薄餅怪獸

营业中

休息中

屯馬線開通之後，去土瓜灣方便好多，由於平時實在太少去呢區，所以今晚特登去嗰頭搵食，見到呢間怪獸薄餅，令我諗起怪獸公司，都幾得意。入面嘅裝修都幾型幾有feel，價錢亦都唔貴，非常地道。星級夏威夷心形Pizza：呢個Pizza係厚批，食落餅皮都脆，最吸引當然係心形啦，好啱情侶食。材料有菠蘿、火腿、肉、芝士等，Pizza雖然唔算好大，但一個人食或者兩個人share都唔錯，兩個人食可以再試埋其他食品。香烤蒜蓉包沙律配芝麻醬：個蒜蓉包又脆又好味，沙律份量非常大，都幾新鮮好味，值得推介。白汁海鮮焗飯：餐廳雖然叫Pizza Monster，但估唔到佢嘅焗飯做得非常出色，非常足料，飯唔會好乾好dry幾好食，而且仲有魷魚蠔仔螺肉蟹柳等配料，食得非常滿足。呢度仲有自助水吧，呢樣我都幾欣賞，非常方便。

第一次食非連鎖式的pizza店。小店既熱誠係連鎖店無得比的晚上來到附近漆黑到被綠色光的招牌吸引住..卡通怪獸正在吃薄餅，非常可愛這裡的pizza亦都非常可愛 原來是心型的，很新奇 適合用來打卡這裡的pizza餅底是用手製每天新鮮製造的，正如我所說這就是小店的熱誠，亦很有心思還有很多人吃的台式辣味炸雞，雖然不是太吃到台式的感覺 但這個炸雞還是很出色的。味道惹味 不會炸到過火這裡價格都很便宜 幾十蚊就能吃到，凍檸茶亦很大杯，夏天就最適合

間唔時同婆婆落黎樓下食返個tea🥢怪獸多寶🥢 6寸細批 $68 呢到餅底係最大特色，厚得黎卻好脆，凍左都保持脆性，唔知外賣會點呢，我見都幾多人叫。材料好豐富，最搶眼當然係辣肉腸，佢D鹹香既油脂愈嚼愈香，其次係意大利人最討厭既菠蘿，幾咁fresh幾咁多汁，蕃茄醬似係加左鮮茄肉，比較fresh D同時比較酸D，balance返。🥢招牌炸雞🥢 $20 炸雞係另一招牌菜，口味好多元，不過我最like既係原味，肉嫩多汁，炸皮唔算話好薄但相當脆身不油膩。🥢白汁海鮮闊條麵🥢 $57婆婆既最愛，點解會係? 因為多料抵食，有蟹柳、蜆肉、魷魚、磨蘑..包你啖啖麵都有料。

朋友係土瓜灣地膽呢日我地就相約左係土瓜灣見面聚下舊🥳當然叫佢呢位地膽帶我去食好野啦😍朋友就問我食pizza好無 我就緊係無所謂啦😎千島海鮮心型pizza😋餅底脆脆地 餡料有好多海鮮 蝦 魷魚 蜆 蟹柳👍🏻仲有青椒 洋蔥 菠蘿 勁豐富🤤個醬就係千島醬吞拿魚長通🥰吞拿魚同粟米都好多 味道就焗得入味餐湯羅宋湯🤩焗飯/意粉/長通粉 都會送餐湯或熱飲 我就選擇左餐湯羅宋湯😉味道酸酸甜甜 建議加胡椒粉會更香😆足料有好多雜菜朋友果然冇介紹錯👍🏻👍🏻👍🏻

呢間餐廳係樂意居地下的pizza monster .位置就在麥當勞旁邊..有個可愛的招牌（怪獸拿著pizza)空間寬敞舒適..適合跟三五知己光顧因為我不是太餓所以點了一個沙律..主要是跟朋友聊聊天..這個原隻惹味烤雞沙律$59估唔到到原來份量這麼多..可選日式麻醬/柚子油醋..原隻烤雞肉質滑很入味..朋友就點了一個吞拿魚長通粉..他說每次來都要點很好吃..他分了一點給我試..魚肉很多..調味很惹味..汁也很夠..這個價錢真的非常抵..看到很多人吃pizza..下次也要來試試

經常都聽到啲朋友同事介紹，話土瓜灣有間食pizza好好味，藉住近期屯馬線開通左，就出黎試下，土瓜灣地鐵站b出口一出行5分鐘就到，地點非常方便正正就係大街工業風格嘅裝修，加上霓虹燈嘅招牌非常適合文青打卡。店內設有自助斟水區域，包括調味料(茄汁，辣椒仔，芝士粉等)，還有水及湯水可以自由斟用，非常方便舒適。原件惹味烤雞沙律＄59點左個沙律做前菜，一上枱超級大碟，新鮮沙律菜同大大隻嘅啖啖肉烤雞鎚，配上芝麻醬更加開胃阿 。怪獸多寶＄68推介款既心心型 怪獸多寶pizza，材料好豐富(洋蔥,青椒,辣肉腸,火腿,磨菇,菠蘿,牛肉,豬肉)，配上蕃茄醬既pizza皮簡直係Perfect池阿～ 重點係pizza便非常鬆脆！！ 外型打卡一流又好味意大利海鮮焗飯＄57好豐富嘅白汁海鮮焗飯，表面鋪滿芝士&白汁包含住蜆肉，蟹柳，蘑菇，魷魚 ，而且白汁口感香濃又creamy，完全唔會太漏既感覺。整個焗飯份量亦都適中，兩個人share食就岩岩好。

想吃一個薄餅，人不多又不能吃，這店子很好，貼心的份量，二人吃也很棒喔意大利人吃東西很固執，這我知道。菠蘿是萬萬不能放的，很可愛喔！這店千島醬味道很鮮味，薄餅做成厚餅簡直很棒。喜歡厚餅，餅底是人手細心製作，隨心設計自己喜歡的口味，心形也令人感到很好。店子多人，有梳化位～中間也有座位～地方不錯飲品種類很多，非常吸引，餐湯的選擇每日也不相同。招牌炸雞招牌炸雞一定要吃～炸雞香口。雞肉不乾，有肉汁。大蝦意這個蒜香大蝦意粉好好吃，建議有空要做來吃吃，你一定會有驚喜的～意粉簡單料理，這次推介大蝦意粉，賣相味道不輸餐廳水準。大蝦有咬口外，也有帶子、魷魚等海鮮～豐富海鮮意粉。吃放心，意粉掛滿醬汁，吸收大蝦精華，非常美味。

難得約到鍾意食pizza嘅朋友聚會，當然要黎呢間食啦，之前都黎過，對佢嘅pizza念念不望，又黎重溫下手工pizza個味道，同埋呢度做得舒服，有唔會限時，可以用朋友慢慢暢談！今次試左新嘢就係炸雞啦，好正！推介！炸雞皮不過過厚，保持到脆口至於，入面嘅雞肉好juicy，唔會鞋，分量都好夠兩個人share，大大件。食炸雞當然要配可樂啦，呢度仲可以加五蚊有檸檬樂，好fresh，食完炸雞清清口。pizza依然保持到水準！朋友都話好好味呢，pizza底夠香口邊邊仲好脆口。白汁雞肉長通粉都好多料，硬度係我鍾意嘅長通粉硬度，唔錯！

周末同friend係土瓜灣行街隨便搵左間食餐廳食小小野～發現周末中午都幾多人幫襯，睇到呢到既餐牌款式都幾多元化，而且價錢都非常合理！見到有烤雞，我同朋友都二話不說一人叫左一隻試下，呢個烤雞係即叫即整既，需時30分鐘，不過都係值得既，咬落又熱又多汁，檸檬味道都好出。再叫左個吞拿魚長通粉，有好多粟米，食落會甜甜地，我地兩個人share份量都夠食，都叫左兩杯野飲慢慢飲吹下水，呢到就算慢慢食都完全冇問題亦都坐得好舒適

今日去左土瓜灣搵個朋友俾啲野佢，搵完順便係附近做GYM兼食埋晚飯先返屋企～做完gym落到樓下見到呢間舖頭幾多人排隊等外賣就決定試下👍我叫左個鮮茄焗豬柳飯跟雜菜湯同埋一件招牌炸🐓焗飯嘅豬柳幾juicy，唔會太肥膩，夠香口，食得出係煎炸完再攞去焗👍加埋少少香草味同清新既🍅🍍，幾夾幾好食😋招牌炸雞熱辣辣，雞皮超級脆！！肉質都好嫰滑，但略嫌有輕微油膩感 (如果有張烘焙紙係底索一索返啲油可能會好啲😅)雜菜湯超多料👏我見好多人都有嗌心形🍕，好特別，下次有機會可以試下😂

餐廳位於土瓜灣，最近地鐵已開通了土瓜灣站，所以地理上極度方便，距離地鐵站路程只需要五分鐘左右，十分方便快捷。餐廳主打的就是西餐，而這天我和朋友一同光顧，我們點選的食物也就是薄餅，我們更挑選了一個心形的薄餅，加州風情口味。最喜愛的就是他手工自家製餅底，邊皮香脆可口，最重要加厚的餅底，入口口感極佳，味道一流。另外，我們還挑選了肉醬意粉和一客檸檬糖雞翼（半份）。意粉，份量佳，味道好，意粉口感十足，帶點煙韌，更喜愛自家製的肉醬，帶點香草香味，又帶點番茄的酸甜，真是一個極佳的菜式。雞翼，入口香脆，不油膩，帶點檸檬香，又帶丁點甜，真不錯。

次次黎咁偏既地方都唔知食咩好同朋友見到呢間食pizza 好似幾吸引就入左黎試。我地嗌左個食肉獸心型pizza,香蒜肉絲炒意粉同埋個甜酸雞翼。野食等左唔算好耐就黎到。個pizza 好香！芝士有小小拉絲仲要焗到個邊好脆好好食，感覺似toast。上面肉既份量都幾多，都幾有誠意。意粉係乾身，唔會煮得太淋，份量都幾多，唔錯！最後個雞翼烤得岩岩好，外脆內軟，配埋甜酸醬好開胃餐廳都幾寬躺，坐得舒服，又企理乾淨，同朋友過左一個休閑既下午

土瓜灣開左地鐵站， 去食飯方便左好多。唔使再下下油尖旺同人迫啦 今日就去左呢間非常可愛的pizza 店試下，裝修有d工業風， 幾開揚，唔焗促。6點幾去到，都好full, 原來呢度下午茶去到6點， 我過左，唯有點正價menu。 不過正價Menu 價錢都好街坊價怪獸多寶 $68PIZZA 分類以醬底為主，有蕃茄醬底/千島醬底/特色醬底仲有分大中小SIZE (6" - $ 68/9"- $118/ 12"-$148) ，餅底每日新鮮手製。仲有一個限量供應的心型造型 (好彩我早到，仲點到~) 心型造型好有諗頭， 讓pizza 多了一個賣點。 怪獸多寶即係雜錦， 咩都有，材料非常豐富，口感多樣厚底批，好飽肚。最欣賞佢既餅底非常脆卜卜 招牌肉醬焗意粉 $62呢個肉醬意粉，好HOME MADE 既感覺肉醬非常多， 味道唔味精， 份量都好多不過意粉有d煮得過熟，淋左少少，同無左焗個種香口感。扣左少少分秘製燒豬骨 $137 (餐牌寫必食，點都要試試) 燒排骨十級讚 好耐無食過咁好味既燒排骨了， 家下好多餐廳都用肉排煮熟再煎，一d都唔香口， d肉又嚡。 呢度既燒豬排骨真係骨排， 仲係真·燒出黎。d肉痴住骨

每次帶住小朋友出去都佢一定話想我帶佢食pizza，但我每次都好苦惱，因為間間pizza店啲pizza都鬼死咁大個，我地一個大人一個小朋友真心吾會食得晒。咁岩帶佢上完堂經過見到pizza monster 門面隻怪獸招牌深深吸引住佢，我地就望下個餐牌竟然有迷你pizza，我地就決定入去嘆返個午餐。迷你批套餐$58可以選千島海鮮/怪獸多寶/加州風情/辣肉腸，我地就叫左個怪獸多寶，係番茄醬底的，好適合小朋友食，有菠蘿係入面所以好清爽。甜酸雞翼$33（半份 4隻）酸酸甜甜好開胃，肉質好飽滿，入面啲雞都係好滑既呢間薄餅怪獸真係大人小朋友都一定會喜歡

之前去外婆家時經過見到開了家pizza餐廳，決定帶外婆去食心型pizza。店面唔算太大，我們選了海鮮pizza 、雞皇焗飯、雞翼及沙律。田園沙律沙律有幾款沙律菜，配左芝蔴沙律醬，車厘茄幾清甜，不錯！甜酸雞翼味道係泰式甜酸醬，雞翼幾入味唔會太辣，甜甜酸酸無咁膩。千島醬海鮮pizza心型pizza外型幾特別，份量唔算好大！pizza 餅底唔厚，味道不錯。海鮮材料幾多，有蟹柳、蜆肉、魷魚及芝士，芝士味幾濃味道不錯，份量剛剛二個人食灑！白汁雞皇焗飯加了粟米既忌廉白汁同雞肉幾夾，雞肉跟蘑菇份量幾多，整體幾好味，街坊小店質素幾用心！