蔦 (已結業)

Normally I don't eat Japanese dumplings .I love fresh home made Peking style vegetables and meat ones -at the Tsuta The dumplings are home made!At happy hour I can have a dumpling at a special price 15$So I have one set of 5 Freshly cooked dumplings grilled chicken pieces and noodles With Onions ，Corn 🌽 ,Mushrooms And chicken soup more over Adding 8$I have a Japanese wheat tea The tea is concentrated ,hot and strong too Half cooked egg is delicious and their ❤️home madeDumplings Also appreciated.

一定要叫一碗米芝連得獎既湯底！醬油拉麵 $118湯底係有蜆肉、雞肉等！本身未混松露醬，就清清地既味。一加松露醬就錦上天花，鮮、香味四溢！日本大蔥主要添香同埋當菜食呀！日本蔥比較溫和，唔會重辣鼻既！叉燒同筍乾夾住一齊食就有軟口脆口之合作。叉燒雖然薄，但完全唔乾身，ok！照燒雞拉麵 $92用雞肉同雞骨煮湯，膠汁比較高，同比較咸，哈哈！照燒雞好嫩，先焗後煮！雞肉同皮係完美痴住，咬開無肥肉？！無咁香口，另類食法。好白肉既感覺，同無因為焗而乾！沙律菜、粟米、蘑菇同洋蔥混湯微清新，特別係洋蔥食得到係生生地，但又唔係辣！麵方面，細份量8g夠女仔食，餓d就大份量啦！軟硬度適合。因為我比較愛硬身，所以依個對我嚟講就不過不失。但掛湯方面好ok，唔會話掛到一大汁，岩岩好！燒烤梅花丼 $35燒烤梅花豬香薰牛油醬，豬肉薄而少肥肉，帶少少柚子醬油味添既味覺。飯就咸咸地，我就加一拉麵湯食，一點湯都唔浪費！枝豆 $22配蒙古岩鹽同黑胡椒，黑胡椒好搶味，豆就中等飽滿！

來自東京米芝連一星拉麵一直都冇時間試 今日happy Friday 終於過黎食一食7點黎到 坐滿人 仲有唔少人排緊隊Tim 果實人氣高企店內裝修好光猛 樓底高 採光度十足等左一陣仔就有位啦野食選擇都算多 有不同湯㡳 又有雞肉同叉燒做選擇 仲有唔同小食最後揀左醬油叉燒拉麵（大）照燒雞拉麵（細）日式炸雞塊照燒雞拉麵拉麵較粗身帶有咬口 湯底清甜冇味精 雞肉好厚又滑 好好食醬油叉燒拉麵叉燒肥瘦均勻 好大一塊 好入味 醬油湯底清而不油 加埋黑松露 香味層次更上一層樓 可以飲埋都唔覺咸日式炸雞塊炸完一d都唔乾 仲好嫩滑 味道岩岩好 又唔油 好高質果然係米芝連

聽聞銅鑼灣 V point 嘅<Tsuta 蔦>係米芝蓮一星拉麵店，作為拉麵控嘅我呢日就特登約埋另一個拉麵控嚟食個lunch睇下好唔好味。推門一睇，原來所有座位都設喺Bar 枱，不過呢度樓底高，裝修設計夠時尚簡約，坐喺度食麵嘅feel 都幾好，唔侷促，幾舒服。店舖另一邊仲設咗一間玻璃房，可以見到師傅喺裡面整麵，都算有特色。醬油味玉拉麵賣相不俗，先呷一口湯，加了少許松露醬嘅醬油湯底，散發著濃濃嘅黑松露香，兩者味道相配，可口美味。雖然叉燒薄薄一片，不過都好夠肉味唔嚡口。而味玉蛋可以話非常出色，睇得又食得。👍鹽味味玉拉麵，淡淡鹽味中渗透橄欖醬嘅清香，味道別具一格。呢度嘅拉麵，麵身比較幼，但滑溜彈牙，水準之作。呢碟日式煎餃子，意料之外地出色，皮薄煎得香脆，肉餡亦調得美味，讚。呢餐嘅拉麵好味又夠心思同特色，難怪可以成為米芝蓮一星拉麵店。👍

朋友約食拉麵，但我話唔想食連鎖果啲，佢提議左呢間有米芝蓮星星既鋪頭！鋪頭係登龍街都幾易搵，但原來鋪面都唔算太大，十幾個位，好彩都叫早黎，唔洗排隊，遲15分鐘已經排緊長龍啦。侍應安排我地坐中間，對住拉麵師傅整，一路睇住佢整，一路等我地既拉麵，成個過程好享受，因為師傅每一個動作都好Pro, 不過希望佢唔好太大壓力啦，因為我地真係望實架哈哈。我地叫左2個拉麵1個小食，我中意食辣，叫左個照燒雞辛味拉麵，朋友叫左個鹽湯味玉拉麵，仲有個煎餃子小食😍😍😍。因為師傅一碗碗咁整，我地就望住師傅一碗碗咁整，一路等自己果碗。終於第4定第5碗係我既。飲一啖湯，少少辣好正，啲雞勁勁勁滑，處理得勁好，煎得又香😍 朋友碗鹽味好似都唔錯，睇湯底隻色以為佢一般般，又唔會喎，佢有好多層次，唔係淨係鹽水😂 喂值得一提係隻蛋，唔係半隻係一整隻，入口即溶既感覺會唔會太好。最後上埋個餃子，唔會好燶，啱啱好，點埋佢個辣醬，一流呀👍，

出銅鑼灣行街，想食拉麵一定會過黎登龍街呢邊慢慢揀，因為呢度有唔少出名又好食的拉麵店，都可以話係高手如雲的競技場。今次揀左最貴最高級的黎試試看。呢間係日本首間獲得米芝蓮一星的拉麵店，個名堂比過往的過江龍勁好多。唔知係唔係文化差異，未身店裏整左部日式的售票機，理應入座前自己買飛點自己想食ge野，但佢地就改為有侍應帶位同落單（其實係變左個侍應去部售票機買飛），所以好似日本一樣，先付款後食野。店內的裝修係摩登日式，唔算太強的和風。我幫襯果日係有日本師傅註場的，但大多數的煮食步驟都係本地廚師主理。呢度保持左日式最大的特色，就係bar枱設計，客人可以清楚睇到廚師煮麵的技術，更可以同師傅交談（個人未試過）要試出真功夫，當然係食佢地個招牌菜- 醬油拉麵佢地個湯底堅有特式，係雞湯類別的拉麵，但加入左好清甜的蜆做鮮味，比起只用魚黎做鮮味黎得更清甜更鮮甜。醬油味會加入佢地特式的黑松露醬，湯的味道就更千變萬化。另外仲叫左個塩味拉麵，呢個湯的蜆味比醬油更突出，個人就最喜愛呢個湯，超香超清甜，真心會清左個碗佢，連湯麵飲乾。麵方面呢間係無硬度係大家選擇，但佢係做我比較喜歡的硬質感果隻。叉燒就試唔到有咩特出的地方，但

今日與先生來到銅鑼灣行街，見到登龍街Tsuta 蔦 ，介紹來自東京，香港米芝蓮一星拉麵店。每日限量供應400碗拉麵，菜式包括: 鴨肉濃湯拉面; 味噌拉面 (#2018 米芝蓮推薦)。我與先生都比較喜歡食拉麵，既然來自東京，香港米芝蓮一星拉麵，又凱容錯過。餐廳裝飾有㸃似酒吧的形式，圍著廚房而座，可以看著廚師煮麵的整個過程。照燒雞(辛味)拉麵(2片)$98配有粟米，芽菜，照燒雞。湯底非常濃厚，拉麵小小煙韌，與湯一齊食，非常正。照燒雞都算大件的2件，有一件表皮見到燒烤的痕跡，帶少少啡色，照燒雞雖然不是很滑，但不覺得鞋，稍帶少少嫩。味噌味玉叉燒拉麵$149。配有粟米，芽菜，味玉蛋.....，叉燒4件。湯底入口味噌味道非常重，我反而喜歡照燒雞(辛味)拉麵湯底多些。叉燒切薄片，有肉味，味玉蛋蛋黃近凝固的流心狀，味帶咸香，非常吸引及出色。

裝修就好似日本拉面格局，廚師係中間live cooking,都係一種視覺享受。醬油味肉叉燒拉麵米芝蓮得獎作品，緊係要嚟朝聖一試。由於係兩個大男人食，緊係要加大碗。一上枱，份量真係超大碗。拉麵煙靭好有口感。 醬油湯底味道較淡，好啱我口味，依落索索聲。四塊大叉燒，肥瘦勻稱，肉質軟熟，比起其他店拉麵份量真係好足。 溏心蛋浸咗日本醬汁，用筷子將佢分開，半熟液狀嘅蛋黃就慢慢流出嚟，而且蛋黃味十分濃郁。鹽味味玉叉燒拉麵配料大置相同，湯底微咸，味道獨特。

聽聞日本的摘星拉麵店來香港開了分店，一直未有機會見識，是晚約了朋友前來一試。有別於香港通常食到的豬骨拉麵，這裡有醬油，鹽味及味噌湯底可選，還有新推出的白雞湯底。照燒雞味玉拉麵 - 拉麵店的新口味，湯底是每日新鮮製成的白雞湯，味道鮮甜。照燒雞烤得香口，而且雞肉鮮嫩。不得不提的是味玉，中間流心，蛋味香濃之餘帶點酒香。醬油味玉拉麵 - 以為醬油湯可能會很鹹，其實不然，淡淡的醬油湯底帶點清甜。叉燒肥瘦適中，配松露醬的叉燒拉麵還是第一次食，加上大蔥及筍乾等，味道更豐富。日式煎餃子 - 餃子皮薄，煎得香脆，餡料豬肉外還混有豆腐及紫蘇，更加鬆軟。無論是湯底，麵的粗幼軟硬度及配料等，均做得細緻及地道，果然名不虛傳。

醬油味玉叉燒拉麵 ($149)評分：7.5/10.註：不收加一服務費銅鑼灣登龍街拉麵店雲集。呢間 「蔦 Tsuta」系日本米其林一星級🌟拉麵店🍲，咁又來頭難得平日去見冇乜人，諗住即管試吓啦～ 落 order 後廚師會係你面前嘅 Open kitchen 準備拉麵。佢哋店嘅拉麵清一色寫晒係菜單上面，冇任何嘢可以自己調節。🤔 但廚師發板嘅湯底味道都唔錯嘅，同麵一齊食岩岩好，就咁飲就鹹啲。😛 因為係醬油湯底關係所以比較濃味。叉燒有四片，正正常常。睇落好瘦但係食落味道唔會好淡。👍 值得一提因為本身湯底加咗香味油 (松露) 真係香到唔系路，但望落就比較油。😐 所以唔用太肥嘅叉燒我覺得係啱嘅。呢隻味玉蛋係我食過流心度最高嘅一隻，比係一般溏心蛋更流心，甜味明顯。🤤 絕對令人想即刻嗌多隻。蔥花亦都唔系用一般最常見嘅個隻青蔥，而係用程式啲嘅日本大蔥，食落味道更加明顯。麵條算係中等粗幼，軟硬度普通。🙆 我就覺得如果都俾番客人按照自己口味選擇麵條軟硬度的話會更加好。呢碗拉麵係好食嘅，但又未吸引到足以令我特登再番去食

Tsuta 蔦是首家在東京摘米芝連一星的拉麵店，背著如此大的名氣來香港和台中開店，當然要慕名而來試試。有別於一般的日式小店風格，這店面偌大光鮮，用上搶眼的顏色配搭，充滿時代感。店內有5位師傅和3位服務員，人手很充足。招牌醬油拉麵$98 + $12 一片叉燒，含黑松露醬、白蔥、筍、沙律菜等富西洋風味的配料，醬油湯底入口味道清而淡麗，沒有過咸或過盛的油膩感，直身的幼麵條相對偏淋身，無需很掛湯味道已很平均。個人諗為黑松露醬會搶去醬油湯底本身的香氣，不下更佳。味噌味玉拉麵（細）$113，千萬不要誤會細size會不夠吃，所謂細size其實已是平常拉麵店的普通size了。配料含粟米，紫洋蔥、和芽菜，叉燒上已有一抺辣醬增添惹味，味噌湯底相當較醬油濃味，不同湯底用上匹配的配料，可見其用心。嘗一口玉子才驚覺最好的原來被我留了在最後，軟身的玉子醃得味道剛剛好，生熟程度掌握得很準繩，口感出眾，是必點之物！灸燒骰子肉$28，原以為是像五花肉的爽軟，怎料咬下去肉質煙韌沒有太多肥，帶點焦香，可蘸洋蔥醬同吃。日式煎餃子$48五只，屬限量發售，一定要把握機會試試。跟一般面家的餃子很不一樣，應該是自家出品，不但餃子皮薄

小編今日去左試佢地新出既雞湯拉麵，真心難食、多味精因為小編食完極口渴，救命完全唔認為係米芝蓮任何🌟、推介都比多佢，任何一家都好過佢啦另外服務員參差，一個好好另一個後生女極度唔願做咁，不如唔好撈啦黑曬面咁食物極度一般因為雞湯純粹味精、洋蔥唔香、唯獨粒蛋好好味、但最不知所謂都係碗湯，真心屋企煮好味過佢，可能小編食開座銀、真係返唔到轉頭另外服務平均一般、價錢唔特別平，唸唔到再為咩幫襯佢，除非犯賤

之前係尖沙咀經過「蔦」，見到門口好多人排隊，一搜查先發現原來係全港唯一米芝蓮拉麵店但因為太多人，所以諗住遲下再試。有日經過銅鑼灣登龍街見到有分店，同埋當時時間尚早，唔洗等位就入得啦！一入到去，見到一排既bar枱，面對住廚房，可以睇住廚師一路煮拉麵既過程廚房既人分工合作，每人負責唔同既工序，有人就負責調配個湯底，有人負責燒肉類，而且每個工序都好講究，睇得出佢地用心製作 重點係，佢地整完一碗拉麵會即時做下清潔餐廳環境設計簡約，燈光柔和點完餐，侍應先送上餐具加水，我發現餐廳既餐具都配搭好顏色，唔錯。先黎左個小皿，即係side dishes：燒烤梅花肉（＄28）每一粒既梅花肉既size差唔多，肉身多汁，而且豬肉味幾出特別既係牛油醬，同梅花肉好夾，有啲清新既味道侍應推介我地試佢地既照燒雞味玉拉麵（＄125）細每次食拉麵自然會先試下個湯底先，呢個湯底濃郁，而且唔會油膩。呢個拉麵仲有沙律配菜，粟米，蘑菇同洋蔥添。呢碗拉麵一共有4塊照燒雞，每塊雞肉切既厚度好接近，證明刀工整齊。雞肉味重，而且入口咀嚼果陣感受到嫩滑既雞肉拉麵原來係即日手工製造架而且混合左高質麵粉同埋蕎麥粉，唔怪得咬落去彈牙，而且仲非常掛

又係 happy friday, 同老公出去搵食嘅日子， 朋友介紹銅鑼灣有一間 米芝蓮一星 嘅拉麵店 ，所以今晚一於會佢一會。差不多7點45分到，要排隊，好彩大約半個鐘就有位，鋪頭唔大，圍住d師傅食，師傅會係你面前煮， 師傅會將張d麵喺筲箕上面，雙手交叉然後好大力"fing"啲水瓶出嚟，先至將啲麵放喺碗內， 好專業嘅感覺。我同老公都叫左味噌味玉拉麵，加左個灸燒骰子肉， 加咗支啤酒添。經過師傅咁大力拋得曬啲水份出嚟，唔知點解覺得d麵零舍彈牙。湯底標榜無味精 ，所以成碗都飲曬。 啲叉燒同流心雞蛋真係超好味 ，好入味，個味道係好有層次，唔係死鹹 ，早之我叫 最貴嗰款 ，會有多三塊叉燒， 仲有係個叉燒口感好正，唔係好林，仲有咬口，而且好有豬味。灸燒骰子肉 都好味，但有少少俾叉燒給比下去。

如果是拉麵控的話，對「蔦」這名字應該不陌生吧。「蔦」是全球首間冠於米芝蓮一星的拉麵店，不論在本土還是海外店都大受歡迎，所以經常大排長龍。慶幸「蔦」的店面較一般拉麵店大，故我們都可以在裡面涼著冷氣等候。不過望著大家津津有味吃著拉麵，我們更為肚餓，一心只想快點到我們就好了，可以跟大家一同品味星級拉麵。這裡以開放式廚房製作拉麵，客人可一一觀看拉麵的製作過程。店員分工合作，工序清晰，熟能生巧，可能因此提升了拉麵的品質，穩奪米芝蓮一星美譽。朋友一眼就看上照燒雞辛味拉麵，看看這紅紅的湯頭，拉麵舖上洋蔥，沙律菜，粟米，蘑菇，比平常吃的拉麵健康得多，當然還有主角照燒雞。吃拉麵當然第一口先喝湯，百分之百以雞肉熬製的湯頭真的真材實料，骨膠原讓朋友一口接一口地喝。這是辛味口味的拉麵，當然帶點辣後勁，若怕過辣的話可混合事先預備的蕃茄醬，平常怕吃辣的朋友，亦可輕鬆的一直喝此湯，足見添加蕃茄醬後辣度變得溫和討喜。照燒雞肉多汁有彈性，並具有淡淡的酒香，驚艷無比，朋友說胃口都被這照燒雞養壞，可不是蓋的。醬油味玉拉麵麵條粗細適中，軟硬也適中，拉麵保有彈性，吃起來的感覺是很用心製作的麵條。叉燒方面採用瘦肉，單吃的時候蠻不