薔紅

营业中

休息中

今日（31-5-2025 Sat）端午節，同老公實踐由西環行到北角，但由於晏咗，就取消，改喺灣仔呢喥食咗晏至出發，我哋嚟到時，都算多人，老闆俾我哋坐四人枱，睇完menu，就一定要佢哋嘅招牌$88.00嘅金牌脆皮燒雞配薯條，$8.00嘅羅宋湯，$8.00嘅熱奶茶，$90.00嘅酥炸脆皮牛腩配意粉。落完單，即到嘅就係金牌脆皮燒雞配薯條，然後係兩個飲品，我即飲啖奶茶，澀，要落糖，落咗一茶匙至叫做攪得掂。1分然後食薯條喇，熱騰騰嘅粗薯條正常冇問題，金牌脆皮燒雞熱到老公戴手套都撕唔到，寧願用叉，個皮真係好脆，我食雞上脾，佢嘅雞油好夠，肉質又滑又juicy，枱上有好多調味料俾客人自己落，我就落淮鹽食，之後食雞胸位，嚡啲係正常嘅。5分然後我飲羅宋湯，料都多嘅，味道唔錯。5分酥炸脆皮牛腩配意粉到嚟，睇見意粉另上，同有一兜咖哩汁，意粉用茄汁撈過，唔太酸，口感係香港人口味，唔係中間硬嗰隻，啱我；酥炸脆皮牛腩個皮真係脆，牛腩夠腍，味道亦濃，咖哩汁濃唔太辣，幾好味。5分服務：落完單，即刻俾膠手套，濕紙巾同碗。等客人食完晒嘢至一次過收嘢，唔會太騷擾或有趕客嘅感覺。環境：呢喥設有兩間私人房俾客人。3.5分其他：枱

灣仔呢間餐廳開業三十幾年 依然大排長龍✨價錢親民 大大份又好食 CP值好高‼️嚟到必食招牌名物-脆皮燒雞❤️‍🔥.📌金牌脆皮燒雞 $88 (碎上+$3)採用3斤重三黃雞 以20多種配料調味醃製 再經過幾小時工序 用心製作💯外皮金黃香脆 肉質軟嫩又多汁 富油脂甘香同雞味🐔雖然得半隻雞 但份量十足 好多肉🙌🏻選配左香飯🍚同傳統茄汁意粉 都係食回憶 不是味道🍝.📌豉椒排骨炒河 $70超有鑊氣嘅炒河 入口已經feel到🔥河粉爽滑彈牙 沾滿惹味芡汁🍜除左豉椒 仲有大量洋蔥同甜椒 鹹香惹味🌶️🧅🫑排骨就很一般 似雪藏貨～🐷.📌澳門豬扒包 $36竟然有得食豬扒包🇲🇴豬仔包外脆內軟 但偏韌左啲🥖豬扒幾厚身 爽嫩冇肉騷味🥩以孜然粉調味 好香口 但未必個個鍾意👀仲有千島醬, 芝士, 酸瓜, 生菜, 蕃茄同洋蔥 好豐富🧀🥒🥬🍅🧅.📌金銀蛋娃娃菜 $50娃娃菜軟腍清甜 鋪滿皮蛋同鹹蛋 湯頭唔重口味 飲埋都得 呢個價錢超抵🍲.📌姜汁炒芥藍 $50芥蘭當做 爽嫩冇苦味 加埋微辛薑汁 冬天食最啱🫚.📌椒絲腐乳通菜 $50通菜青綠爽脆 沾滿腐乳醬汁 鹹香十足🥬

見到餐廳樓梯位置有下午茶的易拉架，就入餐廳，個老板好好，好有禮貌搵位我坐低，坐低睇餐牌唔見易拉架嘅餐，個女侍應喺隔離，問佢係咪有天使麵嗰個餐，佢話無嗰個餐，我話見出邊易拉架有，我都仲以為自己睇錯，去返樓梯位置再確認，真係有嗰個餐，就指俾個女侍應睇我想要嗰個，佢話無呢個餐！無呢個餐！未推出！我問咁又放樓梯位俾客睇（呢間餐廳樓梯位係等入座位置，好正常擺得呢度都係俾客睇對嗎）佢話只係放喺嗰度！未推出！未推出！你睇返餐牌啦！你睇餐牌好唔好！嘩咩事 我係咪唔應該問呢條你令到客人有混亂嘅問題？係咪我得罪你？ 無嘅話 你可以友善啲表達嗎？我唔需要你超級好服務，但你係服務行業，可以注意吓你嘅語氣同字眼嗎？以前食過呢間餐廳食物係ok ge, 但個女侍應真係好難頂，差一步就鬧客咁有禮貌嘅老闆就咁俾啲無禮嘅員工拆招牌！已經唔想幫襯，攞返自己物品就走

黎到灣仔呢邊行完街之後就準備搵野食，知道呢邊有間出名既脆皮燒雞既薔紅就上黎睇下多唔多人等位，結果就只有幾台客等所以就決定食啦，等左唔駛5分鐘就有位。最後都有點左出名既燒春雞食，配飯。脆皮燒春雞，還算唔錯。自己本身唔食皮因為怕肥不過見到佢既脆皮關係就所以有食左幾塊雞皮，食落都算係有啲脆既，唔係全肥皮既感覺，不過如果再脆啲會好味更多。雞肉算係滑既，而且味道都算係濃既，可以接受。反而係啲飯唔夠熱，呢個會係比較失望。。。。總結。。。脆皮燒春雞算係唔錯既，未食過所以就試一次。

呢間長期爆紅嘅燒雞店，真係名不虛傳！第一次試佢哋嘅招牌燒雞，當然要叫個$88燒雞餐，仲揀咗沙律同埋凍檸茶。整體埋單$90，性價比極高！打電話落單後，自取速度快到驚人，唔使10分鐘就攞到。打開個餐盒，燒雞嘅份量真係超驚喜——大隻得嚟又香氣四溢。雞皮燒得極薄，微脆之餘又鎖住濃郁肉汁，每一啖都嫩滑無比。食到中途，沙律可以中和返少少油膩感，雖然味道普通，但配搭埋就剛剛好。至於凍檸茶，清爽解膩，食得更滿足！整體來講，燒雞絕對值得試，味道出色、份量驚人，加上出餐快，絕對係灣仔必試嘅美食之一。下次經過，一定要再食返！

一上到去門口真係好多人，以為要等好耐點知哥哥仔話兩位即刻有，咁我就9衝咗入去。都未坐底就見到好多人食炸雞，唔好執輸，一坐底就叫咗炸雞拼薯條同海陸空拼意粉，即係魚柳雞扒同豬扒。大概 15 分鐘之後炸雞先到，以當日嘅人流，一啲都唔耐。脆脆嘅雞皮同啱啱好嘅調味仲好食過某啲中餐館啲咩咩當紅炸子雞，一撕開就冒出嚟嘅熱氣同辣手嘅表面好清楚咁話你知，新鮮起嘅。雞肉嫩滑多汁仲好夠味，好食到會不自覺咁逐啲逐啲骨拆出嚟啜，可惜真係太熱，唔係嘅話唔帶手套仲過癮。冇耐之後鐵板海陸空都到咗，汁分開上，可以享受到親手淋汁嗰嘢有幾爽皮。小聰子叫咗意粉，喺港式茶記整嘅茄汁撈意粉，有一種地道香港先有嘅味。三種扒都有驚喜，炸魚柳夠爽脆，仲有少少彈牙。雞扒個皮煎得好脆，豬扒醃得好入味表面有煎得焦焦的很好。整體兩個餐性價比高，舖頭坐得舒服，服務員有禮貌，出餐時間合理，有機會一定會再嚟。

呢間燒雞已經食咗好多好多次，但係依然食唔厭同埋水準依然係好穩定每次嚟都係非常之熱辣辣，皮脆雞肉又唔會乾。燒雞本身調味都都好入味，每次嚟都係咁多人食一定有佢嘅原因。燒雞可以揀配飯意粉或者薯條，雖然已經加價到$88但間唔中都係會想嚟食。另外呢度嘅炒粉麵亦都係幾唔錯，星洲炒米非常大碟而且炒得好香，配料雖然唔算得上係好多，但整體嚟講都係好食嘅。

今天嘗試了人氣的金牌脆皮燒雞！一上桌就被它金黃酥脆的外皮吸引，香氣四溢，真的是一見就想吃！👅 口感：咬下去肉質鮮嫩多汁，完全不會乾柴，仿佛在享用乳鴿或乳豬，驚喜連連。🥳🥢 醬汁搭配：配上的椒鹽和甜酸醬，酸酸甜甜的味道恰到好處，完美中和了雞肉的油膩感，讓人一口接一口，根本停不下來！🍽️ 配菜選擇：你可以選擇薯條、意粉、沙律或飯，增添了這餐的多樣性。🔥 熱辣辣上桌：雞肉切開時煙霧四溢，肉汁瞬間流出，太誘人了！即便雞肉稍微降溫，戴上手套繼續吃，依然juicy、入味，外脆內嫩，完美！在港式西餐廳裡，有種特別的情懷，讓人忍不住想再來一次！總之，這次的灣仔美食之旅，真是讓人滿意！下次一定要再來！🥰 #美食推薦 #灣仔 #燒雞

金牌脆皮燒雞餐真係差唔多枱枱都叫，不過我覺得呢個餐最正係個茄汁意粉，因為佢就係細細個食到嗰種中式西餐已經撈好晒茄汁嗰隻意粉嘅味道。當然佢個雞其實都唔錯嘅，熱辣辣，又大隻。另外仲叫咗酥炸脆皮牛腩，咖哩汁另上，唔會整淋d脆皮牛腩，不過d牛腩就肥咗少少。呢間餐廳另一名物就係維他奶紅豆冰，味道唔錯，印象中好似無喺其他地方見過。

啱啱去咗灣仔一間叫「嗇紅」嘅餐廳食飯，真係嚇親我。叫咗一份燒雞餐加沙律，仲有一份吉列豬扒公仔麵。個沙律一陣酸餿味，咁個侍應哥哥都好好人，即刻換個薯條比我，廚房裡面個一兜就唔知啦，個味係好似放咗幾日冇擺雪櫃咁。再試個燒雞，竟然係半生熟，真係估佢唔到，名過於實。至於嗰個吉列豬扒更加誇張，食落竟然係酸嘅，完全唔識形容嗰種怪味，得個出前一丁同杯檸茶係正常 ，所以食之前真係睇睇負評係最穩陣，正評個啲一係收錢講一係堆填區長大。食完你就知道。

在香港這個美食天堂，早餐的選擇琳瑯滿目，但要找到一份兼具美味、健康和實惠的早餐，並不容易。位於灣仔的「薔紅」，以其$36的早餐A6套餐，被譽為港島天花板早餐，吸引了無數食客慕名而來。昨天在朋友的社交媒體上看到這份早餐，立刻被其豐富的內容和健康的搭配所吸引，激起了我今天一定要親自品嚐的慾望。「薔紅」的早餐A6套餐包含一份蔬菜沙律、火腿、腸仔、煎雙太陽蛋和一杯熱奶茶，僅售$36，簡直是物超所值。蔬菜沙律新鮮爽口，搭配清爽的沙律醬，為一天的開始注入活力。火腿和腸仔煎得恰到好處，鹹香可口，搭配金黃色的太陽蛋，帶來豐富的口感。太陽蛋的蛋黃流心，與其他食材混合在一起，更加美味。熱奶茶是港式早餐的標配，薔紅的奶茶茶味濃郁，奶香醇厚，入口絲滑，暖心暖胃。在享用美味早餐的同時，品嚐一杯熱奶茶，簡直是完美的享受。這份早餐不僅美味，而且營養均衡，蔬菜沙律提供了豐富的纖維和維生素，火腿和腸仔提供了蛋白質，太陽蛋提供了優質脂肪和蛋白質，奶茶提供了鈣質和能量。總而言之，灣仔「薔紅」的早餐A6套餐，以其美味、健康和實惠的特點，成為港島早餐的熱門之選。如果你也想在港島找到一份高CP值的早餐，不妨來「薔紅」試試，相信你

-一有時間我就會去食大大隻嘅炸雞，上枱好似澳牛超快，熱辣辣，仲要配有手套，叫過配薯條同埋意粉，意粉係好酸嗰隻茄汁意粉、女仔食完都已經飽到唔洗食炸雞😂，薯條炸到好脆、大份，一撕開塊雞皮、即刻出哂煙大量汁流出，真係皮脆肉嫩，不過皮入面啲肉唔夠入味，一定要配有佢比嘅調味料泰式辣醬同埋椒鹽先夠味🐤凍檸茶好細杯的，正常茶記味道-。《脆皮燒春雞》 | $88可選配飯/茄汁意粉/薯仔沙律/炸薯條凍飲要+$10-👅【薔紅 Rose Kitchen】📍灣仔莊士敦道194-204號灣仔商業中心1樓📍大坑新村街4A號地舖📍紅磡崇志街28號地舖🕑星期一至六 07:00 - 00:00 星期日 11:00 - 00:00

呢間係灣仔嘅薔紅原來好出名！已經開業30幾年，係一間價錢非常親民嘅茶餐廳，佢仲拎左Openrice Best restaurant 2024添🤭基本上茶餐廳有嘅食物佢都有，但好多人都係慕名黎食佢嘅金牌燒春雞🍗✨間餐廳都好容易揾，上一條樓梯已經到🙂去到已經見到坐滿曬咁濟😉🔻呢隻脆皮燒雞$88，可以配飯/意粉/薯條/沙律，聽講呢度嘅意粉都好食，所以我就揀左茄汁意粉🍝😙一黎到見到隻燒雞都好大隻！超級抵食，而且仲有手套同濕紙巾，唔洗驚整污糟隻手😆👍🏼一摸上手超熱😹😹熱到辣口果隻😹真係啱啱燒好咁🫶🏼食落去第一啖覺得超正，啲皮勁脆，真係要趁熱食！😻另外啲雞肉都好嫩，係有啲肥，不過係正常，啖啖肉👍🏼唔怪得咁多人食呢個！

灣仔總店門口就係電車站，搭叮叮去好方便！成間餐廳之前翻新咗，裝修轉做粉紅主調，感覺乾淨企理咗～入到去都幾少女心😂～✨🔶 金牌脆皮燒春雞🐓配茄汁意粉🍝 $88一眼望過去幾乎枱枱都有人order!可以揀配 飯🍚意粉🍝薯條🍟沙律🥗（4選1 ）燒春雞上枱時熱辣辣～雞髀部位勁嫩滑又Juicy🤤！雞胸部份雖然冇雞髀咁滑，但都唔會乾爭爭咬柴咁😍！佢有碟淮鹽&酸甜醬(類似麥當勞嗰隻)跟埋，不過我覺得本身隻雞都夠味，點唔點都得～配菜我揀咗茄汁意粉～酸酸甜甜蕃茄味幾開胃，但口感偏乾身，如果炒濕少少會更加好食～🔶 紅豆冰(跟餐)🥤 +$13紅豆冰偏甜，主打懷舊啊🤣～🔶 鹹檸檬七喜(跟餐)🥤 +$13薔紅其他扒類/飯我以前都試過，始終主打大路+選擇多，味道就唔算非常精緻，但勝在夠飽、夠多款揀～其他分店未去過，灣仔呢間去過幾次啲水準都算幾穩陣！

聽聞呢間野開業佐好多年，d侍應雖然年紀大佐少少，但個個都好有記性😂佢地落單可以唔駛手寫，聽完你講點咩餐入哂腦，轉個頭d餐好快就送到～真心推介呢間餐廳嘅脆皮燒春雞，皮卜卜脆，肉質好滑又多汁，燒到金黃色，一食啖啖肉，食到停唔到口，而隻雞超級大隻，配薯菜已經飽到上心口，CP值極高^_^餐廳會提供手套，等你放心用雙手撕d雞肉落黎食，價錢係88蚊，可以配意粉/薯菜/沙律，野飲就另加錢～已經回頭食過幾次，超正🤩