萬豪咖啡室 (已結業)

第三個食評。話說今日有個老友係外國番黎左黎香港，就同佢黎左呢間Marriott's Cafe食Buffet Dinner。食物材料好新鮮，尤其係生蠔，夠凍，同埋細細隻，唔似其他自助餐廳果D大大隻既Cheap貨。第一次食長腳蟹，大失所望，D肉入口即散，唔係好鮮甜。呢個Buffet Dinner似係食海鮮多，唔係太多熱野食揀，當中燒牛肉有太多肥肉，唔好食，咬左兩啖就吐番出黎。甜品有好多種類，我試左五種，五種都有一個共通點：好甜！服務都唔錯既，但朋友唔識講廣東話，D侍應既英文都係「有限公司」，溝通都有少少問題…咁大間酒店既員工英文水平可以咁「高」，真係要改善下…食完飽到想死，都唔想郁，番到黎屋企又要趕功課，所以今次個食評短左D，請見諒。一句講哂，下次再有機會去食的話，我可能會好似今晚隔離枱咁，淨食生蠔算！因為掛住食，冇影到食物圖片，臨走前係門口影張相就算。

晚上我同家人加男朋友4人行去食>w<自助餐我地坐係一個我都覺得好滿意既位置=3=v 但一去到睇有D咩野食既時候就真係令我有d激氣=00="係有好多好好味既食物但係款式實左太少啦... 比起我之前去旋轉餐廳果時仲要少...不過都真係好好味所以算數啦!!! d侍應真係好好服務態度不過係煩左dd姐(可能太盡職吧)=0=||| but家人同男友都食得好開心^^ 呵呵好滿意好滿意

上兩個星期日同屋企人去呢度食buffet，覺得唔錯，所以係度推介一下。1）海鮮海鮮夠新鮮，龍蝦仔、蝦、螺、長蟹腳D肉，好甜，好好味，不過D螺有D有少少沙，仲生蠔都好正，不過就細隻左D。2）熱食個中式湯，好正，仲有花膠、大蝦釀豆腐、東星班球、燒牛柳、羊柳、咖哩雞....，都好好味，其他仲有湯麵、中式燒味、飯麵...等，呢D因為太飽既關係冇試到。3）魚生壽司呢part比較差D，壽司我地冇試過，魚生就新鮮，但係少選擇。4）甜品甜品種類多，而且大部份都好好味，我地差唔多試晒全部甜品。總結：價錢雖然略貴，但食物真係整得好味，而我覺得直得一提既就係，D食物會不斷加添，上至貴既海鮮，下至甜品、生果。環境幾舒服，唔會有人搶夾野食既場面出現，食飽仲有杯coffee or tea飲添。食物種類雖然唔算係好多，但係好似我地咁，都試唔晒全場既野食已經飽到食唔落。

對於侍應態度，本人亦有同感：差。想當天(六月)本人拿著兩張贈券與父母同來品嚐TEA BUFFET，明明有N咁多個位，侍應卻安排個門口位，之後我們有禮地要求轉位，但等很久，便喊侍應，卻不得要領，遠遠一個似係阿HEAD知我們想詢問，正眼也不看我們，雖然後來知道她正在忙著安排我們，但這樣不回應實在不禮貌，D侍應大部份都不曉笑，明顯地白鴿眼，沒有大酒店的氣度。不過要讚讚這兒的食物，新鮮，用料上乘，有整壺花茶供客人品嚐，一杯杯任供品嚐的雪糕更是令人加分。最好是加插猜花茶遊戲，媽媽猜中了，結果我們三人均免費享用，皆大歡喜，真正難忘！

很久沒有到萬豪吃自助餐了. 種類凡多, 有水準, 而且貴精不貴多. 沙律+ 冷盤有大約十多款. 魚生/ 壽司/ 手捲都有, 這是極少數酒店自餐助所提供的. 點心及粥都有. 車仔麵柜臺的麵, 都有6款以上, 配料(菜,丸類, 海鮮) 可以. 所有配料和麵都是自已夾, 多少隨意, 然後交給師傅烚熟. 熱食有中式的和西式的(不作簡列了), 西式包點. 甜品種類當然多. 不能盡錄, 自已去試試吧!

8月24號係小女子生日男朋友book左位係度食lunch環境: 不錯阿雖然我坐上層不過靠邊仍能望到海~服務: waiter 都很有禮貌~ 收碟同斟水都幾密食物:冷盤生蠔~(聽人講dinner好似係即開)lunch就唔係即開, 雖然細細隻但都幾肥幾新鮮長腳蟹~ 初初食幾鮮甜不過之後可能換得太密解唔切凍就有小小冰青口~唔好食翡翠螺~佢係青口無哂先出, 食左一隻都叫做ok 幾爽口壽司~可能係lunch , d款唔係好多一般刺身~ 得赤貝, 吞拿同三文魚, 都係一般啦熱食:"差"燒~聽人講佢d"差"燒好味但係食落又好普通白切雞~ 好嫩好滑有個中式蝦仁~ d蝦好大隻好好味!!咖哩牛腩~炆得好林但係辣左小小(我唔食得辣)甜品:cheese cake~ 佢d蛋糕好靚好多款不能盡錄一個字正!小甜品~ 佢有d甜品用細細個玻璃器皿載住其中有一款係薑汁撞奶..好好味好surprise雪糕~都好好味-----------------------------------------整體而言係好好~有機會要試埋dinner~

本星期二與友人到此一食，滿意！冷盆海鮮方面：龍蝦仔同翡翠螺好鮮味，蠔同蟹都唔錯。食完一round都要encore。甜品方面：招牌芝士蛋糕簡直一流，creamy得黎唔「溜」，香濃芝士味又唔會太「酥」。栗子慕絲超正！另外仲有法式焦糖燉蛋yummy。野雜莓乳駱杯係我至愛。最為遜色的是士多啤梨拿破侖，賣相一流，但味道則很一般，可以不吃。其他：海螺煲雞湯最o岩食完冷盤用黎暖胃；黑椒中蝦則一致好評，記得一試。埋單每人四百有找。

嘩.. 簡直.. 超越得喇..生蠔，翡翠螺勁好味, 又甜又新鮮;生牛肉的肉味好正, 仲有燒味;魚生同sushi都好多款式,仲有湯面, 多種面包.. 好抵食囉.. 計埋加一都係260一個人.. 值得一讚就係佢地的食物, 每碟都細細碟, 更換新的速度都好快,唔會好似其他酒店咁放哂出來, 大大碟咁.. 此外, 甜品種類勁多。

上星期六去了食lunch buffet, 大部份食品質素一般. 最驚喜的竟然係沙拉腐皮壽司, 入口清新, 酸甜度剛剛好^^另外南瓜忌廉湯很滑,有陣陣芝士香味,很好喝. 不過半碗好了要留肚食甜品.意大利香草球十分驚喜，外層的朱古力很香濃,卻沒有搶了主角香草的味道. 兩者混合開心得很~Tiramisu咖啡酒好香甜,是我吃過最合口味的.忍不住食多件最搶手的藍莓芝士cake果然芝味十足,不過幾制下,我放到最後食,點都努力食晒佢

上星期日去食tea buffet，甜品種類多及凍熱盤較少種類，但自選粥品美味及鮮窄果汁不錯，果汁足料及粥料新鮮。甜品全部都是小小一件，但種類頗多，喜歡吃甜品的人會較enjoy。不過，$198元的tea buffet算抵食。

這夜和他在金鐘萬豪酒店吃自助餐慶祝生日．訂位時想要靠窗的位置，但原來兩個人是安排不到窗口位的．很久沒吃過自助餐了，要大快朵頤好好吃一頓，之後才努力減肥吧．冷盆有龍蝦，花螺和刺都非常肥美，啖啖肉．生蠔雖然較瘦小，也鮮嫩無比．壽司的飯卻較硬．熱葷的花膠，帶子和軟殼蟹都很惹味．甜品選擇不少呢，最喜愛的是tiramisu，士多啤利千層酥和綠茶mousse，還有Haggen Dazs雪糕．芝士餅側欠芝士味且不夠香滑，令人失望．這裡的食物和服務質素俱佳，難怪在Open Rice有１４０個哈哈笑，果然並非浪得虛名．

嘩! 都未見過五星級訓練出黎D服務員禁唔專業!!尋日,同朋友去食下午自助餐, D 嘢食一般外, 最不滿就係某D服務生態度, 尤其整pan cake 果個女服務員對本人十分不客氣, 當我同佢order 要pan cake時, 佢煎緊, 同時我又同佢order 定要綿花糖,佢竟然同我講做完一樣還一樣好唔好, 佢既回應, 真係令我打個"特"!!好似俾佢教訓緊@ @ 另外, D 服務員唔識稱呼人先生or小姐, 找完數之後又唔識講多謝, 簡直不之所謂, 今時今日梗既服務態度點得架!! 大排檔服務都好過佢啦! 值得一提, 我試過附近既文華東方既high tea, 人地雖然價錢貴,幾件餅加杯熱飲, 兩個人就四百幾蚊, 但係D服務員態度專業一流. 值得一試!!

回歸翌日來到JW Marriott Hotel Marriott's Caf吃自助晚餐, 假日價格$398 + 加一服務費, 價錢不便宜. 所以自己及朋友都有點期望, 不過就有少少的失望, 因為食物的款式不夠多元化. 幸好食物的水準是不錯的, 而且環境也很好, 可以看到維港景色, 我們更欣賞了維港激光show.說回食物方面, 冷盤有三文魚, 生蠔, 龍蝦仔, 凍蟹等等, 大致唔錯, 又會不停添加, 唔會有等的感覺, 不過生蠔就比較細隻, 唔夠肥!其他熱食方面, 除了款式不夠多外, 味道都幾好! 特別一提, 就是花旗蔘雞湯好好飲, 真的想不到酒店自助餐的老火湯都有料到. 至於我的至愛甜品, 就大部分都好好食, 例如: 朱古力模絲蛋糕, 雪糕好滑, tiramisu, 芝士蛋糕. 我的推介係燉蛋, 又滑又香甜, 一定要試!

上個月食過最好味龍蝦仔及螺好鮮甜上價課反而一直傳說中的叉燒只是一般熱野麻麻君悅好過佢借問聲樓下話dbs 有折點折法呀??????? 謝謝

坐低一陣, 眼見都有九成滿座!開始食第一站係"和牛" 站! d 生牛肉放左0係當眼處, 其實d 牛肉可以收埋既, 要煮先拎出黎yoh! 咁會新鮮d, 因為到我食完走既時候, d 肉都仲0係個盤度...個chef 一次過炒呀炒, 炒完就部拎上盤, 我相信order 先煎, 同按客人既生熟要求先煮, 咁塊牛肉就好好多呢!和牛肉粒大多medium 至well done! 無哂最鐘意既血水, 不過都幾腍, 近邊邊位置既肥脂部份會生d, 0岩味d!前面幾塊牛, 來自澳洲; 旁邊某食客,來自uncivilized 之地! 唔好怪我咁講, 因為當我拎完d 牛肉醬汁既時候, 我見到...佢竟然拎起其中一個醬汁既公用匙lam!!!!! 然後仲夠膽C lam 痢...點解會有咁既人呢? 酒店食物好好地, 本來幾有食牛既興緻, 當堂無哂mood...宜家諗番起應該同個經理講一講...真係對其他食客唔住...唔食牛喇.........食海鮮啦? 龍蝦, 蝦, 青口, 生蠔, 蟹, 螺...龍蝦好好味, 都好爽yoh! 海鮮中龍蝦最好!熱葷: 有女士們既恩物, 花膠! 好犀利, 一盤一盤咁refill, 女士們