蘭芳園> 時，已經發覺其中一款早餐係芝士咸牛脷包，一直想搵機會試！ 過咗一排又忘記咗！ 好嘞！我終於記得去試吓！ 平日早上，同星期六都一樣咁多人！ 店員好快走埋嚟問我要咩？芝士咸牛脷包 (早餐) $27一個細小嘅嘉頓漢堡包，一分為二！當我用支叉分開兩邊時，熱熔咗嘅芝士好像藕斷絲連！ 除咗一塊芝士之外，仲有兩塊大約 1cm 厚嘅牛脷，係脷疊脷架！ 牛脷質感外爽，內軟腍！但係，食起嚟嗅到些少臭味！ 都係試一次算嘞！可能製作過程不太衛生！唉！想起都有點嘔心！ 漢堡包烘焗過，鬆軟美味！ 包身塗上牛油及沙律醬，更增添滋味！同時可掩蓋牛脷那一陣...異味！紅豆冰 ( +$5 ) 其實，朝早唔應該飲凍嘢！因為，會傷腸胃！ 我見附近枱嘅食客絕大部分都係飲熱飲！不過，我真係好耐無飲嘞！紅豆冰嘅紅豆與淡奶，份量平均！ 紅豆夠大粒軟腍！整杯唔會太甜！味道一流！ 雖然冰粒不算多！但係飲到七七八八，仍然幾夠凍！讓我尋回兒時久違了嘅味道與回憶！

離岸前先來這邊吃一頓早餐，畢竟在信德的選擇，這裡已經叫做最不普通，而且其他地方都要等位，反而這裡真入，是因為位處高層，旅客早就被下兩層的截擊了? 大比吃的是早餐A，火腿通配腸仔煎雙蛋；小比一年也吃不到三次茶記早餐，所以興趣特別大，要了咸牛炒蛋配奶油豬。火腿通配腸仔煎雙蛋[$24]: 火腿、腸仔、蛋，有甚麼好評?對比連鎖快餐店，這裡的火腿用量原來已經很多很多，機械式煎蛋也煎得出一手好蛋，邊位脆身金黃而蛋黃安全無穿，放一隻蛋在通粉中刺穿蛋黃，更惹味。咸牛炒蛋配奶油豬[$24 + 2]: 很喜歡加$2轉奶油豬的選擇，至少像吃到蘭芳園的半招牌作，與對座的一同來，但自已一份烘得不及對面的金黃焦脆，但底面都已經很乾身，一咬就很多薄薄的麵包皮掉下，加上牛油煉奶份量足，差點忘記一會落船又要瘋狂吃一天，幹麼吃得那麼飽~!? 咸牛炒滑蛋，滑蛋有點奶滑，好喜歡這個組合，因為咸牛份量夠多，不會一口死咸，一口無味。熱奶茶: 來蘭芳園不喝奶茶總有點不安，茶味濃但奶不夠滑，中規中矩，是否分店之差別?大家看似很忙，但吃完早餐看報等上船的人也很多，店員也沒有給予壓力離開，有點與一向對蘭芳園的印象大不同，起行了。

去澳門前食個早餐先~~上年黎既時候呢間鋪仲裝修緊~~有人話呢間野既豬仔包好好食梗係要試下啦~~入到去有好懷舊既裝潢~~仲有懷舊摺櫈 (相)一人叫左一個餐個餐係包豬仔包 或 厚多士~咁梗係一人叫一個試下~~腸仔蛋個d唔講啦~如果唔好食就真係要彈啦...不過都ok好食~豬仔包好味, 熱辣辣, 鬆脆...正!!厚多士相對冇咁好食添...但如果唔係對比既話就very good! 兩個人夾埋食左$50~

一直想試不過無機會~今次終於試左!叫左個SET $42, 有好幾個配搭,我揀左:沙O爺牛肉通+ 奶油豬仔包+熱檸茶通粉太"淋" , 唔好食!牛肉OK啦!奶油豬仔包 嘩嘩嘩, 勁脆勁好食!!!!!!!!!!!!!!!有機會一定會再去!

因為同客人去澳門工作，所以約係蘭芳園等，待應都好有禮貌的招呼，都吾介紹我得兩個人坐晒成張卡枱。客人話佢要試下叉燒汁豬泵兜撈丁，聽過名好奇怪，咪向個待應查詢下到底係咩，佢笑笑口答我話其實係豬頸肉，所以叫左兩碗，客人再要一杯熱奶茶，自己就選擇熱檸水。兩碗撈丁嚟到時，賣相都吾錯，麵身都夠淋，不過豬頸肉就鞋了些，但好彩有叉燒汁同係麵上加左些䓤蓉，令整碗麵不太乾身，而且入口尚算滑口。至於兩杯飲品，客人說他的熱奶茶很香很滑，而我那杯熱檸水就沒有澀味，而且很香的檸檬味。食完後都好滿足，所以有機會一定會去再試，而且要到他們的老店再試。。。^^

曾幾何時覺得這裡的奶茶係幾穩陣，近年水準就有點飄，今次再幫襯，水準跟以往既落差真係實在太大，真係唔知係分店既問題定係點。其中一個要全日餐，有蘑菇奄列跟個豬扒包。蘑菇奄列都可接受，係份量少了點，呢個年頭，係這樣。個豬扒包，切開上就夠窩心，不過一拎上手包係冷凍凍，豬扒幸好都叫做熱，豬扒偏硬了點，應該可以做得更好。跟餐的凍奶茶，冇奶茶冰都算數，杯茶係冇茶味，似奶水多一點，這水準真係好耐冇試過，而家好多茶記既茶啡都有一定既水準，這杯真係唔收貨。奶油豬，係最好的一款，烘得熱脆，奶油下得夠闊綽，係食得滿意的。只有奶油豬好，奶茶我真係接受唔到，要再黎，真係要睇下其他人對這裡的評價。

見信德中心開了間蘭芳園,之前在舊鋪食過都ok啦! 見有時間咪試吓呢間.叫咗個早餐,有火腿通粉,雙蛋,腸仔. 火腿通粉: 通粉勁淋, d配菜紅蘿蔔黑色架 雙蛋:煎熟哂,又唔問人要咩蛋,鬼知你煎到咁熟咩!: 腸仔 : 都唔知咩腸 D味怪怪地,又唔無煎過,勁難食呀. 杯檸檬茶就係最正常架!收人$26元連麵包都無一塊,不如到樓下間餐廳比貴少少好食過佢好多囉!好不滿意吃完一餐,想走時,見對面位先生叫咗個沙爹牛肉麵,睇吓會唔會好D啦! 都係唔係好架啦,d牛肉乾兼唔熱囉,唔會有下次呀. 如果佢唔係開係有利位置咁多遊客幫佢撐場執緊啦!

果日收工, 專登同男友去信德中心試下個雙腸熱狗...但唔知係咪佢d醬我唔岩食一重係覺得怪怪地.........食落去個包又唔係好夠熱....連我男友係一向好鍾意食熱狗, 都覺得麻麻地~試一次算lu..反而我0地叫左個豬扒包....意外地好食好多, d豬扒好有肉汁味~不過十幾蚊黎講, 都幾細個....另外, 收銀果個男人反而我覺得幾nice....我果日去之前買左杯果汁, 但未飲哂...問收銀果個可唔可以拎埋入去..佢都幾nice咁話..好呀好呀..拎啦..睇下有咩岩食..慢慢睇~