蓮香居 (已結業)

晚餐飯局，選址蓮香。熟悉的環境佈置，由頭頂的吊扇到墻上的掛畫均流露著懷舊的情懷，教人陶醉。只在晚市供應的霸王鴨上桌時果真霸氣十足，原隻鴨子去骨、留皮，並釀入炒過的蓮子、薏米、鴨肉粒、冬菇粒、白果、鹹蛋黃，整隻鴨炸完再燉數小時，直至鴨身腍透，最後將炒配料的汁淋在鴨上上桌。上桌一隻霸王鴨肉軟腍得無需咀嚼，和多不勝數的配料一樣非常入味，加上鴨汁，簡直就是人間極品。另一道聞名遐邇的傳統美食煎釀鯪魚，起肉去骨剁成的魚茸柔韌有致、魚味豐盈、魚肉夠鮮爽甜，魚皮煎封得脆卜卜，高端水準。荔茸炸帶子，帶子大大粒，肉厚多汁，芋茸稠滑細密不痴牙，炸得酥脆無比，吃後口腔充斥著芋香。突然好懷念「缽仔焗魚腸」，不過據說因為魚腸內的脂肪含高膽固醇，故此坊間逐漸少見。 古法焗魚腸甘香肥美，魚腸加入雞蛋漿，放到瓦缽裡，再加入油炸鬼及陳皮以辟去魚腸的苦澀腥臭味。經蒸焗而成的蛋軟滑不老，表面呈金黃色；油炸鬼既有蛋香又有魚香，嚼勁令口感倍增；魚腸肥美滑溜，魚油滲進雞蛋裡，油而不膩，甘而不苦，更帶點點果皮的香味。在上面灑一點胡椒粉，更能增加風味，令人回甘。受到我們一致追捧的西米蓮蓉焗布甸在金黃色焦脆的表層下是馥郁綿滑的西式奶黃布

話說前兩日係上環拍野，完左之後同事話不如一齊食餐飯，佢話去蓮香居食，我仲以為係中環果間，點知原來係呢度。佢嗌左幾個傳統菜包括炸子雞、魚腸蒸蛋、杏汁豬肺湯、蓮藕餅、金錢雞、炒豆苗、焗西米布甸同埋千層糕。炸子雞:香脆但依然能保持雞肉滑嫩，同埋上面既蝦片幾好食。杏汁豬肺湯:一星期內飲兩次呢個湯，我覺得呢度煲得好飲啲，有杏仁香味，而且豬肺另上，可以一野飲左啲湯先慢慢食豬肺，細心。魚腸蒸蛋:唔係一個度度地方都有得食既菜式，對佢期望都高，但佢既表現幾好，魚腸唔腥，雖然蛋有少少老，不過 整體幾好。蓮藕餅:少咸，普通。金錢雞:第一次食，以為係雞，原來係一舊雞潤加一舊肥豬膏加一舊叉燒。成班女仔聽到有一舊肥豬油膏都打左個突，但試完後不會覺得肥膩，反而襯出雞潤既味道，不錯。炒豆苗:中規中矩焗西米布甸:我幾中意呢個餸，佢不會太甜，有奶黃香，最中意佢個面果浸，好好食。千層糕:不錯，不過已被焗西米布甸搶風頭。

喜愛飲茶，而蓮香居除了傳統食品外，茶葉都是十分好飲的，特別是普洱都是舊茶，沖出來的都好好飲。午飯時間當然點心為主，雖然這裡不可訂座但當你坐下時，見到那麼多點心推車時，會禁不住點很多食品。夏天當然喜歡鴨腿湯飯啦...鴨腿大大隻個湯有陳皮香味，內有大隻冬鴨腿大大隻冬菇.喜歡馬拉糕，大飽，咸水角，蝦餃。咸水角新鮮熱辣，咬落又軟又QQ.蝦餃大隻又內有筍絲夠傳統晚餐時一定點八寶鴨，現在比較難得的一道菜。八寶鴨內有好多料 -  蓮子同鴨的精華令糯米飯味道大大升級!說到這裡，又想這個週末再去飲茶呢。

今日一班同事話過海試吓懷舊嘢。舊式推點心車，見嗰樣吃嗰樣，好耐無試過喇!還有茗茶是用茶盅裝茶葉，好特別啊！ 蝦餃、燒賣等等…都是水準之作。 較特別的是‘金錢雞’我都是第一次吃，看似肥肥哋，食落還可以。 同事仲叫了嗰‘叉燒瀨粉免切’，好吃，聽說以前是這樣吃叉燒的，夠豪氣。

今日午飯來到蓮香居感受一下什麼是【水滾茶靚】第一次看到這種電視劇才會出現的舊式茶樓，好奇！充滿懷舊風味的傳統茶盅及功夫茶，侍應是提着大銅煲幫客人添茶的。傳統的點心手推車。奶黃包與一般奶黃包不同的是，外皮是菠蘿包的酥皮。有濃郁的奶香及蛋黃味道，酥酥的，又香又軟。煎蛋牛肉飯這是最後一個盅頭飯，侍應賣力推介，不要錯過。但是味道沒有想象中出色，已經冷了，飯粒好硬。如果熱乎乎的，味道應該比較好。牛孖根異常滋味的一款點心，香滑軟綿綿，有膠質，加上黑椒的微辣，味道非常好。懷舊豬膶燒賣唯一點心車上沒有的款式，要找夥計下單。唉..賣相和味道實在令人失望。豬膶處理得不好，苦味重，又乾又硬。肉的調味太重，除了咸味，就吃不到其他了。潮州蒸粉果晶瑩剔透，餡料十足，值得一讚。對於舊式茶樓，嘈吵是預料之事，衛生尚可接受。可是有很多食評推介的食物都沒有看到，可能賣完了。很感謝的是這茶樓請的都是老夥計，個個風趣幽默。為這頓午餐增添不少趣味...

約了朋友飲茶，同我講話已經響蓮香樓坐低咗，開埋茶，而我咁啱已行樓梯上到蓮香樓，但見唔到我朋友，再打電話問坐邊？佢話搭上一樓，一出電....梯......直望.......，我話響蓮香居呀，話近又唔近，話遠又唔算遠，又無的士，唯有行，其實蓮香居已經有地鐵西營盤站，不過響蓮香樓行去地鐵上環站，不如直接行去蓮香居。行咗6-7分鐘到，搭電梯上一樓直出，終於見到朋友了，佢哋已經食咗啲點心，二話不說，點兩盅飯，鳳爪排骨飯同北菇滑鷄飯，前者排骨醃得不錯，肉質夠嫩、少肥又好咬口，鳳爪少少乾；後者個滑鷄又係好嫩滑，真的不錯，兩盅飯都夠乾身，算粒粒分明，雖然已經不錯，但仍未到我心目中盅頭飯之水準。

有時候，年輕人既感覺係瘋瘋顛顛，係啊，我地顛到同D老人家咁早起身排隊等位飲茶，其實加上我地想試下蓮香居既點心。因為我地早關係，去到等多陣就有位。皆因我地經驗未夠班，去到D點心都拎唔到幾多，但都有蝦餃、鹹水角、蓮蓉餅個D，至於裝潢方面，其實都係仿中式茶樓，古色古香。講下其中幾個啦蝦餃:皮好夠煙韌，因為平時同屋企人去普通茶樓食蝦餃，個皮好易穿同埋痴住張籠底紙，加上D皮都幾有油份，同埋蝦餃內的汁，所以吃上去都好夠水份，唔洗點豉油都有蝦汁味。鹹水角:唔太油膩，不過我嫌個表面唔係好脆，內面D餡都還可以。蓮蓉餅:芝麻甚多，餅皮有點乾身，頗普通，勝在蓮蓉餡鬆軟，不會有機打稠身既感覺。不過茶介都要10幾蚊，我覺得是抵的。因為之前細細個跟開公公學飲濃茶，呢到D普洱味較香，所以沖上去既色都好濃，味道好厚澀，加上佢用大滾水沖，逼哂D茶味出黎，朋友們就對濃茶不太喜歡了。

蓮香居和蓮香樓，我都各自去過好幾次，但假期的情況異常惡劣。首先，這裏是不能等籌號要自己等位；但通道又窄，時常有點心車收拾碗碟車經過；另外搭枱是預料之內；而且食物沒有之前那麼好吃，蓮蓉包皮不夠軟；我們點了的那籠蓮蓉包，其中一個的表面黏着一條眼睫毛然後沒有枱布只好吐骨頭在桌上；侍應/部長倒水時卻把桌面弄得濕漉漉；最可怕的是這裏比街市更嘈吵。

一行四人星期日晚過來食晚飯。好在沒有訂位都有位。環境當然是舊式茶樓，老香港feel。東坡肉 - 味道一般，濃味甜甜的醬油味。 瘦肉部份不甚吸引，脂肪位亦做不了鬆溶感。紙包雞 - 要剪開來食的紙包雞，炸後雞亦滑嫩入味，可惜雞件略為細size! (HK$ 15)蛋白瑤柱炒飯 - 味道不錯，飯粒不太油乾身，但略咸！ 價錢比較貴，可能荷葉飯更抵食！ (HK$ 118)蓮蓉焗布甸 - 全晚最喜歡！配合港人口味，只是少甜！值得一試的特色甜品。份量夠8-10人淺嚐。 (HK$ 98)整體都不過不失！中式甜品還有些驚喜哩！

今天經朋友介紹來到蓮香居，感覺他們沒介紹錯。古舊的窗花、鳥籠，讓人彷彿回到了六、七十年代。隨了裝修以外，食物質素很好。就是離地鐵站有點距離，附近又沒有停車的地方，要走過去。首先上的是發財大利湯，放了發菜、蠔豉、豬利，是一個符合新年充滿意頭的湯。材料十分豐富，蠔豉使湯底更加濃洧，入口甘甜。我很喜歡這柱候牛腩煲，醬汁不會太濃掩蓋了食材的味道，蘿蔔清甜，牛腩和牛筋都燜至軟身，一咬即化，用來佐飯一流。另外還叫了蒸聖子和炒龍躉球的海鮮孖寶，聖子很新鮮，肉和湯汁都十分鮮甜，龍躉的皮厚而彈牙，充滿骨膠原。食材本身不錯，決定了它們的質素。這次來到確立了對廚房的信心，下次會試釀鯪魚、鴨腳包、金錢雞等不同菜式。

多年沒有寫食評，呢間激到我要再執筆 選左西環蓮香居的12人餐吃晚飯。之前訂位訂餐時，店方要求落訂HK$500作實。晚飯未齊人時仲有個待應問有無帶訂餐的訂金單。吃到接近尾聲，待應才告知沒有套餐上的瑤柱鮮蝦荷葉飯，話因為今天荷葉唔靚...... 廚房整不到…… 要用楊州炒飯取代……我們是預訂的，若是處理不到，是否應一早告知。最令我們不滿的, 是同時間隔鄰枱，正在吃荷葉飯 。這時經理過來游說轉楊州炒飯或福建炒飯，我們當然不會接受，說服不了便態度惡劣的對我們拋下一句「你哋自己搞掂佢啦!] 轉身離開 。之後幾個待應輪流走過來，一時說可在套餐上照扣荷葉飯的差額… 一時又說不可扣差額…. 一時又說廚房現在可以整….這時我們真係忍無可忍鬧左佢哋 。最後接受店方安排，結帳時只扣除荷葉飯的差額。回到家裡睇番晚飯時影的食物相，先記起套餐的金錢雞伴鴨腳包，金錢雞就有，唔見有鴨腳包，只係比左類似燒味拼盤果類的 叉燒拼燒鴨。 呢間野甘唔老實，服務態度差，已經將佢blacklist。

老公忽然心血來潮話好耐無去蓮香居, 不如去飲茶當lunch!我地下午一點幾去到二樓已經坐滿人... 伙記大叫我同老公上三樓坐, 話一定有位, 最後竟然加了一句"咁晏先黎飲!" 我同老公都覺得好好笑, 下午一點幾還是午市吧! 上到三樓果然有好多吉枱, 不過又有個老伙記話宜家無點心供應, 但我地可以到樓下拎!!! 原來三樓到下午兩點就收市... 但之後仲不斷有客人到三樓開茶, 可惜被不少伙記叫返落二樓, 令到不少客人黑面兼鬧安排差, 要又上又落! 其實我和老公都只係早佢地少少到, 我地唯有用極速時間搶點心, 唉! 呢到枱的安排真係好差, 早知寧願去二樓等位好過!價錢不是懷舊價, 但又不算貴! 由於三樓趕收工, 我地無叫焗盅嘆茶啦...原來有下午茶時段, 不過好明顯只係在二樓囉!乾蒸牛肉都幾好味! 豬肚燒賣好特別, 雖然有小小膩口, 但也值得一試!牛栢葉超讚, 好爽好淋身!即叫即煎蘿蔔糕, 可惜蘿蔔味不夠香... 則到下午二點在三樓的環境~ 是靜靜的!

一年前，第一次來蓮香居，傳統的菜式對我來說全都很新奇。原來上一次實屬幸運，這次再來，很多想回味的菜式都已售馨。霸王鴨，西米布甸，全都售個清光。金錢雞雖沒有了新鮮感，但仍然好吃的金錢雞。雞肝和叉燒中間夾著一塊豬油，十分香口。雙菇扒時蔬跟酒樓吃到的差不多，很普通。百花釀蟹鉗＄30多元一雙的釀蟹鉗，炸得金黃香脆，蝦膠釀得脹卜卜的，賣相吸引。可是味道偏淡，蝦膠偏多，除了蟹鉗殻，不太覺蟹的存在。醬炒花枝片炒得有鑊氣，花枝鮮嫩。蟹肉扒西蘭花西蘭花烚得剛好，吃不出有蟹肉，感覺更像蛋白。蓮藕餅豬肉碎半肥半瘦，十分香口。入口半融的肥豬肉，夾著切碎爽口的蓮藕，十分好吃。荔芋滑雞煲雞煲的椰汁非常香濃，芋頭炆得很腍，入口帶粉，出色。鮮准山杞子浸豆苗正值豆苗當造的季節，可是這個卻一般，葉不夠嫩。太極鴛鴦炒飯很久沒吃過鴛鴦炒飯了，看到這道有種懷舊的風味。飯炒得乾身，粒夠稠，不會把飯浸腍，味道也不錯。烤排骨排骨的肥瘦分佈均勻，脂肪部份滲出油香，溶在一絲絲的瘦肉中，既滑又有肉香。加上甜甜的秘製醬汁，很好吃。沒上一次來特別，可能是菜式的關係。懷舊風味依舊，一大班人在毫無拘束的環境下聚首一堂，氣氛不錯。

住新界的我要不是陪媽媽來買海味也不會踏足西區，因為遠嘛！今天要到灣仔辦點事情，下午也沒堂，所以就約個港島區朋友同遊西區，順道坐坐新的西港島線，到堅尼地城，再倒轉行返去上環，遊遊四環九約，尋尋舊香港的滋味～徒步走到上環，看見一個很有型霸氣的牌匾：蓮香居，恕曉晴孤陋寡聞，真的只聽過其名，但不知原來是非常有名的，行到有啲攰有啲餓，朋友就提議入去坐下，感受下舊式茶樓的風味，再重溫童年回憶。搭一層電梯就到，甫出電梯就被充滿舊香港風味的枱凳，點心車同裝修吸引着，曉晴感到非常興奮。自由坐，拎到卡就可在點心車摷嘢食，曉晴小時候都係睇點心車等嘢食經過，但原來呢到唔得架，想食就要捕住出車位，每次都出好少，所以一見車就要狗衝出去睇有咩食，諗定就要搶，唔係就等到佛誕都無得食。 曉晴三點嚟到已經臨近落場同last round時間(原來四點收工)，所以點心都只係得返大路個啲，而呢度嘅點心都係做極傳統的那些，例如棉花雞札，豬肚燒賣，所以嚟得就預左係嚟提高膽固醇的哈哈！曉晴大安指意諗住啲點心會自己過嚟唔使搶，結果一心嚟食包點既曉晴就好不幸咁錯過了一輪蓮蓉包(此時的包點只剩蓮蓉包)。 諗住等多陣會再出啦，但婆婆話未必有

阿SIR今晚請食飯 – 係上環蓮香居 ~ 滋補金牌蛇宴原來阿SIR經常來呢度晚餐, 以阿SIR的要求, 應該有返咁上下質素, 今餐唔會差, 嘻嘻.鬼叫我池到, 同事食曬金錢雞, 唔制呀, 嗚嗚雖然一圍3千几, 就算自己去食, 每人都係3百有找,對比食材質素及味道, 係值,