萬芳冰室 (建德街)

营业中

休息中

呢間萬芳冰室嚮元朗，位置好難搵，依家周街都係茶餐廳，有好多唔同風格嘅，而萬芳冰室就係一間sell懷舊風采嘅茶記。呢間冰室唔知點解有好多人慕名而來，所以最好就嚮啲冇咁多人嘅時段，例如閒日下午茶時段，否則人多嘅話有排你地等。冇錯，懷舊嘅冰室通常都係賣果幾樣野，各式三文治、雞比薯條、西多士、豬扒雞扒雞翼撈麵、紅豆冰菠蘿冰之類嘅嘢飲嘢食。我同四個朋友就嗌咗上述圖片嗰啲嘢食，都覺得冇乜特別，個雞髀係炸得幾出色，但其實好多地方啲炸脾都好好食，但呢間個價錢實在好貴🤧豬扒撈麵都係一樣，睇得出成本好低但係價格就好高，個麵就冇乜特別之處而且有啲乾。反而食返一個平凡嘅西多士，價格唔算貴但又有一定水準，脆得來麵包同醬嘅比例適中，同埋杯紅豆冰都算好味！總括來講，嚮呢間冰室可以感受到一啲懷舊嘅氣氛同食物，但啲食物都好平凡而且價格比其他冰室或茶餐廳貴，我都未必再專登走入去嗰邊食。

今日又去咗元朗玩 其中一個目的係去試下呢間好出名嘅文青食店 萬芳冰室 喺ig已經出曬名 平日嘅下午茶時間嚟到 依然人山人海 外面用咗吸引嘅tiffany blue做主色 入面仲係懷舊式嘅裝修 連餐具侍應嘅服飾 都好統一見到隔離枱嘅生炸雞髀沙律 勁大份 但我始終想試沙丹豬扒飯 事關有我最愛嘅甜豉油汁 加上一隻香煎流心太陽蛋 撈飯一流 而且仲配有原塊菠蘿片 火腿片 同埋巨型香煎豬扒 火腿片係厚切 好有口感而且一啲都唔肥豬扒夠香惹味 唔使落太多調味料已經夠曬突出你懷舊冰室點可以唔試下呢度嘅奶茶 仲叫咗茶走 即係入面加上煉奶 奶味香濃 而且仲有淡淡嘅花奶味 同時茶底甘香 唔會苦澀

><生煎豬扒配薯條($30)塊扒有成半隻碟咁大😋薄身得嚟又好腍 冇咩鬆肉粉味薯條即炸當然好食怕熱氣所以嗌咗杯 菊花茶($14)filter到冇哂菊花渣滓 少少甜好潤喉標榜新鮮製造 冇任何添加劑出面等位個陣 見到晚市有煲仔飯提供價錢都算幾抵 可以搵日嚟試下先><><><><><><><><><><><><><><><><萬芳冰室 Man Fong Cafe元朗建德街35-55號時景花園地下10號舖

元朗真係開咗好多茶餐廳,有行懷舊風.有行Fusion菜既,今日呢間野可以話我響元朗食過最🤮🤮既茶餐廳之一今日係chiratmas條街間間舖都多人到爆,唯獨呢間唔洗等即有位,我地就入去試下,老實講,個度甘偏又好難成日會行,行咗入去基本上間野係Full既.我地座低之後,出面仲有人開始排隊添,心諗實無死,不過呢次係羊群心理,證明人多唔係一定係好既首先一個飯or麪都係唔包野飲/湯,全部散叫(除左佢個常餐之外),唔係因為假期,佢本來就係甘,一睇個menu價錢起碼四十起底,算啦都黎咗,好唔好都試一次,唔好就無下次叫咗個蕃茄燴意粉&窩蛋牛肉飯+一杯凍奶茶(少冰少甜),兩碟野完全唔值呢個價錢,而且個份量都唔算好多,加上個兩碟野都好難食, 個兩碟野就算一個唔識煮飯既人都識得煮,係完全無需要任何既skills囉蕃茄燴意粉-就好似煮熟咗D意粉跟住,倒D蕃茄醬(係無煮過既野)+兩塊香腸落去甘,我完全唔明可以收人地五十幾蚊,請問你貴響邊????個碟窩蛋牛肉飯就仲衰,得D牛肉粹又無乜味,好似係食緊濕炒牛肉炒飯but唔係炒飯底囉,講句白D就係畢一兜飯,放幾粒牛肉打個無味茨,然後打隻雞蛋,收63(好似)好老實你收得人

其實幫襯咗佢四次，頭兩次同屋企人 ，第三次同同事，今日第四次，點解仲會試，頭兩次食完都唔想再去嫁啦，炸雞肶係好大隻，但唔覺得有用心去醃，甚至乎唔知有無醃！炸完隻雞肶裡面有腥味，證明溶雪時無將雪味溶夠，第三次同同開枱前去食個早餐，首先伙計態度好麻麻，早餐湯粉類唔夠熱 ..... 佢收過人幾蚊，講真，附近好多選擇，d位永遠都要同唔識嘅人搭埋一齊坐..... 因為今日想食鮮牛肉通粉，所以再比次機會佢，今日食咗個叫做鮮牛肉通粉，配一隻蛋，一件多士，一杯奶茶，埋單 $38 , 貴過太興，份量食完唔會飽，所以以後都唔會幫襯

尋日放假特登入元朗搵好嘢食，行過見到呢間冰室，好似好歷史悠久，所以入咗去試吓。入到去叫咗個炸雞脾薯條，蝦多士薯條，仲有好似幾好飲嘅紅豆冰。個炸脾薯條黎到，見到超大隻，食落仲好好味，好少食到咁好味嘅炸雞脾，仲要咁大隻。個蝦多士都好味，香脆又熱辣辣，正呀！個紅豆冰就略為比較甜，同埋奶味好重，但啲紅豆硬度適中。我個人唔係太喜歡太重奶味，所以我覺得一般。環境比較懷舊但乾淨舒適，d伙記都helpful,下次會再去試下夜晚啲煲仔飯同埋西多士。

同麻咪揸車入元朗行吓，去到咁遠緊係要揾啲好野食吓啦，啲人話萬芳生炸雞脾同招牌紅豆冰好正就黎試吓！萬芳招牌紅豆冰同一般紅豆冰唔同依到啲冰好似啲雪糕球咁係杯頂，紅豆有成半杯咁多，食落口仲要粒粒分明有𡁻口，成杯野又唔會太甜，好飲又好吃！生炸招牌大雞脾非常大隻，仲要好新鮮熱辣，切落去果吓係會有索索聲！炸嘅時間都控制得幾好，會食到少少嫩口！配埋波浪粗薯條真係熱氣到一個點，但好滿足。原隻鳳尾蝦多士蝦多士睇個樣都知好卜卜脆，又係熱氣之選，非常邪惡😆瑞士雞翼好入味，啲肉已經浸到變晒色，非常容易咬開。薑煲檸檬可樂見到有傳說中可以醫感冒嘅特飲就嗌黎試吓，不過略嫌唔夠薑。

今晚揀左萬芳食晚餐，呢個晚餐可算是唔錯既。叫左鮮茄牛肉燴意粉，凍檸檬茶，甜品要jelly, 仲有小菜送。小菜味道消清淡淡，當然無問題啦，又健康。鮮茄有蕃茄，有紫洋蔥，甜甜地，當然唔錯。牛肉口感唔錯，趙得到，無筋，有口感意粉無問題，又唔林。ok既品質。凍檸檬茶，見到佢色水就知道唔係普通既檸檬茶味道，比較少有既地方飲到既味道。JELLY,自己整，唔係一畢就爛，碎濕濕個D,所以都唔錯既。服務方面，有禮貌加都夠快。呢個餐就70蚊，價錢中等。總結算是有心製作，用心服務。

知道這家店是以懷舊冰室作裝修及食物、飲品也是以懷舊味道，所以特地來懷舊一番！店舖地點其實也不是太旺的街，可能是禮拜天的關係人也蠻多的，我們也要等一陣子才有位，店內座位大部分也是要和其他客人併座，那也沒有辦法了！我們是中午時間所以叫了沙丹豬扒飯配豉油汁、咖喱雞粒炒飯、唂咕、紅豆冰！味道也可以，但又沒有嘩一聲那麼驚艷可是懷舊一下隨時也會再來！而店員也挺有禮貎的！

好耐冇嚟過，今日咁啱經過附近就順便嚟食，餐廳裝修懷舊，但衛生程度比上次麻麻，上次嚟到乾乾淨淨，今次嚟d枱同座位都有d食物殘渣，可能人手唔夠問題，等左好耐先叫到侍應嚟落單。依然最愛呢間餐廳嘅下午茶餐，炸雞脾加紅豆冰等左10幾分鐘先上枱，薯條新鮮熱辣，外脆內軟，炸雞比同塊面一樣大隻，炸得皮脆，連平時唔食雞皮既我都食埋，內裏雞肉嫩滑有肉汁。懷舊紅豆冰，用上碎冰而且整到一條冰柱，好懷舊嘅感覺，比出面坊間嘅冰粒易食，紅豆軟綿又唔太甜，成杯紅豆冰甜度剛剛好。

呢日十點鬆D同老公去到萬芳冰室諗住食返個牛肉通，喺門口等左10分鐘左右，入到去侍應姐姐安排我哋坐喺四人卡位的其中一邊。睇睇餐牌見到平時食開嗰個牛肉通改左用牛冧肉，侍應話牛冧肉仲靚啦，咁我哋就叫嚟食下。一上枱已經有D後悔，感覺D牛肉嘅份量比以前少左，牛肉咬落係爽過以前，不過嚿嚿都好細嚿，仲得好少，個湯底飲落都比以前明顯淡左😓再嚟多士煎蛋，多士有D薄，煎蛋就係得一隻，好細隻仲要無蛋味😩熱奶茶睇色都知完全唔夠奶味啦！😟最攪笑就係啱啱食完個通粉同多士，卡位對面嗰兩個客一走，侍應姐姐即刻安排個客坐對面，然後企正喺我隔離大聲講畀唔知邊個聽：“你哋三個人，你坐住先，呢度就走”！！😓吓！ 我啱啱開始飲杯熱奶茶就即刻有説話聽，好誇張囉！！望下張單對下個錶由落單到而家都唔夠十三分鐘！！唉！仲敢慢慢飲咩，即刻兩啖飲完杯奶茶埋單走人啦！！🏃🏃🏃

今日又特然想起《生炸無敵大雞髀太陽蛋飯》， 住係元朗嘅朋友一定知道我講邊間餐廳啦！ 無錯！ 就是萬芳冰室， 佢隻炸雞髀好有名， 雞髀又肥又厚肉， 醃得好入味， 當然係即叫即炸啦！ 因為隻雞髀是生炸的， 所以要等15至20 分鐘， 但我覺得值得嘅。 雞髀炸到脆卜卜， 外脆內嫩，仲好juicy 𠻹！ 值得一提就係隻大陽蛋， 充滿蛋香， 配上白飯一起食， 真係Perfect ! 一啖雞髀加一啖蛋飯， 太滿足。 好耐無食過紅豆冰， 叫番抔先！紅豆大大粒， 仲要煲到起沙， 甜度適中， 好正！

朋友帶我來到萬芳冰室，一睇個名就覺得好熟口面，門外貼左好多舊時既相片，餐廳應該都開左有一段時間，懷舊式舊式餐廳都興放餐牌係台同玻璃中間呢度無餐叫，全部都係散叫雖然係閒日，但餐廳都不停有客人岀入呢度檸茶幾好飲，有紅茶味又唔苦，冰溶左都唔會覺得淡什扒飯(豉油汁)太陽蛋撈飯食一流，豉油係甜既，牛扒係普通薄身，但豬扒就幾好食，軟熟生炸大雞脾拼岀前一丁餐牌上寫要等15分鐘，我唸我都等左起碼20分鐘以上，來到嚇一驚，第一次見到雞脾同碗麵一樣大，好誇張丫，唔知係咪個麵煮好雞脾都未炸完，岀前一丁有d腍，雞脾肉好嫩，炸甘大隻雞脾，控制個時間一定要好好，正

Heard this place is usually packed so I felt lucky to be able to be seated right away. Since it was my first time at this place, it took me a while to find what to order. Decided to try their black soy bean ribs over noodles and their famous fried chicken thigh. The staff was nice and screamed “parking ticket” when she saw police walking on the street. Half of the restaurant stood up and moved their cars. The food did take a bit longer than it should. I think it’s because they fry the chicken wh

前兩天從美國回來表哥傾開想食d懷舊餐廳，我就諗起元朗果間萬芳冰室，佢地有好多款食物選擇，有兒時所食沙丹豬扒，手撕雞湯米線同埋大菜糕，飲品亦有可樂煲薑，自家制菊花茶等