萬豚屋

营业中

休息中

食過兩次~兩次都係食豚肉烏冬 實在太美味喇~ 豚肉好鬆軟 配上恰當厚度的肥肉 簡直一絕所有野都配合得好好 湯內的蛋又滑又香~ 正呀~!小小貼士: 豚肉唔好咁遲先食 因我留了一舊豚肉諗住最後品嘗 點知舊肉冇咁鬆軟了另外一讚係佢既鰻魚飯, 鰻魚入口溶化 絕對泊得上台灣既肥前屋 我覺得比肥前屋更加肥美 tim星期二6: 45 都要等到 差不多8.00 先入到去..不過絕對值得

之前路經此地,發覺好多人排隊,所以昨晚專程去試下!!6點兩個字去到,只剩兩張二人枱,一行3人,唯有等啦!!大約半個鐘就有位,預期中快!是晚菜式:石鍋豚肉烏冬 - 豚肉比想像中瘦,一層肥一層瘦,瘦肉位唔"鞋",好淋!石鍋豬手烏冬 - 豬手及烏冬分開上,豬手幾肥(怕肥唔好叫),不過好香好淋,味道較濃,配清湯烏冬岩岩好!鰻魚飯 - 鰻魚冇骨唔腥,比係吉X島好食,不過飯就小咗D!煎餃 - 味道較清淡,菜多肉少,煎得唔夠燶!店名有個"豚"字,所以有關豬肉要食!湯底出名正,所以烏冬必食!湯底正好多,而烏冬又彈牙,價錢都係$50-$60一碗,質數與價格剩正比!

2月7號個日特登去萬豚屋排隊食飯, 去見識下係咪真係好似呢度d食家咁講到咁把炮!個日下晝食唔到, 等夜市再返黎, 由6點20排到差唔多8點半, 排左差唔多2個鐘, 早知就打電話book木台啦, 呢度又寫唔可以訂木台, 比佢呃左...我不停見到幾個幾個咁入去唔洗排排左差唔多2個鐘, 終於可以試下佢出名既豚肉飯; 叫左*鐵板燒豚肉 + 一碗飯 *豚肉碗飯 *芝麻豬排 *煙肉炒大菇我食既個碗豚肉飯都算係咁, 因為我本人由細到大係食唔到肥豬肉既肥糕, 我一食就會嘔, 係但今次食呢碗野就無乜事, 不過以味道黎講就唔岩我羅, 飯上面既燒汁ok; 而我男朋友食既鐵板燒豚肉就同我既差好遠, 唔知點解佢既豚肉un好多, 撕都撕唔開, 而我都試過佢既豚肉, 嘔左出黎, 食唔到佢個碟d豬肉 ; 芝麻豬排好難食, 根本上芝麻同豬排就唔夾, 芝麻味太重無晒d肉味, 太多油, 反而個煙肉炒大菇係有驚喜, 好食之餘份量比出面食既大碟 ; 食完個dinner之後, 連我男朋友都話太"漏"太多油太肥, 食完已經好"濟"總括黎講要我再排多次去食呢間野就真係咪攪喇, 話差佢又唔算太

經常在油尖旺一帶工作的姐夫，早前問我有否聽聞在尖沙咀赫德道，有一間就算在平日中午十二時前，門外已經有人排隊的食店，據說此店是以「鳥冬」及「豬肉」而聞名。雖然心裡不太確定，但亦依稀記得在該地方有一間名叫「万豚屋」的新派日式料理店，一說之下他馬上點頭示意正確。今天難得到尖沙咀辦點事，加上午膳時間可以自由安排，所以便特意早點來，一試這間在中午十二時前已開始排隊的人氣食店。於十一時五十八分到達，在街口的遠處已看見門外有數位客人在等候，到步後便跟著排隊。店子在十二時十分左右才正式營業，在等候期間陸陸續續有人加入排隊隊伍。其實在排隊的客人中好些已訂了位，進入店內時看到差不多每張檯也放了「留位」的膠牌。包括我們在內，當時只有三對客人是沒有訂位。其後一些沒訂位的客人進來，店員要示意在一時半後才會有位。心想只要遲一點來的話，定必望門輕嘆。午餐只列出所有定食在一塊膠牌上，選擇有「鳥冬」及「咖哩飯」類別，但沒有供應前菜或小食之類的食品。專程為豚肉及烏冬而來，於是點了「石燒黑芝麻豬扒手打烏冬」($60.00)及「石燒上級豚肉手打烏冬」($58.00)，定食已包括「本格咖啡」或「茶」，另需收取加一服務費。首先端

今次係我第二次去呢度食烏冬，大嚿就第一次嚟，知道晚市開六點，所以打算一放工就即刻嚟，因為突然有嘢做要晏少少放工，好彩大嚿嚟攞位先，我都六點廿五分去到！當然要食烏冬啦，今次我都係食鰻魚石鍋烏冬，大嚿食牛肉冷烏冬，另外食咗蟹肉野菜沙律同埋海鮮pizza！總括而言，我覺得烏冬係好食嘅，但係又未至於會令我排隊食囉...大嚿都係咁話！走時七點半，門外人龍已經好長喇！

一月十七日(星期六)要進行馬拉松操練,一大早就到了尖沙咀,跑了個多小時後,就到萬豚屋!本身也想吃點暖肚食物,吃韓國食品就最適合不過,加上尖沙咀有條韓國街!選擇多的是,不過,上星期日專情到訪萬豚屋,卻吃閉門羹,今次我倆想吃萬豚屋,加上今日是星期六,明知2:30pm就沒有得吃,今次也要"博"一"博"了!希望如願以償吧!於是,做完gym後就急步行到萬豚屋,遠處也見到人龍,心想,可能今次也吃不到,點算過,有12個人在前面,而且當時已經二時多,侍應也出來"潑冷水"說到我們剛好無得吃,叫我們做足心理準備!此時,有點失落...又一次吃不到了....還問老公吃不到的話去邊間吃....同時也有後面等待中的人走了,也有人說大機會吃不到...心灰之際,前面又入了多個,而且我看到店子有吉位,也有人準備走!!!!有機會一嚐鼎鼎大名的萬豚屋!幸好,老公堅持我們要等下去呢!!!!!!!!不可輕易放棄...進入店子,見到一鍋鍋的烏冬,心已經暖了!侍應立即拿來茶,茶都用料不俗,茶味濃!好!看到了有lunch set,烏冬加飲品五十多元,比我想像中便宜當然為食的我一早已經search過豚肉烏冬是最好吃不過,都要試其他味道

在嚴寒的天氣底下，要尋找吃的物事，自不然會想起打邊爐或吃煲仔飯。但在小弟兩口子的眼中，這兒的鍋烏冬才是寒冬下的恩物....個多星期前還是只得十一二度。週末時間，原本是要到家附近試一間滿有好評的邊爐小店，但太座既不是邊爐的愛好者，而且兩口子又吃不了多少，故就此作罷。叫太座給一些建議，她想也不想便說要來這裏了....根據以往的經驗，特別是週末，就算有訂位還是要在門口等上數十分鐘的。是日把心一橫，在開店前已不斷在門外遊走，所以這次很順利可以食頭輪了。一人一鍋烏冬自然是例牌動作，再加一個小吃、一個沙律，已是一頓很豐富的晚餐....小吃是上次也吃過的北海道炸蠔。粉漿不算厚，蠔挺juicy。熱辣辣的吃進肚，胃部登時發熱，吃到整個人也是暖笠笠的太座很少會點沙律吃，但是夜卻特別order個和風蟹肉野菜沙律。端上枱時不禁輕叫一聲 : "怎麼那樣大份 ?"，吃完這個後，肚子已飽了一半有多了。蟹肉很多，拌上沙律醬而吃，甜甜酸酸的，作為"開胃大吃"，很不錯鍋烏冬依舊是熱氣迫人，但湯的"翻滾"程度卻好像不及上兩次吃到的。不過喝進口時還是很盪嘴的；烏冬本身煙韌度依舊足；那塊肥美的厚切豚肉仍是滑得"雪"一聲便流進肚

晏晝黎度，問個侍應要個a la carte既餐牌…睇左好耐就決定左兩款小食，兩款烏冬…想order既時候，個侍應先話午市只供應午市餐牌既野…咁之前問佢拎a la carte又唔講>.< 又要再諗下食咩喇…最後決定左：石鍋豚肉烏冬 - 豚肉好味喎，夠肥豬肉所以爽爽既…越肥越好食 湯底唔驚喜，不過烏冬真係好彈牙，唔會一夾就斷，有咬口幾過癮，連男朋友唔鍾意烏冬都讚~黑芝麻豬扒烏冬 - 塊豬扒用黑芝麻包住，炸得香脆亦好香芝麻…不過芝麻同豬扒好似唔多夾…鍾意普通豬扒多D~埋單 $ 125烏冬確係幾好食，價錢好抵…如果行開呢一區會返黎，但係唔會特登行黎食

我大概6時半到了, 入到只有一枱人... 不過門口的usher也告訴我們7時半要交桌子..等了也不少的時間 (abt. 13 mins.) 才有東西上桌... 我們叫了牛肉燒烏冬/豬肉冷鳥冬/menu第一page的sushi (forgot the name la)..wu do真是滾滾的, 不俗不俗!!!但我的同行partner則說豬肉&牛肉也不太好味... 不是難食..但可能因為之前看得太多了的positive comment... so hv some over-estimated expectation... 這2個肉也是一些很普通很普通的肉...不過說特別"葉"得好味or煮得美味.... (也有可能之前吃了e呂波所以有個很明顯的comparison.. haa) 值得一提的是我想影一影個MENU作個留念....怎知一個曲頭髮的WAITRESS看見了便立即問我還叫不叫野食, 要不她就要收起MENU...(我心想: 真是巴X閉..)去那裡的最好是很LIKE很LIKE食烏冬...否則是那裡是沒什麼selling pt. 的.... (平lor..) 我叫了menu第一頁那個sush

唔係第一次排, 不過友人就好想食, 大約有十個人, 就排一排囉.一點半開始排, 排左大約九個字到我地第一, 諗住就快啦, 點知其間分別有兩組女人入去同D STAFF傾左兩句, 聽到佢分別同兩個女人講係出面等一陣.見到有檯走啦, 到我地啦掛, 點知個STAFF叫其中一個女人入去, 算, 橫豎我地第一, 應該都好快, 又有檯走, 點知又比左另外一個女人, 有冇搞錯呀? 我好肯定佢地係無訂位囉, 同埋係同一時間比人打兩次尖啊, 排係預左, 但係仲要加埋呢D野真係慶囉.係, 佢D野係好味, 但係要預左食埋D"氣"囉.就算將來唔使排都唔會再去

有一陣子沒來萬豚屋，難得閒日 (2 Jan) 放假，心想可能平日的午飯時段不用排隊吧，便出發前往萬豚屋.大約一時四十五分到達，看到門口的人龍(大約有十個人吧), 心知不妙. 但既然一心要食萬豚屋，便唯有乖乖地排隊. 二十分鐘後，終於可以入座.來到萬豚屋，當然是吃豚肉吧. Lunch 的選擇也不少，有烏冬有飯，也有咖喱底的. 但由於不能吃炸，也不想吃咖喱，所以只剩下兩三個choice. 最後決定不要飯，要烏冬，就叫了一個石鍋上級豚肉烏冬.不知是漏了單還是怎樣，從兩點零五分落order 開始，等到兩點二十五分，烏冬還沒有來. 見其它人遲來先有得吃，便舉手追單. 追了不夠二十秒，烏冬就來了. 奇怪.印象中每次來都有叫這個烏冬. 吃過四五次，單以烏冬麪來說，這次做得最好. 烏冬煙韌有口感，不會過腍 (之前吃過幾腍的). 至於豚肉，和之前吃的有點分別 - 肉有四塊，都肥，但兩塊是爽口的，兩塊是腍身的 (即是像煲湯豬肉那一種). 記得之前吃的全部皆是腍身的 (而我個人比較喜歡腍身的). 吃罷有點不滿足，但我想這樣分配是為了滿足不同客人的口味吧. 要是有人喜歡吃爽的但來的全部都是腍的，我想會不滿吧

上星期六, 要自己食lunch ..突然想起有呢間嘢。之後冇去因為要係門口排隊。唔鍾意係門口排隊的方式, 但想下自己一個人無所謂啦, 所以去左排。去到都有成十個人排隊, 差唔好二點...二點半last order ..好險可以係二點半前入去食叫左 石窩豚肉烏冬 + 本格咖啡。等十分鐘到熱辣辣石窩到啦.. 好熱..............石窩 + 隻egg, 好滾 好熱的氣泡 好似火山谷上的溶岩 (誇張左) 立即快快拌勻........佢的豚肉係似東坡肉咁..我平時唔會肉肥肉的部分..今次忍唔住要食少少...好食...難怪蔡瀾話...健康的嘢唔好食...越唔健康越好食啦。烏冬其實唔似好似手打..但都OK。本格咖啡比我想像中好....呢度係冬天食飯的好選擇....好熱呀!!!!下次晚上來.試小食先得。

和友人午聚, 他們也未試過, 於是我便提議來會一會。可惜的是, 原來中午只有set lunch, 沒有小吃.... 三人行, order了石窩豚肉烏冬、石窩牛肉烏冬、石窩雞扒烏冬石窩豚肉烏冬：石窩熱騰騰，一喝湯，噢~ 燙得舌頭痛！豚肉和烏冬仍依舊好味！yummy！石窩牛肉烏冬：石窩不是太熱，可能是怕牛肉太熟吧！牛肉能維持半生半熟，到最後，湯也滾出牛肉味來，那個湯和我們的湯有不同的味道呀！石窩雞扒烏冬：雞扒分開上，很嫩滑，醬汁也很好味，石窩是最滾騰騰的，滾足全程！美味！

有幸朋友在附近工作, 她一有空, 相約我到這裡等開門. 哈哈, 只係等十五分鐘, 就可以食到呢個價廉物美的烏冬, 夫復何求?!是日早收工, 一個人都來試試運氣如何? 真好, 剛好可懾那一人座位, 不用想, 馬上吃那醬油豬手烏冬. 也等了十多分鐘, 熱騰騰的烏冬才來, 那浮面的雞旦, 要快點弄開才可, 否則會變得太硬了. 醬汁豬手皮很肥, 但無計, 若唔係咁, 亦唔好味. 把一半的皮也去掉, 太油吧, 餘下嫩嫩的肉和皮, 今次又可大快朵頤, 正. 醬汁味道剛好, 不會太濃. 豬手嫩, 可口, 配上烏冬, sooooooo yummy!

第一次来萬豚屋,系睇左openrice点评先决定要黎噶 不愧甘多好评,D食物味道好正 招牌烏冬真係令人難忘,湯是豬骨味的, 濃淡度適中 個石煱真係好熱,冬天去好温暖 豬扒同雞扒都算OK``材料应该好新鲜 會再黎噶