萬豚屋

营业中

休息中

星期2晚, 都有D人, 要排隊, (個日既3點幾打去訂..無人聽...)等左20MINS到啦.都OK既.個MEUN幾得意, 不過睇多兩睇,好混亂,唔知邊味打邊味朋友叫左石碢豚肉烏冬(打左隻蛋個個, 白色湯底既,我偷飲左一啖~唔錯幾濃~正~我叫左黑抇抇豚肉烏冬(成碢芝麻糊咁~不過係咸既~OK幾好.烏冬正`!!!!唔洗講野~最唔掂既我同朋友都覺反而係D豚肉..好失望好大舊肥膏~D肉一D都唔滑~好'唉'呀~我剩低成舊無食到~金山仲叫左2個小食::玉子厚燒~E個好味~!!!入面好多料~CREAMY既~2個人, 一人一半ARM ARM好~仲有唔記得咩名:下面係飯焦,上面有D沙津之類既醫~有隻蝦,最上有D蟹子~ (本來應該幾好味,但佢係我地就黎食晒個烏冬先上~失敗~)OVERALL都唔錯~會再黎`

今次已經係第二次食萬豚屋, 呢度裝修不太華麗, 亦無千百款菜式, 但招牌烏冬真係令人難忘, 我唔鍾意等位, 但係呢度係值gei! (起碼唔係某壽司店或小籠包店咁等兩個錢鐘都未食到啦) 我兩次都有食烏冬, 貪佢夠熱同埋湯底味濃! 豚肉腍且滑。石鍋烏冬 – 好大個可鍋, 見佢滾住成三個字都未停! 湯底好好味, 同行朋友話好似飲緊豬潤水咁, 味非常足! 烏冬同豚肉都好滑而且彈牙。建議食豚肉唔食牛, 無咁好食。豚肉飯 – 無烏冬咁大驚喜, 份量都細好多。豚肉燒得好滑但係重膩左少少, 個人覺得燒耐d迫多d油出黎好d, 會多一份微微燒焦gei香味同無咁肥, 但當然會無咁滑。軟殼蟹, 雞翼 – 等得好耐, 45mins都未有(可能就收爐), 炸得好透, 但七味粉好重手, 整體ok啦。我第一次見9點過d就last order同埋趕d排緊隊gei客走, 好有性格!

lunch過來食, 上次去過.. 但係個陣2:30已經唔再接客了..今次早左來, 等左陣先入到去食..叫左兩個烏冬.. 一個豬扒.. 一個雞扒..豬扒同雞扒都唔算好食, 又唔算差..個石煱真係好熱! 幾好食.. 食完真係暖! 但覺得有點太熱.. 食起上來都要花好多時間等佢凍hehe都算ok既.. 但冇想像中咁好.. 但服務還算不錯~

星期一晚, 八點三嚟到, 都要等到九點先有得食... 仲要落完order無幾耐, 就話last order啦! 即係話, 我都差唔多係最後一枱客, 唔怪得好多嘢都賣晒啦! 原本想要黑担担豚肉烏冬 - 售罄!再叫豬手烏冬 - 都售罄!結果, 要咗:石鍋牛肉烏冬 - 石鍋的確好熱, 但又唔會將所有牛肉燒得熟晒喎! 所以可以食到生&熟牛肉, 唔錯! 而烏冬就一流啦! 好彈牙好好味!豚肉冷烏冬 - 豚肉係半肥瘦, 都幾油, 但幾香呀! 一次過試晒冷&熱烏冬... 個人就比較鍾意冷烏冬啦! 因為無湯浸住, 咬落更加有口感! 好正!豚肉餃子 - 估唔到一碟都有六,七隻, 同埋都唔細隻喎! 又幾抵食呀! 都整得唔錯呀! 煎得啱啱好, 入面d豚肉幾鮮味...

次次即日都book唔到Lunch,今次的起心干2日前就book定,終於食到!!!聞烏冬而來就梗係試佢個烏冬啦,叫左個豚肉烏冬厚切豚肉,但得3-4舊,豚肉好似肥得滯,可能本人唔食肥膏啦,order錯左添同事食黑芝麻豬扒,上菜就係成塊豬扒版黑芝麻包住食到芝麻味,豬扒係無味既,無乜特別~講番值得一讚就係烏冬,好彈牙,不過成個煲仔咁上,好熱,食到最後個口都好熱太熱食得好辛苦,可能期望太高反而有少少失望,咁既價錢淨係得烏冬好食好D強差人意左少少囉。

上星期6 去開尖沙咀, 所以就順道試下呢間好多好評的日式食肆, 7:30pm 才去到, 好彩只有約8,9人排隊, 大約等了30mins 就入到去啦.原先想點豬手烏冬, 但豬手賣晒, 有點失望. 最後點了豬肉烏冬, 饅魚烏冬同餃子.等了約15mins先有野食... d 烏冬上台時 d 湯仲滾緊, 真係非常熱辣辣, 烏冬有咬口, 湯是豬骨味的, 濃淡度適中, 飲晒都唔會口喝. 豬肉夠淋, 不過如果可以再肥少少會更加正, 有一件豬肉沒有肥位, 所以好似食緊煲湯 d 瘦肉咁. 鰻魚都不錯, 唔會淋到一夾就散, 魚肉有彈性.相對起烏冬, 個餃子就變得冇咩特別啦, 不試也可.食完後個石鍋仲熱熱地的, 勁!Bf 話他始終較鐘意食日式傳統昆布木魚湯底的烏冬, 不過我覺得呢間野都唔錯, 我會再來的~

因為個friend話想來此店食烏冬, 所以來到要排隊等位都照等啦. 只是這裡安排客人入座有點奇怪, 我們一行三人, 女侍應話未有3位, 但就先後給了三個兩位的客人入去, 而其實我見入面明明有一排3張連埋的枱可以折開做4位加2位, 咁都話未有3位枱 如果唔係個friend話想食, 我一早就唔等走了. 結果等了30分鐘終於等到卡位給我們 (如果佢之前想有卡位先安排我們入座, 可以問下我們先嘛).我們點了三客午餐, 包括豚肉烏冬, 牛肉烏冬 鰻魚雞扖飯. 兩個烏冬都有一隻生雞蛋, 我們將它攪碎成了蛋花湯, 不知是否生蛋的關係, 我覺得豚肉和牛肉有點so, 烏冬不算太林. 個鰻魚雞扖飯的汁就略嫌咸一點. 個餐亦包了每人一杯飲品. 價錢不算貴, 但試過今次覺得無咩特別, 我諗起碼一年內不會再來.

難得老婆早收工﹐我就去排隊。注意﹕而家要差不多人齊先入得﹐以前就算一個人都可以入去。叫了﹕ 厚切豚肉手打烏冬﹑豬手手打烏冬。湯﹕同之前一樣﹐正。手打烏冬﹕ 仲係o甘正。厚切豚肉: 不是以前一肥一瘦的﹐ 但肥瘦的程度還不錯豬手﹕夠入味﹐size比上次大。茶﹕ 好像冇以前o甘有蜜味﹖幾好﹐我會再去的。

原來不經不覺又一年…真的很久不見感慨良多。有飯開該感恩才對啊！今次來到menu轉了，茫無頭緒下為了穩陣我就照舊叫了牛肉烏冬，原本同行想照舊叫返豬手烏冬，但佢烏sir sir又講得細聲以致技術失誤來錯了黑担担豚肉烏冬…但錯有錯著焉之非福囉！今次二人烏冬的口感都keep到我去年x’mas eve幫趁的水準，只係礙於去年幫趁時豚肉不能令我一試傾心--鞋&湯渣口感(我舊食評講過)，令我今次繼續風馬牛不相及咁懶醒叫牛肉…<--講真叫得「萬豚」叫牛肉把鬼咩﹗？(原來我真係有點後悔叫了牛肉)豚肉今次真係做得到我所要的香、軟、滑兼少許肥少許白脂肪的要求。雖然飲食習慣我清淡起上來係可以好似齋姑咁even現在我已係齋姑，不過heavy起上來係鍾意小肥+色香味俱全，襯埋個黑芝麻湯底真係一流，今次個黑芝麻湯底改進了不少，值得一試，因為湯底已不會像我去年食時有鹹黑芝麻糊的感覺，那次事實頗杰的，但今次豬骨湯得來再嗒真才會有黑芝麻感覺，我會將肉湯與黑芝麻味道比例予以3：1。今次才醒覺後悔叫了牛肉係因為除了試了同行那碗令我不得不只能遠觀未能有幸咁獨霸全碗，其二食食下才覺得牛肉都只係肥牛吉野家類型的牛肉又似乎黯

經友人肉方介紹, 黎到呢間連佢都未去過既餐廳, 但卻吃得滿意餐廳裝潢跟點菜的menu都很fusion 菜風格, 坐位不太多, 訂位的話最好不要在黃昏時間, 因為會打唔到既.看罷食評, 見鰻魚食評很好, 即管品嚐一下, 一共點了2個烏冬, 1個蟹肉沙律 以及一杯凍朱古力給babe蟹肉蟹籽沙律 – 味道卻是可以的, 蔬菜經蟹肉調和的醬汁混在一起, 很配合. 可惜的是菜片切得太大片, 吃及混的時候, 比較麻煩, 要小心翼翼燒鰻魚湯烏冬 – 盛湯的是石鍋, 上菜的時候. 白得像奶的湯仍然滾滾的, 直到吃完的時間溫度仍然keep 到湯很濃, 完完全全是豬肉香味,跟黃芽白煮在一起,,很是配合 最後當然是把所有湯也灌滿肚滿腸肥的肚子烏冬正如各ching 所說, 真的很彈, 很好吃豚肉冷烏冬 – 擁有著一小片脂肪的豚肉只夾雜著醬油來吃, 香口非常, 用來配上白飯, 相信也可大吃3碗, 就係呢個原因, 跟冷烏冬不大相襯, 烏冬依舊彈牙, 配合冷麵汁 及 wasabi本格凍朱古力 – 因本人不太愛甜吃, 故沒有評論. 但babe 的 食評是平平無奇的朱古力總括而言, 我還是會回來光顧的.順帶一提就是, 排

這日,從師兄甲口中得知有好烏冬食,唔洗諗啦,試左先講! 帯上為食的tamama~ 八點幾到等左超過半粒鍾~ 算~叫野食..值得一提本menu幾靚~ 還有烏冬有好多選擇~一口燒豚肉 : 肥~ 油~ 但係舊肉其實幾靚! 可以一食但祈望唔好太高!芝士黑芝麻豬扒 : 其實麻麻地~~味道唔係太吸引! 唔推薦石燒鰻魚手打烏冬 : 算是重點菜式! 先講烏冬~ 彈牙! 吃到尾唔會變諗~ 是上佳烏冬!湯連配料~ 中品~ 連石鍋上~ 再講鰻魚~ 是中上品! 魚唔肥~但有咬感!比三河屋的好吃得多!!! 再配上我認為幾特別之鰻魚汁~ 濃味鰻魚配清淡烏冬~ 埋單百五有找~ 出門後感: 這家店應叫"萬"魚屋

之前都聽過d朋友講同以前唔同左,無之前咁好味,仲話轉左師父,諗住好耐無去過,所以去試下係咪唔同左,果然.....豚肉...以前好好味.入口即溶....而家就全部都係肥膏湯...以前好有豬骨味...而家就好似得過咸味.飲左幾啖都有啲口渴芝士芝麻豬扒好油煙肉炒菇...一啲煙肉都無啲菇又黑麻麻p.s 最想食的忌廉大蜆同埋海鮮烏冬都無唉!如果真係轉左師父的話 而家這個新師父應該好好檢討下..我都要好好檢討下會唔會再去!!!!!!

尖咀好味小店果日晚約左朋友於老尖聚舊, 朋友帶我去左間響赫德道的小店,叫万豚屋! 鋪頭細細,d 卡位逼逼甘;但d 人幾nice.個晚我地2個人,食左3 樣野,初頭睇menu 時都已經有好多野想食,因為睇落價錢都唔係貴,d 相又影得幾靚, 最後叫左兩個豚肉烏冬/軟殼蟹/沙律;嘩....d 野好好咪,個豚肉烏冬又係一絕,個湯底真係頂瓜瓜,濃得來一d 都唔味精,好香豬肉味,最正係佢地可以加湯,因為太好味,我地未食d 烏冬, 已經飲晒d !!! 但係果D招呼較差,果個死肥妹黑口黑面好似我唔洗比錢甘!!! 整體來說我會再去.....

只可以說名過其實. 之前做足功課先去, 但都係失望而回, 聽人話手打烏冬幾好食. 所以特別5點幾去等開門. 一入到去, 連「二奶西」都冇，招呼較差. 回到正題.黑担担厚切豚肉手打烏冬豚肉: 肥同冇豚肉鮮味...湯: 有芝麻味, 但有d淡.烏冬: ok, 幾好食. e個有selling point.豚肉飯冇特別, 有d頹飯feel.煎豚肉餃子豚肉ok, 但煎太久, 做不到上軟下脆的口感. 重好熱氣.整體來說不會再去.....

平日7點幾去到,見門口條人龍唔係太長,十零個人,中途仲有一半人走咗,點知都等咗成粒鐘! 入到去原來間舖都幾細,仲要大部分都係2個人坐4人枱/ 6人長枱淨係頭尾各坐一pair(中間空咗2個位)......好少餐廳會咁set枱,係無咁逼既,但等位真係等死! 仲有佢卡位張凳好淺,唔好坐 =_="厚豚肉烏冬- 豚肉好肥,有一半係透明肥肉 - 湯: 味道好到飲晒 但可能有味精,飲完好口渴- 烏冬: 彈牙,有咬口, 唔錯照燒豚肉飯- 豚肉同烏冬既一樣咁肥,但係煎過,香口好多- 飯: 唔係珍珠米,仲頗硬- 仲有2片黃色既蘿蔔漬物:一個字(((乾!!)))唔會再排隊食,如果唔使排都可以再食佢既烏冬,不過豚肉就唔好啦p.s. 佢個menu係我見過最差既,一頁得一款食物連相一張,雖然選擇唔多,但都揭到你死吓死吓