萬豪咖啡室 (已結業)

曾經覺得這裡的自助餐是最好的,一個月總會有一、兩次在這裡吃自助餐,有時想不到吃什麼就來這裡,只挑喜歡吃的,整個過程就像去快餐店一樣四十五分鐘內完成!感覺已經麻木,昨八點半入座,大部份人已在吃甜品.所有食物也有Refill滿,冷盤方面龍蝦仔的size越變越少了,生蠔尚算可以,翡翠螺大隻鮮甜.熱盤的花膠越來越薄及碎,其它的興趣不大!甜品的種類少了很多款式,只吃了兩個雪糕球.餐凍檸茶Size比前縮細了一半.環境只可以用嘈吵來形容！(熱鬧同嘈吵係兩回事!傾談同笑令到食飯氣氛熱鬧係好事,但大聲喪笑、細路大叫同阿媽打仔果Ｄ係叫做嘈吵！)食物質素算保持但款式減少!用會員卡有半價,但如果要付全費的話我會去Yamm!

連續食左兩次jw的buffet，一次係同事有半價咭黎食，一次係朋友結婚擺酒。最難忘係生蠔，我本身唔食生蠔，但呢度的生蠔雖然細細隻，但非常鮮甜爽口，我唔食得腥，所以加左幾多檸檬汁同酸汁，但仍然覺得好好食。龍蝦又係好正，鮮甜、爽口、有好多膏，食左兩隻，但因為同時吞左打幾生蠔，所以無咩容量。青口一次好一次有毛，少食。螺好鮮甜，爽脆好食。長腳蟹不俗，也少食。北寄貝好硬，我唔鍾意熱盤無咩食，牛肉好普通，反而花膠幾淋滑。甜品最難忘係杏仁露，好滑，好香，唔太甜，剛好，阿媽都話正。o的人以為係西米露無食，極唔識寶，不過第二次去變左第二種，好失望。chinese cake可以啦，但我唔鍾意食甜品，所以無理。總結來說，食海鮮真係幾正當然最正係半價啦，一個人都係250蚊咋，超超超抵

(23/12/08)食過咁多酒店buffet,都係覺得JW最prefect!食物款式多、又好食,付出咁多價錢,佢完全俾番咁多野你食,一d都唔行貨!中size龍蝦(超鮮甜!)、翡翠螺、長腳。魚生雖然略濕口左D,不過都OK。象拔蚌仍有海水味~。沙律有好多款的粟米沙律。主菜:蟹草菇鮑魚菇炆花膠(略咸)、蒜蓉石斑片(極有魚香)、煎魚柳(一D都唔馬虎,驚喜係仲有煎的香味)、豬腳薑、香草意粉、中式炒米粉(炆米feel,口感似阿宗麵線)、西芹炒蝦球、星加坡咖哩。Order左杯,一睇都知正的Cappuccino來伴我既甜品。朱古力蛋糕(濃!)、薑汁栗子糊(栗子味唔夠,不似即蘑感覺)、拿破崙(夠脆!)、檸檬撻(唔夠酸,撻皮有小麥o趙口)、Apple choco cumble(勁多蘋果粒,cumble脆)、Tiramisu(無乜酒味)、焦糖mousse(叫佢栗子mousse貼切D)、pancake(皮軟軟,桃甜甜)、雪糕(只有士多啤梨,芒果sorbert,cookies & cream,咖啡)、等等。生果:火龍果、菠蘿(甜到唔食菠蘿既我,都要加碼)、juicy哈蜜瓜、橙片、西瓜、蜜瓜。咁正既buffet每

數年前間中會到萬豪的lobby lounge, 印象頗佳, 卻未試過此咖啡室.芝士只有brie, 且不太酥香軟滑, 配以數款脆餅, 西芹, 甘筍, 各式麵包三文治等. 另外煙三文魚多士算是較佳, 麵包鬆軟, 惜沒有refill. 沙律有雜菜, 配以青椒絲, parmesan cheese, 雞蛋, kidney beans, 雞肉粒等, 惜沒有洋葱和橄欖油. 又有泰式牛肉沙律, 半熟的牛肉片有較香的芫荽和香茅味. 生果有火龍果, 橙, 蜜瓜, 西瓜, 哈密瓜, 菠蘿等.其他主菜多是中式, 點心四款有蝦餃(皮厚餡小), 燒賣, 牛肉, 小籠包等(皆沒興趣試), 另有百花釀魚肚, 炒麵, 即製自選餡料粥麵等(皆沒試). 碗仔翅一般(只有一點雞絲), 鴨脷亦一般. 較好的算是特式意粉, 雖材料欠奉但有香濃牛油磨菇白汁味; 咖喱牛肉串燒亦可以. 薄餅沒試.刺身只有三文魚, 墨魚, 榮螺和赤貝. 除三文魚味淡有筋外, 其餘三款皆質素上乘, 鮮甜, 惜要排隊配給. 冷麵也爽口. 壽司和手卷沒試.甜品有多款糕點. cream brulee最是驚喜, 有香濃幼滑奶味. tiramisu也保持水準, 雖

之前同成班朋友一齊去食一餐偏貴但係唔好食的"布肥"，上次提議去喜來登個個人比人"噓"到九彩，今次原班人馬再嚟一次，當然唔會去番同一間，經過一輪reseach之後就決定試下萬豪啦。初時訂位話16人要分2張枱，我地都ok~但係點知去到變成咗二排坐成咗3set枱，不過都算啦，咁返而出入都會方便d，只係有2個人出入時比較麻煩呢.....好啦~~~去攞野食啦......魚生類：帶子 + 三文魚 + 象拔蚌 = 前二個好食，第三個麻麻。呢度有6隻魚生任你揀，種類以"布肥"嚟講叫多(一般都只係得3-4樣你揀)，不過我只係試咗呢3樣，帶子同三文魚都好大隻同肥美，但係象拔就唔係幾好食，有D"UN"而且無乜味。但係呢度D芥辣唔夠辣又豉油又無味，攪到D魚生都變得無咁好食。冷盤類：龍蝦 + 蟹腳 + 凍蟹 + 生蠔 + 翡翠螺 + 東風螺龍蝦：好大隻(SIZE同食中菜D芝士焗龍蝦一樣呀)，有肉又有膏，我其實唔係好食凍咗的海鮮，但係今次見到咁大隻的龍蝦都忍唔住食咗2隻。(不過亦因為食埋佢D膏，好鬼"劉"，攪到我食唔到最尾D甜品同雪糕ToT)蟹腳 + 凍蟹 ：有點鹹，而且無乜肉生蠔：呢個好奇怪，我食咗2隻，就覺得

早兩日媽咪生日, 同左媽咪去食buffet慶祝~雖然成日去金鐘, 灣仔個頭, 但Marriott Cafe就第一次去為左隆重其事, 早左一個月打電話去訂,好彩早左訂咋, 如果唔係就要waiting喇~ 一去到, 經已俾佢個seafood counter吸引住, 媽咪直情開心到傻左, 因為佢勁鍾意食!!!!!!!我食左一round seafood之後, 再加d sushi, 都已經飽飽地, 但佢d花膠好似好好味咁, 就食左d再加埋燒味, 但我媽媽就一直食食食~之後當然主攻甜品啦, 最鍾意tiramisu同pancake, 媽咪就最鍾意雪糕, 食左4個scoop~訂位既時候同左d姐姐講我媽咪生日, 我問佢地可以有咩arrangement, 佢地就幫我整左件cake, 上面寫住"Happy Birthday", 又唱生日歌 都幾靚架, 媽咪都好鍾意~ 見到d野幾好食, 咁諗住訂埋Christmas啦, 同男朋友屋企人一齊食, 順便見下家長點知25個晚2 個round都full曬, waiting list又長,但個hostess姐姐話佢地25個晚會向ballroom開多場buffet, 食物

以前成日幫襯萬豪 tea buffet, 貪佢選擇多又好食不過今次似乎差左, 熱盤選擇少左好多… 質素亦好似低左…甜品普普通通, 記憶中以前好食dCheesecake 唔夠 grand hyatt 好, Tiramisu 唔夠 yam好...幸好crème brulee還不錯, 食左3杯... ><”Haagen daz 雪糕 + Pancake 都好, 但這2樣都幾難唔好食掛...?

ok啦，比想像中差dd。之前book位要book一個月，我萬分期待咁等到呢個自助餐。其實早前聽朋友講呢個自助餐差左好多，我都話唔係卦？等左一個月既，點會差，但係.....其實唔可以話差，但係並唔會係以前人地講得咁好，要食好既自助餐就係萬豪！入到去坐低，覺得枱同枱中間比較窄，但背景望晒成日香港，好正。野食方面，佢係有面包蟹，係幾posh幾正咁！大大件嘛！熱的就有花膠！都好味。但甜品真係冇乜我鐘意既野！選擇唔多！其實佢所有食物選擇都唔多，但味道唔會話差。但問題係價錢唔值law...如果佢keep住咁樣既variety of food, 我唔會再去食。但我由頭到尾都唔係話佢唔得，只係以佢數一數二既價錢，食到既只係咁既質數........唔值，但大把錢既人不妨一試啦！差d唔記得講，有滙豐白金卡有八五折，最衰我冇....如果有，都ok既！

上個月公司請食飯，去Marriott Cafe食lunch buffet。雖然減緊肥，但係唔駛錢梗係食盡佢啦！食物種類對於lunch黎講都算多，海鮮有生蠔、長腳蟹、龍蝦仔等等。甲乙冇毛毛服侍，所以只係食左生蠔，算係幾新鮮，不過細隻左少少，唔夠肥同creamy。其他食物例如魚生、沙律、芝士同熱盤都有齊，只係魚生得三、四種未夠吸引。熱盤較好食o既有花膠同咖哩，燒牛肉不過不失，始終一心記住係午餐所以要求唔太高。最吸引係甜品種類多，而且件件都出色。有同事話想再切細份一Ｄ試多幾款，職員聽到後立即幫同事切，十分貼心。雖然冇乜邊樣食物最難忘，但係每一樣都好食有水準，比起某Ｄdinner buffet更高質素，呢Ｄ係咪叫一分錢一分貨？

上星期五終於都可以去到萬豪食buffer喇！呢間酒店既海鮮buffer好評如潮，仲要book位book咗成個月先book到！我地就睇下佢係咪真係咁好味！一行三人七點鐘就抵達現場，當時已經座無虛席，果然係好多人食！二話不說，食野先！ 龍蝦！仲可以食到淡淡既鹹水味，爽口鮮甜，必食之選！ 翡翠螺，鮮甜度不足！但食得出係新鮮既，不過不失啦！不過大家要記住，任何螺既最底端都係唔食得架，嗰度係佢地藏污糟野既地方！ 加菲蟹！肉質好鮮甜，亦好實肉！正 班塊！雖然d肉都算滑，但味道一般！ 海南雞，肉質都係好滑，而且味道唔錯！ 花膠！雖然唔係上等花膠，但以自助餐嚟講，佢的確煮得幾出色！冇腥味，比得上好多中菜酒家架！ 鴨胸！我食嗰幾件係鞋既，我朋友話佢食嗰一盤d肉好嫩！可能係隻鴨唔同！質樓參差.... 焗薯！居然係想像唔到咁好味！外表既焗脆咗既芝士加少少香草，內裡軟滑，薯味十足！睇個樣絕對估唔到佢係呢種味道！真係必食之選！ 蝦片都炸得幾香口，而個咖哩肉丸就一般，d肉比較散，但味道還可以！ 自制既沙律，疏菜新鮮爽口，仲有多款沙律醬料任君選擇！生果亦非常清甜！ 黃色嗰個鐽入面有d脆脆喺度，

一開始就夾左大碟海鮮, 唔知點解,所有海鮮都浸到好咸,有D飲咸冰水既感覺.其中有一款隻腳好似花邊既蟹特別鮮甜,一問之下,原黎佢就係著名既加菲蟹. 娜娜話之前食一輪就無再出, 估唔到今日臨走仲有一大盤.HAHA,影張相等娜娜羨慕下先~之後試食甜品,好多款都好甜,尤其係一杯杯果d cream..>< 低脂芝士蛋糕,又甜又無芝士味.我覺得最正既分別係草莓千層,藍莓卷同蘋果批, 草莓千層同藍莓卷都唔太甜,吉士醬(藍莓醬)都幾香.蘋果批表面好香脆,中間既蘋果好厚,酸酸甜甜咁.正!!不過唔多覺有肉桂味.值得一讚既係佢既熟海鮮,雖然得一兩款,但花膠比酒樓好食幾倍,又厚身,又無咩腥味. 三文魚同斑塊,魚肉又香滑,魚皮又厚身, 唔錯.

前幾日同親戚朋友去咗萬豪咖啡室食dinner buffet，有生蠔 (好細隻)、 加菲蟹、最期待o既 龍蝦仔(六點開始係唔會出,要等到七點先開始有,仲要fill 得唔係好快,最後仲要出d 好細隻o既龍蝦孫去魚目混珠,好失望,唔係長出長有.)、翡翠螺(有砂,仲要隻隻都有.....)、刺身好唔新鮮(我第一次見d三文魚係黑黑哋.我食咁多次buffet都未試過咁,比四佰幾食呢d質素.唉......)，有象拔蚌同赤貝但都係唔靚,好細隻北京填鴨用d皮太厚.甜品冇樣好食.連我最鐘意食tiramisu cake都覺得唔好食.真係物非所值.最好食雖然係龍蝦仔,但係出得太小,唔夠食........最失望.

今晚公司搞Function 就係去我期待以久既JW Marriott食Buffet 所以我決定今晚放開懷抱咁食 最多第2日跑返幾十公里... 時間由6點去到10點 不過我地5:45已經去到 趁時間未到 去下toilet 出去影下相 6:00左右 大部份既同事都到齊 可以出去拎野食啦 基本上 我食buffet 剩係主攻冷盤 同 desserts 生蠔食左差不多一打 龍蝦食左5 6隻(半邊) 咖啡蟹食左半隻 三文魚+煙三文魚N件 dessert就每樣都試左小小 件件都好甜 同埋食左小小熱薰 最尾食埋兩球雪糕 今日既行程就完滿結束啦 一個字 "飽"冷盤 - 全部都好新鮮 而且不停咁refill 最鍾意都係生蠔 同 龍蝦desserts - 全部desserts都好甜 我記得有兩款仲係食落口好似食緊朱古力醬咁 真係甜到入心入肺熱薰 - 比較失色左小小 無咩選擇 連蒸魚都無條 失望鍾意食海鮮既人 可以考慮一下 不過我想講既就係d services 真係差到無人有 連最基本既野都唔識 問佢有咩飲 居然答我 飲野要另外收錢的 本來想比笑面 比d咁既services搞到得返OK

本人好少食buffet，所以唔係好知行情。但感覺跟小肥兄所講差不多 - 係足料，好食既buffet。今次同老細的partner食午飯，所以好收歛，海鮮部份只試了生蠔、翡翠螺，十分浪費，所以食左好多甜品補數。大部份的甜品都試過，質素above average，而且不是很甜很膩。環境不錯，但好多人亦很嘈，所以business lunch不太適合。

前幾日同朋友去咗萬豪咖啡室食buffet，因為個個都話好好食，好足料，於是就同咗4個好友去試，一試之下果然一流!! 1)海鮮好鮮甜，種類多，有即開生蠔、 加菲蟹、 波士頓龍蝦、翡翠螺、長蟹腳、青口．．．（食哂呢ｄ都已經抵番啦）2)海南雞飯，ｄ飯有油香，ｄ雞好嫩滑，一定唔係雪雞3)連燉花膠都有！！好正！4)佢地仲有pasta都好好食，個師傅話係佢地酒店自己搓，所以係好新鮮彈牙，我地食咗 Fettuccine．5)仲有燉湯，我地嗰日飲既係花膠燉響螺，果然真材實料6)刺身一食就知新鮮，因為好鮮甜，仲有我最愛既象拔蚌同赤貝！！7)甜品好多款式，好精緻，仲有即整pancake 同Häagen-Dazs雪糕添！！食食下餐廳經理行埋黎問我地對ｄ野食有乜comment，我地話好好食啦，佢仲同我地講話下個星期開始至月尾，逢星期四、五同六夜晚９點後入座仲有七五折，食物種類不變，真係好抵！！！