華星冰室 (筲箕灣東大街)

营业中

休息中

今日老細想去skw買野我話不如去華星又好食同落雨正路唔使等位果然一去就有位不過不差唔多坐無虛席叫左2個早餐煎蛋多士加火腿通粉本人最欣賞都係通粉湯底熱辣辣之後再叫個牛肉午餐肉米粉加膿湯底好正個紅湯超多米粉多牛肉食過今年最飽既早餐

校長多士：「師傅將我分為四件，放上大量的黑松露醬與芝士後再把我拿去烤。」「因為現烤一般都要等大約15分鐘，沒有耐性最好就不要吃我了~」「看名字已經知道我跟一般多士不同，冠上校長之名，我比他們更威! 不只配料高貴，更威得有如威化般香脆可口!我身上的黑松露味道雖然不能說什麼頂不頂級的，但以$25來說吃下去香而不假便足夠了! 我身上的芝士更加多得可以牽絲，有種吃黑松露PIZZA的感覺呢! 」「我份量不多，絕對是女士們的早餐好選擇! 可惜的是沒有飲品配得起我，再另外單點飲品相對便沒那麼划算了」

一個捉精靈的下午，楂車經過筲箕灣，見到華星冰室，想試一試等左一陣，入去叫左個常餐，一隻雞脾，一份校長多士炒蛋幾滑，多士夠鬆軟雞脾皮脆肉滑奶茶偏甜，但茶味都夠，最特別係個杯，有d懷舊風味校長多士一份有四件，係芝士加黑松露醬，即焗，夠熱，但係我嫌味太濃，因為芝士同黑松露都比較重味，所以如果配合甜品食合比較好

9/7 (六) 1:45pm 光顧1. 服務態度不友善, 容易不耐煩。2.食物質素比一般低, 常餐的通粉是水糊狀( 我估計是煮好一大煲浸到發漲)3.食物溫度比常溫稍高4. 價錢尚可意見 : 食茶餐, 對食物質素都不能有太高期望...不過, 餐廳裡的人 , 似乎唔休做咁, 態度不客氣甚至無禮 .... 我個人認為唔值得去!

每次諗唔到食咩都會去華星冰室食貪呢度啲嘢平得來又好好食一如以往黎華星都係會食常餐($38)叉燒通粉除咗通粉 可以選擇食意大利粉佢哋嘅通粉煮至軟硬適中 加上本身嘅湯底唔係話太濃 絕對適合唔係太重口味嘅人士叉燒方面唔會煮得太來而冇咗叉燒本身嘅蜜汁味炒蛋多士火腿炒蛋一如既往咁幼滑咁有蛋香使用左秘製嘅炒功之後亦都冇失去蛋本身嘅味道火腿方面因為火腿本身有啲鹹味可以帶起蛋嘅味道我最鍾意嘅反而係個多士因為多士嘅烘焙時間適中 令多士嘅表面外脆內軟

有時我捨近取遠都要去華星食個滿足自己嘅靚早餐，為自己一天有個好開始😊。我醒晨之選嘅組合就是多士、太陽蛋、火腿通心粉和不能或缺的凍奶茶。吓！咁普通週圍都食到啦⋯⋯正正就是那麼普通，但他們都做得那麼不馬虎。陣陣牛油香的多士入口時仍是外脆內軟的，再將濃香湯底的腿通灑滿胡椒粉一啖一啖的送入口，還有色澤光亮的太陽蛋，那蛋香完全覆蓋著口腔內，加埋香滑冰凍的奶茶，嘩！我怎能抗拒這一份簡單的幸福感呢！食量如不大的你，可以跟個朋友加杯飲品一齊開心share一個早餐呢😊！

星期六的午後，跟老公山長水遠跑到筲箕灣的「華星冰室」嘆下午茶。店鋪面積不大，也坐滿客人，幸好這天在門外等候了五分鐘左右便能入座了。Menu選擇不多，我們各自點了常餐(叉燒通粉+炒蛋火腿多士)；通粉湯底濃郁，沈澱於湯底的叉燒份量也挺多。炒蛋又滑又香，值得一讚；火腿沒特別，乃一般茶餐廳貨色。牛油多士夠厚身，多士邊位也塗滿牛油。坦白說，這種價錢($39)能有這種質素已算很不錯了。

先講菜名就已經值得一讚! 校長多士, 軟硬沙嗲牛肉包, Levis Toast…..很深入民心!熱拿拿既 toast, 加上番茄粒, 濃郁既芝士, 超多既黑松露! 香口得泥, 又清新! 每一啖都充滿著黑松露! 味道剛剛好! 作為一間茶餐廳的確係有誠意! 當然泥到茶餐廳定必要試一試常餐啦~ 叉燒通粉, 一舨, 沒有什麼特別. 但佢個炒旦, 嫩口到不得了~ 又香滑~ 加埋那一塊又香又趣的多士, 簡直係想再叫多件. 總結來說, 非常值得一試, 同平時的茶餐廳顯然不同! 係假日要排一陣隊~

之後，雖然飽飽地，又比我們見到呢間想食好耐的「華星冰室」點都要入去去飲杯野食少少野 ... 見到隔離枱食緊的炒蛋多士炒得很嫩滑本來想點網友推介的常餐 ... 但這個鮮茄豬扒燴意粉仲吸引賣相不錯 ... 還有大大塊的蕃茄及豬扒 ... 好足料囡囡好鍾意蕃茄，大大件的蕃茄啱哂她茄汁甜酸度適中，但稍嫌醬汁太多我至愛的熱奶茶香濃又夠滑嘆嘆吓奶茶，見到這個校長多士及軟硬沙嗲牛肉飽都好吸引但又食唔到咁多 ... 但都是點了個軟硬沙嗲牛肉包外層的麵包烘得外脆人內軟，裡面的鮮牛肉搭上濃郁的沙嗲汁滲入飽中，滋味又惹味 今次試住咁多先，下次要試埋校長多士、懷舊大菜糕 ....** 以上分享是以我的口味、喜好及情況作出分享及感受，合用 / 一試與否請自行決定

食到第2個胃都飽到嘔, 朋友想試埋印尼沙爹, 我都未食過, 都想試好耐, 等開舖期間, 帶朋友行咗一轉東大街, 發現好多餐廳下午茶呢段時間落半閘, 想搵地方落腳都難, 最後由街頭行到街尾...終於行到來華星冰室... 下午茶時段, 人客不多不少, 有4人卡位坐仲唔使搭枱, 正!!!看看餐牌... 咦... 恕我大鄉里出城, 凍檸廉我地真係第1次見... 初時仲驚係蛋糕果種Cream... 搵職員問問先... 原來係廉係忌廉汽水個廉... 聽落好似幾特別喎, 咁大個人都未試過, 就要2杯喇~ 忌廉加咗檸檬同好多冰, 味道無咩特別, 被檸檬的酸中和了忌廉的甜, Not Bad...1人飲1杯飲品, 無其他幫襯, 坐足90分鐘傾計, 咁都無比人趕走, 相信只有係下午茶市同晚市之間呢個空隙先有機會發生...

今早要到跑馬地，因時間尚早，於是坐叮叮去未尚踏足的筲箕灣去搵食，因知道那區有華星及一些出名小食店。首站是華星！電車終站下車不難找，因遠處已望見搶眼的塗牆招牌，就在店樓上的唐樓牆身上。差不多滿座，幸好還有一張卡位。還未到中午12點，還可以品嚐早餐：火腿通粉+炒蛋多士+熱奶茶。先來熱奶茶，用的是自家杯，杯口較一般的奶茶杯闊大，較易涼，幸好奶茶夠熱！能嚐到茶香奶滑，不苦澀，比預期好得多！因始終不是茶記老店又是明星效應，起初對此店之奶茶不存太大期望，怎料不錯！炒蛋多士：炒蛋香滑而不油，惜不夠熱。多士一般，不夠脆/熱。火腿通粉：通粉細粒無坑，看似不夠熟的樣子，其實吃起來硬到剛好，完全不會過腍，煮的時間掌握很恰到！值得一讚！雖然枱與枱之間較窄，但夠光猛整潔，環境不錯。小朋友還有特別的餐具，果然細心！值得再光顧！

今日吃蛋的quota用盡了!!!周圍都有炒蛋，點解要去到筲箕灣華星咁遠（我可是要過海呀!）因為這裡炒蛋都好好味，而且當你見到身邊所有人都在吃同一樣的，哈哈，感覺好得意。anyway，蛋炒得好嫩滑，好香，配有少少松露（okay啦! 單是炒蛋都夠好吃，松露都係點綴一下吧!）除了常餐外，炸薯條是必點的，新鮮炸起，條條都咁好味! 大型M字連鎖店的薯條完全比不上!! p.s.午飯時間要排隊啦!不過上菜時間好快，基本上客人食完就走，唔會死霸住個位，如果怕天寒地凍等位的話，2點後再來吧～

其實今次係我第２次去華星個度食野，之前個次係係ＭＫ個度個間度食既。第１次可能係因為明星效應咁就去左試下，但真係的確唔錯既，所以今次都再幫襯番。咁今次就係因為咁岩搭電車去筲箕灣個頭，有Ｄ事要辨，搭到差唔多到筲箕灣總站，見到有間華星冰室係度，咁就打算入去嘆番下個靚靚下午茶。上次試過佢個常餐同個校長多士，幾好味，所以個印象都幾深刻。今次就想試下新野啦，叫左個豬扒包，同埋個沙嗲牛肉包。佢呢２個包都整得好好味，佢個豬扒包個舊豬扒都算幾厚同大，唔似得有一Ｄ茶記鬼死咁細塊。　唔知係因為我都幾肚餓既關係定點，真係覺得真係好好味，加上筲箕灣呢間分店比我既感覺寬敞Ｄ，舒服Ｄ。我整體黎講十分鍾意係呢度食野，值得推介。

差不多每個月都會到筲箕灣工作，東大街上的茶餐廳也食勻，如果不論價錢，華星冰室的水準是最穩定和滿意，早餐供應時間較長至12時。早餐的滑蛋多士是本人心水，滑蛋份量很多，名副其實“滑”兼有蛋香，濕度剛剛好，吃罷碟上沒有水份。多士極厚而軟熟，相對火腿通則是合格，通粉是實一點但仍夠味。這裡的奶茶也不錯，不會鞋口，茶味也可以。順便一提，這裡的侍應全是年青型男，反應快，有禮貌，上菜甚快。

一點幾去左東大街搵野食，去到呢條食街真係好多野都好吸引，咁岩見到 華星冰室唔洗排又想試好耐就係個度lunch!去到就食個常餐先，炒蛋好滑，我覺得好味過澳牛，又有蛋味。多士都唔錯，牛油味好夠！加埋炒蛋食正啊！火腿同叉燒意粉就大路貨色，不過啲叉燒都幾多。去到華星當然不得不試校長多士，姐係黑松露芝士多士。價錢同譚校長一樣年年廿五。黑松露味好重，好香好好食又特別。仲見到otto巡舖：p 整體黎講都唔錯，服務態度仲好過澳牛！