蓮香樓 (已易手) 新餐厅

有同學萬歲我們一班摯友，訂了蓮香樓十人晚飯。預訂的八寶鴨和冬瓜盅水准很不錯，冬瓜湯清甜不油膩；鴨肉不澀，還有我最愛的蓮子入口即化。此外還單點了幾個小菜：南乳雜菜粉絲煲 貴妃鶏，好肥的鶏不過好好味 咕嚕魚柳 百花XXX一個有鱔有冬菇燒肉的煲 醬燒骨，好肥我只敢試瘦肉 白飯附送綠豆沙很清不太甜贊~ 埋單 $11XX以如此水准來說收貨了。

第一次去食....雖然要自己搵位....但d伯伯待應有幫我地手搵位...幾好咖...d野食整體好好味...鳳爪...白鱔...叉燒包都好正丫...D點心車一出黎....d人就撲出去爭....好激烈可惜....點心款式唔多....蝦餃d皮太乾....唔夠濕滑....但妙在蝦夠爽而又多....唔係樣樣點心都抵食.....係蓮蓉包例外.....事後買左一個雞蛋糕...11蚊....好香...但太乾太硬喇...

好名聲得來不易，要維持歷久不衰，要付出的努力和誠意，可不是人人都能夠堅持。星期六中午到中環以保存傳統舊式茶樓模式經營的蓮香樓試菜，走上茶樓，嘩，人山人海都在等位，心裡著實驚歎，想來必有佳品，結果三條友不嫌委屈，厚著臉皮走到一張坐了兩名茶客的三人小圓枱前要求搭枱，呵呵，世上無難事，成功。茶樓上的夥計大都是上了年紀的將要退休一族，問他們有什麽好吃的介紹一下，結果是粗聲粗氣地回你一句自己看牆上寫有什麽就是什麽，都是豬牛肉斑片配炒粉炒麵啦。唉，老友，你果然夠粗心豪邁，竟然將客人當成沒有文化的盲人喇。一般茶樓都會用點心紙，但這裡是靠阿婆推車賣點心的。由於地方狹窄，走道不通暢，於是點心車一旦被推出來，那些深受現代中西方文化薰陶的客人，不論男女老幼，就會非常豪邁不羈地，不顧體面地蜂擁而上，以自助形式於刹那間就把點心送回自己的座位，免卻阿婆推車之苦，這場面實在是充滿著人情味，太偉大喇，哈哈，香港人。有事後生服其勞，蝠爺最老，坐著等吃。小夥子不辭勞苦，搶了七個點心回來孝敬蝠爺，品嚐之後，結果如何呢，呵呵，逐個講：馬拉糕 ：沒有蔗糖香，得個甜字，恐怕還放了色粉染色。亁蒸燒賣：肉沒有剁碎，味精多，太鹹，而

朋友帶我黎蓮香樓飲茶上到樓梯入面原來有冷氣同埋樓梯上果D波波形狀的燈好靚一開頭見到有個大嬸推車仔黎~拎左個魚翅餃同蓮蓉包食,食完等完又等都無人黎於是問左個人,原來間野係無得叫野食-_-要食點心就要等大嬸推車同埋我地都幾遲黎,大嬸話就快收爐茶,好飲有香味魚翅餃,入面唔覺有翅,好似燒賣咁,但幾好味蓮蓉包,D蓮蓉唔痴牙,正山竹牛肉,都係果D味,冇咩特別豬手,好好味,D肉夠霖叉燒包,2個都比我朋友食左唔知咩味雞紮,出面包住果D應該係腐皮(?)第一次食,舊雞幾肥,有肥膏舊冬菇好好味蒸鱔,好多骨,食到隻手好痴食完70$找數,拎左張卡片~希望仲有得去食

同朋友來到呢間老字號食晚飯簡簡單單的裝修點了三個簡簡單單的小菜1.琵琶豆腐: 茨汁同豆腐的融合簡直係絕配.即叫即煎.冇得頂2.粉絲雜菜煲: 湯底稍淡而清.魷魚彈牙.蝦米不會乾身.粉絲唔係市面上的假粉絲.3.炸子雞:最喜愛的一道菜.雞皮炸得脆而雞肉唔會乾身.有肉汁最驚喜係居然有蝦片伴碟 值得一讚叫了兩支籃妹..服務員送上的杯係雪凍左...相信今時今日有邊間可以連咁細致的地方都做埋結帳時仲有糖水送同免加一 ! 不枉我山長水遠來到.

we used to go to lin heung to have breakfast once a week as we fell in love with the tea they severed' you can never drink real tea without visiting lin heung. 馬拉榚：this is my favorite i love this chinese sponge cake so much, it is soft and rich in the smell and taste of egg, the sweetness is just alright that you cant stop yourself but eating the cake=] big bun: this is the reason why we need to come so early, you can only eat big bun before 9.30am, the bun is so soft and sweet, it remains soft

難得老闆唔係度, 同事相約飲茶去~未去過呢間, 聽聞非常的懷舊, 一心去試下!一去到見到d檯係有下一層放野既, 已經知道的確懷舊非常! 加上伙計仍然著舊式茶樓既裝束, 拎住d舊式水壺, 仲有車仔推推下, 非常過癮~~~ 雖然等左好耐先有位, 仲要連等2檯先正式食到野, 但大家都好興奮!食物款式唔多, 實在舊式地要等車仔經過先知有咩食老一輩既同事直頭拎張點心紙出去搶點心, 非常厲害!! 不過呢段食飯時間的確好多人, 人人都等位, 人人都搶點心, 所以行慢一步都無晒~ 最特別係人人一隻隻大杯裝住好多茶葉倒落自己個杯度, 好好玩~可惜慢熱既人...如我...實在難以係好熱既情況倒茶... 而且由於舊式, 大多數伙計都唔會講求衛生舒適架喇所以去到都要預左成檯都係倒潟既茶同水...無可避免...但我相信佢地已經盡量維持好既環境俾大家, 將就下啦~

小妹近排比較忙, 唔得閒留低之前飲茶既事之前母親節,晨早留留走去蓮香樓飲茶我好鐘意佢裝修,留下鋪既優雅,留上鋪既古典坐左埋一角, 重好, 好清靜見到有以前沖茶既壺,呀爸就叫佢地比我地正所謂一鐘兩件呀嗎點心做得唔錯, 可惜泥遲左.冇哂大包食食食下見到員工放飯既場景, 嘩...好想食埋一份,雖然飯菜唔多,但D飯煲得靚嫁 言歸正傳,此行不狂, 平靚正!P.S 小妹冇影到相, 敬請原諒

男友覺得舊式酒樓得意,佢又未黎過,就帶佢黎食下午,不過午市原來少好多點心,連蝦餃腸粉都無,食極都係飽同飽同飽.....魚肚紮幾好食,蝋腸卷都幾好食,鳳爪好食但得3隻咋鵝賴...好淡呀個湯,D肉又勁鞋,D粉又硬,千萬唔好叫..其實食物都係SOSO,舊式整法,舊式食法,得閒食餐又無妨。

71回歸約了8個朋友到聞名已久的蓮香樓一嘗舊式飲茶點心, 當日雖然人多,但我們先行三人去”霸位”, 因為在開飯啦已經看過很多食友們的提示知道要”靠自己”因為是免加一,服務亦免了,不過我們11點半左右到埗,客人是很多,但只要肯等一下還是有位置可以坐下但因為想八個人一張枱所以大約等了35分鍾左右才等到一張枱,雖然坐的枱是最入的一枱但空調也足夠喎,當日點心有:牛肉球- 3粒 味道OK質地不會太淋或者乾涸口感可能是剛剛蒸出爐啩乾蒸燒賣- 4粒 豬肚燒賣 味道/用料也OK,豬肚大大件在上非常搶眼 腐皮卷, 雞扎 & 鴨腳扎 做得很傳統,雖然味道偏濃但以前的味道就是這樣, 蒸蘿蔔糕亦有水準, 义燒飽- 兩個亦很好味,SIZE適中, 鼓汁蒸鱔估唔到重會有屋企餸食到添,义燒腸粉的粉皮較現在的茶樓厚,但以前食的腸粉好像一般都是這樣沒有現在高級食府要求的那麼高這是可以理解的, 最後以一個鴻圖窉米作結, 鴻圖窉米內有爽中蝦,魷魚,肉片,义燒,時菜分量也足夠8人分,米粉的湯底也不錯, 這裡的點心分別是大$16, 中$14 & 小$12 總括是價錢公道, 質量也交足功課了,能在中環立足至今日是有它的一套生存方法

7月1日（星期三）晚，網友相約來這裡吃晚飯。最初還未決定是否出席，主要是因為前兩日才在蓮香居吃過晚飯，但難得與網友相聚，順道可比較兩者的分別，飯局前兩天才決定和女友出席。是晚蓮香樓非常多人，樓梯企滿等候的客人，就算訂了位也要等，不過很快就可以入座了。一如以往，由飯局發起人“發辦”，點了以下食物：冬瓜盅：雖然賣相比蓮香居稍遜，但用料十足，湯底依然清甜，還多了一點火鴨的味道；八寶鴨：味道和口感與蓮香居無異，不過是晚我吃得特別多，因為猜輸了要把部份吃剩的八寶鴨吃掉； 蝦籽柚皮：雖然這道懷舊菜我從來未吃過，但做得不好吃，柚皮總算軟腍，芡汁和蝦籽的味道卻很淡；炸藕餅：藕餅香脆爽口，略嫌炸得過了些火；西檸雞：雞肉不算嫩滑，檸檬汁亦不夠酸；咕嚕肉：酸甜汁做得不夠突出，梅頭肉總算合格，但最受歡迎的似乎是菠蘿；金銀蛋浸莧菜和豆豉鯪魚油麥菜：蔬菜新鮮翠綠，味道一般； 蒸（牛）肉餅：女友說味道和口感與吃山竹牛肉一樣，肉質鬆軟嫩滑，肉味濃郁；褔建炒飯：因為荷葉飯售罄就叫這個，用料十足，味道不錯，略嫌芡汁多了些！整頓晚飯言談甚歡，更見到久未露面的網友，吃完晚飯更一起去吃糖水。

星期五，天氣麻麻地。友人A慶祝生日，希望可以一齊食特色食店，最後在「蓮香樓」及「港大校友會」之間，選擇了前者。一枱八人，筆者因架錢七機件故障，最遲入席。席間，見友人M腹大便便，準備在年底前做媽媽，真開心。當然，更令筆者開心嘅係太座亦準備於年度之交榮升做媽咪。兩位準媽媽，向已為人母嘅A討教。討教一論，焦點落番菜式。是晚嘅點菜亦幾考功夫，孕婦嘅食物禁忌，口味嘅變化要一併考慮。冬瓜盅是必食之湯品。沒有了銅鼎，換來了錫紙，視覺震撼打了折扣。餡料有蝦米、瘦肉等材料，所以湯水鮮甜，加上原隻冬瓜肉，或吸收了湯水變得軟綿綿，或深層瓜肉保持一點冬瓜嘅清甜，各善勝長，是消暑良品；蓮香霸王鴨係招牌菜，其實即是八寶鴨。當然命名為霸王鴨更有氣勢，更食正近日大熱嘅某人氣洗頭水廣告。將蓮子、栗子等材料釀入鴨殼內，過一過油之後再用上湯炆至糜爛，可輕易地用匙羹劏開，再將炆得糜爛嘅鴨肉與配料撈勻食用，味道層次感豐富。筆者專揀蓮子吃，雖然筆者到達時已呈微涼，但因蓮子已盡收鴨肉精華，味蕾上有「動L」嘅感覺，齌食蓮子也願意；筆者無緣品嚐蒜蓉蒸蟶子，但變得更嘴勺嘅太座認為肉質鮮甜，龍口粉絲更吸盡精華，不可放過。其餘菜式包括白飯魚

裝修前既衛生唔算理想佢裝修後決定再黎過好彩保留到一切既風貌牆身同洗手間明顯有修葺過感覺已經乾淨左唔少不過黎得老地方都唔會要求d咩對食物/ 服務/ 環境既期望都會下調少少所以今次都一樣咁...........滿意兩個人食11碟都算胃口大炒銀針粉同雞扎都幾好味^^豬肚燒賣同豬膶燒賣.....可以唔試豬肚魚翅餃同個兩籠燒賣冇分別只不過係多左層燒賣皮綾魚球就唔錯, 好過比面既溝粉魚肉丸馬蹄糕.....幾甜而且好黏口, 但我好鐘意haha

今日難得與兩友人去上環, 建議去蓮香樓飲茶. 大家都未去過.上到去係勁多人, 多數都係阿叔阿婆, 都預左既一張圓台搭4,5顆人. 相信可以一張圓台有8個唔識既單身寡佬坐埋一齊第一次黎唔係好識規矩點解會係茶壺唔係茶盅? 我諗要單身人士先有權用茶盅吧?有d 失望, 一心諗住黎用個茶盅試下. 茶盅d 茶葉仲要勁多.之後出去拎野食. 好似黎黎去去都係兩車咁, 再加一車千層糕, 同埋一車煲仔飯拎左少少野啦. 有鳳爪, 一籠, 得三隻? 但其中兩隻都ok 大隻既.有久別既鮮蝦粉果, 依家d 酒樓都係得返潮洲粉果, 但個人就喜歡鮮蝦粉果.皮唔算薄, 接口好易爆開, 幾煙韌, 入面舊咸夠爽, 少少茜芹味, 仲頂得住. 都幾香. 唔錯大大隻咸水角. 最鍾意咸水角皮厚咸少, 最主要都係食個皮!!! 蓮香哩度做得唔錯.就上述哩3 樣黎講, 由此可見, 三個人黎食係最適合之後得知有豬肚燒賣, 拎左兩籠. 中點吧. 一籠兩舊不過有d 失望. 豬肚同燒賣係分開, 而燒賣只不過係一舊豬肉. 都唔知食左d 乜. 最失望係哩籠看來只是因為佢係懷舊菜式吧.仲有整左個荷葉飯, 超大個. $35. d 飯睇落唔夠黃, 不過食

蓮香樓的八寶鴨好味道！入面的蓮子香脆鬆軟，但最好是四個人一齊去，可以多叫幾味！今次去唔見左個痰盂！好懷念呀！