薄餅怪獸

营业中

休息中

薄餅怪獸 地址: 土瓜灣馬頭圍道418號樂意居地下2號舖電話: 23303810等左咁多年土瓜灣mtr 終於開通了，以往我住九龍間中都會去搵朋友食飯，開通了搵了機會去行下懷緬過去。一出mtr 口行5分鐘就見到一間平民pizza 店，在舊區中有光猛又潮的店裝潢，在回程回家時醫一醫肚吧！$68 加州風情pizza ,厚底批食得飽，中間有麵包鬆軟底部脆脆地，芝士拉絲好香，菠蘿片洋蔥粟米同火腿千島醬，只要是現烘一定熱辣好食，發現還有限量心型pizza 可用來示愛呀？炸雞雞翼都出名，$33 檸檬蜜糖雞翼4隻，甜甜地好食呀，勁有bbq feel熱天行到出汗，飲杯冰凍檸檬茶性價比超高，而家MTR 開通了，是值得專登過來食pizza 炸雞，

土瓜灣站開通左，隨之而黎既係愈來愈多新店開張，不過呢間好似上年就已經係到立足，離地鐵B出口5分鐘路程。座位相當闊落，都幾舒服架。 🥢怪獸珍多寶🥢 迷你批 $65配料就唔係話好豐富，但個餅底整得真係勁出色，厚得黎又勁脆，真係食到好似食薯片咁發出chop chop聲，而且千島醬既膩同菠蘿既fresh配合得好balance。 🥢招牌炸雞🥢 $18呢到既炸雞過人之處係佢個炸皮，薄脆香口，肉嫩多汁，原汁原味既炸雞係最正既。 🥢吞拿魚長通粉🥢 $54呢到無花太多既心思係意粉到，無話特別驚人。

今日收工同朋友試下薄餅怪獸，討論環境裝修、食物質素極高CP值。先講環境，餐廳佈置具有西式木屋餐廳嘅特色，燈光光暗分明，氣氛適合三五知己傾偈食飯。食物方面，凍奶茶凍檸茶用玻璃杯，茶味濃厚，大熱天時飲覺得爽😄秘製燒豬排骨，入口鬆軟，鹽嘅鹹香落在排骨入面，同其他餐廳燒汁豬排骨相比，排骨鮮味肉味突出，值得推介。主菜加州風情薄餅，餅底口感同其他Pizza都大有不同，底層餅底鬆軟，中層濃厚嘅芝士，面層粟米、洋蔥同火腿，極高CP值。如果你食慣坊間嘅Pizza店，我會推薦你哋試吓薄餅怪獸，因為無論裝修同埋食物質素從以往嘅Pizza店都好唔同，平民之選，值得推介。

土瓜灣終於開通地鐵啦，今次特登黎呢道行下，行到累累地就去搵食，比我地發現左呢間餐飯，就黎試下啦，服務員好熱情既招待好快就坐低左，桌好大，坐得都好舒服。首先我地叫左個加州風味心形pizza,賣相已經非常吸引，心形既pizza都係第一次食，打卡一流，味道重好好，料非常多，厚厚既芝士非常有口感。跟住試左個大蝦炒意粉，意粉非常有口感。味道都唔錯，係我鐘意既味道。啲料都好多，有幾隻蝦份量十足。之後叫多個小食，招牌炸雞，炸到金黃色，外脆內軟，非常有口感，肉汁鎖住係入面，食落唔會好油膩，世界級享受。最後叫左杯冰凍奶茶，係中式奶茶，所以好好飲，好香濃好滑，而且非常大杯。另外重叫多杯冰凍即磨咖啡，非常香濃，晚上都忍唔住要飲返杯，真係值得一試。

話說今天(3-6-2021）去這店食 Pizza 及叫了些小食，小朋友想飲水，便叫那有紋身的女樓面想要一杯水，點知她以極初劣的態度對我說：“自己去斟”，本來其實有很多餐廳斟水這些東西都是自助式的，但這位女樓面就不能詳細一點說明清楚嗎！說多一句：這裏是自助式斟水的你自己去斟吧，不是更好嗎。其實之前已經試過一次，大女去那間店吃東西，態度同樣惡劣，仲有狗眼看人低的感覺，說到這裏這間店我是終身禮拜了，各位是否想親身嘗試一下他是否真的這麼態度惡劣，便閣自己決定吧！

搬到紅磡區都2年幾，都係紅土搵食多。今次行開土瓜灣，經過呢間薄餅怪獸，見幾多好評，就同男朋友試下。叫左個薄餅怪獸Pizza，2件台式同招牌炸雞，Pizza厚餅底，唔係好脆，但足料，尚可，不過不失但真係唔叫好食。台式炸雞勁勁勁咸，上面啲粉好多，咸到想洗腎，好油膩，25蚊一件都唔平，真係唔好食。可樂冇得跟餐，要16蚊一罐，唔抵。總結係，唔明點解咁多好評，失望嘅，唔會有下次。價錢唔算好平，同區有更好選擇。

招牌炸雞$20好脆口 同出面啲炸雞唔同感覺而且勁熱 一食就知係即叫即炸雞髀肉好juicy！ 台式辣味炸雞$21加咗啲辣粉係面 再香口咗同埋唔算好辣 類似七味粉果種超大舊超多肉 不過都唔會好韌 另外係炸雞側邊有啲沙律菜雖然唔算好多 但都好好食完炸野就會想食返少少菜 中和返無咁有罪惡感！ 千島海鮮pizza(心形）$67見佢係心形咁得意專登試下好靚呀 心形超特別同埋啲料多到滿晒蟹柳蜆肉魷魚菠蘿洋蔥紅椒總之一食落口啖啖都係料！平時都幾唔鍾意食pizza條邊因為無餸又dry 呢度個pizza邊好脆口 好容易食完一啖又一啖！葡汁雞皇飯$59好多汁同好多雞肉 份量都好多凍檸茶$19隻杯好靚 好大杯 味道就正常！無乜特別！整體黎講 呢個pizza性價比真係超高！又平又抵食！好好味(●´ω｀●)

個pizza 皮冇得揀的，但食落都幾鬆軟。芝士黑松露咖啡菇個黑松露味唔會話好重，唔會喧賓奪主，好食。個燒豬排骨燒得岩岩好，唔會好柴，好夠香草味，唔錯。間野的野食好好食，都有好多人去食，同埋d 野來得有d 慢

一向都好鍾意食呢類平民價pizza店😆土瓜灣就有間幾有格調嘅，味道唔錯幾抵食。千島海鮮6吋心型pizza $682個人食6吋啱啱好，餅底幾軟熟煙韌，材料都幾足👍🏻招牌肉醬焗意粉 $57經典嘅肉醬意粉，熱辣辣焗起，肉醬同意粉比例幾好，肉醬味唔錯。惹味烤雞 檸檬味 $42佢仲有炸雞揀，今日健康啲就食烤雞啦～雞脾肉幾嫩滑，叫左2件，有檸檬酸酸甜甜嘅醬汁都幾夾～飲品就試左凍檸茶，茶味濃檸檬多，好fresh~

今日好想食Pizza🍕，但又厭倦了沒有選擇地進去連鎖式經營的薄餅店，最後接受了朋友的推薦，到了她家附近的薄餅怪獸，我們趁著晚市繁忙時段之前入座，環境較寧靜，可以和朋友聊聊天……六吋心❤形星級夏威夷Pizza＄68， 薄餅和托盤都是心形的，很有心思。 手製餅底每日新鮮製造，口感幾香脆，餡料很多，鋪滿了整塊薄餅，包括菠蘿、蜜桃、洋蔥、香草腸和火腿。葡汁雞皇焗飯配熱飲或餐湯＄54，同樣是用料十足，葡汁令雞皇焗飯更顯金黃，上餐時香氣撲鼻，雞肉都幾嫩口😋惹味烤雞＄21/件，有麻辣味和檸檬味兩款，我們選擇了兩件檸檬味，一人一件烤雞，份量剛好，淡淡檸檬香，惹味之餘不會太重口味，不錯！熱檸茶＄17熱即磨咖啡（跟餐免費）

啱啱收工見肚餓就同左我同事去食呢間！! 位於土瓜灣嘅薄餅怪獸！！一入去見到裝修同環境非常舒服！好多打卡位置👍🏻因為我地最近減肥所以就係咁以叫咗少少野頂下肚！聽聞呢度最出名嘅就係佢哋嘅手工Pizza😼雖然有啲太肥但係都唔緊要啦，佢哋有唔同大細嘅Pizza我哋就叫咗個細嘅Pizza同埋一啲蔬菜！我個人就好鍾意食綠色嘅植物嘅！咁啱呢度又有沙律，仲有我最鍾意食嘅西蘭花🥦我哋就叫咗個芝士西蘭花，仲有個烤雞沙律，最後就係夏威夷心形Pizza❤️簡直係減肥嘅最佳選擇！！唔好睇個Pizza細細個咁Pizza底十分厚身鬆脆！非常有咬口！外脆內軟！個芝士焗西蘭花超級重芝士味！西蘭花新鮮又健康不愧為減肥嘅最佳好選擇！但係配搭埋芝士就非常邪惡🤣最後就係原件烤雞沙律！大大嘅雞髀加埋芝麻醬沙律！真係令減肥者又愛又恨！夜晚晚又唔想食得太飽！又唔想食得太肥！沙律真係幫到你👍🏻最後仲有一杯奶茶同埋檸水都唔差~天氣熱真係啱晒！

人在土瓜灣, 餓了, 查看一下openrice, 見這店的食物賣相吸引, 食評不錯, 價格又相宜, 決定光顧。午膳時間過後, 小店客人不多。是日午餐 $581) 義大利雜菜湯2) 薄餅3) 香濃鮮茄香草腸炒意粉義大利雜菜湯顏色偏深, 味道中規中矩, 雜菜份量適中。香濃鮮茄香草腸炒意粉炒得乾身, 有微微黑椒辣味, 唯蕃茄味淡。材料方面, 有少量沙律菜, 蕃茄粒和極薄切香草腸, 感覺有如淨食意粉。薄餅質感如法包, 外脆內軟。蕃茄醬上有粟米粒, 辣肉腸, 磨菇和芝士, 算是這餐的少少安慰。這個價格有湯, 意粉和薄餅是吸引的, 唯食物質素與賣相實在有落差, 沒有想像中吸引。  

今日又係輕鬆行吓山🤗行完就在土瓜灣覓食補充體力🤣朋友話不如去薄餅怪獸，因為抵食又好味😋薄餅怪獸在樂意居地下，店舖有一隻怪獸拎住塊pizza 嘅招牌，再看看價格，又真係幾親民🤭夏威夷心型pizza , 餅底厚而且很脆！芝士夠濃且是拉絲的！餡料波蘿火腿不吝嗇😋鮮茄肉丸炒意粉配蒜蓉多士，厚底多士蒜蓉香！醬汁夠濃肉丸惹味！還配有沙律菜$58 抵食！炸雞皮脆肉嫩多汁😋😋連食2隻也不會覺得肥膩🤭🤣🤣加$5轉凍奶茶和涷即磨咖啡😁現在惠顧滿$80送優惠券一張，即享三款小食其中一款🤗

今晚到馬頭圍道接朋友收工一起吃晚飯🥣，去他經常光顧的「pizza Monster」我想起都好耐冇食過，平時食pizza多數都係叫外送速遞，原來即焗即食可以咁好味😋😋星級夏威夷 $68薄餅焗成心型嘅外觀好吸睛👀，餅底焗得好鬆脆、千島醬汁底、菠蘿🍍蜜桃🍑洋蔥🧅香草腸、火腿、芝士、酸酸甜甜、一口一口食唔定😍😍海鮮焗闊條麵 $57 + 餐飲$5林林總總的意大利麵中，我對寬條麵情有獨鐘，豐富材料，蜆肉、蟹柳、蘑菇、章魚🐙配上忌廉白汁焗闊條麵，好味道😋😋台式辣味炸雞🍗$21/件 抬牌炸雞🍗$20/件我同朋友各有所好，我鐘意食少少辣，他鐘意原味，雞件炸得好香脆，肉質juicy 👍👍凍即磨咖啡☕️ $23咖啡以啤酒杯上，都幾抵飲喎🍻

近日迷上咗staycation,住酒店有自助餐送。於是將自助餐讓給父母,同老公仔仔三個去搵野食。土瓜灣真係一個甚小會黎的地方,帶住仔仔一定要搵D坐得舒服的餐廳。經過見到門口照燈好可愛,望落餐廳坐位都幾寬闊一於試下。黎得呢度一定要試下看板料理手工pizza。餐廳的pizza餅底全都是自家制,pizza皮外面香脆,內裡鬆軟。岩晒我鍾意食厚批的人!!而且心型pizza好可愛甜酸雞翼- 雖然只係一道簡單的小食,但雞肉入味夠晒juices連平時唔食肉的仔仔都搶住食。吞拿魚芝士長通粉-大大份,男人都會夠食。食物有水準,價錢夠晒經濟!我地一家都好滿意