薔紅

营业中

休息中

每次嚟都大排長龍，不過真係值得，真係好好味😋😋呢度最出名係<脆皮燒春雞>火喉啱啱好，外皮炸到金黃色，好香脆，雞肉好嫩滑，真係做到外脆内軟啖啖肉夠哂juicy🤤🤤識食一定係點埋泰式辣醬~真係好正

位於灣仔的「薔紅餐廳」歷史悠久，一直以來都深受食客歡迎。今日我在午飯時間前往，果然被人潮包圍，等了近20分鐘才有機會入座坐下。餐廳的裝潢也帶有一絲懷舊的氣息，讓人在享用美食的同時，彷彿回到了過去的歲月。服務生迅速端上菜單，讓我開始期待接下來的美食體驗 🌹✨幾乎沒有一絲猶豫，我點了餐廳的招牌菜——馳名燒春雞🐔 這道菜上桌時，服務生貼心地提供了一次性膠手套，讓我在享受美食時不必擔心手上的油膩，這小小的細節讓我倍感貼心。燒春雞的味道果然不負盛名，外皮烤得金黃香脆，肉質鮮嫩多汁，咬下去時，豐富的肉汁瞬間在口中迸發，令人陶醉。調味恰到好處，帶有淡淡的香料味，讓人一口接著一口。半隻雞的份量雖然不算多，但卻足夠讓人滿足 👍🏻🩷至於價格，約80元的價位在灣仔這樣的地區算是相當合理。總體而言，薔紅餐廳的燒春雞值得一試。若你在灣仔附近，絕對不容錯過這個經典的美食地點～ 😌✨

今天來吃種草🌿已久的薔紅餐廳，去之前已經在想好了要吃燒春雞➕叉燒飯➕牛腩飯飯點排隊等位的人不少，但上菜快翻台率高，沒有等很久就輪到我們了（2人比3人快很多！）🍽️燒春雞 $88 ⭐️⭐️⭐️⭐️⭐️好吃😋皮脆肉嫩，雞胸肉也不柴。配的薯條也外脆內軟，吃得好滿足！這菜幾乎每桌必點，部分桌甚至人手一份。隔壁桌說有點小點了第二份，但我們這半只還大的，一個人吃完估計會很飽。🍽️黯然銷魂叉燒飯 $63 ⭐️⭐️⭐️小紅書很多推薦的一款，但看圖片就知道叉燒會很一般，衝著流心蛋點的。事實確實叉燒不好吃，流心蛋➕蘿蔔丁➕秘製醬油拌飯扳回一城，整體還算過得去。🍽️燒腩仔 $80 ⭐️⭐️⭐️被這個吸引放棄了牛腩飯，味道還不錯但不是新鮮出爐……重新加熱的燒腩皮不夠脆，讓美味程度打了折扣。整體來說這家店燒雞好吃，但其他燒味一般😔屬於值得推薦但不至於不吃會後悔的店，不算踩雷！不收服務費但服務態度很不錯好評！

呢間遠近馳名嘅「燒春雞」真係必食，2點幾下午茶時間去到都幾乎滿座，差唔多每枱都係食緊燒春雞😹可以揀跟/飯🍚薯仔沙律🥗意粉🍝薯條🍟脆皮燒春雞🍖配茄汁意粉🍝餐廳有提供手套，濕紙巾同刀叉🫶🏻我就選擇咗手撕雞咁食～仲可以點吓甜酸醬同准鹽，熱辣辣香噴噴～皮簿肉嫩，啖啖肉又juicy，髀位仲要爆埋汁🤩掛住食隻手唔得閒影相🤭真係好邪惡呀💯‼️ 茄汁意粉就比較碎加冇咩味，不過食完半隻雞都飽咗，見到隔離位女士食唔曬半隻呢😆😋✨睇到下午茶餐牌都幾吸引，下次可以試埋‼️

灣仔薔紅餐廳歷史悠久，超級出名，尤其係最出名嘅脆皮燒春雞👍🏻 平時你食都應該要排一陣隊，不過地方較大座位多應該唔使等好耐🤔脆皮燒春雞 ($78)一上嚟見到半隻雞，雞皮炸到金黃色已經超級吸引🤩 雞皮超薄，咬落去夠晒香脆，有輕微焦香，加埋入邊雞肉嫩滑多汁，咬落去淡淡都係肉汁，完全唔會乾柴🥰 就咁食都夠晒味，點泰式甜辣醬就食落冇咁膩👍🏻 燒春雞果然係邪惡推介，無可避免都會有少少油😬黯然銷魂叉燒飯 ($63)完全就係經典嘅味道🥳 叉燒撈埋蛋汁，豉油超級夾👍🏻 叉燒咬落去軟腍，唔會超硬，但係外邊唔夠脆同唔夠燶🥲 整體嚟講係一個味道一般嘅黯然銷魂叉燒飯👌🏻果然係最出名燒春雞，見到差唔多每一台客人基本上都嗌咗😂 燒春雞值得一試😋 其他就比較一般啦

今日又係weekend vibes✨經過灣仔電車路上去食下馳名嘅薔紅燒春雞⚘️▪️脆皮燒春雞🍗半隻雞令立立好飽滿，香噴噴，皮脆香口，雞肉好滑同 juicy，其實唔點任何醬汁同淮鹽都夠味嘅，配茄汁意粉，味道ok不過意粉碎咗少少，都係沙律同薯條比較好。▪️蕃茄芝士焗豬扒飯🍛豬扒唔鞋口，配炒飯底好夠味，成個焗飯幾精美。▪️薑汁炒芥蘭🥬青青綠綠好fresh，有菜平衡一下～▪️維他奶紅豆冰🥤唔甜，好清，紅豆夠淰，仲飲到久違左嘅維他奶~▪️涼粉奶茶冰🧋有得request 叫左走甜，衹有涼粉微甜，奶茶底濃郁。薔紅除左燒雞出名之外，估唔到呢度嘅特飲都幾有驚喜！

😎位置方面，喺灣仔站附近，行過去大概5分鐘，我覺得都好方便，我覺得位置唔錯，而且都好容易找到！呢個位亦都近電車站！😎食物方面，即刻叫佢即刻炸，熱辣辣我覺得食物唔錯，隻雞好脆口juicy, 簡直係爆汁！意粉都好多，酸酸地好開胃。係港式茶餐廳嘅意粉味道。隻雞好大，一個人都差啲食唔晒！😎服務方面，正常服務唔好太大期望.😎價錢方便，個價錢唔係太貴，而且呢間餐廳冇加一，每人大概$90，加埋嘢飲，係呢區唔算太貴，我覺得都可以接受！！

- 脆皮燒春雞配薯菜 $88- 芝士肉醬焗意粉 $45呢間燒春雞好似好出名 所以嗌咗一個試吓 差唔多每枱都係叫燒春雞😂 可以揀配薯菜 意粉 或飯 我揀咗薯菜 因為我鍾意食波浪紋薯條😂 餐廳會提供手套 一開始雞有啲熱 要慢慢撕嚟食 皮幾脆 肉幾嫩 調味適中 唔算太咸 焗意粉係下午茶價錢嚟🤭佢menu有個又係肉醬意粉要$5x 趕得切下午茶時間食又抵咗😂意粉不過不失 份量同非下午茶時段係一樣😋不過兩個都係唔包野飲 要另外加錢先有凍/熱飲💰$133#灣仔美食 #薔紅

朋友話這間好正, 特别係炸雞, 老實講, 在門口等位時, 看見客人的食物賣相已不太好, 那茄汁意粉睇見已想死, 一定唔食, 所以叫了春雞配薯條, 嘩, 那薯條係難食既, 一啲水準都冇, 而那春雞都算是好吃的, 羅宋湯夠熱好味, 乾炒牛河就算把啦 , 色香味俱冇, 牛肉落梳打粉太多, 河粉又炒得差, 味道又唔好, 茄汁焗豬扒飯味道還算可以, 飯炒底有炒等於冇炒, 豬扒又少, 環境又差, 除了有位女服務員服務幾好之外, 其他的都不行, 特别是那個高大的男人, 好粗口, 放碗筷又大力又粗魯, 咁既服務態度和食物質素, 唔會有下次。

要數到另一間灣仔飯堂點少得薔紅！每次嚟親都大排長龍，不過勝在地方大，座位較多，繁忙時間預咗要搭枱，所以排一陣都好快有位！呢度嘅叔叔姨姨都好友善，知道我坐正風口位怕凍會主動問我要唔要調位，見到有個叔叔幫埋個女士推行李，仲同d食客有講有笑咁，好耐未見過咁有人情味嘅餐廳，值得加分！😋 脆皮燒春雞 ~ 呢度最出名嘅 “脆皮燒春雞“ 係必食推介！炸到金黃色嘅雞皮夠薄夠香脆，外脆内軟，咬落去仲係熱辣辣，啖啖肉又夠 juicy 🤤🤤 雖然係好邪惡，但見隔離枱好多女士都叫呢份，仲要係食得晒，可想而知佢嘅魔力有幾犀利！😋 海南雞飯 ~ 肉質嫩滑，薑蓉味道還可，有老火湯同菜，尚算合格 (同時已經被友人嘅燒春雞吸引咗 🤣 )

一直都聽聞灣仔薔紅脆皮燒春雞好出名, 今日終去食啦!見大部份人都點, 無論小朋友, 瘦瘦的靚女, 公公, 婆婆, 叔叔, 一家大細都點點點....嘩~ 真係堅好食, 皮薄又脆, 肉又嫩, 肉汁又豐富, 同個酸甜醬汁勁夾, 簡直一啖一啖追住食, 薯條點點點椒鹽天惹味, 如果杯檸檬茶能升級大大杯更好.簡直心郁郁想每星期都來食.

個個都知Rose kitchen 薔紅呢間餐廳歷史悠久 加入嚟到灣仔專登喺地鐵站行過嚟！七點幾嚟到等咗一陣先可以入座！ 入到嚟見到差唔多全場嘅人，每張枱每個客都食緊脆皮燒春雞 畫面好震撼！ 當然我哋都一定會叫！脆皮燒春雞 配薯條 （ $88 ） 真係超抵食成塊皮焗得超脆 雞肉好滑又鮮嫩多汁 真係一上枱已經流晒口水！香噴噴之餘，薯條仲又脆又好食！十個讚另外仲叫我呢度嘅特色飲品 維他奶紅豆冰冰一聽個名就知好吸引 只係$18咋！！仲要好好飲

職員態度惡劣缺乏耐性啊？落單落一半走咗。做生意做到咁樣真係好掂喎。職員話餐牌有分外賣同堂食，（不過同時係張枱度出現）。職員唔會有耐性同客講分別，淨係態度差回覆：「外賣餐牌同店內餐牌唔同價你唔識睇呀？」亦都唔會講兩個餐牌汁唔同，一個「冇」又叫客自己睇，「乜嘢都冇乜都要加錢」。你如果有分外賣餐牌同堂食餐牌，咁點解唔分開擺？套餐餐牌都冇提過外賣，外賣係印後面。正考慮搵海關睇吓。因為職員所講，堂食不設外賣嘅白汁，魚塊又乾又硬，豬手又瘦又多骨，伴菜酸臭，亦都冇係餐牌講明有辣辣椒之下係飯入面加辣。仲有堂食餐牌要加錢嘅所謂㗎啡完全冇味，應該太多冰太多水。

今日同朋友嚟試一間灣仔好出名嘅燒雞！咁啱喺Peak hour之前嚟到 唔使排隊直入但過多10分鐘已經見到門口開始排哂隊想食嘅朋友嘅預早啲嚟🤣✨招牌脆皮燒春雞+茄汁意粉 $88等咗冇耐燒春雞已經到咗！果然係快靚正😚一食落去勁脆皮 平時唔食太多雞皮嘅我都忍唔住食晒雞嘅份量啱啱好 雞肉唔會話太嚡 雖然係半隻雞 但係啖啖肉食每一啖我都覺得好好味！佢嘅茄汁意粉 我覺得味道唔算太濃但係因為雞嘅味道已經好出 所以呢個配搭我覺得啱啱好✨青紅蘿蔔例湯 +$8天氣好熱 所以加多咗個例湯今日嘅例湯係青紅蘿蔔老火湯好足料有四嚿蘿蔔 而且飲得出唔係味精嘅味道一嘢就已經飲晒🤣唯一嘅係餐廳嘅冷氣好凍 嚟嘅朋友記住帶多件褸🙈

灣仔有好多平民美食，今日專登黎左依間好出名既老字號食個飯。中午時間人超級多，人氣爆棚既原因等左20先有得入。二話不說黎依度吃一定係要先試燒春雞。燒春雞配白飯賣相唔錯，有另上甜辣醬 and 椒鹽粒。餐廳都好有心甘提佢濕紙巾，唔錯👍燒雞皮好薄而且真係燒到皮脆！脾位切開時仲有大量肉汁流出黎，好正！雞肉非常嫩滑，係肉眼可見既爆汁，好有水準！雞肉本身無特別既調味，所以因應口味落椒鹽，我就選擇整到手撕雞甘一啖啖肉，再配住飯黎食，真係一流！整體黎講非常滿意，燒雞絕對值得一試！