薯仔屋電影餐廳

营业中

休息中

早前同朋友去柴灣買零件走到很遠得知附近開左間戲院，方便住得太入的朋友們睇場戲，又可以去在旁連帶有間薯仔屋電影餐廳一起。Small potato  薯仔屋電影餐廳可愛的大大亮燈雪糕裝飾，我相信會有雪糕吃的。下午茶有多個餐選擇由A-Z由HK$32-52,可加+$12特飲雞脾薯條沙律餐$52本身也喜歡吃雞脾，雞脾皮脆肉嫩脆的程度非常爆脆。薯條配上芝士汁加沙律汁不過真的怪怪的不好味道喜歡它很脆的薯條意式肉醬意粉味道來到不單香濃，意粉爽彈不易碎及斷開，每條意粉都被蕃茄汁吸收。入口特別滋味。蜜桃紅茶芒果紅茶兩個凍飲顏色眞的差不多一樣店員也提醒我左、右杯的味道芒果味道淡淡的果味不錯蜜桃比較喜歡又是清甜口感店裡亦有給小朋友玩樂的小角ㄧ家大細食tea好方便，有小孩也可讓媽媽吃的自在。青年、大朋友亦可以有得玩樂也有自助足球機。店員態度細心服務完善

呢度比我嘅第一印象係完全唔似一間戲院餐廳，一來環境好休閒，二來食物選擇都多，而且係full dinner！有前菜又有嘢飲，完全無戲院個種急速食快餐嘅感覺，但surprisingly食物又做到快而高質。呢度亦係小朋友friendly嘅餐廳，有曬設施比佢地玩，做媽媽嘅就可以抖下。當晚前菜係一個吞拿魚通粉沙律，沙律整體帶甜，沙律醬非常之討好，無個種酸溜溜又杰撻撻嘅味道。蒜容包做得好香口，蒜味又濃，有時蒜容包唔需要好花巧，簡簡單單就可以好好食。主菜方面我叫咗個煙三文魚天使麵配黑松露香菌忌廉汁，朋友就叫咗招牌菜蜜糖燒豬仔全骨。先講份量係好大方，煙三文魚多到砌朵花出來（亦因此見到佢地真係好有心機）麵質都做得唔錯，彈牙唔會煮到稔曬，不過黑松露味就唔夠濃喇。朋友嘅豬仔全骨就真係招牌菜喇！燒得好金黃，燒烤醬入曬味，而且佢唔會好古惑得排骨比你食，肉嘅份量都唔算少，肉質亦稔，輕輕一切就可以將肉分離。薯容如上文所講，簡簡單單就好好食，唔需要好fansy嘅seasoning，用上大量車打芝士，每一啖薯容都連埋芝士溶係口。總括我對於呢間有主題西餐廳嘅感覺，你唔可以拎佢嚟同其他正規西餐廳比，但我認為佢係呢個cate

第ㄧ次到柴灣Cinema City看戲,戲票真是好便宜,12:45乒乓情人夢,$38ㄧ張票。原本想在戲院內的餐廳吃午餐,但因為遲食早餐,肚子不餓，便打算看完戲才食嘢。看完戲,出來戲院已經下午2:45,餐廳已經開始了下午茶時段。看看餐牌,選擇也很多,四十多元ㄧ個餐,連ㄧ杯嘢飲,再加十元就可以有是日餐湯餐廳的環境也不錯,坐得很舒適,枱與枱的空間也很寬闊。叫了個Traditional Caesar Salad with Smoked Salmon挪威煙三文魚凱撒沙律 和Fried Chicken Leg with Daily Salad香脆大雞肶沙律套餐。食物質素如快餐店的差不多,不難入口,但談不上美味,只能填飽肚子。咖啡非常之淡,如飲水一樣,全冇咖啡味,只有苦澀味。

今日去行龍躍徑，臨出發前當然要食番餐好既差電先啦呢間餐廳係戲院度，有機會去睇戲既大家都可以過黎試下既呢間餐廳係間西餐廳，價錢中上。好彩有個好親切既侍應姐姐主動行過黎提我地學生有8折優惠，折完個lunch都只係$43，突然之間變得好抵食—煙三文魚沙律—（$41）加$2有杯凍飲個三文魚沙拉好足料，個碟係同相入面一樣甘深架，個量以沙律黎講都幾大份幾誇張XoX煙三文魚切到細細塊，所以食到最後都仲有得食，如果唔係應該一早比我鯨吞曬法飽碎都幾多，硬度唔錯，只可惜差甘d香味。最喜歡佢冇醬既份量啱啱好，食落唔會太膩不得不提係個環境好寬闊，好relaxing。間餐廳仲有部足球機係度，比$5就有得玩啦～整體黎講 都抵食既 4/5分啦

住柴灣其實真係無咩好食，見到開左呢間薯仔屋，一值都好想試佢個dinner😍，好似幾抵食，不過未有機會。今日睇完戲咁啱見餓就黎試下，不過係下午茶。價錢其實唔算平，如果以一個雞脾沙律餐黎計要$48蚊，不過環境當然好過快餐店。撞正臨開場前都幾爆滿，不過d 人流好快就散晒。先出去落單，之後就有人送餐去你枱。✨美式超級熱狗拼舖天薯條套餐（$48): 估唔到個熱狗係king size😍，醬汁就自己加，個包微脆，入邊仲有d 酸瓜，好味👍🏻舖天薯條？鋪天其實唔知咩意思，不過d 薯條特別長😆佢係軟身得黎脆，薯肉較多，反而啱我呢d 唔like熱氣既人。✨招牌蜜汁雞翼套餐（$48)：雞翼顏色好深，好似好燶咁。不過食落微微脆，帶點蜜糖味都幾好食。沙律方面我覺得醬汁較稀，味道唔夠出，同埋太多紅蘿白,蘋果，感覺比較寡。反而薯仔，菠蘿，青瓜果d 太少了~個人鍾意茶餐廳沙律多D。另外沙律菜有胡麻醬，呢個就比較好食。不過柴灣有西餐都好難得，值得一試!下次一定要試埋佢個dinner👍🏻!

估唔到戲院相連一間食肆，我起初以為薯仔屋係主打薯仔，原來係走cafe走線，出面落order，然後有專人送餐，價格算ok無加一，座位都坐得舒服，但就唔適合hea嘅朋友😁菠蘿豬扒飯 $62👍🏻👍🏻👍🏻個汁甜甜地幾好味，豬扒好厚身但好軟熟，菠蘿新鮮好甜，飯略少咗dd咖哩牛肉炸蝦意粉 $58👍🏻👍🏻咖哩汁幾香又唔辣，牛肉唔鞋算ok，炸蝦就麻麻地，反而個意粉靭度幾ok原隻野雞薯條 $78👍🏻👍🏻👍🏻👍🏻呢個有驚喜，個皮好香脆，肉嫩又多汁，雞size算大，起碼唔係bb，薯條又粗又大條，配酸忌廉醬好正豬仔骨配薯條(跟黑松露忌廉湯) $82👍🏻👍🏻👍🏻👍🏻豬仔骨好入味又唔乾，大約有8條骨，條條骨都好多肉，配埋薯條酸忌廉醬一流凍檸茶x2 (各加$2）熱奶茶x1熱咖啡x15人共消費：$284

爸爸難得放星期日，就梗係同佢出街食下飯啦😌傾左好耐，就決定帶爸爸去戲院隔離既呢間餐廳食嘢，一黎爸爸未食過，二黎我覺得都啱爸爸口味假日都有午餐set，都幾好架👍👍，我們叫左一個煙三文魚碎蛋沙律焗薯伴沙律菜和長通粉沙律，一個巴羅馬火腿雜果田園沙律伴蒜蓉包，飲熱咖啡和凍檸檬茶，再加一個是 日餐湯 - 黑松露蘑菇忌廉湯。果然真是啱爸爸口味，實在太好啦😁😁雖然爸爸無講佢個焗薯係咩味，不過佢話好食，咁應該都唔差得去邊。 而我個 巴羅馬火腿雜果田園沙律係用薯仔，紅蘿蔔，青瓜及蘋果切粒再加沙律菜，我諗唔係好多人鍾意呢種沙律，不過我覺得幾好，我幾鍾意呢隻田園沙律，(個人口味 - 如果再加紅腰豆真更正😂😂)，蒜蓉包既蒜蓉味夠，又夠熱夠脆。個湯都ok既，好香既忌廉蘑菇味，不過黑松露就唔明顯，但是都算唔錯😋

歌利亞昨晚本想到Spring Time 吃西餐，可惜fully booked ，祖利安於是提議去試新開的薯仔屋電影餐廳。薯仔屋的logo 很可愛，餐廳環境亦寬敞舒適，我們很快便找到坐位了。由於我們不太肚餓，於是點了set D晚餐 +小食+湯。set D 的頭盤是吞拿魚長通粉，吞拿魚配沙律醬份量不少，長通粉有咬口不會過淋，不錯 。Set D 香煎美國雞扒拼炸蝦配蜜糖芥末汁伴薯菜，主菜雞扒皮香肉嫩無雪味，炸蝦有點像天婦羅，味道不太突出，而薯條配蜜糖芥末汁，正。芝士肉醬肉丸伴薯蓉，有五粒肉丸，雖然肉質偏淋，但有肉味，而薯蓉配上大量肉醬，好味。加$2配了凍朱，味道適中，不會過淡。加$10配是日餐湯，黑松露海鮮忌廉湯，在湯中找到幾粒八爪魚，難怪只有黑松露味，沒海鮮味，而且湯很稀，我們用隨餐附送的蒜蓉包沾來吃，又不錯啊。是日晚餐人均消費只需$62，非常化算。

同老婆去撐枱腳，就去咗一間喺附近嘅咖啡店，好方便大人細路都啱，可以帶埋小朋友過嚟玩下。餐牌晚餐都有幾款選擇，我哋就比較鍾意食肉，就揀咗兩款比較多肉嘅餐，有啲似食緊西餐廳。仲有埋前菜沙律+包...好豐富!!澳州牛仔柳配薯菜＄7870幾蚊食到牛柳真係爽皮，有時去樓上西餐廳或者地舖嘅餐廳都唔止呢個價錢，牛柳唔會好勁嘅鬆肉粉味道，軟林林又有少少咬口。加埋個醬汁同埋清新薯菜，係唔錯嘅享受。香草燒法國BB雞拼豬扒薯蓉雜菜$88呢個都係非常抵食，平時出去食BB雞都百幾蚊，呢度就＄88有埋豬扒⋯一開始仲以為自己眼花！BB雞裏面鎖住肉汁仲好嫩滑，外皮就香脆。豬扒一啲都唔韌，好味過好多西餐廳囉⋯凍泡沫咖啡加＄16真係夠多泡而且不苦@@如果經過都可以來試吓，應該都有驚喜。

開張左一個月，住咁近都要而家先食到！佢係搵位坐左跟住自己出去點餐同畀錢先，跟住會有人送餐黎，同体育館間西餐一樣Le 張餐牌都映左好幾次，因同朋友share有咩好野食！咁今餐同老公食D同F!個燒豬仔全骨係得獎菜式，其實食佢都有d要克服心理障礙，因以前食過r字頭西餐都係好鞋好硬架d肉，仲要痴哂骨無野好食，所以之後一路見到le味菜都唔會點嗌，但今餐有驚喜！完全無以上缺點！唔鞋又好味！而個肉醬薯條都有驚喜，其實都唔駛再點茄汁都得、肉醬加芝士醬已經一流，而佢跟埋個螺絲粉成個餐都好夠飽，本身仲驚唔食熱氣野既老公唔食薯條所以加左10蚊意粉，點知佢都食埋一份！因佢唔係炸到脆哂果隻，反而係薯仔重既薯條！個牛仔柳都好焾好味！78蚊個價錢都超值啦，求其去大快活据個扒都要、但薯仔屋好食好多！為食既我當然加左杯特飲、跟餐可以半價，芒果梳打加雪糕、其實無咩特別，唔錯啦都、但個樣係有d失分既！唯一個缺點係無bb櫈！因有baby corner 係估唔到會無bb櫈既！唯有辛苦d餵餵下要抱住食、寶貝女食飽就渣渣林放佢去玩lo,我地就坐最近baby corner 既枱既，其實佢咁近門口都有少少驚，驚佢自己走出去，所以坐得近

今日放工與朋友睇戲就選擇黎呢間small potato餐廳享受二人晚餐吧！當步入餐廳的一刻就見到到處的裝潢充滿歐陸風情，令人好似置身於歐洲一樣咁寫意啊!眨下眼就到了點餐時間了。我首先點了一個set meal B再拼一個忌廉煙肉薯條兼一個三文魚凱撒沙律，詳請如下:論食物方面，set meal B的忌廉蘑菇蜆肉意粉的味道也尚算Ok.. 不過加多點醬汁的味道更佳。至於另外點的小食同埋前菜方面，三文魚Caesar salad的味道夠新鮮，不過欠了沙律醬汁有點美中不足。而煙肉薯條的味道太淋，唔夠鬆脆。雖然價錢比較大眾化，但食物素質有待改善。下次有機會黎食飯，我希望不會再令本小姐失望。

我是第一次食這款的歐陸式快餐店。春鋪內全程都聽到有英文歌播放，我第一眼覺得地方環境不錯！最重要是去睇戲十分方便⋯就在餐廳隔離！這裏食物的選擇不算太多，不過烹調速度真的很快！我食了F set meal (看圖）這個價錢算是便宜了 $108員工服務很好，態度有禮貌！又很樂意幫忙收拾桌子～所以我明白到為什麼這裏咁乾淨！光線充足，睇書都是一流的選擇！還有足球機可以比小朋友玩，值得帶小朋友來餐廳進食！不過有很多食物都比較熱氣，不建議小朋友吃太多！店裏有四部電視，不停播放戲院預告片⋯現在是八時正，鋪頭內還有很多客人在等候！人氣十足⋯⋯我哋原本是二人坐四人桌，又比員工請去二人枱坐！不過還是很有禮貌的！如果我下次再見機會黎睇戲都會黎食野！不過仲未想到食什麼東西⋯

之前柴灣就開咗間新嘅戲院，有平價戲飛，搶購完之後都未用，睇戲之前有一段空嘅時間，就同家人一齊喺隔離嘅薯仔屋電影主題餐廳食飯。裏面裝修好靚，基本上冇見過柴灣有咁靚裝修而且咁有特色嘅地舖咖啡室，仲有小童遊樂區啱晒來食嘢嘅小朋友！餐廳採取半自助形式，有少少似快餐店咁首先去櫃檯俾錢，之後坐低等號碼或者店員拎上黎俾你。今次因為我哋係夜晚過嚟，所以就有晚市套餐嘅選擇。無論揀邊個套餐，一定有前菜：法式麵包和長通粉沙律麵包非常香脆，唔使驚擺喺度會變得好稔，因為下面嘅長通粉沙律係比較乾，有啲吞拿魚同埋沙律醬一齊撈勻，味道淡口味之餘有點鹹香，仲幾有彈性。主菜好快就送到，不過一啲都唔馬虎。鋪天薯條配醬燒豬仔全骨＄108豬仔骨通常都好貴，但係呢度價錢好合理，醬燒則非常香，配搭上有啲肉地嘅豬仔骨簡直不錯，味道香濃。仲有鋪天薯條，點上忌廉簡直一流，話明係薯仔屋，原來薯仔真係做得好好，比起好多高級西餐都更加好味，唔知點整架呢⋯忌廉汁白菌蜆肉意粉＄62屋企人唔想食咁多肉，就叫左一個意粉，忌廉汁意粉睇落普普通通，不過配搭唔錯，最重要係有好多蜆肉沒有沙，非常乾淨，食落都真係幾豐富。另外一樣嘢就係煮的時間適中，所以唔會太過

睇完戲腦汁用盡，去餐廳食飯係必然嘅事，電影屋附近都有唔少餐廳，但係我同朋友揀咗薯仔屋因為有我們最喜歡的西餐，很就腳，而且價錢相宜，裝修不錯。餐廳都幾多人下，不過好彩我哋唔需要等位。前菜-法式麵包和長通粉沙律蒜蓉包烤得十分香脆，蒜蓉味都算香濃，不得不提底下係長通粉沙律，用嘅係白汁吞拿魚汁， 有許多吞拿魚蓉之外，再加上少量粟米，口感不錯，墊肚不少XD澳州牛仔柳配薯菜＄78朋友嗌咗呢碟牛仔柳。我試了一口，絕對唔係平時用鬆肉粉整出嚟嘅口感，的的確確係唔煙韌嘅牛肉，仲好juicy添。西班牙海鮮炒意粉$62醬汁算係蕃茄醬，味道唔算話好濃啦，感覺清新，面頭的青口好吸睛，E隻青口尚算大隻，肉質飽滿，鮮味十足添，意粉的軟硬適中啦，吃下來都幾滋味。由於有啲肚餓嘅關係，我哋大家都嗌多一個小食，這就是香草雜會菇菇，30蚊就有一大兜超抵食，仲要幾好食。夏天當然唔少得呢杯凍檸茶，跟餐加兩蚊，合理的！就算唔睇戲，淨係黎食都食得過，平價高質西餐。