蘇杭冰室

营业中

休息中

有間冰室，似乎好受歡迎，要拜會佢就要過海，但終於有好消息旺角原來都有一間，唔使捱貴車費食佢喇好少地方會有三拼滑蛋飯，而且價錢同雙拼一樣，當然係要一次過食叉燒、滑牛同蝦仁啦！三拼感覺協調之餘，更各有千秋。蛋滑、牛滑、蝦滑、叉燒亦滑，太黯然喇芝士撈麵同樣出色，芝士多得嚟又唔會膩，同麵嘅份量好平衡加上最佳拍檔吉列魚柳，毫無負擔咁KO咗成碟撈麵豬鞍火候唔錯，肥瘦剛好，蔬菜都燒得好有火氣，意粉幾香牛油味另外碗白湯加咗啲粉絲，口感提升咗梳乎厘pancake軟度啱啱好，空氣感十足，抹茶蕨餅同醬都超足抹茶粉，澀得相當刺激呢度嘅飲品竟然係玩fusion，可謂大膽。班蘭同紅豆冰居然可以共處一杯，紅豆同濃郁嘅班蘭醬夾到無倫本以為藍莓奶茶一定係藥水味，點知茶味勁出，又不失果香，原來真係咩都有可能

📍 餐廳：蘇杭冰室 (旺角)地址：旺角豉油街60-104B號鴻都大廈地下9-10號舖1️⃣招牌炒蛋及芝士汁撈公仔麵．$54跟餐叫咗塊雞扒，另外加咗$5，升級芝士炒蛋。招牌炒蛋炒得好嫩滑，蛋味香濃，真係好好食。芝士汁都好creamy，成個餐感覺都幾豐富，味道亦唔錯👍👍2️⃣蔥花滑蛋三拼飯．$60比較少見可以咁樣三拼，有牛肉、叉燒同蝦仁😎牛肉好滑溜，有牛味🐮叉燒味道都OK👌👌蝦仁夠大粒，爽口美味，鮮甜彈牙👍👍3️⃣班蘭紅豆冰．跟餐加$20班蘭味道嘅紅豆冰，我真係第一次飲。班蘭味道濃郁，底下嘅紅豆亦都好多，但飲落甜咗少少🤏🤏4️⃣蘇杭滿滿水果茶．跟餐加$20入面都真係幾多生果，味道都幾清新，味道唔會好甜👌👌

最近睇左本雜誌介紹，旺角有間餐廳係酒店大廚做主廚，有好靚既西餐，仲有水果茶同埋甜品喎👍咪一站式😜👏👏👏一於今晚試下😅 你知啦。。。平時旺角搵位食嘢真係有啲難嘛🙄 飲杯台式飲品要排隊，食飯要排隊，食甜品又要排隊喎😅 今日就慳返好多時間喇😝 先叫杯水果茶先滿滿水果茶正如其名😅水果茶份量真不少呢，滿滿好足料：士多啤梨，藍莓，桃，火龍果，橙～ 主菜食軟殼蟹忌廉汁天使麵 原隻軟殼蟹，天使麵麵質幼細，忌廉汁香濃，好重芝士味，好creamy,口感一流👍 蘑菇黑椒汁牛脷焗飯黑椒味好濃，夠辣😋牛脷厚切，有口感👍快餐店價錢，有如此質素值得叫埋朋友再嚟食😅 加$20就可以飲特飲緊係叫多杯班蘭紅豆冰啦～班蘭做甜糕就食得多，班蘭紅豆冰第一次飲咋，估吾到又幾香喎👍 好少茶餐廳都有甜品食，仲吾只一兩款添喎💯 火焰雪山面頭鋪左藍莓，士多啤梨，香蕉～真係外暖內冷，面嘅蛋白霜味道清新，甜而不膩，裡面有海棉蛋糕同雲呢拿雪糕，兩個人你一啖，我一啖，真係爽呀😅 鮮果法式焦糖燉蛋焦糖夠脆燉蛋香滑 今餐真滿足，食得飽飽，甜甜蜜蜜💖

蘇杭冰室開到黎旺角，梗係要試一試佢！聽講旺角仲新增咗好多唔同嘅食物同飲品，今次基本上都係叫啲上環分店冇嘅菜式。低溫三文魚柳華道夫沙律$98三文魚味道好香，因為佢經過低溫處理，可以保留嫩滑嘅質感及水份，側邊都有好多沙律菜同埋花生，nuts，健康又清新。依啲三文魚自己整唔到，值得推介！卡邦尼意大利粉$88呢款都好正，中間有溫泉蛋，可以切開佢，成個意粉都充滿卡邦尼汁，裏面嘅粉充滿水份但係唔會太淋，質感相當creamy，一粒粒煙肉+火腿碎，提升鹹香層次。藍莓芝士梳乎厘pancake $98日式pancake需要等一等先有得食，所以我哋都好醒目咁提早order，梳乎厘pancake質感相當鬆軟，好似一舊雲咁soft，而且上面嘅cream都係非常鬆化，原來係自己手打，問一問店員原來用咗日本奶，唔怪得咁好食！藍莓仲有一粒粒藍莓同埋藍莓醬，成件事好match。藍莓燕麥奶茶$36水果茶$38（兩杯飲品配合食物就各加$20 only）飲品方面我哋都揀咗一款藍莓飲品同埋水果茶。燕麥奶茶最近都好興，適合未必啱飲奶嘅朋友，味道都好特別；我就特別鍾意我個杯水果茶，裏面有好多材料包括士多啤梨、火龍果、橙、藍莓、士多

餐廳環境好新淨 夠光猛全部都係卡位好闊落坐得舒服最估唔到係呢度都有西式扒餐平時茶餐廳都係食開港式扒餐膽粗粗試一試佢 點知真係好有驚喜碳烤羊扒 $168羊扒鮮嫩多汁 肥瘦適中又夠厚肉 碳烤完外皮有少少焦脆好香口揀咗配薯菜 薯條份量都好多仲要熱辣辣新鮮炸起好香脆天婦羅軟殼蟹忌廉汁天使麵 $78軟殼蟹好新鮮 咬落外脆內嫩 有內汁唔會乾爭爭外皮酥脆唔硬 面頭仲有大量紫菜天使麵好掛汁 每一啖都食到滿滿嘅忌廉汁士多啤梨梳乎厘班戟 $98梳乎厘pancake好軟熟賣相夠靚 面頭有一大Pat cream中間有甜甜嘅士多啤梨醬一啖咬落去好滿足仲有香蕉士多啤梨同藍莓伴碟羅宋湯都好好飲 仲有好多材料 椰菜 薯仔 紅蘿蔔等蘇坑滿滿水果茶 +20水果茶入面有好多唔同種類嘅水果有士多啤梨 藍莓 西柚 火龍果 橙 同埋奇異果香桃烏龍茶+20香桃烏龍茶好香甜另外值得一讚係呢度嘅職員服務都非常之好 好細心又有禮貌 好主動殷勤 冰室嚟講呢度係我食過服務最好嘅餐廳👍🏻

今日同同事一行四人去食午餐叫咗一個常餐沙嗲牛肉米配豬仔包炒蛋火腿米粉好林沙嗲牛肉係正常茶記水準反而豬仔包好驚喜，趣及香一個標準午餐龍利柳蘆筍白汁意粉上碟嘅時候見到份量好細唔明白點解要用一隻咁大隻嘅碟白汁同埋魚少少凍凍地不過都係標準午餐正常質素令人最驚訝嘅係蘆筍同牙籤一樣幼🤣🤣一個招牌滑蛋叉燒蝦飯呢個擺盤方法有啲奇怪嗰個份量其實可以叉燒好食，蝦正常一個全日早餐呢個就最失望麵包唔係牛角包漢堡扒好簿好簿同圖片相差太遠喺出面望入去，同埋坐位舒服，都好光鮮好靚。服務員好似好新手，行過幾次都搵唔到我哋張枱。

今晚在旺角睇完戲，見到這間新開又光猛的餐廳，順便入去食晚餐。餐廳晚市除了有西式扒及意粉外，還有冰室特有的茶餐及焗飯等，價錢都是四十多元起。周打蜆湯有粒粒蜆肉，西湯濃稠，忌廉味濃郁。低溫三文魚柳華道夫沙律以青蘋果及西芹配搭千島醬，青蘋果酸甜爽脆，十分開胃；三文魚以慢煮方式煮熟，保留了原汁原味，三文魚很嫩滑。招牌炒蛋及雞扒芝士汁撈出前一丁炒蛋幼滑但又不會太油膩，芝士汁不會太濃稠，拌入出前一丁內，味道濃郁較飽滯，雞扒煎至焦香，肉質嫩腍。焗豬扒意粉意粉不會太腍，表面舖滿了芝士，芝士焗至變金黃色，番茄汁酸甜惹味，豬扒是薄切，肉質很腍。班蘭紅豆冰淡淡班蘭香味，及上椰汁香，紅豆煲至爆開且腍。

係旺角蘇杭冰室，有別於以往只係食常餐、炒粉炒麵，沙發位坐得舒服，食物種類多西式意粉扒類、中式特色撈麵滑蛋飯焗飯意粉、仲有甜品梳乎厘等。.炭烤西班牙有機豬鞍扒 $158睇相都知呢塊豬鞍扒烤得出色，外層有炭烤香味、中間豬肉有肉汁而且肉質有口感，感到冇用梳打粉之類醃製；配以既雜菜都係烤煎過。.天婦羅軟殼蟹忌廉汁天使麵 $78呢款意大利粉我係西餐廳成日叫，估唔到呢度都做得不錯，一大隻天婦羅軟殼蟹，紫菜絲加上用忌廉汁煮成天使麵，簡單而好味。.麻辣蝦球撈麵 配 炒蛋 $58呢款麻辣撈麵真係好岩鍾意食辣既朋友！因為佢既香、麻、辣醬真係令人食唔停而口腔又刺激到少少紅腫，正！唔好少左炒蛋，好滑好重蛋香架！.原味蜂蜜梳乎厘班戟 $68食完辣野最岩食甜品中和番，呢款梳乎厘班戟好鬆軟，入口即化，而蜂蜜同忌廉又唔會好甜，有專業甜品水準。.特飲蘇杭滿滿水果茶 多款新鮮水果粒沖製而成既水果茶，用料十足，飲落充滿果香。

旺角新寶戲院隔離開左間新既餐廳，遠睇已經見到好光猛同好大，我地8:00去到，好快就有位睇佢menu見到有非常之多野食，多到啲字都排到密密麻麻，都唔知食咩好我哋最後揀咗Menu推介既食物：麻辣肉丁煲仔麵餐炭烤阿根廷穀飼肉眼牛扒相片是不會呃人，睇吓有幾多肉丁係面，鋪滿晒㗎 ！仲有仲有，個煲仔麵真係超級辣，到我出晒汗！肉眼扒，之前有個忌廉湯比你飲左先，我扒煎得好靚，我叫五成熟都啱啱好，唔會太生唔會太熟，薯條仲好好味添甜品方面，我地嗌左：奶醬多梳乎里班戥奶醬多賣相好靚，而且係厚多，花生醬仲要有粒粒好好味原味梳乎里班戥，真心估唔到茶餐廳都有咁精美既甜品，仲要好食，真係好令人驚喜飲品方面，唔知係咪新開張呢，去社交平台讚好個post有杯烏龍蜜桃茶送，唔太甜幾好味

發覺旺角開咗好多新嘅冰室，今日收工就同女朋友食呢間蘇杭冰室！望住個餐牌，我諗我應該用咗10至15分鐘去諗自己要叫啲咩嘢食，因為真係有太多選擇，搞到我都唔知食咩好！最後我叫左牛扒餐，飲品叫左香桃綠茶，值得一讚嘅係杯野本身要加錢，職員主動提我只要讚好某社交平台就可以免費升級！牛扒大大塊仲要唔鞋身，再配埋即炸薯條熱辣辣，仲有翠玉瓜茄子等配菜，真係一個人都未必食得晒。另外再叫多咗個蕃茄海蝦意粉，有五隻海蝦，隻隻都好大隻，最欣賞係佢個汁，係我鍾意食嘅蕃茄汁，下次黎一定會再嗌！本身餐飲諗住叫凍檸茶，但都係比杯香桃綠茶吸引住，所以最後都叫咗兩杯香桃綠茶！食緊期間都見到好多人叫唔同嘅嘢食例如滑蛋叉燒飯，焗豬扒飯，個賣相都好吸引，決定下次嚟叫唔同嘅野食，食晒佢Menu其他嘢食！

聽講呢間冰室係前五星酒店主廚主理，好似唔簡單，所以試一試。其實menu又真係有別於其他冰室，感覺多好多西餐選擇，今次揀左港式嘅蔥花滑蛋三拼飯（$60）、日式嘅鰻魚炒蛋飯（$68）、西餐嘅炭烤羊扒（$168）、蘇杭滿滿水果茶（+$20）&原味蜂蜜梳乎厘班戟（$68）。蔥花滑蛋三拼飯好岩我選擇困難，可以一次過滿足晒三個願望，有齊蝦仁、牛肉同叉燒。當中叉燒係半肥瘦，牛肉都唔會韌，蝦都幾大隻，而蛋都炒得幾滑嫩，成件事好夾。鰻魚炒蛋飯，個汁真心出色，好濃郁，配上鰻魚同炒蛋飯好開胃。炭烤羊扒就揀左配蒜蓉汁，真係做到七成熟，而羊扒食得出用明火炭烤出來，好香煙薰味，配上香脆薯條真係無得彈。水果茶好足料，水果都好新鮮，當中係熱情果味最出。原味蜂蜜梳乎厘班㦸真係普通茶記唔會有，班㦸唔算太多空氣感，係較實，但都鬆軟，配蜂蜜都不錯。

呢日放工同好朋友黎開餐！！一向佬味十足既好朋友最愛食港式茶記～所以呢日專程同佢過黎呢間新派冰室既新分店，可以一齊坐得舒舒服服咁食佬飯xppp好朋友一坐低就揀好要滑蛋叉燒拼蝦仁飯，而我就想食西式野，係意粉同羊架之間諗左好一段時間……最終以燒羊架勝出xpp燒羊架會配上是日餐湯，呢日係滑滑既忌廉湯～羊架一份三件，燒得都唔錯，食落唔韌亦夠香！伴碟既薯菜仲係我好中意既香脆炸薯條添😆😆😆好朋友既滑蛋蝦仁叉燒飯都好吸引！！！蝦仁同叉燒份量都唔少，亦唔會碎濕濕咁～炒蛋食落仲的確好滑溜溜=]呢度除左食物多元化，仲有好幾款特飲添～我呢杯係 蘇杭滿滿水果茶，整杯加入不少鮮果！飲落酸酸甜甜咁，好岩喺夏天呢啲咁悶熱既天氣飲～我地見到隔離檯既甜品好正咁，我地都忍唔住嗌左一份疏乎厘班戟同焦糖燉蛋一齊share 🥰🥰兩款甜品既賣相都好精美，而且食落既味道都會唔輸俾坊間既甜品店架！！！既可食到港式美食，又可以嘆下西式甜品，正～

平時最鍾意去冰室食嘢，因為鍾意佢夠多選擇，呢間新開嘅蘇杭冰室，選擇都非常之多連西餐都有， 所以今次就諗住試佢啲西餐。首先有天婦羅軟殼蟹忌廉汁天使麵 $78，軟殼蟹肉天婦羅嘅炸法令蟹身外脆皮薄多汁，一切開蟹肉勁juice，天使麵嘅忌廉汁味道creamy，幼身嘅天使麵令到每一啖都掛住忌廉汁。炭烤阿根廷殼飼肉眼牛扒$248肉眼扒叫咗五成熟，熟度啱啱好，有少少肉汁流出，炭烤嘅煮法令佢嘅肉質更加嫩滑多汁，有得揀飯意粉薯菜，而我哋今次就揀咗薯菜，係好脆口岩岩炸好既薯角。原味蜂蜜梳乎厘班戟 $68喺呢度仲可以食埋甜品，叫埋個班戟開心晒，有忌廉同蜜糖夾住班戟食，食完鹹嘢再食甜野最正。下次會嚟食埋佢其他冰室野，見到佢下午茶有個窩夫都勁想試！

An experience I’m never going to forget. I arrived almost at the end of the service hours, but I was offered to sit and dine in. I ordered caramel meringue, chocolate pancake and crème brûlée from their desserts section for $244. The restuarant is newly constructed and everything seems neat and clean. However, their food seriously needs brushing up. It was utter hideous food, which tasted literally like gasoline. (I left having barely eaten anything😢)

12點2到門外，入面都幾爆所以嗌外賣返公司食問左有無得送外賣，店員話有但依家係繁忙時間所以無得送一等就等到12點半先拎到我地見佢menu既滑蛋飯有3款揀牛肉，叉燒，蝦仁咁我地都係嗌最普通既滑蛋叉燒奇怪既係一個飯有豉油，一個飯無但佢既蛋係滑既同埋叉燒都好淋份量都多既嗌左2杯凍奶茶2杯都重奶味，但就勁多糖水，勁甜要自己加冰overall，新開黎講，呢間既滑蛋飯係出色既可能堂食會仲好味飲品就不用小冰，可能要小甜所以推薦鍾食叉燒炒蛋飯既一定要try呢間