蓮香樓 (已易手) 新餐厅

平日好少寫食評今次真係好嬲d野食唔係特別好食都算啦最差係d服務態度搵個人都等勁耐同你講野d態度好似你爭佢錢咁最離譜係找錢個陣我見服務差就無留tips比佢點知個staff即刻黑面仲話唔收加一同茶錢都唔比$1tips個下我真係燥左你值咩?!仲有邊有staff request客人比tips?!所以奉勸大家 如果受唔住氣既 就諗諗先去啦!

今日同女朋友去食飯（我想飲茶），去左呢間好出名既老店（之前去過一次食夜晚）結果：失望1. 無choices: 可能係我地太遲去 (星期六既 2:30pm)，坐左一個鐘，來來去去只係得 a) 燒賣 b) 雞扎 c) 棉花雞 d) 蓮蓉包 e) 蒸牛肉 f) 我唔食既：豬肚、豬膶、馬拉糕 That's all!!!2. Quality: 質素，絕對唔係上品，可以話係below 我飲茶既average, 但係price 係above average: 除左個蓮蓉包好同燒賣ok之外，其他真係麻麻（雞都算係咁，但唔知點解唔直接落肥豬內而落豬肉？令到愛食雞既女朋友有d 失望）3. 茶：其實有d 挑剔，但不得不提：見到人地d 普洱真係唔錯, 有蓋壺都真係唔錯；但愛飲龍井既我，竟然用d 碎左ge 茶葉同滾水呢沖俾我，沖完第一泡就無味啦！仲要收8蚊位（愛飲茶的應該自備茶葉，但趕出門又唔記得...）。但都算係咁啦~總結：enjoy 到唔係差，但係足夠令我短期內唔會再幫襯；呢個價錢唔值咁既水平

點心, 點於空心, 是指以食點空腹之意.每一個香港人總會去過一次茶樓喝茶, 小時候被老豆每星期天強迫去喝茶, 以前不知道為甚麼要在茶樓等位等這麼久, 甫一坐下, 要等點心車出來才有得吃, 還要吃很久, 一邊喝茶, 一份報紙可以坐一個早上......極不舒服長大後才知道等位喝茶的樂趣, 喝一口茶, 叫一個一盅兩件, 再跟老人家聊天, 了解香港故事, 現在只有在蓮香樓才能這樣子做......這一次, 也是帶我的內地朋友來這裏感受香港獨有的飲茶文化, 經乎每次有朋友來香港必然來蓮香樓, 除了是因為旅遊書介紹外, 無他的, 價錢便宜, 點心出色, 水滾茶靚之外, 這可是碩果僅存的香港茶樓啊.星期天一去到, 全院滿座, 等了十五分鐘才有一個空位, 一個老茶客說不管怎麼樣是坐下, 千萬別等侍應幫忙, 要不永遠找不到位置.甫坐下以為要叫侍應收拾一下, 經老茶客提點是要將杯蓋反轉侍應才知道上一個客人己經走了才會過來收拾東西.這是一家僅有可用茶盅喝茶, 活像古代武林人物, 但這裏不會有人下毒....每一見到點心車出來, 大家也會瘋狂似的衝上去找其所愛, 我們吃的點心如下:燒腩卷 - 這個是必食的, 一塊

因為有台灣來的朋友黎香港玩...諗住帶佢去d特色d既地方食野...同我d朋友傾完..最後決定去試下中環既老店蓮香..再落蘭桂芳飲野早幾日就打左電話去book 枱...仲訂埋個八寶鴨...因為好多人話好食丫麻..咪訂左先囉!!又遲放工又要攪埋d野..最後成9點左右先正式食到我地lee餐飯..我地一行5人叫左...1. 八寶鴨 (好味就真係幾好味既~不過好多料..好鬼死飽呀!!好似食左幾隻粽咁)2. 咕嚕肉 (好細碟..味道不錯)3. 香菇伴菜 (都ok..味道幾好)4. 雜菜煲 (冇咩特別..)5. 梅子排骨 (我食左一舊咋~好快俾人ko左..所以我諗應該幾好食)6. 馬拉糕 (細) (都唔熱既~好彩叫左件細的_7. 蓮蓉焗布甸 (好大兜呀...個伙記仲話一人一碗都冇晒..我諗我地一人2碗都食唔晒囉! 麻麻地..唔好食! 太膩啦!)

我之前未試過此間店舖，朋友食過話好食，於是一行四人去食。食物：-冬瓜盅：清甜；配料有很多（例如：鮮蝦，帶子，魚片，冬菇等），通常去其他食肆只有第一輪有其他配料，之後便只有冬瓜，今次卻相反，食到最後配料多過冬瓜。八寶鴨：鴨：很軟，入味；餡料有很多；味道剛剛好，不鹹琵琶豆腐：普通，無特別白飯：我無食，不知道茶：香片，沒有苦澀味，好服務：-根據我過往的經驗舊式酒樓的服務態度是很差的，今次卻不同。（1）我和另一位朋友先到達酒樓，一坐下侍應便問我要不要冬瓜盅，因為所餘無幾。侍應話如果要，便留給我們。（侍應講以上說話時，是以客氣的語氣講的）（2）我們話要等其他朋友到達後才決定，侍應無變黑面。（我試過其他酒樓，侍應即時黑面，好似我不即時落單是我的錯）（3）後來，我們決定叫冬瓜盅，侍應面有笑容話十分好彩，只餘下最後一盅。（4）我們叫了以上食物後，有一位朋友話仍然想叫，侍應即刻勸阻我們，他話到時如果不夠再叫，免得我們吃不完。（好，不會只為了賺錢）（5）最後，我們叫侍應給予一個盒子，因為八寶鴨食剩了一半，想取走回家吃。侍應幫我們把鴨放入盒內，並放入膠袋。之後他又教我們怎樣弄熱及時間要多久。（很細心的服務）

這是一個好好的開始!這天相約親愛的朋友到中上環美食一日遊美食遊的第一站 是百年老字號 - 蓮香樓 ．當天是星期六, 茶樓人來人往非常熱鬧.它不是拎籌等嗌number入坐的,而是自行搵位雖然這種形式十分混亂,但是這種搵位文化十分有趣.我們七人各自各等位,不消一分鐘,友人便找到位了!這個位還是在茶樓的中心,是拎點心的有利位置!!叫了一壺茶 洗洗餐具後 便開始拎點心了.拎點心的重任交由身手敏捷既朋友W 蝦餃蝦餃一籠四粒. 粒粒都好豐滿脹卜卜.餃皮雖簿但包得好實正,唔會好易夾難!想不到,一隻小小的蝦餃竟然有3大隻蝦! 和一些筍..難怪可以這樣脹身.. 蝦非常爽口新鮮,加埋同樣爽口的筍,和in韌的餃皮,很好吃呀! 糯米雞糯米雞也是非常足料,有大量肉絲和菇. 糯米inin韌韌不會很咸. 好味!鮮竹卷佢比起一般用蠔油整既鮮竹卷清淡點點,但就有點油膩.腍身的腐竹外層包上豬肉,筍等等.很多層次,很有咬口大大個蓮容包大包整多2籠大包~~~蓮容包果然名不虛傳! 包身軟熟. 而蓮容份量很多,十分香口!最欣賞它是不會很甜同埋好滑呀!睇下我mit開個包個下拉開既蓮容既狀態就見到幾滑身啦 還有一粒咸蛋黃,就好

蓮香樓是一間出名的老店,仍舊保留很多老店的風格.現在仍是原用茶盅冲茶.環境較為迫,一張普通的六人枱,可以坐上上十人; 企滿很多人等位,出入取點心也較為麻煩.以食物質素來說算是很高,我最喜歡他的懷舊點心: 蓮蓉包: 蓮香樓以蓮為首,當然以蓮蓉出名,首選蓮蓉包.豬膶燒賣: 很少酒家提供,要試下啦!豬肚燒賣: 又是經典點心,個人比較喜歡厚肚.蒸白鱔: 新鮮,好味道.但不是時常有得供應.

4/3/2010 (星期四)今晚有十多位朋友一起到蓮香樓一聚，有好耐無見的友人，大家互道近况之後，就開始點菜，幸好有朋友是識途老馬，所以十分放心。前菜金錢雞： 很少食店還有做這一味菜，選料的肥瘦配合洽當，不會覺得太肥膩，幾美味。炸鯪魚： 將鯪魚起肉，再釀回魚身去炸，外皮炸得鬆脆，很花手工。炸腐皮卷： 腐皮卷炸得香口，外皮鬆脆。煎蓮藕餅： 蓮藕餅煎得香口。主菜八寶鴨： 此店的名物，要預訂，鴨很淋好入味，配料又多，鴨內有栗子、蓮子、糯米、鹹蛋黃等等材料，非常美味。炆斑翅： 此店的名物，要預訂，我係愛魚之人，當然搶先試味，石斑肉很入味，魚肉雪白夠厚身，魚肉的火喉剛剛好，很滑唔會太老，枝竹和豆腐也很入味，值得一讚。炒鴨鬆： 鴨肉切粒，很花手工，配合生菜，口感特別。椒鹽鮮尤： 用料新鮮，椒鹽夠惹味。焗魚腸： 幾特別，不過味道苦澀。白切雞： 一般啦。白灼蝦： 一般啦。湯杏汁白肺湯： 這個湯很花工夫，豬肺要洗得乾淨，杏汁也很香濃，好美味，一口氣飲了兩碗。甜品蓮蓉包： 此店的名物，必試，熱辣辣新鮮做起，蓮蓉香滑，蛋黃有油，有水準。馬拉糕： 此店的名物，必試，熱辣辣新鮮做起，

已有多年不見的好友約我食飯聚舊，我們相約蓮香樓飲茶。好友在蓮香樓附近居住，她知道此「茶居」出了名客似雲來，任何時間都是座無虛席，她早了半小時找位，所以我來到的時候可以安心飲茶食包。那兒的茶壺好古式古香，好像返到二三十年代一人一盅的景象。我們叫了普洱茶，茶香又濃，一聞就知非一般的茶葉。我們叫了馬拉榚、蘿蔔糕、叉燒包，三樣點心都很美味。馬拉糕鬆軟帶香，蘿蔔糕是清蒸不膩，叉燒包皮薄涵靚，包皮好鬆軟，我以前未試過那麼美味的包。那兒的茶香味美，服務不錯，吸引了不少中外旅客。

同幾個朋友一去到，伙計逐個問我地飲咩茶，我呆左！哈哈！真係井底之蛙！真係第一次見到咁樣沖茶～一人一個碗ｗｉｔｈ茶葉！雖然係有少少阻訂，不過真係幾好ｆｅｅｌ＊不過最好ｆｅｅｌ都係要睇住ｄ點心幾時出爐，大家一齊出去爭拎野食＊真係好耐冇試過喇！！ｄ點心都整得好好味！特別係個蓮蓉包～勁大個勁多蓮蓉ｏ係入面～～～咬落去既感覺係超正！！叉燒飯ｄ叉燒都值得一讚！有機會真係要試下～

用餐日期: 2010 年 1月 19日 食物: 壞舊馬拉糕: 鵪鶉燒賣: 叉燒飽 :淨腸粉味道: 可能期望太高﹐ 失望仲高。 點心唔算好食。D野又凍。 最好食係叉燒飽﹐ 多汁﹐ 唔乾。 因為等野食期間﹐好餓 所以食左兩籠叉燒飽。 鵪鶉燒賣諗主一定好正﹐ 點知無咩驚喜。腸粉乾到死。 塊皮又鞋﹐ 一D都唔滑。 壞舊馬拉糕係鬆軟但一D無蛋香。D 茶係值得一贊。茶葉香﹐ 水夠滾。環境 講真係人都知蓮香樓有幾耐歷事﹐ 好壞舊﹐ \對算keep 得好好加啦。仲靚﹐ 但好逼。 好多張大圓枱﹐見唔到細枱。 要自己揾位﹐ 多人所以要企係到等位。 太多人﹐ 無位企。 好辛苦。地方狹窄﹐ 都好危險 服務: 無服務。 位要自己揾﹐ 野食要自己 "爭" 返理OVERALL: 下次我諗唔再去飲茶。 我哋以家貫左有點心紙﹐ 食咩點咩﹐ 坐係到等食。 蓮香樓keep 主舊方法﹐ 推車仔﹐ 每一輪唔同點心﹐ 自己去羅。 但個個好似岩岩放完監出里咁。 一聽到有點心車出﹐ 個個飛去 "搶" 真係手快有手慢無。 \你推 我推 好危險。 唔夠人"打" 空手而回。 想食既野唔一定有﹐ 要等。 等等下唔耐煩。 見意 我哋岩

蓮香飲茶雖迫，別有一番滋味普洱香醇回甘，沖幾多次水都似第一口的香濃是不用說了蓮蓉包甜度適中，包身蛋黃蓮蓉份量均勻燒肉飯一碗，堆砌得滿滿的，而且燒腩肉身腍滑，不是一味死鹹，唯一不可取是外皮不脆馬拉糕，熱乎乎的，很快便吃完三人要了兩碗燒肉飯，一碗冬瓜肉碎湯飯，兩籠點心，一碟馬拉糕，埋單 $158，飽飽的p.s. 這次太飽沒叫千層糕，個人認為比馬拉糕做得更出色，其他茶樓吃不到這樣大舊而美味的千層糕了

今日行經中環, 知道蓮香樓好出名, 特別行經呢度...我知佢係老字號, 但我一丁友, 所以打算買個飯盒, 在櫃位度有兩條門口狗, 見你衣著一般, 就狗眼看人低咁, 問你想愛咩..我咪話要個排骨飯囉...我吾知個價格架, 點知個中年女人話52蚊, 痴線架, 一個爛鬼飯盒要52蚊, 夠我食三餐啦!!!然後等了一陣, 係廚房拎出盒野來, 嘩, 食了會飛天.?後打開, 失望至極, D汁淋晒係飯度, 食湯飯都似, D排骨好凍, 好多油, 有D濃, 味道一般, 比我平時食開間大排檔D味道仲差D, 因為佢係凍肉排骨, 又味精又油...最終吃了3分1, 剩下三四塊排骨, 仲有大部份湯飯吾要, 掉了

今次去了蓮香樓食dinner...預訂了八寶鴨、布甸...八寶鴨-好食...有蓮子、鴨肉好好"lam"，連骨都可以食...最驚喜的是布甸-底是西米、中間應該是杏仁糊、上面是黃色糕的皮...熱辣辣的~~

只此一次, 不會再試 :環境吵鬧, ( 連隔離朋友講話也吵到聽不清 )地方狹窄, ( 背脊貼住背脊坐, 絕無空位可言)服務欠佳, ( 侍應生服務欠佳 )空調不足, (邊食邊抺汗, 只是四月份)危險非常, (待應手拿熱水煲, 在你頭上舉過手便加熱水, 隨時有被熱水照頭淋的機會)食物味道也常可以, 但沒有想像中的好味 !價錢ok, 三個人八個點心 共 $140水滾茶靚點心 : 棉花雞 : no good 豬膶燒賣 : 豬膶同燒賣係分開, 而燒賣只不過係一舊豬肉 珍珠雞 : 沒有以往的臘腸, 雞翼等在內, 糯米就 ok, 但餡料就一般 麻蓉包 : 醜陋的包皮, 幸好蓮容很滑 鵪鶉燒賣 : ok 鮮竹卷 : no good 馬蹄卷 : ok la 還有一個不記得是什麼點心。如想和朋友飲杯茶, 坐下傾下, 便不要來此了 !