萬豪咖啡室 (已結業)

第三個食評。話說今日有個老友係外國番黎左黎香港，就同佢黎左呢間Marriott's Cafe食Buffet Dinner。食物材料好新鮮，尤其係生蠔，夠凍，同埋細細隻，唔似其他自助餐廳果D大大隻既Cheap貨。第一次食長腳蟹，大失所望，D肉入口即散，唔係好鮮甜。呢個Buffet Dinner似係食海鮮多，唔係太多熱野食揀，當中燒牛肉有太多肥肉，唔好食，咬左兩啖就吐番出黎。甜品有好多種類，我試左五種，五種都有一個共通點：好甜！服務都唔錯既，但朋友唔識講廣東話，D侍應既英文都係「有限公司」，溝通都有少少問題…咁大間酒店既員工英文水平可以咁「高」，真係要改善下…食完飽到想死，都唔想郁，番到黎屋企又要趕功課，所以今次個食評短左D，請見諒。一句講哂，下次再有機會去食的話，我可能會好似今晚隔離枱咁，淨食生蠔算！因為掛住食，冇影到食物圖片，臨走前係門口影張相就算。