蘇杭冰室

营业中

休息中

近排食得好嘢多，飽飽滯滯，想吃些清清地唔油膩又飽肚的午餐，在旺角行過幾間餐廳，一些殘殘舊舊唔乾净，一些常餐餐单太濃又肥膩，行到洗衣街尾見到有間蘇杭冰室，同上環永樂街頭那間茶餐廳名字一樣，見門口有個餐牌，B餐有鮮牛肉湯意粉，都幾啱，就入咗去。店内裝修有北歐風簡约明亮，座位寬敞整潔，伙計年青做嘢快捷爽手，雖然走的路線相同，但和上環四季常餐的阿婵伙計卻有很大差異，合年青男女歇一歇腳。煎蛋、火腿豬仔飽先到，煎蛋還是很熱，証明下單才煎，火腿偏醎，猪仔飽不很新鮮。牛肉意到了，碗内有7塊牛肉可蓋住個碗面，湯底有鮮牛甜味，牛肉是新鮮醃製的，香淋滑溜，不臊不油，沒有胃田的我不消10分鐘就清碗了，很不錯。杯奶茶味道都算合格，茶和奶的比例適當，略嫌熱度不足，但整體都ok的。

蘇杭冰室💚芝士炒蛋撈麵 吉列魚柳 $54麻辣撈麵配炒蛋 雞扒 $58熱朱古力x2 +$0-芝士炒蛋撈麵 吉列魚柳芝士偏白嘅好大塊魚柳不過唔係太脆🤭整體芝士麵炒蛋魚柳比較漏🥺味道正正常常-其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-26/11 eat唔寫得好詳細㗎啦💁🏻‍♀️-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑👆🏽麻辣撈麵配炒蛋 雞扒

平時煲仔飯就食得多🍴第一次食煲仔麵感覺好新奇🍜見到即刻入去試下😳蘇杭冰室由上環蘇杭街開到嚟旺角🌆聽聞新開張三個月⭐️店舖裝修風格偏向新式冰室✨嗌咗個招牌奇味雞煲煲仔麵同芝士汁原條龍利柳焗飯🍽兩樣嘢都比預期好味😋奇味雞煲煲仔麵$68雞肉嫩滑又份量多🐓煲仔麵索晒雞煲湯底好入味🍲亦好似煲仔飯咁keep住個溫度一路食都係熱辣辣🔥芝士汁原條龍利柳焗飯$65芝士汁鋪滿咗成個焗飯🧀熱辣辣咁食每一羹都拉絲👅好邪惡好飽好滿足☺️總括而言會想下次再帶朋友去食😋😋👍🏻👍🏻👍🏻

行行吓旺角有啲肚餓,其實依間嘢就之前都冇食過嘅咁見佢啲下午茶餐都好抵食，咁就下本來我都唔餓，叫咗半個西多士同埋兩隻雞翼就，食左一淡佢地既滑蛋叉燒飯就停唔到手，而且佢哋個飯好似先$45，好大碟！

「冬至」晚上我本來大可以留在家中，跟阿媽、妹、外甥跟外甥女眾人享用「冬至飯」就足夠了，可惜我媽煮飯，無論是「冬至飯」抑或是「團年飯」裡面，都沒有可能食到「牛腩」。我媽一向都不會煮，也不懂得煮「牛腩」。所以我享用「冬至飯」，食了平日晚飯大約「兩碗飯」左右份量就已經足夠，就已經完結自己的「冬至飯」，提早出門前往巴士站乘搭小巴，前往「旺角」享用「牛腩」飯部分的晚餐。後來我在「西貢公路」接近「翠塘花園」巴士站等候了很久，才等候到前往「旺角」的公共小巴，趁堂食時間未完結之前，乘搭公共小巴前往「旺角」，在「豉油街」位置下車。我發現現在「旺角」很多食店，現在非常動蕩不穩定的社會環境下，不是已經關門結業，就是已經提早關門休息，更甚者的是「旺角」最近出現了一些我未光顧過，印象非常糢糊的食店。例如「旺角」最近位於「豉油街」，接近電影院的舖位位置裡面，最近又出現了一間新食店，食店的性質屬於港式茶餐廳，餐廳的名稱叫做「蘇杭冰室」。「蘇杭冰室」跟坊間大部分的港式茶餐廳在互相比較之下，「蘇杭冰室」推出了一些，在一般港式茶餐廳裡面，都沒有製作提供的西式甜品，例如「法式焦糖燉蛋」、「火焰雪山」還有「梳乎厘班㦸」。我雖

想喺旺角搵間靚靚地嘅餐廳食飯, 不過行嚟行去都見唔到... 見呢間冰室好似幾整潔企理, 所以就入去試吓啦。餐廳裡面好多卡位, 都坐得幾舒服, 不過始終係茶餐廳嘅速度, 所以侍應會不時大聲溝通, 感覺會有少少壓迫...🥢 麻辣撈麵配炒蛋&豬扒豬扒好大塊, 肉質軟腍。炒蛋炒得好嫩滑, 唔會全熟, 蛋味好重。撈麵份量比一般即食麵多, 麻辣嘅辣亦辣得恰到好處。🥢 蔥花叉燒滑蛋飯叉燒份量好多呀, 肥瘦適中, 唔會鞋口。滑蛋一樣好嫩滑, 配埋白飯一齊食, 好食!整體食物都好好, 唔使等好耐就有得食, 係一個食lunch 嘅好選擇。

<<Thursday Couple 尋食記🐖🍌>> 今次同男朋友去到旺角，搵間冰室食嘢，黎到呢間蘇杭冰室，環境企理，新式☺️😍食物種類繁多！無論扒類，西式，中餐包羅萬象，連我最愛soufflé 都有，一定要試啦🤩🍝蒜片辣椒帶子意大利粉🍝———————————————•味道｜🐖🐖🐖🐖•賣相｜🍌🍌🍌🍌•價錢｜ 💰$118•有咩咁架勢啊｜蒜香味好足，香！意粉彈牙，無汁，但仍可每條都咁好味☺️😋帶子煎得香，辣味又有！正🔥🥩炭烤阿根廷榖飼肉眼牛扒🥩———————————————•味道｜🐖🐖🐖🐖•賣相｜🍌🍌🍌🍌🍌•價錢｜ 💰$248•有咩咁架勢啊｜賣相出嚟真係impressed 😍似人哋cafe 囈，啲紋又有曬！打卡真係不錯！牛扒油脂夠，熟度剛剛五成😍😋🥞士多啤梨疏乎厘Pancake🥞———————————————•味道｜🐖🐖🐖🐖•賣相｜🍌🍌🍌•價錢｜ 💰$98•有咩咁架勢啊｜睇落去個款麻麻哋，食落去都幾鬆軟又香蛋味，加埋啲士多啤梨嘅酸🍓同啲煉奶嘅甜🍼好正🔥整體來講好唔錯！冰室各方面都好到位，尤其賣相味道都有驚喜☺️🔥價錢合理💰食物種類多元化，唔怕唔知食咩好🥰😋

有一日晏晝夜晚都係食蘇杭，就係比佢個人氣常餐吸引到我即晚去多次試埋佢其他野🤪【奇味雞煲煲仔麵 • $62】個煲仔麵滾住咁上枱，望住佢感覺好治癒🤣有好多餸：有西芹啦、青椒啦、豆卜啦、至少6大舊雞，好足料。個麵底已經入晒味，軟硬適中，而雞當中仲有髀肉，又滑又惹味，但豆卜就未入晒味，可能浸得唔夠耐。個煲仔麵同雞煲一樣有d辣，後面越食越鹹，又要一路飲野中和下。【人氣常餐 • $55】| 📣推介五香肉丁出前一丁配吉列豬扒真係一個人氣既配搭。首先個麵軟硬度適中，唔會一出黎就淋晒，而五香肉丁都唔係好辣但好香，然後塊吉豬成隻碟咁大，豬扒厚度適中，外面一層薄薄既炸粉，食落好脆，肉質一d都唔韌👍🏻【芝士汁原條龍利柳焗飯 • $65】焗飯係炒飯底，炒到粒粒都金黃色，芝士汁好多好濃，不過成個飯偏鹹，要一路食一路飲野中和下🥲

🔥Beef Ribeye Steak ($248)碳烤阿根廷穀飼肉眼牛排肉眼牛排牛味濃郁，較有咬勁，餐跟西湯。而整道菜擺盤已經勝出😍。蘆筍等新鮮蔬菜配上黑椒/洋蔥/蒜蓉汁，配搭幼身薯條，很滿足。-🔥Signature Pork Chop and Scrambled Egg Instant noodles in Cheese Sauce ($54)招牌炒蛋拼豬排及芝士汁撈公仔麵嫰滑炒蛋煎豬排，配上邪惡拉絲芝士白汁撈公仔麵，經典香港茶餐廳美食。再配上一杯跟餐港式熱奶茶，掂曬! 👍🏻-🔥宇治抹茶梳乎厘班戟 ($98)鬆軟梳乎厘班戟配上抹茶闕餅和蜜紅豆，日式得來有種茶餐廳獨特風味。-🔥Iced Fruit Tea (+$20)蘇杭滿滿水果茶加入火龍果、橙、水蜜桃等水果粒，感覺很清新，甜度適中。-🔥港式奶茶茶奶融合，香港味道。-西日港式冰室，裝修現代小清新。

地方寬敞，樓面認真，專業有禮。一家五口係門口等咗一陣，樓面小姐安排店內二人客人轉位，讓出五人單邊位比我。非常貼心。係為家長，對此無比感激。係一間唔錯嘅旺角茶餐廳。唔好係店面鬧員工就完美。其實一杯水o者⋯⋯

今日早左收工，即約朋友去旺角閒逛，逛到倦又到搵食時間，見到#蘇杭冰室，裝修得精緻又乾淨，餐牌見佢食物款式都多，有煲仔麵、咖喱套餐、招牌蔥花滑蛋飯、沙律、西式扒餐，仲有Pancake，樣樣都好想食😊😚。🦐草蝦凱撒沙律🥗，材料有鮮爽蝦仁、脆煙肉同新鮮的沙律菜，是個開胃清新的前菜。 🫕羊扒餐包湯, 內有甘旬、薏米。🐏碳烤羊扒，叫點了7成熟，面層燒得焦香，羊so味唔會太重，切開見內裏有嫩紅的肉肉，食落肉香又juicy, 配菜有健康的紅黃椒、脆肉瓜、秋葵同蘑菇，仲有熱辣辣嘅薯條🍟，質素唔錯啊！🥘自家製京蔥牛肉煲仔麵, 上枱熱辣辣煲還在標煙，牛肉好軟淋，湯香又濃味，麵質剛剛好唔會過淋仲好掛汁。蔥花滑蛋雙併飯，併了叉燒同蝦仁，蝦煎得熟度剛好，很鮮嫩彈牙，叉燒正常發揮，個蛋咬落去軟滑的感覺，整體都幾好食😋。飲品要了我至愛的凍檸茶，老友就點了充滿水果的水果茶，佢說好飲又解膩😊。

「蘇杭冰室」由上環開到去旺角。 新店面積比上環店大得多，有成3000 呎咁大㗎。由扒類、意粉、港式食物都有，估唔到嘅係連梳乎厘班戟都有得食。食物種類多得滯，要寫喺幾個餐牌上面😆😆▫️奇味雞煲煲仔麵(HKD62) -  天氣轉涼最啱就係食啲又熱又辣嘅食物暖吓個胃。「蘇杭冰室」暖笠笠煲仔麵系列，即叫即整，需時10幾分鐘。原鍋煲仔上無論內外都係滾熱辣😬😬我哋揀奇味雞煲嘅原因係貪啲雞有少少辣味😋配埋公仔麵一齊食真係極度邪惡。除咗雞件仲有芫荽、蔥、豆卜等配料。豆卜要喺湯底浸耐啲先至好食，真係惹味好多㗎。▫️咖喱吉列魚柳 (HKD54) - 意粉同吉列魚柳份量成正比，件魚柳肉質都幾好，唔係霉霉地嗰隻。以上兩款都係套餐價，奉送熱咖啡或茶。▫️宇治抹茶梳乎厘班戟(HKD98) - 冰室有梳乎厘甜品食，仲要有6款選擇添😃我哋叫咗期間限定嘅「宇治抹茶梳乎厘班戟」。製作都要啲時間㗎。最好落單時叫埋甜品，食到差唔多叫起時間啱啱好。梳乎厘班戟幾鬆軟，比我想像中好味喎😋以冰室水準嚟講真係唔錯架啦，我覺得蕨餅可以再做好啲，灑多少少抹茶粉就好喇。

之前返工也試過特登走到上環到這間茶餐廳吃午餐，但環境逼夾，有好多人排隊等，食咗一個普通午餐，印象也不深刻他們在旺角開了新店，之前行過見到餐牌上的菜色都比較特別，今次去咗試吓下午茶新鮮熱辣炸出來的吉列豬扒唔油膩，厚肉，但薯條感覺比較油同炸得好乾嘩！之前就係在門口見到呢個煲仔麵一直都好想試，果然冇令我失望今次揀咗個京蔥牛肉煲仔麵，又是熱辣辣，卜卜卜卜咁上枱，一打開個煲蓋，香噴噴，連隔離枱個客都望實，個公仔麵口感啱啱好，牛肉嫩滑，一句講晒正好過之前試嗰個間所謂的煲仔沙嗲牛肉麵

聽到吾少朋友介紹蘇杭冰室因為d餐單都突破果然聞名不如見面港式得黎又好Fusion🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🔆奇味雞煲煲仔麵真係意想不到雞煲可以再簡化做出前一丁湯麵雞煲幾濃郁 質量不比火鍋店差如果再濃郁就更正仲要咁岩呢排天氣勁凍食完係勁暖笠笠 冬天必食😂🔆炭烤羊扒多數茶記扒餐麵係牛豬雞加雜扒估吾正呢度有羊架而質量都幾吾錯羊架煎得剛剛好 吾會太熟🔆瑞士汁撈公仔麵配招牌炒蛋瑞士好香甜 如果嗜甜嘅人都幾岩佢隻雞髀大大隻 但都煮得幾淋 肉幾嫩🔆士多啤梨梳乎里班戟又係意想不到當然吾能夠同過江龍梳乎里班戟比較但如果係旺角 食完晚飯 又呢個甜品又吾錯因為旺角係晚餐時間要搵一間吾洗排隊嘅甜品店都吾易

店鋪裝修到唔似去咗茶餐廳，一排排卡位，好有心思咁用咗玻璃窗間隔，巧妙地響應到疫情需要，就算過咗疫情，玻璃窗間隔都可以一直沿用，當成一個設計，利用玻璃窗間隔卡位，空間感大大提升。卡位周圍都掛上盆栽，令人心曠神怡！乾蔥砵酒牛尾煲$78一個套餐，有一個餐湯同熱飲，可以配飯或者意粉。呢個菜既牛尾煮得好腍身，肉又唔會腍到癡牙，加埋汁既搭配，意粉都好驚喜，食落唔會冇味，有香草味道，唔加汁食都一樣可以！炭燒阿根廷穀飼肉眼牛扒$248牛扒要七成，但牛排唔會太硬，異常鮮嫩，咬勁十足。切落開唔會連刀，一刀就切到底，肥瘦均匀，鲜美多汁，價錢相當實惠！士多啤梨梳乎厘班戟$98賣相都非常吸引，有士多啤梨伴碟，色彩鮮艷。班戟入口香軟，充滿蛋香，暖暖質感配合冬季天氣食，奶油忌廉都做得好濃厚，厚實而滑！