蘭芳園 (已結業)

我放完 4 日長假，今日返工。見到上環信德中心開咗<蘭芳園>，對我嚟講夠就腳！ 喺 KFC 樓上，澳門賽馬會隔離，鄰近東橋；日後去澳門之前，可先到此嘆港式早餐！呢間新店門面幾大，比較尖沙咀重慶大廈分店較大！但係圓枱之間缺乏空間，卡位確實不多！ 仍保持懷舊裝修，有三角扇、街市見到嘅紅色吊燈。如果留意一下摺凳，全部都有「蘭」字，代表蘭芳園，別具一格！供應一般茶餐之外，還有潮州打冷及廣東燒味。早餐 ( 7:30 ~ 11:00 供應 ) 由 $22 ~ $27 不等，價錢大眾化！既然 SMASHING PUMPKINS 師兄覺得番茄薯仔湯通粉唔好食，加上同枱食客都覺得係罐頭湯貨色，不試也罷！金牌豬扒包早餐 $26 ( 單叫 $17 )可見用上嘉頓麵包，烘過後仍略帶微溫，包質鬆軟；切開一半，方便食客進食，真周到！揭開個包，包裡面搽咗沙律醬，豬扒份量不少， 不知道豬扒煎好後，放咗幾耐，已經灘凍哂！ 沒有加入鬆肉粉，又夠入味，真好食！ 豬扒下底有一塊番茄，番茄與包之間搽上些少牛油，整體味道確是不錯，只是豬扒有點失色！熱杏仁霜 ( 單叫：熱飲 $15 / 凍飲 $17 )儘管天氣有幾

在中環賣絲襪奶茶出名的蘭芳園，是我早年喜愛的食店之一，最愛撈丁之外，亦愛番茄薯仔湯。由鐵皮檔做到在隔離開店，再開到去尖沙咀，今天更在港澳碼頭落戶，因為地理上處於優勢，令到更多大陸客認識這個飲食品牌。與尖沙咀活方店一樣，以仿古為主要色調，為懷舊而懷舊，得出來的感覺還是有型無神。早餐時段人山人海，撈丁還是十一點過後才有，這次來到新店，又是吃個例牌早餐，也是番茄薯仔湯，奶油豬仔包，加凍奶茶。新店的凍奶茶，不是用奶茶冰。味道帶甘，但很奇怪是茶味極之薄弱。有點後勁不繼的感覺。奶油豬仔包夠香脆鬆化，已是取勝之道。一向是蘭芳園第二最愛的番茄薯仔湯通粉，湯底做得比老店的杰身，而且帶點吃沙感。至於味道就一致地死酸，很人工化的味道，還吃到一點點薑味，非常之奇怪。當你見到昔日其中一間最喜愛的食店，由小店做到幾間分店，名氣越來越大，會替它高興？抑或搖頭嘆息？有點擔心這個老字號，因擴充過度而最後晚節不保。當一間食店越做越大的時候，便開始去想到其他方向，例如開拓新客源，如今大家可在蘭芳園打冷，吃燒味。是進步？是墮落？好像沒有一定的答案。