蘇杭冰室

营业中

休息中

今次同朋友嚟試咗呢間蘇杭冰室, 最近先見到佢新開但係一直都未食過. 入面餐廳空間感充足, 又夠光猛, 環境又乾淨. 晚市食物種類唔算太多, 朋友叫咗個軟殼蟹天使麵加20蚊多杯蘇杭特飲, 我就叫咗個炭燒羊架薯條, 呢度啲扒餐like 社交平台會免費蘇杭特飲, 我揀咗個班蘭紅豆冰, 朋友叫左個西柚烏龍茶, 兩杯飲品本身都唔算太甜. 首先講開我個羊架薯條, 有三塊羊架, 特別係佢啲蒜蓉汁好出色, 唔係幾聞到有炭燒味, 但羊架算幾嫩滑. 朋友話佢軟殼蟹天使麵都幾好食, 有一隻軟殼蟹, 但係個麵份量就差少少, 如果係女仔就夠食. 食埋佢個甜品就啱啱好. 我覺得呢度個甜品好食過啲主餐, 尤其是我個梳乎厘班戟, 咬落去真係好鬆化, 但係又有班戟嗰種煙韌, 真係必食. 朋友食咗焦糖燉蛋, 都話好食. 至於價錢方便都幾合理對得住食物質素.

鮮奶限量供應，但味淡，懷疑有機會溝多左水，唱k鮮奶濃味過佢 碳烤阿根廷穀飼肉眼 牛扒1。太熟，做唔到5成熟，薄身同太燶2。配菜多汁，但太燶同過咸3。汁同薯條會另上，抵讚4。薯條似超市零食個種，唔係鮮薯味，唔好食 瑞士汁撈公仔麵配雞脾1。雞脾唔嫩滑2。汁太少，唔夠撈，蛋偏咸3。但麵質好食 葡萄西柚烏龍茶1。超少冰都係好多冰，好凍，敏感牙唔掂2。水吧話無得走甜，但唔算好甜，同果肉都多，贊🌝3。茶味淡環境：綠植，氣氛燈，白、綠、木色最後女廁好臭，唔掂👎🏻總結：食品十分麻麻，無下次，不值試

Fusion Hong Kong Style Restaurant🍽 Worth Trying❤️..港島區人氣冰室：蘇杭冰室開到黎旺角喇🥳唔講唔知 大有來頭，聽說由五星級Grand Hyatt 酒店前主廚👨🏻‍🍳 主理既港式Fusion 茶記，係旺角首間五星級3,000呎北歐簡約風冰室，小清新風格正正吸引平日好少食茶記既我去試試👻。餐廳以卡位為主，坐得闊落又舒服。而且可以平民價錢享用扒房🍴 & 甜品Pancake滋味🥞。仲有冰室常餐、首創麻辣菜式、招牌撈丁、招牌滑蛋飯系列，款款都好吸引啊啊啊。ll $158Butchery Pork Loin🐽 嫩滑有質素，配菜都一點不馬虎，滿滿炭燒香：秋葵、黃椒、蘑菇、青瓜ll $48大量肉丁🐽 秘製麻辣醬🌶，麵條索汁🍜 滿有麻香味。ll $60蔥花蝦仁+半肥瘦叉燒🐽，半熟滑蛋🍳 超滑溜。ll $98宇治抺茶💚 梳乎厘班戟🥞 (期間限定)💫，用上法國麵粉、日本牛奶 & 雞蛋製成，有蛋香💛，鬆軟有空氣感。估唔到冰室都食到有水準既Soufflé 好有幸福感🥰。ll $38大量水果切粒，香濃果香味，賣相超吸引😍..今晚一次過係港式冰室試勻：茶記常餐首創麻

2021年10月20日 晴公司下午茶都成日食蘇杭, 今次黎到旺角見到佢多左d 西式野, 一於試下先唔知係咪旺角限定, 平時上環食都唔覺有意粉同扒食連pancake 都有, 男朋友至愛飲品都多種類紅豆冰 +$9多奶, 唔太甜藍莓燕麥奶茶 +$20好多大大粒藍莓, 唔太甜, 幾好味羊個個餐仲跟左個湯, 上面有三塊餅乾碎同湯入面有粒粒8爪魚粒, 好味天婦羅軟殼蟹忌廉汁天使麵 $78軟殼蟹炸到好香好脆, 仲有d 膏係入面。而且都算大, 入口啖啖肉, 好食炭烤羊扒 $168有三件羊架, 食落好香炭燒味。叫左7成熟都唔會好un, 入口唔膻。薯條夠脆, 蒜蓉汁好好味, 點薯條一流火焰雪山 $88男朋友話食太多pancake 今次試其他。但其實入面都係有一片pancke, haha上面係蛋白, 入面有雲尼拿雪糕同pancake, 仲有焦糖香蕉, 藍莓同士多啤梨。pancake 好鬆軟, 配埋雪糕好好食埋單$363, 臨走見到有人食煲仔公仔面同菠蘿油搞到我又好想食, 但太飽, 下次先食lu

很忙，到了一個點，已經沒有之前到處吃甜的生活。甜，還是要繼續吃。這天練完歌，近近地，來蘇杭冰室吃午餐。正餐部份不表了，因為，我的重心，是梳乎厘班戟。原味蜂蜜梳乎厘班戟 $68：6分，想不到在旺角的冰室（其實是茶記吧），竟然有梳乎厘班戟吃，真的好奇，水準會是如何。肯定是即叫即整，等了25分鐘才有得吃。一看賣相，咦，是厚身版的熱香餅吧？吃一口，是確定無誤，這個不是梳乎厘班戟。沒有震騰騰度，沒有空氣感，沒有輕柔的質感，就是實實的鬆餅一客。蛋香是不俗的，加上蜂蜜同吃，還是挺甜美的。給6分，是因為難得在冰室吃到梳乎厘班戟，加了點點分數吧。在旺角的冰室吃梳乎厘班戟，很有趣，但這是實實的鬆餅無誤。探險，就一次好了。時間有限，配額更有限，吃甜，還是留待真正吃甜的地方吧。

一直以黎都好中意食茶記！今次見新開左呢間蘇杭冰室一於黎試下。一入到去比個環境impress到，燈光光猛，個墻身油到雪白色比人感覺好開陽舒服。呢間冰室同其他普通冰室吾同既位係有酒店大廚做主廚，西餐好靚有水准!我地叫左個麻辣肉丁出前一丁面 配腸仔炒蛋&奶油豬，天婦羅軟殼蟹忌廉汁天使面，低溫三文魚柳華道夫沙律，鮮果法式焦糖燉蛋同埋藍莓芝士梳乎厘pancake,飲品方面就揀左斑斕紅豆冰。辣肉丁出前一丁面 湯底唔算好辣 但好夾個面，面底好爽，奶油豬整得岩岩好外脆内軟！正不得不讚斑斕紅豆冰! 有斑斕蛋糕味好特別好好味！係香港真係好少食到甘香既斑斕味，仲要係冰室食到。殼蟹天婦羅軟殼蟹忌廉汁天使面個忌廉汁好濃郁，個汁同天使面mix得好好，軟殼蟹正常發揮都幾吾錯低溫三文魚柳華道夫沙律反而好驚艷到我地！一開始純碎想食fresh d 叫個沙律，但真係好特別！超好食，水果好新鮮配合果仁口感一流，三文魚柳就好厚好肥美！呢個組合比100分 真係好出色。鮮果法式焦糖燉蛋都好中意，焦糖唔會好濟好飽，燉蛋配合香蕉好match，成件事唔會死甜藍莓芝士梳乎厘pancake 都吾錯，梳乎厘整到軟綿綿 口感好似食緊海綿蛋糕 幾

第一次黎食 一定無下次開頭入去都覺得ok幾好笑容叫餐既時候都可以 之後睇番張單發現佢打漏左個飯同飲品 叫佢補番之後補完 又係錯 之後過幾分鐘無啦啦落單個哥仔一張單掉落黎台面 加3蚊雜項錢咁我以為佢加番 咁都由佢到個飯食完 杯野飲都未黎咁緊係叫左侍應一次今次係叫個女人 佢直頭扮睇唔到走左去咁就再舉手 今次應該係個經理呢個態度好好多 完全無得比 係值得一讚咁因為有朋友遲黎 我地順便搵個經理落多個餐同飲品 之後突然過左幾分鐘有個呀伯既侍應 突然行埋黎發火話叫左你地好多次 問你地係咪叫左凍奶茶D態度並到我以為我爭佢錢咁款可能真係我地聽唔到佢講係我地唔好但都可能佢係廚房叫我地點解你唔會行過黎問呢 但又識行過黎鬧喎咁好啦咁我地就話係 佢就話 成日都話落錯單落漏野明明你地自己叫錯哂野食 之後就發脾氣行走 再換衫收工 可能呀伯係因為送唔到杯凍奶茶去客人台面阻到佢收工所以就咁樣去爆我地 即係咁 我地話哂係客 係黎食飯 唔係受氣我地有比錢 你都有出糧有收錢唔滿意所以搵過第二個黎阿 一黎就發脾氣算點 真心 除左個經理係做生意係服務 其他都真係不知所謂 唔會再去 未試過係旺角區食間咁態度差既餐廳～

今日去咗間好高質嘅冰室食完都係忍唔住要推介下！首先個環境一入到去已經感覺好舒服乾淨炭燒西班牙有機豬鞍扒第一次食冰室會有咁高質個presentation 已經加哂分！豬鞍肉質都夠軟腍，烤得好香薯條非常好食外脆內軟！好有薯香，正呀～～連配菜都非常有驚喜呢款椒好甜呀！完全無得挑剔全日早餐呢個牛角包真係要推介下，熱辣辣夠脆又鬆軟雖然外觀唔吸引、但食落係好滿意的！可惜呢個牛角包無得單點～～蒜片辣椒帶子意大利粉意粉軟硬好適中，味道辣辣哋又夠蒜香，非常惹味帶子屬刺身級別，煮再raw raw地，食落軟嫩鮮甜本身我係麵包控所以忍唔住要叫個油多食下！麵包好軟熟，相信係即日到貨嘅麵包烘得岩岩好，夠脆又唔燶滿滿水果茶+西柚烏龍茶好欣賞呢2杯茶都唔太甜好有水果嘅清甜味！

茶餐廳都食到高質素嘅西餐？其實係咁嘅，小妹細個嗰陣，好朋友曾經喺茶餐廳點左個肉醬意粉，點知本來鮮紅蕃茄色嘅肉醬，竟然係呈現左黑色，嗰陣時我仲係咁笑我朋友，中華茶餐廳唔應該點西餐，係點返啲中式菜事隔左幾年，竟然比我見到間茶餐廳擁有最高質素嘅西餐，望吓啲相就知道超級靚，一見到都流晒口水，而且相片同實物睇一樣，絕對符合商品說明條例，話說小妹點咗個豬扒鋸扒，同埋帶子意粉，絕對唔輸蝕比高級餐廳，真係平民嘅美食，最推介嘅係嗰一杯水果茶，水果多到滿瀉，食到我舔舔脷😋😋😋，仲有嗰班戟，軟硬適中，又唔會太甜，我下次一定會再去🥰🥰真心推介俾大家😋😋

在旺角行街見到間新開冰室，又可以試試呀。睇menu有一般茶餐廳有的食物，更有西式的扒類、意粉、all day，連甜品梳乎厘班戟也有，選擇眾多。香桃烏龍茶，第一口呷到蜜桃的甜味，之後烏龍茶味慢慢出來。紅豆冰，紅豆大大粒夠腍，甜度適中。招牌炒蛋及芝士撈公仔麵配雞翼，賣相好靚相當吸引。咸香的芝士掛在麵條好惹味，而雞翼香脆帶點辣，美味。咖哩豬扒飯，份量十足，男士也一定飽。豬扒中規中矩，咖哩少少辣，汁的濃厚度適中。宇治抹茶梳乎厘班戟見到冰室有梳乎厘班戟太神奇要試吓，抹茶味是限定口味班戟質地為厚實的那種，配合軟滑的忌廉會更美味，而紅豆都大大粒。

中西合璧。價錢親民。性價比高❗️真心推薦呢間冰室👍🏻 室內環境光猛, 寬敞舒適, 服務又好好! 《招牌茶餐 - 鮮豬潤湯通粉》呢個常餐超抵食, 選擇又多! 另外會配火腿炒蛋/煎蛋、多士/奶油豬仔包豬潤鮮嫩, 冇腥味, 爽嫩又唔會太粉; 炒蛋炒得好嫩滑, 蛋味香濃🔺加$9可以配紅豆冰紅豆冰勁好飲🤤! 甜度剛好, 一啲都唔稀, 紅豆香甜又軟腍《蔥花蝦仁滑蛋飯》裏面有蝦仁🦐、蔥粒, 蝦仁大粒, 口感彈牙; 滑蛋好滑溜, 充滿蛋香《咖喱吉列魚柳飯》白飯份量勁多, 差唔多係二人份量! 炸魚柳勁大塊, 咬落好香脆, 炸粉唔會太厚, 個咖喱🍛都好好味😋, 配飯一流!《炭燒羊扒》平價嘆西餐! 同行者話呢個好有驚喜, 咁嘅價錢, 呢份羊扒相當唔錯👍🏻, 無膻味, 肉質鮮嫩《菠蘿包》外層香脆, 裏面鬆軟, 再加一杯紅豆冰, 做下午茶超正!

聽講旺角開左間冰室 竟然係前五星級酒店主廚主理西餐😍 即時衝去試下要試主廚手勢 當然要食件扒 叫左份炭烤穀飼牛肉眼扒配意粉 牛扒厚度好特別 專登整到薄薄地 易熟唔會燒焦 但唔需要擔心會好細份 因為牛扒面積非常大🤣 食得好滿足 而且食落炭烤香味好出 加上連個意粉都好好味丫 口感彈牙 同埋似係有少許橄欖油加左落去 好滑身💕另外 試左佢嘅特飲 草莓燕麥奶茶 本身以為會好heavy 點知飲落非常fresh 🤣 加上佢唔係用牛奶 個感覺更加light 💕 入面仲有好多舊好難得地甜嘅士多啤梨 幫助消化😝之後要大讚甜品😍 只係一份已經大到可以2個人share 叫左一份藍莓梳乎厘班戟 口感非常之軟綿綿 一大驚喜係食落好似仲有啲芝士香味 成個配搭好味之餘唔會太肥膩❤️

收工兩口子去左旺角食茶餐廳😋 這間餐廳裝修別緻，而且好新淨喔👍🏻👍🏻「炭烤西班牙有機豬鞍扒-配薯條」大大塊豬鞍，爽口！ 有點乾身👍🏻「餐湯-周打魚湯」魚榕打出來的🐟🐟「蒜片辣椒帶子意粉」🌟🌟🌟 好好味！意大利炒軟硬度剛好，帶子大大粒，熟度完美，不會難咬，而且用上蒜片香炒💓💓「原味蜂蜜梳乎厘班戟」冰室都有梳乎厘😋😋「奇異果烏龍茶」真。奇異果肉👍🏻👍🏻🥰備註：🔺店員nice, 主動提議餐單🤩🔺門口抄牌了😩

旺角出名多野食，多國菜式任君選擇。但有時好掛住港式冰室嘅味道，一個星期總要搵一日去食😝 經過見到呢間蘇杭冰室，食物種類繁多，地方又大又整潔，決定一試！打開餐牌，見到有常餐，中，西，扒類，連日式梳乎厘都有，好有驚喜！而我那位食肉獸男朋友見到牛扒就已經流曬口水🤣 而我就想食港式鼓油雞脾。所以可以滿足曬我地2 個，正！炭烤阿根廷穀飼肉眼牛扒 / 配薯菜 / 洋蔥汁 $248見到牛扒嘅網紋表面已經覺得好吸引😋 叫左 5 成熟，烤得啱啱好，因為我好怕太多血水或是太過熟。肉質好腍牛味重，加上有炭烤味道，好好味🤤 配埋原粒熟蒜 / 沾上洋蔥汁黎食，口感同味道更有層次。配菜有青瓜、小黃瓜、白草菇、橙色登籠椒，蔬菜都有炭烤過，表面加左少少黑椒碎調味，食到蔬菜嘅甜味又唔會太單調。餐湯是忌廉白湯，裡面好足料，食到洋蔥及火腿粒，幾好味！蘇杭滿滿水果茶落單時侍應叫我 like 佢地個社交平台, 就可以free 一杯茶類特飲，我當然即刻like 😂 茶味都幾濃，而且好多生果㖭！瑞士汁撈出前一丁配招牌炒蛋 + 雞脾 $54+$4(轉出前一丁）見到餐牌相入面嘅雞脾，真喺好想食😆 配上出前一丁、炒蛋、瑞士汁，簡直絕配

呢間冰室既選擇都幾多，除左中式野仲有西式野食，甜品仲有我最愛既梳乎里pancake,一於試下。✨ 三文魚柳華道夫沙律：呢個賣相唔錯，顏色好繽紛。除咗三文魚，個底仲有蘋果，西芹，果仁，車厘茄，同埋沙律菜，而且醬汁夠晒多味道幾豐富開胃。✨明太子海鮮意粉：望落雖然唔係好大碟，但食落都幾飽。個汁有超多明太子醬，味道雖然有d 偏咸，但係食落幾惹味。海鮮就有爽彈既蝦，魷魚同青口。✨天婦羅軟殼蟹忌廉汁天使麵：軟殼蟹香脆多汁，忌廉汁幾creamy, d 天使麵好掛汁。✨士多啤梨梳乎里pancake：個pancake 似軟身既蛋糕feel, 幾有蛋香味，加埋果jam 同cream 都唔錯。