萬發海鮮菜館

营业中

休息中

阿媽請食飯, 5人叫5味餸沙薑雞: 雞肉好滑, 唔點醬都有d鹹味, 不過阿爸話應該係冰鮮雞, 我都食咗幾件~ 好大隻雞, 5人都食唔哂豉椒蟶子: 好大隻肥美的蟶子, 少少辣都幾惹味, 只見到好少辣椒, 食完其他再食佢就覺得一般, 因為d醬實在太杰, 好似炒唔夠~蒜蓉豆苗: ok, 都幾新鮮, 不過蒜蓉少咗d.....蒸斑頭腩: 好滑, 啖啖肉, 貴咗少少(一碟好似要~$170)椒鹽白飯魚: 我的最愛, 因為中意食炸野, 每次來都係必點！夠脆又大碟(之前去第2度食過, 只有這裡的一半份量) 個人包辦半碟食咗$580( 叫咗d啤酒), 有半隻雞食唔哂要打包, 個個都食到好飽！這店是父母的最愛飯店, 佢地成日都話好食過d大酒樓, 所以我都成日食, 不過我就中意食小菜多d, 感覺較經濟實惠~

表哥飯堂, 每次gathering都去呢間, 貪佢飲酒吹水幾粒鐘都唔趕客服務態度見人見致, 一般阿姐態度親切, 但遇著突眼阿叔就唔多老黎, 好似爭佢錢咁, 朋友遲到唔夠食加餸, 俾佢好惡咁話"一次過落單啦, 師傅唔得閒同你追單", 但我地都冇催單一般大排檔環境, 地舖較好, 樓上閣樓樓底矮, 又有小強, 又要經過陰濕小巷, 最後選擇先好去閣樓 霸皇雞 - 即蔥油雞, 一般, 雞頗肥豉椒蟶子 - 當然不是jumbo size, 不過都厚肉無沙, 但只有豉汁, 不見青椒鹽水雞腳 - 好入味, 唔點沙薑汁都已經好食豉椒烏魚扣 - 烏魚扣爽爽地, 有d似雞腎啫啫通菜煲 - 上檯時好香, 只有菜莖, 惹味之選蒜茸涼瓜 - 味道ok, 但份量少, 涼瓜好貴咩豉油王鵝腸 - 好味, 鵝腸爽口, 有d仲連住肥膏, 應該係新鮮貨, 叫佢俾碗辣椒豉油更加正椒盬豆腐併茄子 - 香口惹味, 個人喜愛豆腐多d炒麵 - 好乾, 純粹飽肚生炒骨 - 一般

上星期六一行8人同去耀東街這間飯店吃晚飯.7:30分去到店內已經是非常多人,我們便要坐在樓上閣樓,跟住便點以下菜式: 豉汁炒蟶子---D蟶子非常肥美,好好味呀! 酥炸生蠔----炸得一D都唔油膩,大大隻.蠔仔粥,金沙魷魚,薑蔥炒蟹,上湯中蝦noodles 等等好好味! 而且唔加一我們叫左9個菜式埋單都是1043元每人都是130元便可以吃到好飽滿真係好!

這間店己是第3次吃, 雖然環境痳痳及嘈些, 伙記有時不太夠 ,但因為想坐耐些吹水及可以容納十多人, (起碼唔會趕客,記得人多要訂位) 所以最近都係o係呢邊搞聚餐,呢度d小菜不算太貴,味道也不錯,但如果食海鮮就唔算抵, 因為試過一次大出血, 以後都唔敢再叫"椒盬瀨尿蝦", 因為個次諗住一人一隻,點知原來d 瀨尿蝦係好似龍蝦咁大隻......出事la.........單是這味瀨尿蝦已價值千多元.......好似叫了14隻....說回吃的, 每次必叫"酥炸小棠菜"、"黑椒薯仔牛柳粒", 前者因為不是很多地方有得食,而且味道也不錯,此小菜是以紫菜包著切碎了的小棠菜及墨魚膠, 再沾上脆粉漿炸熟,最後切件, 後者就以薯仔最超級惹味, 另外, 鮮魷每次都好新鮮好彈牙

海鮮店名字像話很貴氣, 查實這裡是大排檔!喜歡吃大排檔只有2個原因:1. 朋友們抽煙2. 鍋氣夠每次車輛經過元洲街, 左手面的九江街食店燈火通明, 熱鬧非常.這晚, 車子放於路邊當眼處, 還未下車時已看出整條街外, 全是放滿了摺枱摺椅圍住附近關了閘的鋪外, 座滿通通是食家, 所以我們只好等一會兒吧!"萬發" 這名稱很是熟稔, 記得旺角也有一間相同店舖, 不知道是否有牽連? 而稱之為 "海鮮店" 亦是否因烹調海鮮出名? 吃過以後才知道不單只是海鮮, 普通家常小菜也頗為出色. 幸好店內剛有食客離開, 不用坐街外朋友媽媽點名必吃: 生炒骨 - 不算得是這裡招牌菜, 但光顧大排檔吃這味餸應該是沒難度;我原本想吃牛腩蘿蔔湯鍋, 但服務員建議如不怕時間等得太久便可以等, 因蘿蔔煮得熟透也需時, 後來她提出炒牛柳 - 芹菜炒牛柳;朋友要吃菜, 那麼我看見 - 腐魚浸通菜, 當時心想腐魚通菜, 也是同樣把腐魚放上通菜.可能客人太多了, 約25分鐘後才看見第一道菜: 生炒骨, 可能肚子作動原因(肚餓), 也覺得好好味...見第二道菜: 西蘭花炒牛柳? 不是芹菜嗎? 等得太久了! 我們也沒所謂不用換掉,

幾個月無出黎長沙灣, 梗係要去萬發食飯啦, 去到青山道o個間見執"粒", 嘩, 真係嚇左一嚇, 咁好生意d野大件夾抵食無理由會執"粒"架嘛!拿拿林去左九江街呢間, 坐低先知原來青山道舊址搬左去耀東街!!!好在唔係執"粒", 好野!我之前試過一次九江街呢間, 水準無青山道o個間好, 但係我地食飯既時間唔多, 唯有唔去耀東街食呢間.我地叫左白灼鵝腸, 我至愛既椒鹽鴨下巴, 薑蔥生蠔煲同一樣唔記得咩啦.總括黎講樣樣都好好味, 白灼鵝腸一般啦, 椒鹽鴨下巴好惹味, 薑蔥生蠔煲D蠔, 嗶肥美到不得之了, 正過流浮山D海鮮酒家tim! 不過食開以前青山道O個間, 我下次都係去耀東街新店, 因為識得D叔叔有感惰D.叫左5支啤酒, 埋單o個陣我去左廁所, 所以唔知幾錢!

五個人叫咗五個餸, 有「啫啫通菜煲」,「豆豉鮻魚炒芥菜」,「生炒薯仔牛柳粒」,「豉椒蟶子」同「雞腳」。個「啫啫通菜煲」真係幾好食, 只用通菜莖部嚟整, 但食到低就鹹咗少少, 不過值得一試!除咗「雞腳」外, 其他菜都好有水準呀! 樣樣餸個份量都幾大, 又足料, 總之好味啦!!另外佢哋叫咗個泥猛粥, 不過由於太飽, 冇食到, 但佢哋話唔係幾夠熱喎~ 加埋幾支啤酒同一支可樂, 埋單都係$335, 係幾抵食喎~只係呢度最唔好係可以比人吸煙...

朋友推介呢間飯店, 機緣巧合下去一試! 去到門口, 伙記帶我們走入一間窄窄的落了閘的舖頭, 但原來柳暗花明又一村, 裏面已坐滿5,6客, 剛剛剩下一張兩人, 急不及待坐下點菜!1)魚腸蒸蛋: 通常都係食焗旦, 但係蒸旦都唔錯, 好香好滑, 送飯一流! 材料夠多落足料!2) 梅子蒸排骨: 排骨唔肥, 但略嫌味道爭少少(唔夠酸唔夠甜!)3)魚湯浸什菌時菜: 出乎意料之外好, 魚湯香濃(有少少過喊, 但可接受!)什菌夠多, 好入味, 時菜係白菜仔, 清清地唔錯, 好大碟!但有一點真係要扣分, 居然有人食煙! 我當然無作出投訴, 一來我唔想比人打, 比人話瞭事鬥非, 二來我知道d伙記暗地裏比佢o地吸煙的(因地方隱蔽!)下次再幫襯, 入座前一定要問清楚是否沒有人吸煙, 才可放心坐下!

由於某些原因，一行八人要在深水埗找地方晚飯，有人提議來這店，也好，反正我未試過。啫啫通菜煲- 用的全部都是通菜莖部, 沒有菜葉, 想不到挺講究, 味道也不錯, 不過吃到底部就太油了. 生炒骨- 排骨略嫌韌了一點, 但醬汁酸甜味平衡, 又不會太稠, 不錯. 椒鹽烏魚扣- 質感竟然極像雞腎, 我覺得怪怪的. 黑椒牛仔骨- 醬汁味道不俗, 牛仔骨據報下了鬆肉粉, 但可以接受. 水煮雞- 沒有搞錯，是水．煮．雞！在街坊小炒菜館裡有水煮菜式，已叫人滴汗，還要不是牛不是魚，而是雞，一於你敢煮我敢食。結果不負眾望，這碟是吃剩最多的一道菜...... 魚腸蒸水蛋- 店裡有魚腸焗蛋、蒸蛋和煎蛋供應, 為免到頭來發現店裡煮出來的, 都是一樣的東西, 我先問阿叔焗蛋和蒸蛋有什麼分別, 他也認真地解說一番, 好, 起碼令我有信心點個魚腸蒸蛋. 蛋蒸得有點老, 但不過份; 加了絲絲陳皮, 份量恰當不會喧賓奪主; 有魚腸也有魚肝, 加分. 辣酒煮花螺- 有人覺得它有陣藥酒味，我卻認為酒味和辣味俱濃，頗為剌激，不過大家都對同煮的粉絲興趣較大，於是乾脆再點了一碗淨米粉走湯，放進去撈來吃，爽！麻辣生腸- 這味原本只是有

2/6 8:30pmbf帶我黎呢度食飯,佢話幾好喎~1)菜膽雞(半隻$65) : 想不到又幾滑.又幾大隻.仲好有雞味.nice!2) 魚腸蒸蛋($38): 睇落幾滑,又甘香, 但如果改成焗魚腸就更好了~3) 蠔仔肉醉粥($25): 偏咸. 有d油.4) 蒜蓉炒白菜仔($38): d菜好甜呀! 又香口.我都食左好多.

這間店己是第3次吃, 食物的衛生程度尚算不錯.(起碼沒任何人吃後不舒服) 只是環境就好街坊feel. 它其實佔了3個鋪位. 其中一個更是要由側門進入後舖才是坐的地方.不過, 它的晚市很旺場, 特別是五六日, 更是常爆滿.正如該區那些街坊式飯店一樣, 洗手間環境就真的頗差.而坐位也較擠.說回吃的. 它的海鮮都煮得很好吃. 價錢又不貴. 像今天, 我們吃了金沙蝦, 辣酒煮花螺, 雞煲, 通菜煲, 蜜椒炒牛柳粒, 炸大腸, 蠔仔粥,全是例牌的, 但碟頭不細呢, 再開2支啤酒+汽水. 才$470 , 己吃到大家捧肚回家了.它的金沙蝦, 辣酒煮花螺真的很正,必吃哦. 而那個蜜椒炒牛柳粒也很夠鑊氣, 牛柳粒軟嫩,還用炸腰果及西蘭花伴碟, 我們是看到鄰桌叫它, 香氣傳到我們這桌才跟點它的.正!除了這數款, 我們以往去此店, 也有點椒鹽瀨尿蝦, 薑蟹, 全都吃到舐舐.不過, 如大家要點辣酒煮花螺及蠔仔粥, 就要早點去, 很快就賣完的.p.s> 今次叫花螺, 我們曾說擔心螺不熟哦, 要店煮熟些, 那位阿姐即叫我們不用擔心, 花螺要煮久些, 才能入味, 所以肯定不會不熟.