華星冰室 (筲箕灣東大街)

营业中

休息中

若干時間沒有來，是日下午見無需排隊就同老公入去食個茶餐，發覺食物質素下降了，包括通粉及意粉都煮得過稔，奶茶又差了。望望廚房，點解由從前的全男班變為全女班，仲似乎係從內地來港咁！或許此轉陣已有一段時間吧！希望眾老闆能夠keep回食物質素！

Christy cafe restaurant is mainly famous because of the celebrities and is one of my favourite restaurants, it has really delicious food and it is really cheap.Begining from 2 years ago I have started eating the restaurant for breakfast. This restaurant is really close to my home, so I can go there every Sunday.The service is good, and the staff work really fast, the food is served about 90 seconds after you order(I timed it). There are some photos of celebrities hanged on the wall, and a lot of

唔好睇佢好似好平常咁，同其他冰室同茶餐廳一樣啊！其實佢同其他唔太一樣嫁！就好似個常餐咁，係必食嫁！最精粹係佢嘅厚多士同炒蛋啊🤤佢個蛋有好重嘅奶味！同其他好唔一樣嫁！連我唔鍾意食蛋都覺得好味！個通粉嘅湯底唔似其他茶餐廳嘅味精湯，係一個好濃郁嘅湯底

個人好鍾意食常餐，叉燒通粉熱奶茶都係我嘅至愛華星呢我就試過兩間特別喜歡筲箕灣嘅呢一間，耐唔耐就會特登黎食。除咗常餐我仲會推介佢嘅番茄會意粉不過今次就冇食啦餐廳入邊有好多演唱會嘅poster，有次喺度見過老闆EO2eddie呢度坐得舒服，厚多士夠厚夠軟，通粉軟硬度適中，炒蛋有好大牛油嘅香味又唔會散通常餐肉我會將去擺通粉上面一齊食，叉燒半肥瘦啱啱好！抄蛋呢就一半就咁食一般放喺厚多士上面食同行友人嘅餐蛋米，分量超多的

今早要開會，尋晚煲劇煲到太夜睏，我怕開會時中眼睏，經過筲箕灣華星冰室，見唔洗等位就一於食個豐富早餐嘆杯奶茶提提神先。店內裝修好有舊式冰室格局，樓底好高，刻意地隨意嘅感覺有點怪怪的。早餐有兩款選擇我唔係老外所以叫個“早餐”通粉比較淋，可能吸收了湯汁每粒都好入味。炒蛋好香滑，牛油香味好濃，入口一瞬間就吞左期待以久嘅熱奶茶，茶味香濃不澀，滑口，飲完個人精神晒一份早餐真係好飽肚，奶茶同滑蛋都好好味，厚多士我已經食唔落了

差唔多1點黎到，好在今日唔算多人，唔洗排就入到去，之前多數都係食常餐，炒旦、多士，好耐冇食燴意粉，所以今日就試吓豬排燴意粉華星出名快，唔洗等好耐個意粉就到，豬排雖然唔算好多，不過都夠食，亦都幾鬆化，蕃茄夠多，所以個意粉都夠味，同埋啲意粉有炒過，唔會咁dry，性價比都算高黎到當然就要飲奶茶喇，話晒都係佢哋嘅招牌野，同一般茶餐廳比，呢度嘅茶味係濃啲，同埋水準都保持到最後再叫多個油占多，不過唔係厚多士，常餐入面個多士好食啲，不過以$9黎講都可以接受

難得過海，諗住試下～朝早10點幾到，排咗半個鐘左右就入得。第一次食，滿心歡喜。叫咗個早餐熱咖啡。個多士好厚，外脆內軟，非常唔錯。炒蛋夠滑，好濃厚嘅口感。呢兩樣真係一百分！但係碗通粉就......好甜好甜好甜（重要事情講3次）。我未試話食碗火腿通粉好似食糖水一樣......仲甜過我杯咖啡，完全唔知咩事。我朋友話平時唔係咁樣，今日通粉過淋，湯底過甜。咁我只可以話我唔好彩。希望下次有機會再去的話，可以有返一貫水準。

So hurry this morning that needed to have my breakfast on the way to office. Bought pineapple bun and egg tar there. The bun was incredibly big by comparing with the egg tar next to it. I had to save the egg tar for tea as there was no room after finishing the bun. The “pineapple” surface was crispy and sweet. It would be better if it could increase its surface area.

每次諗唔到食咩都一定會黎食華星。每次黎到華星都唔使諗，一定係叫「常餐叉燒通粉炒蛋熱奶茶」。次次落完單啲野食就好快黎到，唔使等。叉燒通粉既湯底好得意，有少少杰身，唔會太水；味道好香，唔會太濃味太鹹。通粉煮得啱啱好，口感彈牙。叉燒都幾大塊，仲有好濃既蜜汁味。佢既常餐仲跟埋牛油厚多士，火腿同炒蛋。厚多士烘得外脆內軟，仲塗滿牛油，一咬落去口感非常鬆軟。我最鐘意佢既炒蛋，炒得好滑好香，帶少少蛋汁，唔會炒得太老，真係好想再encore呀！奶茶亦都係好正，好滑。茶味濃郁，帶少少茶既澀味，茶同淡奶既比例啱啱好。配埋厚邊杯飲，簡直係一流既享受。值得一提既係華星冰室除左好食同抵食之外，仲好有人情味。小事一則：櫃枱姐姐一見到出面有警察抄牌就即刻大嗌問有無人泊左車，話有警察抄緊牌。然後就見到好多人即刻埋單衝出去攞車，櫃枱姐姐仲好快手配合佢地，見到有人杯野未飲晒仲即刻幫佢轉用外賣杯比佢拎走，真係超好人。

侍應抹完枱後，看著他把手指插進水杯 拿給我們...面帶不悅的樣子，還好食物味道不錯，今天和朋友吃早餐（老外早餐和蛋牛治）總算無被那位黑面侍應影響下次還是去灣仔分店食好了

華星的炸雞髀真的不錯，雞皮非常酥脆而且沒有什麼皮下脂肪,如果雞肉可以嫩一點就好了。豬扒包都OK，就是太多mayonnaise 可惜華星沒有賣飯類，所以炸雞髀配牛肉炒意粉是最好的選擇了🤔

又到星期六，一早起身就去筲箕灣做嘢。肚皮空空做完嘢當然 search 下附件有咩好野食。驚喜地見到華星冰室。平時去開灣仔嗰間，後來去旺角嗰間覺得水準唔掂就 stick with 灣仔。lee次就試下筲箕灣分店啦。排咗10分鐘就入得，例牌常餐唔該。上餐速度ok快，但顯然無澳牛個system，是好事，因為等我可以輕輕鬆鬆食個brunch. 炒蛋顏色靚到不得了，不過抄得有d碎。麵包+通粉ok啦、奶茶幾滑。還是灣仔嗰間d蛋好dd。題外話：常餐最正都仲係澳牛，只係每次去壓力好大，好似要10分鐘內食完交枱咁。lee餐算不過不失啦。

朝聖。平日唔洗排隊 yeah!早餐～厚多士真是冇得輸。熱辣辣 外脆內軟 帶點牛油香。炒蛋 好滑 有點入口即溶feel 又夠蛋香。火腿通粉 我鐘意佢用舊式通粉 至愛。配埋香濃凍谷咕 真是good morning!

想試好耐，今日終於有機會試下。4點左右諗住去tea一tea，好好彩唔駛等位，仲要係卡位。5點幾食完出黎就已經見到有條隊排緊。叫左叉燒通粉、炒蛋、火腿、多士、奶茶（常餐）、校長多士、鮮油、益力多沙冰。通粉多煙韌而且湯底好濃郁，炒蛋夠香滑，可惜火腿好鹹。奶茶茶香奶滑。鮮油麵包唔夠熱，食落明顯凍牛油同熱麵包融合唔到。校長多士等得耐左啲，食哂野先黎，好脆好香菇味。益力多沙冰溶左一半都仲有益力多味，冇話變左好淡。總括黎講好ok，可以encore！

第一次食華星冰室，垃圾到不得了！一入到去啲侍應態度唔好都算，我叫咖央西多 (比普通西多貴$4)，一切開已經見到完全冇任何咖央 (如圖)，嗌個侍應過嚟問，佢竟然答我：「我唔知喎！又唔係我落單！咖央西多係咁架啦，有少少咖央醬癡住架咋！」但其實根本係冇任何咖央醬囉好冇！！！老婆個炒蛋都係勁普通，比「龍鳳」嗰啲差得遠！佢個餐廳口號仲要係「用心做好炒蛋」？真係開玩笑！呢間「華星冰室」，係我強烈不建議幫襯！