華記士多 (已結業)

住附近 都無留意到呢間野見最近成為佐話題就去食下如果你接受到傳統香港文化你去食係完全係果個風味係無錯既，但要接受食飯伴隨洗潔精味我自己ok 既 呢個都唔係咩問題既星期六日多人等來飯要一段時間我叫佐餐牌上各一同男朋友食就係出名既咖哩飯同 豬頸肉飯蛋包飯 個蛋係好食，咖哩唔太辣可以但我就覺得入面個肉有少少咸整體感覺令我諗到coco 一番屋但35蚊係只有係呢到食到豬頸肉唔太特別好多汁 令我回想起中學時代飯堂既多汁飯， 比較咸最後覺得35蚊係低既但試過就算

久仰佢大名，趁著假日去試試！小店離西灣河地鐵站不到10分鐘步程。但係小巷入面，要留心搵搵。小店座位不多，大概只有4/5張枱，我地12點左右去到，等左約3個字左右。要注意嘅係蛋包飯只限12-2pm供應。蛋包飯 💪 $35 包野飲每個蛋包飯都係由老闆即場用愛心炮製，老闆有禮貌又識整咁好味嘅蛋包飯，讚！🌟.講返個蛋包飯🙊 份量十足，兩個女仔share都得，不過我自己食得曬一個🙈 半熟蛋汁包住入面用啡色醬汁加雞肉炒嘅飯，上面淋左偏甜咖哩汁，10分 （2分係俾老闆嘅🙌🏻）.

原來華記士多(極邪惡蛋包飯果間)出左新menu🙈華記士多由今個月開始會做埋晚市😋而晚餐menu就多左2個選擇分別是上圖及泡菜飯😍上圖是芝士雞翼配奶油燉飯連飲品 $45 其實個名我自己作😀大隻佬老闆推出左2日其實未諗名😗首先講下個飯 有洋蔥紅椒綠椒黃椒金菇望落好colourful😍其實我本身真係麻麻洋蔥同椒但奶油味蓋過左佢地 同埋食落啲椒係好甜😁個飯仲好creamy😛大隻佬老闆話佢好似整意大利飯咁整😌雞翼更加唔可以唔提！真係心機野首先 雞翼已去骨 另外再加左芝士入去！一咬 熱辣辣 芝士爆出黎 係幾正雖然芝士味唔算太濃 但$45有個咁正既飯Couldn't ask for more 😈老闆仲話遲啲晚市可能唔整蛋包飯因為雞翼飯同泡菜飯要用好多時間驚遲啲多人整唔切😶我建議大家趁仲未咁多人知開晚市人少少唔洗等 又涼涼地既時候去食左先✌🏻️華記蛋包飯 $40 雖然晚市貴啲要$40 但依然好抵食😁中間既飯唔係得飯仲有雞肉😌蛋好滑 好大碟 日式咖哩甜甜的😋我會keep住食yeah

又去食早歺，10:30到，有位。👍想要每次必叫的咸牛旦治，冇牛，老闆介紹腿旦芝，街坊街里一定好啦。5分鐘到腿旦芝來，麵包輕輕烤過，外脆內軟，正!，火腿微微煎香，旦嫩多汁，芝士夾在旦中，完全溶化，勁流心，食到濃郁咸香芝士味，早餐剛剛好，而且比流心芝士咸牛旦治少了一份油膩及犯罪感，感覺輕盈健康多了，再加上熱奶茶，香濃香滑，大杯夠熱，簡直是絕配。

地鐵行十分鐘就到，香港最抵食既蛋包飯，但抵唔同平，平係價錢平，抵係又好食又平，$35連凍飲我諗係茶記都搵唔到。個蛋係精髓，用料足！個飯入面有足料雞肉，糯米飯又夠香！一星期食兩三次都唔厭，極力推薦！

華記士多，一間位於西灣河小巷的士多，大排檔的格局，其貌不揚，滿以為吃到的只有港式三文治與公仔麵，但煮出來的原來還有日式咖哩和西式料理。由於沒有餐牌，唯有直接問老闆，這才知道除了馳名的咖喱蛋包飯外，這星期還有卡邦尼雞翼長通粉供應。滿以為卡邦尼長通粉只會虛有其名，吃過後才發現這卡邦尼汁絶對可以媲美西餐廳的味道。奶茶可以免卻不試，但其蛋包飯卻是人間美食。蛋漿煮得剛剛好，不會過熟，上面再淋上咖喱汁，是日式咖喱的味道呢，端起每一匙混和了蛋漿和咖喱汁的飯，再吃進嘴內真是美味極了。蛋包飯和通粉再加上凍熱飲各一杯也只是七十大元，好好味又好抵食！結帳時與老闆閒談，得知營業時間延長至晚上八時（逢星期一休息），晚上更會有意大利飯供應。下星期定必找個時間試試華記的意大利飯。

難得放一天假又剛好要去港島東區，當然要一嘗心願，去這家試試雜誌介紹的蛋包飯小店啦！//初時心想會否太多人，又會否找不到，但對我這路痴都容易找到這家小店和有位置，真的開心！//這店沒有餐牌，十分地踎街坊感覺，幸好只講一句蛋包飯凍啡便可以了（按：事後知道午餐共有兩款，當然大家可以先問問啦，因伙計都幾友善）//等了幾分鐘，有得食了，蛋汁和咖哩汁竟然是像溶岩般流動，蛋包完全覆蓋個飯，當吃飯時，才知飯有炒過，少少脆，有陣陣醬油香，配上雞肉，和日式感覺的咖哩汁，真的十分家常，但又高水準之作，廚師手藝的確要一讚，這餐好滿足。//

假日不想太太辛苦，所以兩口子總愛外出吃午膳。但經常外出吃飯，來來去去都是吃那幾間，沒有甚麼新主意。但最近看見住附近的朋友的面書都出現這間在旮旯的餐廳，在羊群心理的驅使下，便跟太太到了一趟。這間餐廳確是要花點時間才找到，不過確是值得一試。它的蛋包飯雖然吃完會有點渴，但蛋很滑，咖哩味香，內裡的雞柳豉油飯亦惹味，令人欲罷不能！除了蛋包飯，另一必食之選就非蕃茄芝士咸牛肉三文治莫屬！本來老闆正忙，老闆娘說未能提供。幸好後來老闆能撥冗製作，才令我可一飽口福！芝士在半溶的狀態，配上香脆的麵包和茄汁味濃的咸牛肉醬，在吃前已令人垂涎欲滴。放進口中，更令人一試難忘！以這樣便宜的價錢就吃到如此美味的食物，真是物超所值！

隠世蛋包飯連飲品 ( 7.5/10 ) $35住港島嘅應該無人未聽過呢間，無餐牌嘅士多，而家熱潮過左，無人排隊係爽嘅！蛋包飯上咖哩汁，甜甜地好開胃。外層蛋包有濃濃蛋香，唔會煮得過老過乾，保留大量蛋汁。入面並唔係一般嘅白飯，而係豉油飯，煮得乾爽，煙煙靱靱有咬口，調味方面做得幾好色，有淡淡豉油香而唔會過鹹。入面有雞柳粒，肉質結實彈牙，同飯一齊食口感豐富！食完飲杯凍檸茶少甜就好滿足！注意:蛋包飯只限12-2pm供應！華記士多 (西灣河)西灣河筲箕灣道48號地下3B號

太好la...由10月1號起延長收舖時間到晚上9點.... 放完工趕到黎...8點正，哩個時間都差不多full house...  好在巷仔仲有一張枱唔洗等...坐底...等人得閒，就落柯打勒...必食梗係咖哩蛋包飯，我唔知掟..想試埋"芝茄牛多"..原來下午茶先做，唯有下次啦....  拍拖黎食....老闆見我地一個飯可能唔夠就問我地試唔試新菜單 "意大利飯"...hahaa..係茶記食意大利飯真係第一次.... 哩個第一次係無後悔既..... 水準唔比餐廳差，物超所值，忌廉飯..雜菌再配無骨芝士雞翼... 好味道!!秒速KO....  蛋包飯更加唔洗講，當佢"流"既.... 滑到流（內藏雞肉）XD老闆話諗左幾個月試左好多次至有哩個新菜式...  睇得出佢對煮野食好有熱誠... 香港淨返好少哩d咁有heart又local 既小茶檔la... 仲會放心思係食物上....  某d時段主打某d食物為既應該係保持質量味道，始終自家式作業...人手短缺比較難.....我同老闆3唔識7架，唔係親戚賣廣告，係真心欣賞老闆.... 好店買少見少，要珍惜....2個飯飲埋野都係85蚊........

早上落街睇醫生，睇完揾野食先再食藥，本來要食清D，但路過經常塞滿人的馳名街坊後巷小店竟然仍有吉位，可能只是11：3O，學生哥仍末放午飯，我馬上坐下，二話不說，來個茄牛三文治。這裡的茄牛治有別一般附近茶記貨色，這裡的茄牛治，用大量咸牛肉抄香，再加大量番茄和芝士，所以是流心三文治，見到就己經心花露放超開心，咸香味從㕑房早已傳出，一上檯己經大啖大啖咬落去，咸牛肉抄得香，与多汁鮮甜番茄配搭得天衣無縫，芝士完全融入牛肉及蕃茄裡面，加上香脆烘底三文治上的甜酸千島醬，成件事簡直係完美，叫佢做天堂三文治真不為過，比這店出名的咖哩旦包飯更好味!加埋杯凍奶茶都係$25，平到笑，好味到暈。老細係廚房仲好好笑容，街坊小店要多多支持。

中午12:3O，碰巧附近學校放飯時間，5一6個同學己站在小小的士多大排檔門口等外買，店外只有數張摺檯，只可容納1O人左右，大家都安靜的等著，平日只有老闆一人守著廚房，太太負責上菜及收銀，今天廚房多了一名幫手。午飯最忙時段只做一种餐，咖哩旦包飯+飲品，$25，簡直超值，街坊都先叫飲品，飲住安靜的等，15分鐘左右，香噴噴的咖哩飯到，旦皮半生熟，有日本大廚級水準，大量旦液覆蓋整碟飲，賣相極討好，甚滿足眼球，旦液与咖哩汁又出奇的配搭平行，滿足味蕾，咖哩是日式咖哩帶點微甜，飯粒又抄得分明爽口，夾雜雞肉鮮嫩彈口，而且份量絕不吝惜，男仕也夠飽。$25，仲有飲品，換來小小街坊後巷大排檔的人情味及美食，一個字，抵。

"餐牌丫唔該""我地冇餐牌架，得蛋包飯同三文治""咁兩個蛋包飯啦"(吃了大半碟)"加份三文治丫唔該""你宜家先叫!?!? 一開始問又唔叫! 你宜家要等廿分鐘"雖然只有兩款食物，周末來還是人頭湧湧的，因為那個煮的都頗用心的。住這附近又不介意在3x度坐巷仔可以一試。蛋包飯最出色部份是蛋，蛋底部剛好煎成一層完整蛋皮，上面又不會太生。咖哩汁份量恰好，不過應該港人們會覺得太少，不算太現成的味道。蛋包著的是豉油雞肉炒飯頗有新鮮感的港式組合，可惜太鹹。奶茶是意料不到的出色，奶味茶味夠，滑，天熱多熱也要喝。有heart吧，咸牛治有半溶芝士，茄醬有洋蔥煮過，看樣子還應該是煎烘出來的，像飛碟。可惜又是太鹹。

難得星期日！ 想試下d 閒日吳會食既野！ 聽人講呢度要12-2pm 先有得食 今朝遲左出門口 勁驚趕吳切 即刻狗衝過去 大概2pm 到達 好在仲有得食！裝修過後， 店面旁小巷放了10張圓枱左右 基本吳洗等位 老老實實 真係吳好預有服務 係連基本茶餐廳服務都無架 無menu 無人落單 （但ok ge，我不嬲食野吳食環境同服務 ）坐低一陣啊姐忙完有時間就會問你食咩 真係吳好主動問距催距過黎 如果吳係距吳老脾罵你就無謂啦距地忙既時候只會賣飯 但有時煮吳切飯 驚人等太耐 就會整埋三文治 一開始本來話只係整飯 但轉頭姐姐問有無人要治 即舉手啦梗係！等左大概15-20分鐘 野食到啦😌番茄芝士咸牛三文治！講堅 呢個真係無得彈！比個飯更出色！番茄味濃郁 芝士處半溶狀態 再加少少咸牛 而且出手重 基本上每一啖包都夾住以上味道來吃 面包亦剛剛烘好 表面微脆！好味！咖哩飯亦如其他食評所說 咖哩汁咸甜度調較得剛好 配合著半熟蛋漿加內裡的炒飯 確實不錯！加多兩杯凍奶茶 埋單都係$60！邊度搵？P.s 10月1日起延長營業至9pm 大家吳洗急急腳趕去！

-隱世港式蛋包飯-$38 包汔水x 1山長水遠搭地鐵去西灣河就係要黎華記士多試佢既咖哩汁蛋包飯同芝士茄汁牛肉三文治。但由於太多人排隊, 老闆話冇時間整個三文治, 叫我地下次平日黎好d等到肚都扁, 個蛋包飯終於黎啦~ 佢個蛋好香滑, 仲見到少少蛋漿, 一d都吾老。咖哩汁好濃郁, 唯獨係汁既份量對我黎講吾夠多, 食左四分三就冇乜汁撈飯。咖哩汁配滑蛋係主角, 黎得既人都係為個蛋包飯而黎, 環境同地點...um...都值得的..温韾提示: 華記👉20/7-1/9 休息