華星冰室 (筲箕灣東大街)

营业中

休息中

本來諗住去東大街食魚蛋粉，點知撞啱佢竟然休息，失望之餘唯有另覓地點食早餐啦😅見到華星冰室竟然唔使排隊，於是馬上坐低，仲有卡位，真係塞翁失馬焉知非福😬其實我去開旺角太子嗰間，不過佢經常排長龍，好多時都打消念頭，咁今次坐低之後，原來發覺啱啱過咗11點，唔怪之得啦，因為11點前係早餐， 11點後就變咗常餐，會貴左幾蚊雞😅不過都冇乜所謂啦！呢間餐廳出名效率超高，唔使一兩分鐘就即刻送上飲品，而且奶茶咖啡一定唔會令你失望，特別鍾意飲佢哋嘅凍咖啡，咖啡味調配得十分啱我心水，奶茶的比例亦恰到好處，特別一提，服務員的態度是十分有性格的，相信食開嘅人士都會知道😬多士炒蛋係佢哋嘅招牌菜，必食推介之一👍🏻不過今日呢個通粉就有啲硬硬地，叉燒又太淋，好似浸左好耐咁，Anyway都OK嘅，不過我都係鍾意旺角太子嗰間多啲😅

每逢星期六日中午十二點後必定大排長龍，所以今天差不多2點到避免排隊。先講呢度既招牌常餐，比起叉燒我每次都會選擇餐牌上沒有的牛肉意粉。呢度炒蛋不用多說，是華星的一大賣點，非常香滑但比起炒蛋，我反而最愛他的多士，外脆內軟無得頂。以前華星只有常餐，或者自選麵食，最近新增了午餐餐牌，有飯食。今次試佢嘅自家製蔥油雞髀飯，佢嘅蔥油好特別，同普通餐廳完全唔同，蔥香味好重，好味。雞脾皮脆肉嫩不錯。最後唔少得佢杯奶茶，雖然比起以前退步左，但奶同茶搭配都平均，唔會澀口。

逢星期六日或者假期，華星都一定排長龍，趁今日係平日，落嚟食返華星早餐，開展美好嘅一日😌個度除咗炒蛋出名，仲有個特色就係周圍貼滿唔同明星嘅親筆簽名海報，仲有幾塊版有曬嚟幫襯過嘅明星簽名添呀🤩每次落嚟都會叫華星早餐，要炒蛋，配熱咖啡呢度嘅火腿通粉又大又好食，通粉好彈牙，唔會煮到好腍至於個炒蛋梗係出色，炒到又滑又香，所以先有炒蛋聖手依個牌掛咗係鋪頭入面咋仲有兩塊好厚嘅多士，配埋杯香濃熱咖啡，就真係飽曬，去到晏晝都唔怕餓

華星冰室一直都係好出名嘅老字號，食咗好幾次都未得閒寫食評，今次終於再食肯寫今次叫咗一個雞扒出前一丁、西多士、常餐。🌻首先值得讚揚嘅係佢將雞扒同埋麵分開放，但係雞扒其實略硬，冇乜雞扒口感。。。。。。。。。。。。。。。。。。。。。。。🌻另一個常餐嘅意粉冇影到相，因為真係冇乜特別，反而係佢嘅炒蛋好滑。。。。。。。。。。。。。。。。。。。。。。食西多士我一定會用叉將表面拮好多個窿，然後再將牛油同糖漿搽勻，等所有嘢可以滲入麵包當中最後就係我平日最鍾意嘅西多士，滿心期待嘅我有啲失望首先呢塊西多已經比平時嘅薄，第二方包入面冇花生醬，食落去完全唔同感覺。。。。。。。。。。。。。。。。。。。。。。

第一次試華星，知道多人食，所以都預左要排隊。去到門口，可能已經去到四五點的時間，所以人龍不算太長。排了約15分鐘左右，便可以進餐廳內進食。茶餐廳必點 - 奶茶，奶茶喝上來很順滑，完全沒有苦澀的感覺，茶及奶的分配十分之好。碟及茶杯上都印有華星的名字， 獨一無二，果然係用心做好每一杯奶茶。炸雞髀及薯條，簡直係小朋友，大人，老人家最愛。店員還親切地送上全新的茄汁。除了有好味嘅嘢食，華星內的店員也10分親切，要碗有碗，要水有水，笑容可掬。

我真係好喜歡食華星嘅炒蛋同埋飲佢哋嘅奶茶，當睇到佢哋寫上「用心做好炒蛋和奶茶」，我真係好同意呢句說話。我真係想用一句對白講：佢嘅炒蛋真係好味到「跌渣」。我也存着好奇，叫了一份黑松露多士，果然冇令我失望，香濃嘅黑松露味，鬆脆嘅多士，吃起來真有令我不能停口的感覺。

是晚放工孤伶伶，要食個quick dinner,入咗華星冰室點個快餐算啦！入面門可羅雀，看下餐牌，唔知有咩好食，叫咗個猪扒番茄燴意粉。上菜快捷到令人驚訝！服務就唔好奢求太多，大致上都ok嘅！講番D食物，猪扒用鬆肉粉揦過，有少少異味。個意粉唔够咸，因此亦突出唔到個酸味。番茄醬落得唔够，配唔上番茄燴意粉個名，只可勉強稱之為茄汁意粉而已！可取之處係食物分量大，可以飽肚，因為無乜服務，所以亦無收加一服務費，算係幾公道㗎啦！

星期日約左人係筲箕灣街坊戲院睇戲，睇戲之前去相距唔遠嘅華星冰室食個靚brunch醒一醒神😋我地大概11:30到達冰室，呢個時間仲未開始有人潮，未需要排隊等位。等我地食完出餐廳，門外就出現左長長嘅人龍，華星冰室果然係名聲在外👍🏻黎到華星，就緊係要食最出名嘅常餐啦！侍應落單上菜非常之快，坐得五分鐘就有野食喇。呢到嘅炒蛋絕對係我食過最滑最好食嘅，份量亦都好夠，夾係三文治到食絕對係一流🤤湯意粉嘅叉燒收埋左係意粉下面，其實有好幾舊，幾足料，味道亦都相當唔錯。下次黎開呢頭睇戲不妨黎埋華星食返個靚常餐先😋

次次經過華星冰室都見到長長既人龍！所以成日都因為條人龍而止步🤨但其實佢好快就會有位 啲人食同走得好快 等15分鐘就有位啦😁早餐冇得揀既 一定係火腿通粉 炒蛋多士 但可以轉意粉同蛋治😋華星得一個餐可以吸到咁多客應該係因為佢個湯底好濃 通粉亦唔會淋哂咁 幾硬身💕我每次都叫華田 真係好濃味🤪🤪佢既炒蛋都係出名滑身 而且又唔會散開 可能佢加左啲牛奶令佢更加綿密😛整個餐其實都只係38蚊就有咁多野食 通常早餐食一個蛋治已經夠哂 但呢度重有通粉同野飲 正👍🏻👍🏻

電車遊至總站筲箕灣，下車踱步前行，走到東大街，敵不過炎夏，又正值下午茶時段。環看附近地鋪，鮮明墨綠色標誌，非常搶眼。往上牌面看，華星冰室，也好久沒嚐一個港式下午茶了，便拉門進歇一歇。牆邊兩排卡位，統統滿座，走到中間的玻璃台，二人相對而坐。密密的佈置，四壁掛上明星簽名板、簽名演唱會海報、懷舊本土手工畫數幅，食盡風味。下午茶6 個set，揀雙拼一丁麵、炸雞脾配薯條餐，跟凍、熱奶茶各一杯。伙記快手落完單，跟手擺低餐具、番茄汁。茶記一貫速度，不用5分鐘兩杯奶茶速速送上。熱奶茶香濃茶味、很滑，少少回甘，味道香醇；凍奶茶的，則層次更鮮明，果然始終茶記先飲到呢種感覺。雙拼叉燒煎蛋撈丁，不過不失，一丁麵和暖的，不燙口。炸脾薯條，雖油炸，但剩留脾上的油不多；外層脆口，零肥膏。薯條一樣，微油感，沾上茄汁，一條又一條，清晒。不錯的一餐tea 。

天啊凍凍地，又唔想食飯，當然嚟茶記啦。嚟份常餐，識叫一定要叫炒蛋啦，炒得好滑、好香，加埋件厚多士，份量十足。仲有碗通粉跟埋，我次次都一定要鮮牛通，因為不另收費，咁凍天氣，我會推薦飲田酒囉，如何煉奶唔夠，仲可以問佢再加！食哂個餐都不知幾暖！

因EASON大力推荐而名声在外的一家冰室，据说老板是华星唱片的人，所以店内常有明星光顾。2015年经过旺角店的时候，门口排着长龙，直接pass；这次没有选择湾仔店，也是想躲避可能出现的排队情况，因为湾仔店靠近英皇娱乐，貌似人气更胜旺角店。然而，本想着不热门的筲箕湾店，也基本客满，好在偶是一个人，所以被安排在了靠近厨房的桌子，OKOK，有位子就可以了华星醒目的白底黑字招牌，很好认，餐牌都是压在桌上的玻璃板下，选择太多容易犯纠结症，而且，本人胃口实在有限，本着吃到特色又管饱的宗旨，最后点单如下：炒蛋多士干炒意面（单拼-叉烧）热柠乐最终的结果是，饱到喉咙口招牌的炒蛋多士呢，果然名不虛傳，好嫩的炒蛋啊，个人感觉比澳牛的更赞！再来说一说这杯热柠乐，印象中在香港很少点热饮，没想到意外的好喝，热可乐少了甜味加上柠檬溢出的淡淡酸味，口感甚佳最后不得不提，店里的音乐，不停播的经典粤语歌曲，店员们都在不自觉地跟着哼，我能说我也是吗？这种怀旧的FEEL好正点

對華星冰室既印象就係記得佢係一間明星冰室，不過從來都未試過去食佢既嘢，咁啱係筲箕灣同朋友一齊等緊人，有啲時間之下就決定去試下。星期六晏晝一點幾，見到門口都唔少人，都要等7 8個人，都有啲卻步，不過行近啲就見到條龍都郁得幾快，咁就決定等埋佢。入到去坐發現好多都係年輕既一家大細，睇嚟大家都係住呢度既街坊或者去附近郊遊既人。呢度同X牛一樣，一樣要搭枱同每個人都係食常餐，所以都跟風要左個常餐。常餐係包一個叉燒意粉(轉左做通粉)、牛油多士、火腿煎蛋(轉左炒蛋)同嘢飲。叉燒通粉既話其實都只係見到兩三舊叉燒仔沉左係底，料唔係太足，味道都係正正常常。而火腿炒蛋既蛋都係較滑，呢個唔錯，但係如果要同_牛比較，個人會認為_牛既滑蛋會更重奶味同再滑啲。而牛油多士唔會太脆，牛油味足，包都較厚，大路味道。總括嚟講，佢既常餐係正正常常，但係如果下次再要排咁長條隊既情況之下，我諗我會選擇其他茶記。

位於筲箕灣東大街的餐廳非常多，一到午飯時間人頭湧湧，餐廳再多也消化不了人潮，今天我到了這條街的華星餐廳吃午餐，一入去已有很多人坐著，我看了一陣間餐牌，便叫了這個常餐，有火腿煎蛋、牛油多士、叉燒通粉及一杯飲品，盛惠$40元，整體上觀感不錯，只是稍嫌火腿好像沒有煎過，好像剛從罐頭取出來一樣，而煎蛋不會煎太好燶，夠香滑，牛油多士夠香口，有很香的牛油香味，叉燒通粉亦不錯，不會煮得太淋，但係叉燒至得兩片，略嫌孤寒。減低了好印象。

我在東區有一心水選擇，這就是筲箕灣的華星。但是不是每一間華星分店都是我心水，甚至近年已經很少去其他華星，只去筲箕灣的那一間。今日約了客到柴灣開會，襯尚有半小時時間，即刻揸架車掟個靚灣落筲箕灣，偷偷地食個早餐😋早上九時許，全餐廳都很滿，好在不用排隊，但都要撘位。一坐下侍應便迅速過來落單，我也配合地點了個早餐加奶茶(我是咖啡愛好者，但真的不太喜愛華星的咖啡)，不用兩分鐘通粉已上🌪，撘枱滿4個坐位，我也曾擔心我點的多士炒蛋與奶茶到時，會沒有位子放。我約用5分鐘吃下火腿通粉，再不用一分鐘，多士與炒蛋便已上到，時間配合得啱啱好，效率一流👍愛上筲箕灣華星冰室其一是效率，其二是華星是賣普通冰室貨色，什麼地方也能食到，但是越是普通的貨色便越難做得突出。通粉的湯夠雞味夠濃，通粉索了湯好味道，炒蛋夠滑夠味，多士夠脆又唔燶，還有濃濃的牛油味，奶茶又夠紅茶味又滑，每一樣上得枱的都做得出色👍服務當然是沒有，但至少不會像澳洲牛奶公司般伙記會鬧客。我完成一個美味滿足的早餐只是15分鐘，這樣就能為我當日繁忙的工作打打氣，醫飽個肚從新上路，好👍🏻Well done ✅