萬豪金殿

营业中

休息中

今次食餐牌加埋貴咗$1000。平時食都冇咁貴，訂座是話有公司比嘅$800現金券，個餐牌即刻貴咗好多。明明平時食$900，今次竟然要埋單$1800。每道菜都貴一倍。好食嘅招牌菜都算，但個時菜真係難食都仲差過大家樂，但係要$250（加一）。食咗咁多次都係冇咁貴，今次提早話用現金卷就即刻中伏！完完全全係海鮮價嘅酒店餐廳。—叫咗有密汁叉燒、黃金蝦、蝦餃、燒賣、叉燒酥、很難食的時菜、炒飯。加埋$1800落樓。

呢日係母親節前一個星期，為左避免母親節生日出街食飯太多人，所以一家人決定提早慶祝。萬豪金殿嘅環境十分安靜，員工服務良好，見到杯入面無茶就主動幫手斟茶。四個人點左5樣菜，1個甜品，分別係叉燒，炸子雞，蝦籽柚皮，黑松露野菌炒蘆荀，萬豪炒香苗，蛋撻。除此之外，餐廳仲有送前菜話梅青瓜，洋蔥檸檬汁，同甜品芒果布丁、酥餅。叉燒肥瘦均勻，味道香甜，令人忍唔住一口接一口。炸子雞外皮香脆，顏色均勻，味道適中。蝦籽柚皮，我唔太推薦，雖然醬汁味道不錯，但柚子皮的口感實在不是我喜歡的，大家可以因應自己口味而點。野菌炒蘆筍，蘆筍經過烹調仍可以保留口感，與多種菌類一起炒，味道很好，但是黑松露味道較少。炒飯，十分足料且乾爽，入面有叉燒、烤鴨等配料。蛋撻，蛋漿與蛋撻皮比例恰當，可是略嫌蛋撻較凍。其餘附送的餐點不過不失。回訪機會大，可再點叉燒與野菌炒蘆筍。

一早訂位星期日晚與朋友用餐7:30到達侍應已經話所有燒味 （真係全部）已經無哂班頭腩都無 咩咩魚都無連個唔知咩鬼french menu都係得返個溫泉蛋available 但如果叫個$1500set 裡面include既叉燒 佢又話有架wor 其實即係點呀點呢間餐廳其實絕大部份都係reservation現在疫情 你都剩係做一round客姐呢個level既餐廳預算食材既能力真係咁差如果你地餐廳係唔想浪費食材 咁唔該訂位既時候提醒客人要預留餸菜我真係幾驚佢連個咕嚕肉都無埋如果佢話無 我真係會拍枱走最後叫左松露菇炒露荀菠蘿鬼馬咕嚕肉黃金南瓜蝦球菇同菠蘿都係有油益味蝦球係無蝦味 真係唔似新鮮蝦唉好失望間餐廳成日搵個後生總廚黎宣傳坦白講 我都係因為咁所以想去試下可惜 一次就夠了好失望😞浪費時間

裝修後人氣不段提升既萬豪金殿，本身已經喺我wishlist入面，喺2021 年度更加奪得米芝蓮一星🌟，作為追星族（米芝蓮星級餐廳）嘅我，加快約埋同好去試 裝修後環境清雅脫俗，空間感唔錯，一坐低職員先奉上welcome Drink, 得味道未必啱大眾口味我哋先由點心食起點心拼盆- $118 /位 蝦餃： 蝦肉足料，但皮唔算薄，黏韌左少少叉燒酥：焗到外皮酥脆，餡料夠瑤柱燒賣： 比正常size 大少少，加上瑤柱提升鮮味五香脆皮素鵝-$88外皮脆但見唔到油，餡料加條粗幼均一，味道口感俱備 乾鮑魚酥-$148鮑魚酥唔少地方有，但用乾鮑做鮑魚酥地方較少，加上係萬豪金殿必食點心之一，當然要試，皮底酥脆，乾鮑夠淋入味而且好細心切開埋，可以好輕易咬一半，配埋下層香菇餡料值得試👍🏽貴妃叉燒$268- 必食推介今餐重點之一，係為咗試叉燒而黎，雖不至於係我食過最好食嘅叉燒，但都係我自己心目中香港Top 3 之一👏🏻 首先有溫度嘅叉燒已勝坊間一籌，上枱嘅時候依然微暖，外皮焦香雖然厚切，但口感夠爽夠腍😋 如果配白飯，我自己可以一個人食晒一碟 香芒汁燒元貝皇$188北海道刺身級，元貝夠大份，外層燒香配香芒汁味道清新

2021 香港餐廳週贏家版活動日期：2021年4月16日至5月2日在第１檔參與的200多家餐廳中，挑選50家(top 25%)，推出第２檔，這１檔我試了６家餐廳，第６站是金鐘萬豪酒店的萬豪金殿。環境：裝修後第１次來，私密性比之前好！服務：很好！食物，609/元午餐：#萬豪點心獻萃蝦餃、野菌餃、叉燒酥，３樣都好味！蝦餃皮薄 蝦肉爽脆，好吃！野菌餃是素食，加了惹味的松露，好吃！叉燒酥比較普通！#金殿老火湯節瓜花生章魚煲瘦肉，完全不油膩，好！#香芒汁元貝皇元貝肉質很嫩，看得出廚師的功底！配芒果汁，清新的搭配！#鬼馬咕嚕肉：另一看得出廚師功力的手功菜，非常開胃的菜。#蝦籽筍角炆海參：海參很難煮得入味，這個好吃！蝦籽和筍角的搭配，有協同效應！#甜品：馬卡雪蓮子燉桃膠，清甜滋潤的甜品，滿足！滿意的午餐！

朋友介紹萬豪金殿 見到萬豪酒店有零房價優惠 上次在朗廷酒店撞了板 今次精明了 先打電話去訂位 確認5月1號晚上7點 才去訂房不愧是米芝蓮一星 裝修豪華 服務態度一流 但可能今天我運氣不好 沒有食神 心目中想點的蒸斑頭腩 煲蟹粥 甚至最簡單的叉燒 全沒有貨 😭😭😭只有點了金魚餃（68元）造型漂亮 稍嫌芫荽過多 奪了龍蝦肉的鮮味釀蟹蓋（248元）釀得滿滿 內裡全是新鮮的蟹肉 好味炸蠔配話梅無花果 （118元）生蠔不算大 但飽滿 配上話梅無花果 甜甜酸酸的很開胃金影玉玲瓏（268元）朋友強烈推介的 蒸得滑滑的雞蛋上面放有新鮮龍蝦肉 個人覺得有點鹹 反而有驚喜的是蝦籽柚皮（228元）味濃但不鹹 柚皮很入味 沒有苦澀味 紅燒雛鴿（108元）好明顯是炸不是燒的 味道還可以 香芋渣乍（68元）味道ok 可是價錢相比之下有點小貴 朋友説未飽 如果再加主食 只得他一人吃又太多 所以最後他要去麥記補吃呢🙄

食物味道: 做出金殿水準，點心和餸菜都能做到色香味俱全，而且有好多與別家中菜餐廳唔同嘅選擇，如果賣相再加多一啲心思就更加有殿堂級的感覺。食物份量: 份量真係幾大，每碟餸都足夠四個人享用，點心就多以三人為限。價錢: 酒店嚟講就算係合適，當然比對普通中菜館，一定算係貴價了。環境: 雖然唔算得上金碧輝煌，但感覺舒服，訂位的話不妨要求窗口位，景觀更佳。服務: 一流酒店服務，無得彈👍🏻回頭指數(10分滿分): 10分

萬豪金殿吸引我的, 除了比我更年輕的鄧師傅主理和他年紀差不多大的五星級酒店粵菜餐館外, 還有那個自動開關的貴氣大門. 鄧師傅主理兩年多, 就將萬豪金殿由老氣變成被米芝連加持的一份子, 除了本身功力外, 粵菜Fine Dining化以及創意, 也令他和餐廳走得更遠. 以芒果汁配以肉厚鮮嫩的刺身級帶子, 微微煎香表面, 內裡肉質依然如刺身報般鮮嫩, 芒果汁甜而帶忌廉的滑和香, 是粵菜Fine Dining化的簡單示範. 鬼馬咕嚕肉則是將傳統粵菜加添創意的例子, 以油炸鬼代替炸醬去將梅頭包起來, 這樣就避免了炸醬在豬肉表面上厚薄不一的情況, 當然甜酸汁平均沾在咕嚕肉上也是手工的基本表現, 除了梅頭外也用了蝦肉, 只是和梅頭的口感細緻比較, 蝦肉的口感就普通了一點.其他菜式則是以表現傳統粵菜功力為主, 蒸點皮薄餡靚, 叉燒酥則外酥內裡保持濕潤. 老火湯火候十足而且味道天然, 撇油做足而不見浮油, 沙參玉竹潤燥清肺熱, 啱曬我. 蝦子海參的海參炆得相當入味, 蝦子和蠔油的鮮咸香滲入去, 而海參入口即化, 這些傳統粵菜水準並沒有因為鄧師傅的年輕而被其他老師傅比下去. 要說全場唯一敗筆, 也許就是甜

兩個月內再次到訪這間酒店餐廳，竟然又坐在門口屏風後的位置，感覺還好。今次點了三道菜，五香脆皮素鵝、蘆筍油泡星斑球、鬼馬咕嚕肉。素鵝的口感比較豐富，其實和鵝沒有關係。星斑維持了一貫的水準，大大塊的魚肉很有鮮味。最驚喜的是咕嚕肉，一半是平常的做法，另一半是用油炸鬼包着蝦餃做的。白飯有點太乾，前菜橙汁南瓜和甜品椰汁糕、果仁餅是送的。另外有在酒店餅店買的雜莓忌廉生日蛋糕，口感香滑，合乎預期，不明白為什麼餐廳不能幫我預訂。祝你生日快樂。

難得去staycation緊係要試埋酒店既中菜因為聽說JW Marriott 既中菜好出名😍前菜黎個白玉木耳 同一般木耳冇乜分別 係口感有小小唔同😂然後黎個叉燒燒得好香 肉質好林 不過我本人中意有小小口感 爽口既肥肉會正啲😂黎到個主菜😍😍片皮鴨 佢燒得好香好香 個皮做到好薄 包埋鴨既油脂好正 最新奇係佢有奇異果有酸菜 第一次咁食 平時都係大蔥同青瓜😂個鴨肶勁吸引 😍😍😍一定要encore 我自己一個食左6舊😂😂一鴨兩食 佢個鴨崧都好好食😍😍入面加左脆米😍成個口感好好 好香 勁中意😍😍最後黎個荷葉蒸班👍🏻肉質好鮮甜 蒸得岩岩好 起左肉 唔會太多骨 甜品竟然係我最愛既笑口棗😍😍😍價錢真係比較貴😂所以唔可以成日食🤪

好失望呀！ 第二次 staycation 今次去staycation, 包800蚊現金券。本身無咩期望，間房不過不失（隔音唔多好，小朋友喊聲，隔離玩啤牌聲完全聽到哂）。到夜晚去有米芝蓮既萬豪金殿食，8點入座，兩個人叫左5道菜。首先成晚無服務可言，無倒水，無換碟，連收碟都要提。之後，到脆和牛面頰、招牌炸子雞同鵪鶉脾一齊上（旅行團團餐?），9點10分，仲食緊既時候就上左美點雙輝（味道因人而異，唔評論，但個笑口棗係唔脆既，擺左幾耐呀？）同侍應反映左話上太趕，佢話因為食肆淨係可以開到10點，我話9點半都未到喎。。。（其實你哋咁驚，不如8點後唔好比人book枱啦。。。）最最最誇張既係，走既時候，一句bye bye都無 （請問我除左講左句太趕之外，做左d咩呢？ 如果你哋覺得我態度唔好，我喺度同你哋道歉😰😰。。。）#staycation分享 #jwmarriott #worstever #michelin #最差 #不能更差 #jw萬豪 #萬豪金殿

星期六午餐有兩輪，11:30-1:00 同1:30-3:00，我地一早book左1:30，都有幾多人，大概7-8成坐滿，一坐低會有welcome drink- 洋蔥蜜糖茶，好大陣洋蔥味甜甜地，幾特別，不過淺嚐下就夠😙。我同朋友鍾意食點心，見佢拎左一星，就走黎試下水準。枱上面有盒小食-合桃，食落幾香脆，唔會有苦澀味，唔錯，都幾大盒，邊食邊飲茶等點心黎。茶呢我地叫左龍井，淡淡嘅茶味，有少少甘甘地（茶位$30/位）我哋覺得都可接受。點心叫左：蝦餃（$90）賣相幾好，餃皮煙韌，味道都唔錯雞札（$90）味道ok，同外面唔同在裡面有帶子叉燒包（$90）個人覺得叉燒餡略甜瑤柱燒賣（$90）比平時嘅燒賣...入口多左陣陣瑤柱香味小籠包（$90）皮做得好，夠薄，餡料味道就普普通通鮑魚酥（$148）撻皮牛油味十足，入口鬆化，鮑魚整得好焾，好易咬開，究竟點做到🤔？整體唔錯嘅。龍蝦湯粒粒烏冬（$138）粒粒有帶子，蝦同蟹肉，龍蝦湯無平時西餐咁濃，但都好味擔擔麵（$138）好好味，湯底夠濃厚，好nutty，麵整得啱啱好，軟硬適中😋👍🏼👍🏼食物整體唔錯，但令我哋印象最深刻就係呢個好似平平無奇嘅麵，平平無奇到唔記得

今次已經係我第四次嚟食Jayson嘅萬豪中菜晚餐,不過今次係佢啱啱榮升米芝蓮一星。其實我之前已經覺得咁好食點解冇米芝蓮呢？首先食個前菜，第一個酸味味嘅南瓜好開胃。跟住就係個香芒蟹肉海膽多士同埋涼拌象拔蚌。冇諗過中菜會用新鮮海膽，個多士好脆口加埋個香芒汁又係令到更加開胃嘅一味前菜。跟住係避風塘富貴蝦柳，我以為係普通大蝦點知原來係賴尿蝦。原隻剝左殼嘅賴尿蝦擺上一個熱辣辣嘅碟，加埋避風塘啲碎非常之惹味。隻賴尿蝦真係好大隻，好特別嘅一味餸。跟住係個響螺花膠湯，雖然個湯響螺同花膠用嘅料都好靚不過我稍為覺得個湯普通少少。又或者之前試過Jayson嘅其他海鮮湯更加出色。我要重申塊花膠非常之厚，係非常足料嘅湯。跟住呢個係欖菜婆參，一睇以為係東坡肉點知原來係海參。佢啲欖菜係炸到脆嘅加咗少少辣椒令到個海參嘅味更加凸顯出來，又要再講多次佢個碟係熱辣辣嘅令到啲食物唔會咁快凍。跟住到我成晚最鍾意嘅菜式，酸菜鷹倉魚柳。平時我好鍾意食酸菜魚，不過平時啲酸菜魚d湯都比較油而啲魚通常都係普通魚柳或者係鯇魚片。今次呢味餸係煎香左嘅鷹倉魚個皮係脆既再加埋個麻味好重嘅酸菜湯，唔會好辣。我飲晒所有湯跟住到呢個鮮百合乳鴿，其實個

今日訂左位來到金鐘jw Marriott 萬豪金殿食lunch,準時到，地方寬，座位舒適，叫左幾個點心食😋😋😋，有蝦餃，燒賣，叉燒飽豉油皇田雞腿😋😋😋，我覺得最特別就豉油皇田雞腿，食落啖啖肉，又好入味，全程侍應都幾好招呼，又幫我哋斟茶，其實個茶壺都幾重😆😆😆,我覺得應該要轉過個細少少，咁方便女士們。其他點心都幾好，蝦餃啲蝦好爽口👍🏻👍🏻😋😋，食完還有少少甜點🍮送，2:30左右就埋單走人

這間酒樓最近得了米芝蓮一星，性價比和以前一樣高。這晚點了豉油皇田雞腿、龍蝦粒蟹肉焗釀蟹蓋、脆皮和牛面頰、萬豪炒香苗、楊枝甘露，有一個小小的前菜西芹和甜品年糕合桃酥是送的。整體質素和同品牌的喜來登天寶閣其實分別不大，但這裏的裝修新淨華麗。田雞腿的做法比較特別，有點像椒鹽，豉油味沒有蓋過鮮嫩感。第一次嘗試這裏的蟹蓋，龍蝦的感覺不明顯，很好味但不是特別驚喜，我比較欣賞焗的方法處理，而不是康得思明閣那裏的炸蟹蓋。而牛面頰性價比是最高，分量大，價錢只是二百多元。炒飯有正常的燒鵝和蝦，口感豐富。楊枝甘露有驚喜，有比較重的奶油感。其實這間酒樓最出色的是魚有關的菜式，例如艇皇花膠鮮魚湯、蘆筍油泡星斑球，不過這次是普通食飯，沒有點那麼名貴。這裏性價比高的菜色很快賣完，例如叉燒和炸雞，想嘗試的朋友應該提早入座。