華星冰室 (西洋菜南街)

营业中

休息中

去華星要食常餐是常識吧🤷🏻‍♂️炒蛋多士真係必食👍🏻👍🏻食咁多次都維持到水準炒蛋夠晒滑多士夠厚加埋少少燶底😮正！叉燒通都好好食通粉唔會淋晒一pet野咁加埋杯奶茶滿足晒！

近年越開越多冰室主打常餐，不過質素好參差，華星係我覺得最穩定既一間所以都仲成日要排隊，今日因為一個人食既關係，唔洗等就入得常餐$45 叉燒通粉，火腿煎蛋同牛油多士叉燒唔只兩塊架，都有四至五片，今日食既肥瘦均勻！意粉唔會過腍，仲好有咬口不過意粉再多啲就好喇，因為本人係意粉愛好者今日啲多士就麻麻，上檯係熱同脆既，不過牛油真係好小火腿都係正正常常無特別，炒蛋好滑生熟度岩岩好唔會過多蛋漿！除左常餐，華星都越黎越多野食，仲有蕃茄湯底，燴意粉等熱食！

說起以炒(滑)蛋為重心的一種常餐，「光速餐」那邊似乎是一切的起源，而把它帶離「獨家村」，繼而「開枝散葉」、百家爭鳴的，好像就是華星。基本上，我奉「光速餐」為此類炒蛋之元祖，因而也以它作黃金標準。然而，也不止一次覺得兩處出品難分高下，有時甚至覺得這裏的炒得沒那麼散，質感更厚更滑，雖然我明知它們兩家都並沒有以「滑蛋」自居。上星期有一晚來華星，看到他們賣埋碟頭飯，某些時段會供應滑蛋飯、咖喱飯之類，心頭頓是一冷，究竟那是「創新求變」還是「掙扎求存」呢？我是保守，又或是念舊，來到想吃的始終是炒蛋常餐和晚市的番茄燴意粉。常餐選配的自然是烘得微脆的多士，牛油早已抹好，拿在手上隨即便送進口中。的確，比「光速餐」的方包，驟眼看是薄一點，但吃下去軟熟、綿密絕不輸蝕。兩片火腿一貫的斜放於炒蛋之上，勉強充當上炒蛋的一道保溫屏障。吃了半份多士，番茄牛肉燴意粉也上來了，我麻利的連蛋帶腿移植到燴意上面。用叉子一卷，二話不說，嗦嗦入口。吃了一口腔盡是汁甜肉嫩，茄醬淡淡的鮮酸纏繞在條條意粉的前後左右，而炒牛肉和蔥段的香味，抱緊了經高熱洗練過才迫出的可口甜度。吃過了意粉，腦海卻又泛起剛才那多士的香鬆適口，決意要再來一份奶

啱啱食完，又唔係滿座做唔停，正常人流，個黑面收銀d 態度垃圾到暈！ 我擺低張單講嘟八達通，佢一邊用釘書機釘單，完全冇反應，我就拎埋銀包放埋上八達通機度，仲好有耐性咁等。。等左陣佢都冇反應，我就再出聲，但佢態度極差完全係撩交嗌咁話我，話我剩係擺低張單冇講八達通wor！跟住仲要渺我！我即刻答佢我講左啦八達通呀！跟住即走冇回頭！費事同lee d 垃圾嗌交！痴痴地線自己聽唔到仲要想玩個客，擺款俾面色個客睇！如果我真係冇講都話丫，明明講左佢自己聽唔到，我無端端受氣！ 擺明恰我斯斯文文！欺善怕惡！d 野幾好食都假！完全破壞哂心情！黑面收銀我同你講呀！你d 咁嘅垃圾態度我祝你日日有得受呀！

常餐 香港人愛食的早餐 這次在晚上選了華星 素聞這家的炒蛋好食 果然明不虛傳晚上食不用排隊就進去了 位置茶餐廳中算是比較闊 不像佐敦有名的那間要拼座 很迫的食物方：厚多士：很鬆化 有淡淡的牛油香 烘的剛好炒蛋：好食 應該是比教貴的蛋吧 有濃濃的奶香味 油不會太多 有蛋汁叉燒意粉：比預期中好很多 湯不是清湯 是有味的雞湯 叉燒不會太硬 很容易咬開 軟軟甜甜（佐敦那家叉燒會發光的 不敢食）總體是推薦的 又不像別家會趕你走 可以enjoy 價格又平宜

一個月食1-2次,水準冇變過,炒蛋實在冇得彈,我最鍾意就係同屋企人一齊食食極都唔厭周日天晨早起床好肚餓, 腦袋諗起華星，第一時間閃去。八點左右到左, 都唔洗等。竟然一去到就有位但都係跟啲伙記哥哥指示安排入座~坐低真係諗都唔洗諗, 要一個茶餐~落單好容易，只要跟住伙記哥哥嘅引導通粉定意粉?煎蛋定炒蛋?回答完兩個問題咁就完成點餐嘅動作。真的好快落單唔洗一分鐘,就先上炒蛋+火腿+多士炒蛋依然滑溜有蛋香, 好似用牛奶牛油炒出嚟咁，牛油多士外脆內軟, 火腿就普普通通啦。唔洗隔幾耐, 火腿通粉都到左,呢個時候伙記哥哥就會主動埋黎問你飲咩~通粉又係一樣會愛上華星既食物佢會有意粉同通粉比你揀，兩樣都試過，而多數我會揀通粉，細細粒易食好多。同埋呢度個湯係雞湯，差唔多次次都會飲曬咖啡幾香濃，不過坐坐下門口好多人排隊。拿拿臨埋單。講真假日想要享受早餐慢慢進食的人這裡就不太合適了！

咁既煎蛋同火腿唔應該比客，煎蛋已破，火腿少了一角，魔鬼雞扒包是凍的(已沒影相)整體質素下降，當然不能要求服務，似澳牛咁啦，要快食快走，因一秒清台甚至勁過澳牛，杯茶都會清埋

早幾日見有雜誌介紹華星常餐炒蛋奶茶係正, 炒蛋控的我就心郁郁嚟試...但見跟餐機乎係無選擇得叉燒意粉+火腿炒蛋+餐包咁.....我不嬲對湯意粉有抗拒, 於是唯有散叫~個咸牛肉蛋餅食得出係用蠔仔餅做法 ---> 以粉入蛋漿加咸牛肉半煎炸而成, 味道唔錯但真係太油, 加上$37齋個蛋同一丁(唔跟餐飲)其實係食水頗深......COT在茶餐廳質素來說唔特別突出, 係好一般既味道, 奶量太多, 茶味不足~較深刻係校長多士, 話係年年$廿五唔加價, 沾上咗松露醬加芝士烘香, 方包厚薄適中烘成多士係幾惹味, 但值唔值廿五又係見仁見智~收費唔平加上鄰近太多茶餐廳, 比較之下是有所遜色, 只係夾着明星效應, 一堆簽名合照佈滿店內外, 否則, 大概沒多少人會排隊幫趁~ 

常餐 HKD45；不專業評級：8/10（8分全部係比我💗既多士🍞）叉燒意粉｜火腿炒蛋｜牛油多士｜凍奶茶叫常餐只為我的多士bb 果然無令我失望 一如既往既好食😍好好咬❗️上次食旺角店的炒蛋炒耐左搞到好老🤢 不過今次炒蛋好滑👍🏻 正❗️叉燒意粉就普通貨 6塊薄瘦叉燒😂.森美滷脾 HKD24；不專業評級：4/10好失望🙍🏻‍♀️🙍🏻‍♀️好重雪味又唔入味 好似趕時間咁 明明灣仔總店唔係咁咖麻🤔.魔鬼雞扒包 HKD25；不專業評級：6.5/10🐥雞扒好厚 醃得有味 好Juice 💦啲醬係蜜糖芥末味 醬的份量岩岩好 唔會蓋過雞扒的味道而且令到整體濕潤啲 唔會覺得好乾😌但包本身比較乾同硬 扣左少少分.個人建議去灣仔總店食 食物質素比較穩定少少推薦度🌕🌕🌕🌕🌕🌕🌕（滿分十個🌕）

常餐是香港人的集體回憶，這間菜餐廳招牌菜就是常餐，很簡單一碟叉燒通加炒蛋多士，選擇很少，但質素很好，是港式all day breakfast! 加上最愛的凍奶茶，簡直冇得輸！

港式早餐可能好多人都食過，但係呢間作為全港接近no.1港式茶記食物質素的確係好好，多士炒蛋超級美味，麵包脆得來唔會硬，牛油落得啱啱好，炒蛋亦都有鮮奶味，咁好嘅配搭為我嘅早晨加咗好多分！😝😝😘

星期六放假咁早出黎旺角真係好殺風景,平時放假無咩都唔會早過11點起身啦,點知今朝約左人出黎辦d事😪,放假咁早起身唔食早餐真係對唔住自己😛,以前有食過華星既常餐,我自己一路都覺得係超班水準,多士夠厚,外脆內軟,好脆口,叉燒通粉個湯夠曬濃👍🏻,唔洗落鹽落pepper,至於個蛋,我覺得係食過咁多間既數一數二,even好多個蛋炒得滑同香都好,好少可係少油又有蛋汁,好多都話炒得好就要落好多油,本人真係受不了,隔左幾個月無食,華星都保持到水準,唔錯😆

我一向都係華星fans,一個月都會食到一次,每次黎都係叫常餐,鍾意食佢炒蛋夾多士嘛,以今次都唔例外,點解我話每況愈下呢,一黎,我明白物價通脹,生意難做,加價係正常既,但係如果差唔多成50蚊呢個價錢,午餐已經有好多選擇,華星用d咩吸引住d舊客人呢?第二,遊客多到一個點！以前黎既遊客大多都係年輕人,過黎潮拜下打下卡,依家呢?好多都拖行李,係出面行黎行去,擾擾讓讓,睇見都辛苦😓講真,質素就無咩下降,但周邊環境令客人愈來愈唔舒服

路過見到咁多人排隊 好難唔入去試下口味🤓😆入到去都係見到茶餐menu 就貼咗常餐食同一般茶餐廳一樣 常餐係有厚多士、蛋、火腿、麵、飲品（當然凍飲係加錢嘅🙈）比起其他茶記 佢嘅炒蛋係好滑口好碎嘅 （都係個人喜好🤓）至於叉燒意可以轉個通粉 適隨尊便食完一系列嘅食品就夠頂到一個下晏👍🏿😆

今日黎到華星食個好耐無食既常餐先,每次黎到雖然都覺得佢個黑松露多士好正,但都會比佢個常餐吸引住,多士算烤得濃,岩晒鍾意香口野既我😎,華星炒蛋出名嫩滑,再加埋少少鹽少少胡椒粉灑上面,吊番d名出黎,簡直一流,再加埋叉燒通粉,膩而不漏,唔錯唔錯,另外,呢到既奶茶我都覺得好好飲,朋友鍾意叫茶走,但我覺得煉奶味會搶走左茶既味,所以唔係咁鍾意,我鍾意d茶味比較出既,慢慢吸入口時有少少苦澀既就perfect,平時都鍾意食常餐,華星常餐係有番咁上下級數,但價錢就相對偏貴了,不過都會再去既