蕃茄仔

营业中

休息中

之前成日係網上見到人介紹依間蕃茄仔, 想試好耐啦, 今日收工係附近, 因為疫情關係冇得堂食, 就決定去買個外賣~好記得依度既番茄湯底好不得了, 話係用左30斤新鮮番茄, 洋葱, 蒜頭同埋其他香料, 熬足3至4小時再攪碎隔渣而成, 平時去茶記必食茄湯既我梗係即刻BOOKMARK左啦!去到店先知原來係一間小店, 座位都唔多, 簡潔企理。外賣PACKING唔錯, 夠穩陣, 番到屋企都冇出現漏/瀉既情況。特製安格斯牛肩胛番茄濃湯烏冬( +$8烏冬 +$8秋葵)打開包裝見到表面鋪滿牛肩胛, 牛肩胛大塊賣相吸引, 食落好濃郁牛香, 唔係普通貨色。主角蕃茄湯果然堅料, 湯頭濃稠度高, 入面仲保留左D茄蓉, 飲落味道天然, 好重番茄香, 烏冬係平時食開口感煙韌既稻庭烏冬, 表面沾滿湯頭, 另外自己加左煎香左既秋葵, 正! 秘製豬扒番茄濃湯上海麵秘製豬扒都好有驚喜, 睇賣相似係用燒既方式, 食落表面有焦香, 而且肉質出奇地彈牙軟嫩, 加分! 依個就揀番上海麵, 麵身較粗有少少波浪紋, 所以掛湯能力好強, 而且本身就係跟上海麵, 唔需要加錢, 配上依個咁濃郁既茄湯真係絕配。外賣既質素都令我咁滿意, 我相信

Take out series from @softeggsboy new shop - red object!! Highly recommend their beef in two ways w/ specialized noodles in 🍅 soup! The beef was moist and soft, tomato soup without MSG & indeed, very high quality. The soup was still hot even when I travelled for a while to get home. Not to forget to mention about their take away packing was super well done as they helped me up separated the soup with the noodles to avoid soaking up. Very considerate!! Will also be back for their cold noodles ne

下午時分大排長龍, 所以外賣帶回家吃~ 餐廳外面放了一張長凳, 讓客人坐着等候進入餐廳進食, 是貼心的表現呢! 主打自家製鮮蕃茄濃湯🍅, 鮮茄營養多, 是健康的湯底。麵類款式多, 有和風白麵、刀削麵、上海麵、稻庭烏冬等等。//炭烤風味雞扒配刀削麵 (加秋葵)//蕃茄湯底很濃稠, 味道鮮甜, 不會是水汪汪的那種, 裡面還有蕃茄蓉。湯底還有蒜蓉香味, 味道有層次。刀削麵有微微彈牙的口感, 掛湯力高, 充分吸收到湯底的味道。烤雞扒肉嫩, 幾juicy, 上面佈滿炸蒜粒。//特級安格斯牛肩胛配稻庭烏冬//安格斯牛肩胛的牛味夠濃, 肉質腍嫩, 烏冬煙煙韌韌, 吸收到蒜蓉及蕃茄的味道。

喺Openrice見到佢哋嘅湯底好吸引，今日出開銅鑼灣，決定要去試下。可能因為疫情，少咗人堂食，所以都唔駛等好耐就可以入座。叫左炭燒雞扒另加配豆腐，麵底加$5轉左葛粉，見到網上食評話葛粉好味，所以毫不猶豫就揀咗佢。湯底: 超濃厚，好夠味。雞扒: 燒得好嫩好香，塊皮烤到好薄好脆，平時唔食雞皮嘅我都食晒。豆腐: 好滑但又唔會一夾散。葛粉: 好QQ，吸哂啲湯，好好味。成碗麵全部食材都配合得好好，仲有其他餸同麵都好有興趣試，一定會再嚟幫襯。小店好乾淨，員工都好親切，埋單嘅時候都有問下我啲嘢啱唔啱食。咁好味，梗係啱食啦。

今日放工肚餓，有朋友之前介紹過這間良心小店，有時間就去幫襯下！在希雲街，店外有長椅讓客人坐下等位👍🏻雖然地方唔大，但舒適乾淨的環境，加上簡單設計及防疫隔開的膠板，讓客人食得開心又放心每張枱有餐牌及QR code，可以用電話落單，環保又快捷方便，選擇有湯底、是日午餐推介、麻醬拌麵等等，更有花茶飲品，好豐富健康的餐廳我當然點了自家製番茄濃湯，這個是必試的！酸甜健康又營養美味的番茄濃湯底好多茄蓉，香滑甜美，好適合夏天喔主菜可選牛、雞、豬等等，我就選了特級安格斯牛肩胛，這個多片的薄薄牛肩胛，咬口及牛味都一流，好香好正!可以自己加配菜及粉麵類，我今次的上海麵掛汁又口感剛好，份量又足，好滿意；也可走蔥走蒜等貼心的服務，飲品也可自己選擇，有花茶、特飲、果汁、汽水等，好多好吸引

🍅濃厚蕃茄湯底🍅 除咗SSP好出名嘅番茄師兄之外，銅鑼灣都開咗間蕃茄濃湯 嘅餐廳🤩，湯底嘅濃厚程度比預期中利害，直情可以用"番茄蓉"拌麵去形容🤤，味道唔會太酸又唔會太甜，調味恰到好處👍🏼，而且番茄味好真實，一啲都唔artificial，好食到最尾連個湯底都飲埋😂，但臨尾覺得有少少油同咸。.🍅自家蕃茄濃湯底🍅：🔸🐥炭烤風味雞扒刀削麵💲62雞扒份量都唔少，入口嫩滑唔鞋，刀削麵都幾彈牙，掛湯力好👍🏼，唔會浸到林哂。🔸🐂牛魔王(雙拼)💲78＋蛋花💲8牛肩胛肉味濃厚，感覺到佢好似有少少火炙嘅味道，油脂好香口😋；牛腩一條條砌得好靚，肉質軟腍又冇筋😋。加左蛋花去湯底更加出色💛

今日黎番茄仔買嘢食，疫情期間就費事堂食，選擇左外賣。呢度出名蕃茄，個湯底真係超級濃，好結，蕃茄味道好重，甜而不酸，好鍾意。加左迷你雲吞，味道好似意大利雲吞咁有少少芝士嘅感覺。擺落湯度真係絕配。呢度有幾款麵揀，我就揀左呢款好似薯粉嘅麵，好有嚼勁，好鍾意！配菜揀左萵筍、秋葵呢啲蔬菜類平衡番。牛魔王即係牛肩胛加牛腩。呢度嘅牛腩唔會太肥，但又軟熟，啱啱好。飲品揀左有氣血橙，味道酸酸甜甜。幾夾本身嘅麵食架。

呢間Red Object出名蕃茄濃湯🍅🍅一直都留意呢間餐廳今日終於抽到時間過黎銅鑼灣食店內主要用QR code落單夠方便成碗湯都充滿住新鮮蕃茄蓉，好真材實料當中有好香既乾蔥，令個蕃茄湯更香、更惹味有3大塊「無激素加拿大豚肉片」豚肉片目測完全無肥膏，口感仍然好soft好滑而且有煎過的，特別香口好味平時牛先至有紋理，呢塊豚肉既紋理好靚，同普通既豚肉片好唔同我仲加左鮮淮山，煮既時間岩岩好口感超級爽脆餐廳選用既烏冬係扁身的，有咬感之餘仲好soft呢間既蕃茄湯係我食過最令人回味的

Red Object❤️ is my favourite Tomato🍅🍅🍅🍜🥢💫..從前既我，真係好鐘意食蕃茄🍅。無論在家自煮都愛用蕃茄，酸酸甜甜 真係好開胃，又有營養 煮完既湯底/菜式，紅噹噹 很吸引呢。.原來CWB 都有一間用上大量蕃茄🍅，熬製既濃郁湯底，做到鮮紅濃稠亦掛麵🍜，可見用料十足 味道自然Up Up，味道帶酸甜，正好夏天享用喔。.呢度落單亦好方便，可以係排隊既時候落定單，用QR Code 有圖睇落住單 簡單又環保。幾個步驟就落好單，可以坐住等食了。.話得係蕃茄仔專門店，其實湯底只得一款ll，🍅🍅🍅 每口都是濃濃的。而麵底就有數款可以選擇：刀削麵、上海麵、烏冬、黑白麵、葛絲、米粉。 .ll $70牛肩胛🐮 肉味香濃，又嫩滑，薄薄一大塊，不錯呢。刀削麵🍜 麵質煙煙韌韌，夠粗身，有咬勁。.ll $62而雞扒🐥 烤至皮脆肉嫩，貼心切至約干等份。上海麵🍜 麵質較幼，食落較滑 亦較吸湯汁呢，.ll $20跟餐揀選既特飲，玻璃樽身好cool🧡，有機西柚🍊 感覺更健康，酸酸甜甜很開胃呢。..×××××ש銅鑼灣希雲街5號地舖..

由小西灣滑蛋仔支持到銅鑼灣蕃茄仔💪🏻今次唔整蛋包飯，轉番茄湯麵做主打，當中既自家鮮茄濃湯底更是真材實料😋用左大量番茄、洋葱、蒜頭去熬成，湯底特別濃郁鮮甜，保留茄蓉令湯再濃稠，麵底選擇都有六款，當中和風白麵同葛絲都係比較少見，可以一試👍🏻－－－－－－1. 輕烤厚鰻 $92 8/10湯底顏色鮮艷實在🍅好濃郁同埋濃稠，掛麵度很高，飲落味道酸酸甜甜，幾開胃，同刀削麵真係幾夾，一來掛汁，二來吸味，麵份量都好多，麵質彈牙，好食🤤鰻魚可能因為外賣既關係，唔係即食焗左一陣，所以肉質比較軟腍，容易一夾就斷開，不過醬汁調較得很好，甜蜜味美，不會過濃，食完亦冇口渴感覺，沒太多味精2. 秘制豬扒 $62 8.5/10豬扒鋪滿成個碗，份量絕無欺場，豬扒用左香茅去腌製，燒至有少少燶，肉質唔乾，幾鬆軟惹味😋

政府公布星期三開始禁堂食，打工仔lunch時間冇得出街食，唯有買外賣啦就算係買外賣，都唔想日日食麥記咁頹做到星期三咁辛苦想，獎勵吓自己買個蕃茄湯麵食之前見到朋友喺IG度打卡，諗起呢間番茄湯麵專門店，即刻撥個輪佢叫碗湯麵食<加拿大豚肉刀削麵$72>蕃茄湯底同埋面條分開上，咁樣啲面食落嘅時候就唔會軟林林，係一個貼心嘅舉動呢蕃茄湯底絕對係蕃茄仔嘅招牌，食得出用咗超多新鮮蕃茄淆製出嚟，味道酸酸地、甜甜地，食完完全唔口渴豚肉非常之大片，仲要好爽口，浸落個超濃郁番茄湯底真係冇得頂<豚三寶上海麵$78>豚三寶即係豚肉、豬扒同埋豬手，豬扒煎得夠香口，唔錯豬手略嫌唔夠肉，大食妹不嬲都唔太好豬手，不過都算幾爽

店仔細細，枱嘅數目係10隻手指數得曬，但係大家一定要黎一次堂食，唔係講笑，因為你只要俾蔗渣嘅價錢，就可以食道燒味嘅味道🤤呢度要scan枱面QR code落單，menu選擇貴精不貴多，主打蕃茄麵同冷麵。湯底，麵底同餸都通通有得揀👍我地嗌左蕃茄牛肩胛刀削麵同埋雞肉梅子素麵。蕃茄麵湯底落足料,蕃茄味十足，加上牛肩胛肉味香濃，直頭食到舐舐脷😋雞肉梅子素麵非常高質，首先個擺盤已經令人食指大動。梅素麵食落有梅嘅酸，同埋小麥嘅香甜。雞肉一啲都唔鞋口，配埋清爽嘅冷麵汁簡直係透心涼，夏天食一流。最值得試嘅係漬蕃茄，黃色蕃茄試過就知有幾好味，同素麵配搭一甜一酸，食過返尋味。點解一定要黎食堂食？因為靚仔店員會好細心咁擺盤同介紹食物，又會同你傾計，問下野食啱唔啱食😍蕃茄仔咁好食，咁再加埋一流嘅服務，遲啲有返晚市堂食一定要食多次😋

今次係第二次黎，上次食佐葛絲，今次試上海麵。。。餸就叫佐牛魔王 (牛肩胛 + 牛腩) , 另加錢叫佐味噌蛋花，好奇係咩黎！🤣蕃茄湯底同上次一樣甘濃👍🏻 保持到水準👍🏻個人覺得牛腩好食過牛肩胛上海麵真係...一般，無葛絲甘入味下次會揀返葛絲🤣味噌蛋花，原來係喺湯底加味噌蛋花，其實無一樣實質既野俾你食到，只係將味噌蛋花混喺蕃茄湯底入面！飲佐幾啖，的確係有味噌味既！感覺幾特別！如果食厭佐純蕃茄湯底，可以試下加味噌蛋花！不過就唔好預食到好多蛋花🤣🤣另一碗就叫佐牛魔王蕃茄湯葛絲 + 嫩滑雞胸雞胸係燒一燒過既，肉味濃既，唔鞋既！不過嫩滑就又未算非常嫩滑，只係唔乾甘！對於燒過既雞胸黎講算係甘啦！飲品方面，揀佐玫瑰觀音烏龍同桂花龍井玫瑰觀音烏龍比較深色個人覺得比桂花龍井濃👍🏻臨走嗰陣，職員有問我地評價有同佢講，上海麵唔夠入味，葛絲同牛腩好好食等等評價，感覺佢地幾有心做好！抵讚！走嗰陣，職員話甘下次見啦🤣🤣會既👍🏻

餐廳：蕃茄仔 (銅鑼灣)地址：銅鑼灣希雲街5號地舖銅鑼灣希雲街呢間蕃茄仔Red Object🍅係小西灣滑蛋仔嘅姊妹店，主打蕃茄湯麵🍜，黎幫襯嘅原因係睇到飲食男女介紹佢地呢間餐廳，難怪兩點鐘黎到都仲有好多人陸續咁排隊呢間餐廳嘅番茄湯底每日用足30斤嘅新鮮番茄🍅、洋葱🧅、蒜頭🧄同各款香料去熬製，經過3-4個鐘再攪爛隔渣，保留返少少茄蓉令湯底變得濃稠😋，淨係聽都覺得夠哂心機❤️叫咗個是日主廚精選鮮茄濃湯和風白麵($82)，呢個麵底要加$5，主菜因為每日唔同所以好有驚喜😆，原來今日係碎雞扒，我仲加咗嫩肉雞胸，3大塊先係$18😍，超吸引，雞胸嫩滑得黎仲要微微煎香，另外仲加埋滑豆腐($8)，係豆香好濃嘅山水豆腐，仲唔會一夾就散，今日嘅蛋白含量達標💪🏼😎，碗麵仲有唔少泡菜、炸蒜同蔥等配料，香濃惹味夏日炎炎緊係叫返枝San Pellegrino有機西柚汁($20)啦，飲完gur哂仲好解渴添

Yummy tomato soup平時經開耀華街都覺得有好多好嘢食今日咁岩經開 見到有一間新既餐廳開左叫蕃茄仔 個名都幾得意 所以我同我朋友決定入去食佢地個叫法都好特別 好似拉才麵店咁你可以先揀你要既配料 然後再揀麵 同埋 會唔會再追加今次點左炭燒雞扒同埋無激素加拿大豚肉令我最驚喜既係佢既湯底 有好濃郁既蕃茄味 食完仲可以成碗飲哂Location: Causeway BayPrice (10 is expensive): 5.5/10Yummy (10 is delicious): 6.5/10