萬豚屋

营业中

休息中

兩個人....六點三黎到...唔洗等位...但係店員居然要求我七點半交檯 (坐得都唔舒服....點會久留呀?)....食左:牛肉手打烏冬 - 第一口先飲湯....好似無乜特別...奇就奇在越飲越好飲....結果成碗飲哂.....豬骨湯濃郁芬芳.....果個味道係未試過的美味.....牛肉 OK....鳥冬好味.....因為個湯實在太正....其他味道都唔係好記得......醬燒牛仔骨飯 - 個醬汁....未食過咁既味道....好味....上檯時以為好細碗....但原來個碗好深架....結果飽到脹住個肚.....食唔落其他野.....

6點半去到, 要等個鍾先入得, 開初以為一定好好食.....坐低後, 兩個人叫左1. 照燒豚肉飯, 2. 海鮮鍋巴壽司 3. 石燒厚切烏冬1. 照燒豚肉飯 - 賣相ok喎, 一食舊豬肉, 一d 都唔"淋", 食落仲有陣 豬肉處理得唔好既臭味...成個飯好冇heart...舊豬肉溝d香草去煎, 食落口又香草味,又臭豬味,好難頂...跟住個飯溝埋d照燒汁, 個汁重要好重味精...食完好口渴, 最頂唔順就係味味餸都加溫室豆苗...唉....好味既野又何需多此一舉...... 2. 海鮮鍋巴壽司, 非常搵笨既菜式...鍋巴, 沙津, 蟹子...3樣完全味道唔夾..重要係創作料理...3. 手打烏冬尚可接受, 可惜.....豬肉只係靠肥既部份, 所以食落先咁"淋", 成舊肥羔食落口...有點兒恐怖..萬豚屋, 一聽以為食豬肉好出名....完來唔係.....完全唔值得排隊等位食....

人氣之盛，似乎可以開分店，偏偏卻以「只此一家」形式存在，幾有誠意保持質素的拉麵店。是什麼也不想去的日子，獨個兒吃走來吃碗豬骨湯拉麵，一時許，坐滿上班客，似乎是不設搭檯關係，要等上半區鐘才有位。甫坐下也不作他想，豬骨湯豬腩肉烏冬，要檸茶。要等上好一會才有得吃，用保溫石鍋上，湯在冷氣下竟然愈滾愈澎湃，似是反物理現象，濃得化不開的豬骨湯底，雖隔過油，但喝一口，唇邊仍滲著豐腴油甘，五花腩是本地豬，卻是難得的靚貨，脂肪位置油香四溢，瘦肉以醬汁得入味，鬆腍美味，是頂好的美食，烏冬耐熱奈濕，久浸不軟，是高質素證明，一直不明白豬骨湯配烏冬怎會比拉麵好，吃過就終於明白了，亦看得出老闆花過不少心機選材。滿意的的豬骨湯底，是要花上萬分心機才能研發出的佳品，埋單八十元，物有所值，會推介朋友去試的。

今天要處理的事還多, 朝早回公司後, 要落旺角, 然後再到尖沙咀, 原本想用 OR 之 coupon, 但真的想試試新店, 於是同自己講, 如果要排隊就落 freshness burger! Luckily, 鋪外無人排店內又無人, 但枱上放滿 "reserved" 牌子!獨自一人品嚐....試到的不多, 當然要叫招牌餐 - 石燒上級豚肉手打烏冬 + 凍檸水, $58, 等了一會...茶先上, 大大杯, 再等了十分鐘, 一鍋滾住上既烏冬來到, 當然要求多隻細碗, 單是色聲香味的"聲"已相當吸引, 一開動已叫自己慢慢來, 生蛋在正中央, 但不到一分鐘已熟透, 先夾了一件厚豚肉, 好腍滑, 份量相比平時吃到的豚肉厚得多, 亦有咬口, 果然是上級, 然後是烏冬, 雖然本身較喜歡吃幼烏冬, 但食落又幾煙韌, 彈牙, 湯稍涼一點, 唔...不會太鹹, 每口也有蛋花, 濃濃的, 唯一覺得味中不足的是....如果有幾條菜伴下...呢餐真係一個 balanced diet!PS 冬天會再來!

早陣子or有萬豚屋的coupon，我們滿懷興奮地拿著coupon去食烏冬，怎知道原來星期五是不能用的，但coupon上沒有說明，而店員的回應又很悔氣，害我們空歡喜了一番，又感到很委屈。我們點了豬手烏冬和吉列豬扒烏冬。豬手烏冬︰烏冬還沒有來到，豬手卻早早地送來了。豬手只是暖的，多放一會就變涼了。味道是不錯，不過可以注意一下來的時間嘛。吉列豬扒是令人好生失望呢。肉和炸漿已經分開，而且感覺很油膩，肉質也較鬆散，不好吃。可幸的是烏冬依然陣牙，湯底仍是濃郁滾燙，不過請改善服務態度。

四月十日 (星期五)復活節假期第一天,本是約了老公仔先做gym,後吃午餐的但因為我太肚餓,所以決定先午餐,後做gym很快決定到萬豚屋吃午餐第一次來到是十一時四十五分,才發覺它是十二時開門的,於是決定四圍走走再來第二次來是十二時正,只見服務員正在清理店鋪,不用問,行一圈再來第三次來是十二時十分,仍是掛上”休想”的牌問一下服務員,仍未準備好第四次已是十二時二十分,終於開門服務員似乎已認得我們了,很快便安排了座位給我們我們的口味一樣,意見一致這裡的豚肉烏冬是最好味的,我倆都點了這個,再加凍檸檬茶烏冬是用石窩盛的,上枱時,湯還熱騰騰石窩令烏冬能夠保持熱洪洪的狀態還特意加上一隻生蛋,只需用筷子攪拌數下湯的熱力已很快將蛋滾熟先說湯,是很清甜的豬骨湯底一啖湯,一啖烏冬,是味覺的享受烏冬煙煙韌韌的,因石窩的保熱能力很強,所以每條烏冬仍然是熱騰騰的但又沒有因太熱而令烏冬變林,實在精采主角是那四塊"萬豚"肉肥美而不肥膩(只少是感覺上)肉質鮮嫩,不會因太熱而變韌可以說是清純版的東坡肉進餐的整個時間,湯就是滾了這麼久就是這碗豚肉烏冬,給了我們三十分鐘温暖的感覺萬豚屋,無可否認,是高挑的營業時間短,星期日更是"

聽聞呢間餐廳好多人排隊, 所以我地六點到逹, 去到仲有好多位試咗出名既黑担担厚切豚肉手打烏冬估唔到個湯底係成個黑芝蔴, 都幾特別既, 不過就咸咗啲可能我唔識欣賞, 覺得個豚肉同阿媽既煲湯豬肉差唔多味而個烏冬就幾滑, 但唔夠煙un由於覺得冇咩餸既關係, 我地叫咗個雞翼, 點知食完個烏冬都未嚟佢地話要即叫燒喎, 味道都ok既, 但要成十蚊一隻(雞中翼) 就完全唔值囉總括嚟講我對呢間享負盛名的食店感到失望覺得佢地既定價太貴, 而且位於呢條橫街租金應該唔會好勁點解雞翼都要10蚊隻呢, 究竟佢地用咗咩珍貴調味料呢?有冇人可以話我知?

前前後後去左3次, 次次都係6點幾到已經排左好多人直到等3次, 5點幾去到, 已經係隊尾, 再多一pair 人都無得入。2個人叫左一口豚肉, 海鮮沙律窩夫壽司, 豚肉手打烏冬, 萬豚芝士芝麻豬扒一口豚肉--味道OK, 不過肉韌左D海鮮沙律窩夫壽司--呢個勁搵笨, 米通上面加吞拿魚沙律????萬豚芝士芝麻豬扒--呢個味道一段....豚肉手打烏冬--呢個係唯一好食, 烏冬好彈牙好滑, 湯好夠味, 豚肉夠林烏冬係好食, 但唔值得排咁耐

素仰萬豚屋美名已久，可早前曾多次訂位也打不通電話，終於上週walk-in一試。　那是睇完婚紗的夜晚，心中極之響往一碗熱騰騰的湯麵，萬豚屋再次浮現心間。反正兩口子還有更多事宜要商量，就來了等位。已是最冷清的週一，兩人也等差不多40分鐘才有位，真是人氣爆燈! 店內環境是預期中的偏窄，不過也較想像中有情調。龍一見燒豬肘就雙眼發光，可惜當晚售罄，結果點了：　石燒厚豚肉手打烏冬-本來龍說對這種湯煮厚豚肉不感興趣，但食物上檯後，他承認他錯了。豐腴肥美的厚豚肉幾乎是入口即融，芳香又充滿豬味的口感令人難忘!簡單鮮味的湯底襯托下，柔軟滑溜的烏冬既彈牙又好吃得緊，最後半熟的玉子也濃香充滿蛋味。實在是碗異常出色的烏冬，而且份量還真不少，兩個人吃畢這味已經飽了大半呢!　萬豚芝士芝麻豬扒-見賣相滿特別的，決定點來一試。其實芝麻味依稀不太吃得出來，反而是富於果仁碎的口感與味道均特別，加上煮得香融的芝士，貪新鮮也可一試。　本格鰻魚飯-萬豚屋的豬肉出色就算了，想不到烹煮鰻魚也有一手，肥美鮮香的饅魚調味得宜，吃在口裡感覺十分幸福，唯一可挑剔的，是米飯並非用上日本珍珠米(不過其實也軟硬適中挺好吃)。　再用上OR的coup

睇openrice好多人講..一於去試試..一去到門口已經大排長龍, 等左around1個鐘..佢地唔派飛..要排隊...下次一定要book位入到去...原來入面好細排左咁耐好肚餓...一叫叫左幾樣叫左牛肉石鍋烏冬...一黎好熱..不過都幾好味之後仲叫左一口豚肉, 芝麻豚肉小食就真係麻麻..可能呢度唔太著重小食...個個都係食烏冬...下次去..都係只係食烏冬...

事隔九個月, 一直都想帶屋企人嚟食一次, 感受一下嗰種"温泉"嘅感覺, 咁啱有coupon, 今次冇籍口推搪喇厚切豚肉湯烏東$56 一樣係好"温泉", 不過冇咗以前食嘅"肥美", 反而瘦咗d, 唔再入口即溶同埋有d鞋口, 唔通係為咗配合香港人而變質?亦因為佢唔太肥, 所以成個湯底就冇以前咁多油, 當然感覺係易接受d, but如果比我揀, 我都係要以前一層肥一層肉嘅!!!!!其次個湯底香甜, 烏東煙靭係不容置疑嘅~醬油豬手湯烏東$59/$60(唔記得添) 個豬手仲正~連同枱友人都讚呢個比厚切嘅好, 好入味, 個汁甜同咸味都配合得好好, 可惜一早供奉咗上枱, 好彩食咗先, 唔係等到佢個烏東嚟咗就成隻豬手都凍哂lu, 凍咗冇咁好食, 同埋都知道個豬手一早炆定, 放埋一邊等有人叫先落一落汁度煮一陣再上枱咁(我估唧), 因為個豬手嘅熱力唔keep得耐, 一陣就凍喇~if佢可以煮耐d整熱d又順便等埋個烏東先一齊上會好好多囉~個湯唔多覺有油, 唔會有天使阻你開餐喇今次P.S. 原本我唸住同屋企人食完都仲會同男友食多次回味下, but食完呢次之後我要重新考慮一下, 值唔值得再有下次先得喇~三個人兩碗

石鍋厚豚肉烏冬石碗內熱騰騰出煙既烏冬內，仲有隻生蛋簡直好似溫泉蛋，烏冬真係好彈牙，厚豚肉好大片但覺有點肥，湯底濃郁既豬骨...............正~~~最重要係午餐都要早一日book定，walk in 見有位都唔比你入

正,好味道!!除了太熱外,喜歡熱的朋友一定非常喜歡!!!這間鋪晚上是開1800,不是Openrice說的1830,各位留意!麵上枱時湯還是滾着的,石窩的熱力令這碗麵持續保持着剛滾的氣泡壯態!湯—很甘甜,肥美又不覺肥膩!!因豚肉的最肥美的部份已被湯的熱力溶解了!!豚肉—肥美甘香,廋肉很淋,肥肉已溶!烏冬--煙煙韌韌,即使石窩很熱,烏冬食到最後仍然保持煙韌,没有被煮溶!!蛋---該是石窩滾時放的,不是一早煮好的蛋,而是剛打下的!!總結—一生人一定要試!!

有一次經過呢間udon店見到排曬長龍,心諗:有什麼咁巴閉呀?? 同友人決定擇日要試試!日期; 某個星期一時間: 大約6點幾左右那天友人6點幾先去到等位,前面已有7~8人.....等等等. 等了大約一個小時才有位. 嘩~真係好耐都冇試過企係到等咁耐冇得走開而目的為一餐飯o者~是晚點了:涷檸檬茶 - 差!! 茶味完全唔濃,冇特別, 飲佢地供應熱茶仲好過飲呢杯o野.石鍋厚豚肉udon - 正! 熱辣辣, 湯底又夠味,udon質感好煙un(令我想返起去日本個間花花嘜頭平價udon連鎖店) 豚肉很軟很香,連最討厭食肥豬肉的我也忍不住食. 但好快濟.燒牛肉冷udon - 牛肉唔ok, 好un冇乜牛肉味. d牛肉仲要碎濕濕咁.一口燒豚肉 - 麻麻地! 雖然大家都係厚豚肉,但口感味道同湯個d完全唔同. 上菜時已不太熱,口感較硬,唔香. 攤涷左之後係完全唔想食. 而且價錢較貴(around $4x 幾)唔抵食. 蟹肉蟹籽沙律 - ok,但冇乜特別. 份量雖然睇落好似好大碗,但其實下面全是大塊生菜墊高左.

身邊極多朋友食過之後都極力推介,所以的起心肝,就算要排隊都來一試,結果排咗一個鐘多D就有位,點了最出名的豚肉烏冬同埋鐵板燒豚肉,豚肉入口即化,湯的味道濃郁,而且份量十是足,鐵板燒豚肉的燒汁惹味,配合埋有些少脂肪的豚肉,令人欲罷不能,最後我地兩個人要再ORDER多一份鐵板燒豚肉才覺得滿足.總括而言,這裡的豚肉我個人覺得係我食過最好味的.下次來一定要試多幾款菜式.