薄餅怪獸

营业中

休息中

今天工作完畢，順便在這頭探店，Pizza 好像幾抵食，都幾多人食緊，無理由咁多一齊中伏嘅！簡單的點了三款食品，兩隻（原味炸雞），炸得皮脆肉嫩，雞肉還有不少肉汁，挺滑嫩，口感不錯。點咗個（心型pizza），造型出色！夏威夷款式，配料只有簡單的菠蘿和火腿，惹味，手做的厚餅底，的確脆得來鬆軟。今天最出色的是（肉醬意粉），味道調較適中，醬汁足夠,不會吃到一半便沒醬汁,要乾食意粉。加五蚊要檸底的百事可樂，一大杯冰加數片檸檬，相當冰凍，降溫解渴一流。加埋杯凍檸茶，無加一，埋單每人只是 $100，重想點😄

經過見到個招牌有隻綠食怪獸食緊pizza勁可愛比佢吸引左入去食野🤫回想返都好似好耐冇食過pizza！同朋友又吾知食咩好，就食呢間pizza monster la😈🍕🍕🍕決定左今日要放縱一日🤤乜都吾理喇食左先算！！整返個pizza嘆下先，兩個人叫個6寸細批都夠晒$68，pizza名叫怪獸多寶，老實講係因為個名得意我先叫，食落又吾差wo😆😆有啲可惜既係隔離枱啲pizza好多都係心形，但我地個個係圓形⭕️算喇味道又吾會吾同既，都係好好味，仲有白汁海鮮焗意粉$57，吾錯既有啲蟹柳等等材料係到，但pizza會更加出色！忍吾住再叫左兩件炸雞$20/1，炸雞不得了，啲肉好滑，個味道都係好正，雖然好熱氣但呢個都係必試既😍😍

暑假緊係要抽下時間陪下啲兒甥，帶完佢地去睇戲之後，就諗住搵個地方醫下肚。帶左佢地黎呢間老少咸宜既pizza店（薄餅怪獸），一去到門口佢地已經開心到不得了，我諗冇小朋友係吾鍾意pizza既！.店舖入面比人既感覺都幾乾淨，裝修得比較新式，空間都夠坐得舒服，佢牆上面仲放左好多pizza盤，又幾靚幾有心思，佢仲有個位置係可以自助拎水同調味料！加州風情～呢個pizza好適合小朋友，因為有粟米、菠蘿、火腿、洋蔥，全部都係啲佢地中意既材料，有啲酸酸甜甜既感覺！肉醬意粉～正常味道好食既，好受小朋友歡迎，我自己就再落左勁多芝士粉，正！檸檬蜜糖雞翼～賣相靚，真係有片檸檬係面，如果想重啲檸檬味仲可以自己再整啲檸檬汁出黎，都係酸酸甜甜既，食既時候要小心因為真係有啲熱！整體全部野食都吾差，適合一家人黎食，啲飲野都大大杯既，幾抵食！

今日屋企人個個有約掉底我一個人食飯，吾緊要我自己一個人去食好西先🤗土瓜灣都幾多小店，我就發現薄餅怪獸既環境都坐得幾舒服，就決定入去食餐好既🙈返左全日工既我已經餓到傻左，所以叫左飽肚啲既焗飯醫肚，然後再叫多個沙律清清腸胃🤫吞拿魚焗飯$54應該用左啲芝士焗的，成個飯好香，再加上吞拿魚既魚油仲香，啲粟米岩岩可以中和返，同埋意粉/焗飯送餐湯一客，我就要左羅宋湯，酸酸甜甜好開胃，入面都好足料☺️田園沙律$47本身認為食菜係吾會飽既我，見到碟沙律真係呆左幾秒，竟然咁大碟，人地幾個人share黎食的，我一個人淨係叫一碟沙律當晚餐我諗分分鐘都夠飽🤣醬汁我就要左日式芝麻醬，吾洗講都知菜好新鮮無錯最後我係飽到不得了咁走的，仲要食吾晒個沙律，所以外帶左食剩既返屋企夜啲再嘆過🙈食都咁飽都只係百幾蚊真係抵抵抵！

朝早有d野做去咗土瓜灣，中午決定食埋lunch至走，於是去附近既餐廳食意粉。揀咗個lunch set, 有招牌肉醬焗意粉套餐配雞脾同意大利雜菜湯，再點多咗半份甜酸雞翼。最快上既係餐湯，餐湯大大碗、熱辣辣又足料。之後既係意粉都好快嚟到，欣賞碟意粉既肉醬比較多，所以d意粉食到最後都仲有醬汁，唔怕好乾身。今次既雞脾係雞下脾，外皮烤得香脆可口，咬落啖啖肉tim。至於小食雞翼，就好香檸檬味，加埋蜜糖食落酸酸甜甜。

在屯馬線土瓜灣站行不遠，就到Pizza Monster，已經屹立在這裏有一段時間，有pizza、焗飯/意粉及烤雞。不是連鎖的，出品有質素有誠意。.怪獸多寶心形 - 這裏的Pizza批底是自家製造的，零舍鬆軟香化，而且有心形的，大家一齊估下有幾多情侶來這裏表白？怪獸多寶材料豐富，有洋蔥、青椒、辣肉腸、蘑菇、菠蘿、牛肉、豬肉等，熱鬧又好食。.吞拿魚長通粉（白汁）- 如果沒有另一半要示愛？可以叫正常圓形的pizza 或者焗意粉焗飯，價錢$50左右送餐湯/熱飲，是親民的價錢。白汁吞拿魚焗得入味，吞拿魚肉多，不錯不錯。.烤雞（檸檬味）- 烤雞精緻，一塊雞髀一塊雞胸肉斯文地文在碟中。雞肉嫩滑多汁，烤雞比炸雞健康，檸檬味酸酸地好開胃。.可以連餐加配凍飲，凍即磨咖啡、凍檸茶清涼解渴，正。而且環境開揚色彩繽紛，令人豁然開朗。

屯門線開通除左好興奮之外，當然係要搵下有咩好食啦🤣🤣尋晚收工就去左土瓜灣睇下有哂新發現，就係馬頭圍道發現呢間野。店內環境唔錯，有心思嘅裝修，店內位置都幾濶落，座得好舒服，傾計打卡都可以。店內仲有個自助區，可以自己加調味同斟水。檸茶+檸水，好大杯，抵飲😢海鮮長粉（$62）勁抵食！滿晒海鮮，夏威夷心形Pizza($67) 因為我地無留意餐牌，上碟嘅時候見到係心形，勁興奮❤️❤️❤️好鍾意個餅底，好鬆脆，又係落足料👍🏻黎張大合照先🤣🤣見到格離檯食炸雞，店員同我地講係佢地嘅招牌菜，忍唔住叫左個😅😅炸得好脆口，但雞肉仲係好juicy, 但個人覺得可以再濃味D 👍🏻💪🏻開心！發現到新餐廳，滿足嘅一餐!

今日同朋友嚟咗呢間裝修格局幾得意可愛嘅Pizza 店食 lunch ，正諗緊食乜好之際，就已經決定咗。以前細個成日諗，點解pizza一定要係圓形嘅？點解冇其他形狀？今日就居然比我見到，原來係有心形既pizza，我當然二話不說要點返個黎打下卡。因為係午餐時段，lunch set 都幾抵食，加上已經有點餓意，所以我同朋友都一人叫左一個lunch set ，又可以share 又吾洗爭食。朋友選咗田園沙律併蒜蓉包，配芝麻醬。而另一個餐就係迷你批套餐，就係我講嗰個心形pizza。餐飲方面就叫左一杯凍檸茶同一杯可樂。田園沙律送上枱，我同朋友都嘩左一聲。洗吾洗咁大碟啊哈哈。份量就真係好好好多，勁抵食。啲沙律菜夠新鮮好清新，兩片蒜蓉包都焗得好香值得讚。心形pizza外表好 cute cute ，雖然細細個，但都好足料，味道同口感都同一般普通既pizza冇乜分別。如果一個人食，係一定夠晒飽，今日同朋友share食就岩晒。

之前已經想食呢間pizza，但覺得好似有啲遠，依家有地鐵去到土瓜灣，佢就係地鐵站附近非常近，所以就同朋友黎食個晚餐試試佢半份檸檬蜜糖雞翼(4隻) $33味道幾得意，甜甜地但又帶點清淡既檸檬味怪獸多寶 (心形) $68餅底好鬆軟，薄餅邊又有啲鬆脆，配料非常多，菠蘿火腿青椒洋蔥肉粒辣肉腸芝士，帶點黑淑味非常惹味，仲有少少拉絲焗肉醬意粉 $57熱辣辣香噴噴，意粉質地唔錯，肉醬同蕃茄醬都好夠而且有芝士既加持，味道更濃飲品幾大杯，我叫左凍奶茶走甜多奶，味道唔錯，奶味夠重又甜甜地凍檸茶 走甜鍾意食pizza既朋友真係要黎試下

天氣咁熱真係日日都吾想食飯，但又吾知食乜好，上網搵下附近邊到食pizza平靚正，就見到呢間pizza monster都幾多好評，就決定黎試試佢會吾會中伏千島海鮮pizza你估都估吾到個pizza係心形嫁！我真係第一次見，話明千島海鮮緊係有千島醬，而配料就有（洋蔥、青椒、蟹柳、菠蘿、蜆仔、魷魚、蝦），超級豐富足料，每一口都食到啖啖海鮮，味道同外表都做得好好秘製燒豬排骨雖然需要等30分鐘左右，但都非常值得，上枱熱辣辣，份量都幾多，排骨燒到好香口，加上秘製既醬汁真係更加分，配料有薯條，薯條當然係脆的總括而言緊係冇中伏，仲估吾到野食都做得好好，近近地下次都會再黎食

土瓜灣新食點，呢度好方便，搭屯馬線土瓜灣站出黎行幾分鐘就到，自此d朋友都會鍾意約呢邊，因為呢區都有好多小店鋪，都好有特色！我地都好鍾意食pizza，見到呢間專門食pizza嘅小店就入黎食啦。🌟餐廳環境座位都好闊落，適合閨蜜情侶或者一家人裡食，燈光柔和，感覺都溫馨，適合同朋友一邊傾計一邊食野。🌟食物方面✨甜辣醬雞亦 $63皮脆肉嫩，加上甜辣醬，冇油膩感覺，都好開胃，令人越食越想食✨心型千島海鮮pizza $68呢度嘅pizza都係新鮮手工pizza，係我鍾意食嘅pizza餅底，好香脆，千島醬pizza冇得輸，兩個人食剛剛好，加埋心型好有心思呢，男朋友點比女朋友食夠曬sweet✨焗肉醬意粉 $57有我最鍾意食嘅厚厚芝士，正呀！一下子被我地清曬❤️

真係超級推薦呢間pizza monster 入到去都見到好多人食入到去已經覺得 環境正 有哂打卡位👍入到去 叫左一個蒜蓉包沙律（芝麻醬）超級大份 好抵食而且個蒜蓉包好脆呢個配搭令到唔會淨食沙律咁單調 又飽👍👍👍秘製燒豬排骨個排骨個味道唔錯 唔會太咸 而且d肉都好正唔會太肥膩 另外薯條係超級正 好脆口 而且個份量真係好多 岩哂二至三人share ah😁怪獸多寶最後仲有個pizza 好特別呀心型既pizza 🍕真係第一次食不過食完之後 除左有樣 仲好好味 佢個餅底 係好脆好脆即使上左枱過左陣先食 都仲係好脆另外 上面d料都好足料🍕另外一提 佢既野飲都好大杯 唔怕食到口渴😋呢間好值回頭 仲有好多款小食都好吸引❤️

屯馬開通後，一直好想去些少去的地方！今日happy friday 就訪尋土瓜灣的美食。地鐵站人來人往，出地鐵站發覺好多餐廳！更有舊式餐廳，不過今次想食pizza，就揀左Pizza Monster。招牌炸雞 雞肉好嫩，皮脆得剛好，連平時吾食皮既我都忍唔住食左，不愧「必叫小食」！海鮮焗長通粉 一望就知落足料，蟹柳、蜆肉、磨菇、墨魚等等。真係吾係hea你！芝士多也不用說！千島薄餅第一眼望，眼前一亮 ，心形的薄餅真的好特別！餅底又厚又特別脆，呢個同以往傳統薄餅好吾同，感覺好新鮮！千島醬加上菠蘿，絕配啊！一件又一件，食不停！手機下單，非常方便！

朋友係土瓜灣返工,話怪獸pizza既心形pizza好好食,性價比又高,就約我去食係土瓜灣站行3分鐘就到.餐廳環境輕工業風,好型格,卡位坐得好舒服.我地叫左心形怪獸多寶pizza,白汁海鮮焗意粉,檸檬蜜糖雞翼,凍奶茶&熱檸水.怪獸多寶pizza,心形pizza好吸晴,打卡一流,材料好豐富,有洋蔥,青椒,辣肉腸,火腿,磨菇,菠蘿,牛肉,豬肉,逼爆成個pizza,肉料既惹味,加埋菠蘿,蕃茄醬底既酸酸甜甜,真係好match,唔會膩,厚批底真係勁鬆脆,做到批邊同底都好脆而內軟,超級好食.白汁海鮮焗意粉,份量好多,鋪滿蟹柳,蜆肉,魷魚,意粉軟硬度岩岩好,混合白汁,好掛汁,好好味.檸檬蜜糖雞翼, 雞翼好入味,蜜糖既清甜,加上酸咪咪既檸檬,好清新既感覺,肉質仲保持好嫩滑,好有驚喜.下次再約friend一齊去食!

馬頭圍道一家用心經營嘅薄餅及意大利餐廳，呢度提供抵食嘅午餐，價錢$60左右，包括一個煮食及飲品，呢度環境舒適，坐得舒服。所以呢個價錢真係好抵。加州風情迷你批$63呢個薄餅係心型，賣相好靚，而且有好多芝士，味道超正！鍾意食薄餅嘅朋友，都真係一定勁鍾意。肉醬意粉$58肉醬意粉做得非常用心，肉醬嘅材料豐富，果汁條配得好好味。所以同意粉好夾，意粉煮得剛好，有口感。凍咖啡餐飲可加少少錢飲凍咖啡，味道香濃，好飲。台式辣味炸雞$21兩隻大雞髀，啖啖肉好正，微微辣味，肉質唔會好乾，好友驚喜嘅一個小食。