薄餅怪獸

营业中

休息中

前排講起味來，好多人就問我屋企土瓜灣附近有乜好食。 然後有人inbox 推薦呢間薄餅店，話說，呢間薄餅店前身係紅磡，都幾出名。 我無特別聽過，不過經過千幾次都真係一次都無食過，有人推薦，就試下。簡單放工落車就食得，食完番屋企不用兩分鐘，其實真心正，屋企附近有好野食，係唔同d。當晚叫咗幾種唔同嘅嘢食，整體感覺不錯。 四個人，叫個田園沙律，清新一下腸胃，雖然沒有pizza hut的那種海量，但還好吧。 薄餅嘅種類唔算特別多，想吃點題作怪獸多寶，不過想吃簡單一點，選了一種又係pizza hut年代最鍾意食嘅千島海鮮，意大利人最怕有菠蘿嘅薄餅，呢個真係香港先有， 以洋蔥，青椒，菠蘿為附，主海鮮類有蝦，蜆仔，魷魚等等等。 要讚嘅係佢嘅厚批唔算太難頂，算是合格。 識得我耐嘅朋友都知道我係炸雞迷，招牌炸雞聽人講都幾出名，有台式辣味，有檸檬味，都幾多元化，而且炸雞都做得幾好食，最重要價錢真係唔貴。 小食拼盤就相對無特別，有咖哩角，春卷，薯圈，雞翼等等，種類當然多但係味道就冇乜特別大驚喜。 蒜蓉包好大碟，鍾意食麵包就要叫下，送佢嘅湯也唔錯。 其他飲品同湯當然正常，

看完美美的花花後，想著拿速遞，但不料趕不及，只好填飽肚子。這個女朋友曾經住過的地方，是美食小天地。一直也很想吃薄餅怪獸，今天終於可以一試。點了1）怪獸多寶9‘’($117）；2）美式拼盤($77)。等了一會兒、怪獸多寶要了薄批，批底脆卜卜，各種材料，包括但不限於洋蔥，青椒，辣肉腸，火腿，磨菇，菠蘿，牛肉，豬肉配合得天衣無縫，每一口吃下去，也有配料，聞說薄餅的是人手搓的，煙煙銀銀，不錯。另外來了美式拼盤，包括香草腸，薯條，洋蔥圈和雞翼。香草腸是最好味的，是德國腸，口感跟其他的截而不同，加上香草，配搭不俗，感覺最一般是洋蔥圈，淋patpat，跟其他的未能配搭。但以$77能夠吃下一個大拼盤，絕對是物超所值。總括來說，這個晚餐是大滿足，可以滿足我和女朋友的肚子。

少去土瓜灣的我，真的唔知附近有咩好食，行吓行吓見到間賣pizza ge 鋪坐滿人，同行的朋友建議一試。我們兩女隨便點了個小食，意粉同pizza, 堅飽呀！至於味道呢。。。心形外表夠賣萌，但亦不失質素！脆香又好鬆化ge 包底，配埋juicy 醬汁同夏威Pizz夷食材，桃肉，豬肉粒，好好味。惹味得來又唔油，個人覺得比起某大品牌的更香更好吃。而且粉質煙韌，粉條平均，食落唔會好乾身。烤雞味道剛好，檸檬汁突出開胃，肉質唔錯，食完唔會漏！！店舖唔算大，但店員親切，食得簡單又快樂！不妨試吓啦！

薄餅怪獸主打住薄餅嚟開店 令到我同個朋友路過見到都忍唔住入去睇吓呢到啲薄餅有咩咁特別！✨餐湯有餐湯同飲品揀，餐湯係紅湯 蕃茄味好濃郁✨台式辣味炸雞 &原味炸雞叫咗兩款唔同嘅炸雞 其中一款比較特別嘅就係台式辣味炸雞 食落辣辣地，係孜然粉嘅味道，有好香嘅燒烤味。而雞肉肉質好嫩滑同埋多汁✨白汁海鮮闊條麵海鮮辣汁闊條麵係有蟹柳蜆肉魚肉等等嘅海鮮 ,忌廉同芝士嘅味道好重,啱晒鍾意食白汁同埋鍾意邪惡感覺嘅人✨星級夏威夷 細批因為我哋兩個人食所以就叫左個細批 一上枱嘅時候完全幫冇估到係一個心型嘅批 因為我同我朋友兩個男人一齊食😂 叫得做薄餅怪獸果然有返咁上下水準 最鍾意嘅就係佢嘅薄餅餅底好厚身同埋佢有質感 外層脆卜卜，入邊就好鬆軟 🤪真心好推薦呢度嘅薄餅🤪

來土瓜灣探朋友，她說有間pizza 不錯吃，就帶餓底來試下。 看menu，有心形pizza咁得意？就叫嚟試下啦！ 秘製燒豬排骨好香呀！邊影相邊傳來陣陣香味，令人垂涎！排骨已經分開細細份，方便分食，頗細心。吃這種排骨，用什麼刀叉? 用手食最滋味！餓底豪邁地拿起一條排骨往咀裡送，呀！好喜歡那陣焦香味！好似用柴燒既味咁，果然是必食！伴碟的薯條也不錯，味道乾淨俐落。 星級夏威夷心形pizza實物既心形仲靚過相呀！好cutie！試下個味得唔得先，有菠蘿＆蜜桃，非常香甜！批底是厚批，咬落極具口感，是一口接一口的節奏，後悔只叫了6吋添，哈哈！ 煙鴨胸意粉賣相幾靚仔！這個意粉白汁的味道調較得剛剛好，吃著不膩，還充滿煙鴨胸的香味，yum!

呢間土瓜灣小店位置都幾方便，正正喺大街一落巴士就到。Menu睇落都好多野揀，以一間小店黎講呢度算係超多選擇。前菜就揀左原件烤雞沙律，沙律有幾款生菜、蕃茄，醬係日式芝麻醬，加埋烤雞唔太油，成個口感幾light 又refresh。白汁海鮮闊條麵勁足料，有蜆、八爪魚、蟹柳，好多料數都數唔曬，個汁偏淡，唔太heavy。吞拿魚特色細批用心心碟上，pizza底係脆面包，好有口感。用料就有煙肉吞拿魚芝士粟米，超級大滿足啊！野飲就叫左hoegaarden啤一啤，淡淡地嘅啤酒襯番意粉同pizza簡直係一流。野食性價比都算幾高，野食選擇多，價錢同質素都抵過食pizza hut，仲要好味好多。

🥢怪獸多寶🥢 $65 （迷你批）6寸2個人食岩岩好，餅底厚底得黎又勁脆wor，咬落去好似食薯片咁既聲，勁脆勁香口。辣肉腸鹹香，惹味十足，同pizza perfect match🥢惹味烤雞（麻辣味）🥢 $18/件雞皮好好食，脆卜卜，但肉質唔會過老，加埋辣椒醬又麻又辣又香，好厚肉下架！🥢惹味烤雞（檸檬味）🥢 $18/件甜甜地酸酸地仲甘甘地，好開胃。🥢白汁海鮮意大利意粉🥢 $57意粉份量好多，不過個醬汁少左d d。

薄餅怪獸西式餐廳怪獸多寶 6'' $65厚皮足料既，多芝士，濃濃既蕃茄味，再加上肉塊同少少蔬果，有口感既，典型薄餅。台式辣味炸雞 $18/1件好夠香口，完全係台灣夜市既味道，炸得好香脆，雞肉多汁嫩滑，辣粉味道好出，唔錯！田園沙律 $47份量夠大，菜好新鮮，加上麻醬，好fresh既既感覺。上面兩塊蒜蓉包都好香脆。美式拼盤 $77即叫即炸，上菜之後都好熱好脆，抵食，有粗薯條、洋蔥圈、炸魚塊同埋香腸，份量好夠，香口！羅宋湯味道正常足料。

一向欣賞小店嘅幹勁，彈性，同埋親民。今次帶埋媽咪和二個小寶寶去幫襯薄餅怪獸。田園沙律最啱我，好大碟，富醬汁，加埋芝麻醬，開胃無比。兩個小寶寶最愛招牌炸雞，外層超脆，入面勁嫩，真係做到皮薄餡正，食到佢哋二個嘴舐舐。我們最欣賞係怪獸多寶pizza，新鮮手製餅底有洋蔥，青椒，辣肉腸，火腿，蘑菇，菠蘿，牛肉，豬肉等等材料，餡料豐富，遠超專門店嘅水準。小食肉丸拼香草腸，份量不少，富肉汁，很juicy。媽咪愛吃三文魚，點了焗三文魚白汁飯，三文魚份量很足，配上甜甜粟米粒，值得推介嘅白汁香濃美味。最後嘆杯冇苦澀味的凍檸檬茶,真是可以再幫襯的美食店。

最近好姊妹搬左新屋去土瓜灣，所以約好左係附近食完飯再去佢屋企參觀😍 於是就係附近搵左間小店。打開餐牌~ pizza都有好多選擇，仲有一堆意粉、焗飯、小食、炸雞等等，真係encore幾次都未試得晒🤣叫左個夏威pizza細批~ pizza呈心形❤️ 賣相好靚，而且面頭佈滿芝士，批邊經烘焗後夠香脆。內餡有菠蘿、火腿、洋蔥等，味道酸酸甜甜，好清新好快就ko成個。主食仲有招牌肉醬焗意粉。li個肉醬意粉同平時有d唔同，佢比出邊多左辣肉腸同蘑菇粒，口感更加豐富。小食叫左檸檬味烤雞💛 超好味呀！！！烤雞外皮香脆，但雞肉嫩滑，而且加上檸檬汁同蜜糖好惹味，好食過kfc多多聲🤤是日餐湯係羅宋湯，味道好夠而且超足料😋

其實店鋪係天光道巴士站，每日返工搭車都會路過，但未曾食過。今日終於試一次，外賣客好多，附近既街坊都好多，應該都好受街坊歡迎。Pizza 特別在有3個size 除了平時大批中批，仲有迷你批，今次叫了個迷你心型pizza. 兩個人食岩岩好，有4件。叫既係怪獸孖寶，餡料好多。厚批，新鮮焗起批底仍然係脆既。60幾蚊就有pizza食。焗海鮮闊條麵都是$62平民價，但味道一樣吾錯。面頭既海鮮仲好多，蜆肉蟹柳，濃濃既白汁亦吾錯，新鮮焗起，份量亦有質素。烤雞$18一件，除了烤雞仲有炸雞，今次選了烤雞，外表脆，裡面都幾滑架。而且汁好得別，係有一層檸檬味密糖係面，脆既外皮沾醬好好食👍另叫了奶茶及凍檸茶，每杯$18。

疫情稍為放緩終於可以出下街同朋友聚會下今日去咗朋友屋企附近睇下有咩餐廳意外地發現左一間專食pizza嘅西餐廳pizza monster價錢親民除咗有pizza供應之外仲有西餐 小食價錢唔算貴 性價比都幾高 不過上網睇 呢度嘅pizza有別於其他嘅舖頭佢哋有出心形嘅pizza 打卡一流所以我同朋友今次來到一定要試下我哋最後叫咗一個迷你批嘅怪獸多寶一上枱嘅時候就畀佢嘅心型pizza吸引影相打卡非常之吸睛另外佢個pizza係厚底 食落係鬆脆 雖然係咪你批但係pizza嘅料非常多啲餡料係多到瀉曬出邊 砌完之後有拉絲效果口感十足 兩個人食啱啱好蒜蓉包沙律呢碟沙律比我想像中到好多 沙律上有無限多嘅芝麻醬 沙律菜新鮮 不過最有驚喜係嗰兩塊蒜蓉包 蒜蓉搽滿曬整塊多士 烤完之後香脆可口檸檬味烤雞最後我哋叫埋兩隻烤雞一隻雞槌一隻雞胸烤雞皮脆口而肉嫩滑而且每一隻雞都有上大量嘅檸檬汁酸酸甜甜嘅感覺 非常可口值得一試

✨中女獨食難肥日誌 ✨薄餅怪獸 PizzaMonster 中女食土瓜灣今日與友人來到土瓜灣一街坊小店，pizza多數吃連鎖餐廳，難得有小店自製餅底，值得一試！台式辣味炸雞 $18/件 剛炸好的炸雞好燙手，上面灑上的辣粉有台灣夜市雞扒的味道，不會太辣，但惹味！雞炸得不油膩而雞肉又不鞋口👍🏼怪獸多寶迷你pizza $65細細份6吋pizza，十分足料鋪滿整個餅底，蕃茄醬酸酸地幾開胃。餅底是鬆軟的厚底，配料有洋蔥、青椒、 蘑菇、菠蘿、辣肉腸、火腿、牛肉碎及豬肉碎！是日餐湯 $12我想喝個熱辣辣的湯，餐湯是紅湯，少少辣，而且幾濃味👍🏼，最憎溝好多水淡味的西湯！香烤蒜蓉包沙律 $52個沙律好大一盤！新鮮生菜車厘茄配上芝麻醬，好清新！美式拼盤 $77食完菜好想食薯條！發現這個美式拼盤$77有齊４樣炸物好抵食！包括薯條、炸魚柳、洋蔥圈及腸仔，樣樣都熱辣辣炸得香脆可口！

平時返工叫pizza Monster外賣就叫得多，今日收工一於同同事去堂食。 餐廳唔算大但係坐得好舒服闊落。 我哋嗌咗一個千島海鮮迷你批，招牌肉醬意粉，兩件焗雞。兩個女仔份量啱啱好千島海鮮迷你批 $65 我哋揀咗厚底，麵包外脆內鬆軟， 新鮮熱辣整出嚟特別好味，pizza上面都幾多海鮮料，足料唔錯 招牌肉醬意粉 $57一向都鍾意呢個肉醬意粉， 上面鋪滿曬肉醬食肉醬意粉一定要多肉醬撈落啲意粉度先夠惹味。仲可以揀要餐湯或者係飲品，羅宋湯好飲，夠味，又有啲雜菜。惹味烤雞 （檸檬味） $18@我中意食烤雞多過炸雞，因為味道香濃好多，一咬落外皮，少少脆加上充滿檸檬香味，超正！

偶爾經過馬頭圍道，見到這間pizza嘅招牌好揚眼，即可愛又卡通。入到店內，鋪仔細細，幾張卡位和兩張長枱。但座位都闊落，坐得舒服。什菜湯和台式辣味炸雞，什菜湯好夠料，味道剛剛好。炸雞熱辣辣，外層少許辣味粉，內裡一啲都唔乾，仲有少許肉汁，咬落脆卜卜，少少辣好好味😋海鮮焗長通粉，海鮮鋪面，份量夠大碟。星級夏威夷pizza，心型pizza，齋打卡都攞到唔少分😂上面一層厚厚芝士，中間有菠蘿和蜜桃，夾着香草腸，食落好味又開胃。pizza邊好脆好鬆軟，好好食。這裡pizza種類都有好多選擇，仲有三個size揀，最特別係有心型pizza。價錢經濟實惠，值得去食！