蘇杭冰室

营业中

休息中

旺角最近開咗好多冰室同埋茶餐廳，選擇多咗好多，始終茶記仍然係最長青，食嘅嘢永遠都唔會厭。而呢間冰室我知道係新開無耐，裝修佈置都比較新式，行小清新路線，入到去成個感覺都好舒服。《蔥花滑蛋三拼飯》$60呢個啱晒有選擇困難症嘅人，因為叉燒、蝦仁、同埋牛肉我都好想試，呢個就滿足晒我，可以食到晒三樣，份量好足，蛋亦都幾滑，唔錯。《芝士汁原條龍利柳焗飯》$65茶記嘅焗飯一直係我嘅最愛，尤其是係焗豬扒飯，不過食得多就想試吓其他，相入邊已經見到龍利柳焗飯非常吸引，仲要加埋邪惡嘅芝士汁，成個配搭都好正。《炭烤阿根廷肉眼牛扒》$248茶記都有西式扒鋸，而且我都好耐冇食過肉眼扒，我哋要咗七成熟，出到嚟都真係七成冇呃人，對我來講就啱啱好啦，識落都幾重牛味，而且唔會燒到好dry，旁邊嘅薯條亦都好多！紅豆冰呢度嘅紅豆冰做得幾好，因為我真係好怕好甜，呢度嘅甜度可以接受，唔會覺得好膩，而且紅豆仲有一定嘅口感，唔會淋到好過分。 總括嚟講，呢間新開嘅冰室質素都幾唔錯，行過附近又想食茶記嘅話就啱晒。