莆田 (荷里活廣場)

营业中

休息中

每年中秋都會約這位朋友食飯相聚，今年也不例外。而朋友今次選擇了莆田，因她之前食過幾好味，想再去食。 餐廳用了淺藍色和白色為主調， 空間感很大。座位方面闊落舒適，如果喜歡座卡位，這裡也有卡位可供選擇。😋是日選擇：1️⃣金湯佛跳牆🍽內裡有鮑魚、海參、瑤柱、松茸、竹笙、花膠、鵪鶉蛋，非常足料，份量滿滿，金湯濃郁。 2️⃣鮑魚紅燒肉🍽福建特產南日飽魚，以醬汁慢煮的豬肉，肥而不膩，還可感受到鮑魚鮮味及紅燒肉的香氣。 3️⃣冰浸苦瓜🍽苦瓜切成薄片，晶瑩剔透，砌成花球形狀，以冰鎮上碟，保持清涼感，苦瓜爽脆。 4️⃣阿元香草雞陣陣香草味，及鮮香滷汁，十分入味，沒有遮蓋雞肉本身的味道。

⭕又係到咗每個月一定要食一次莆田🙌🏻大愛，八點入座 已經高朋滿座😎估唔到平日都咁多人😚🔻興化炒米粉(中) $228食過咁多次一定一定要叫嘅就係呢個米粉，勁鍾意佢入面勁多餸，有芥蘭 娃娃菜 蜆肉 蟶子 豆皮 等等👍🏻😎超級豐富，今次嗌咗個中size，真係好大兜，嗰兩個人食絕對冇問題🤣🔻家燒海帶苗(例) $88都係老規矩 嗌咗馬來風光🥬係唔知係咪太夜嗰關係，冇得食，所以試一試都嗌到個菜類，估唔到個海帶苗好有驚喜😎佢個味道啱啱好，其實佢嗰個應該係屬於芡嚟嘅, 但係我飲曬當湯👍🏻少少肉碎，加埋海帶苗真係超正💓😚🔻辣汁花蛤(例) $98每次叫親佢我都一定會將佢啲辣汁撈啲落個米粉度食👍🏻👍🏻將佢個汁發揮到淋漓盡致🫶🏻花甲唔會話好辣，我呢啲食唔到辣嘅都幾鍾意食🙌🏻🔻普寧豆醬焗鰻魚-例 $188 未食過普寧豆醬，估唔到又幾好食喎👍🏻我喺度諗佢個豆醬象拎嚟蒸排骨應該都好正🤣🤣暫時係我覺得最好食嘅其中一款鰻魚菜式

再訪人氣中菜館🥰 餐廳裝潢高檔雅緻，乾淨企理，環境寬敞舒適，每晚都好多人光顧 好熱鬧☺️ 提供高質素莆田菜，近期季節推出多款以鰻魚製的菜品，一定要試！😍 蒜蓉豆豉蒸鰻魚 ($188)✨推薦！季節限定鰻魚系列😍 豆豉及蒜蓉香氣撲鼻🤤 鰻魚件件肥美飽滿，入口非常嫩滑，配飯食一流😋 石鍋滑豆腐 ($98/例)✨有驚喜😋 石鍋熱騰騰，豆腐外脆內軟，入口即化，配上微辣醬汁，好惹味🔥 配搭蝦🦐鐵鍋包菜飯 ($118/例)✨每次來都要食😋！燜飯鹹香味十足，飯粒充滿油香 口感煙韌滑潤，配上豐富椰菜、滷肉、蝦米、香菇、蟶乾、乾貝、花生及香蔥，口感味道好出色🤤媽祖平安麵 ($98/例)✨份量多，配料非常豐富 有蛋、蟶乾、豆卜、蝦、花生等等，好飽肚🥰 可配上自家秘製辣椒醬，酸酸辣辣 更惹味😋建蓮雪耳湯 ($48/位)✨福建傳統甜點，清甜可口😍 好足料，大人小朋友都啱食👍🏻

呢間係屋企人最鍾意食的福建菜，所以我地成日都會黎食，鰻魚季節當然唔可以錯過啦~ 🥢福建特色紅糟鰻 $188福建特色傳統名菜，紅糟鋪係鰻魚表層，色澤係紅紅地，醇香的肉嫩骨酥脆，一點都唔滯。 🥢鮑魚小炒肉 $158鮑魚同腩肉片加入醬汁同辣椒一齊炒，又香口又好味。呢個送飯一流! 🥢興化炒米粉 $118用左十多款材料如蜆蝦等海鮮同上湯一齊炒~米粉質感幼身所以勁索汁!加上酸辣醬食更惹味！ 🥢莆田扁肉湯 $32/1客 (共$64)由皮到餡都係純手工，一啖一粒，肉味新鮮，皮有韌勁，湯底酸甜，好好味。 🥢黄金荷葉包 $38 /1客 (共$76)將酥脆外皮的包切開~將洋蔥肉絲內饀放入中間夾全食，真是絕配。

之前陪完婆婆去黃大仙拜神，就決定帶係福建人嘅婆婆去有米芝蓮指南推介嘅莆田食餐好～😎🌟莆田扁肉湯扁肉湯係福建名菜之一，係必食之選扁肉有d似小雲吞，但扁肉皮用豬肉敲打製成🐷係心思手工菜肉味香濃，加入紫菜嘅湯頭口感清爽呢道簡單而美味的湯品作為開胃菜最適合不過😋🌟金絲麥片蝦鍾意食蝦又懶得剝殼嘅朋友一定要叫麥片蝦🦐大蝦炸至金黃酥脆，蝦肉鮮嫩爽脆，仲可以連殼食用麥片嘅香脆、煉奶嘅奶香再加上辣椒🌶️九層塔吊味惹味又香口，令人食過返尋味🌟山泉水煮活鰻魚之前試過莆田鰻魚節嘅其他菜式，今次決定食水煮鰻魚🍲唔食辣嘅朋友放心，今次嘅水煮完全唔辣🤣只係將新鮮活鰻魚加入枸杞、薑片，用清水原味簡烹正值當造嘅鰻魚肉質腍滑，冇泥味同腥氣皮滑爽口，油脂豐潤，鮮味十足🤤🌟福建海鮮滷面滷面材料非常豐富，有蝦、蜆、蟶子、瑤柱、豬肉、小棠菜等海鮮的鮮味完美地滲透到滷面，香氣逼人🍜即使唔係即刻食用，滷面仍然非常彈牙🥢婆婆對今餐讚不絕口，所有菜品地道而美味而且職員細心體貼，成個用餐體驗非常好👍🏻

今日同朋友去鑽石山荷里活廣場行街，見到呢間稱莆田食店，主打係鳗魚節產品，店內環境寬敞，有一大時尚高雅大燈，决定入內光顧😃馬來風光 $88結合了三巴醬的香辣味和通菜的鮮甜味，非常美味，而通菜則具有嫩滑的質感和獨特的香氣😝莆田荔枝肉 $98莆田荔枝肉香甜酥脆，肉質鲜嫩多汁，與荔枝的獨特香氣相互融合，口感豐富😋鮑魚紅燒肉 $138鮑魚紅燒肉是一道融合了鮑魚和滷肉的美食，口感鮮嫩豐潤，風味獨特, 推介😍黃金荷葉包 $38/件包炸得非常香脆，再自夾上惹味洋蔥肉絲，好味道😜普寧豆醬焗鳗魚🐟 $188鳗魚肉質鮮甜嫩滑，加上普寧豆醬，十分惹味😚🎇莆田 (荷里活廣場)🎈鑽石山龍蟠街3號荷里活廣場2樓214舖@hkputien整體得分: 4.5/5味道: 4.5/5環境: 4.5/5抵食: 4/5

莆田荷里活廣場放工睇吓有咩食經過見到莆田今期推出咗活鰻魚即刻入去食😆山泉水煮活鰻活鰻大條厚肉，食落好鮮味，肉質鮮嫩爽彈。只有新鮮嘅活鰻，才敢清水煮。果然証明係夠新鮮好好味😋椒鹽豬手豬手皮脆卜卜肉質嫩滑，骨膠原滿滿。興化炒米粉主要有蟶子、蜆、蝦同紫菜。米粉乾身好味再配埋咁多配料真係好抵食。馬來風光馬拉盞通菜通菜新鮮爽口馬拉盞好惹味。桂花陳皮燉雪梨食完主菜仲追加咗個甜品雪梨燉到好稔再配上桂花同陳皮絲食落滋潤無比。

每隔一段時間就會去莆田，尤其是出了季節性的菜品時。砂鍋黃花魚湯一直覺得他們弄的黃花魚都很好吃，所以這次點了魚湯喝。魚湯很鮮，超喜歡裏面的豆腐，很厚實，還有粉粉的芋頭。魚是一整條旳，不過單吃魚味道很淡，點醬料比較好。芋香鴨家裏人很喜歡這個，每次來都必點，水準也保持到，炸得很酥脆，芋泥很綿密，鴨肉絲也很多。福建海鮮鹵麵這個反而是第一次吃，因為之前都是吃米粉。這個配料很多，跟米粉裏的配料很像，但因為是湯麵，所以海鮮味更重。鹵麵比較軟，很索湯。普寧豆醬焗鰻魚第一次這樣吃鰻魚，有點像蒸鱔，皮很彈牙，鰻魚挺肥美的。這個加了很多蒜頭去焗，連蒜頭都焗得很軟糯，可以直接吃。我們還點了紅毛榴槤汁，但不要被名字誤會，不是榴槤味，味道很清甜，很解膩。

❤️普寜豆醬焗鰻魚 $188原個鐵鍋上 香氣十足 醬香蒜香鰻魚肉香 香到連蒜頭都食埋 鰻魚好新鮮 肉質結實 彈牙 而且好肥美 普寧豆醬 鹹香 加上用蒜頭 乾蔥 去燒炒 惹味無窮❤️馬來風光 $88鮮香三巴醬 炒通菜 鹹香 惹味通菜爽口 好好送飯 炒得好惹味 夠晒鑊氣❤️鮑魚紅燒肉 $188福建特產日鮑 文火熌香鮮豬肉 鮑魚大大件 爽口 淋身 豬五花肉 吸曬秘撈既紅燒肉醬汁 紅燒肉肥美 脂肪位 入口即溶 燘好既豬肉係口裡面溶化 簡直係白飯殺手❤️福建紅菇海鮮滷面 $138一碗15種材料 蠔仔 聖子仔 新蝦 紅菇 什菜 瑤柱 晤掛之得禁鮮甜 紅菇令成個麵都呈現粉紅色 打卡一流 配埋秘製辣椒汁 正📍莆田 (荷里活廣場) (鑽石山)鑽石山龍蟠街3號荷里活廣場2樓214號舖

又嚟啦又嚟啦，一年一度莆田鰻魚節又返嚟啦😍夏秋交接之時，正值鰻魚最豐腴肥美嘅季節💕正所謂不時不食，莆田嚴選鮮活鰻魚到店，烹調一系列風味菜色🤩.🍴辣子燒鰻魚💰$188辣子雞食得多，辣子鰻魚都係第一次食😆燒鰻魚與辣椒花椒炒香，入口先嚟麻香，再滲透辣勁🌶️鰻魚燒過後皮脆肉帶口感，油香好突出，配埋辣味好惹味😋.🍴福建特色海蠣煎💰$128福建特色菜，另類台灣蚵仔煎😆超多蠔仔好鮮味，蛋餅做得好香酥，加埋QQ蠔仔，口感相當豐富😙.🍴脆皮蒜香雞💰$168（半隻）外皮香脆，雞肉軟嫩😙灑上大量炸蒜好香口😌.🍴 福建海鮮鹵麵💰$118次次去莆田都要食😝傳統福建菜，幼身麵條配以蟶子、蜆肉、豆卜、瘦肉、香菇、芹菜等烹調，湯底完全吸收食材嘅精華非常鮮甜😋麵條又掛湯，啖啖鮮香🤪.除咗辣子燒鰻魚，仲有幾款唔同煮法嘅鰻魚菜式💕所以去一次真係唔夠，要去多幾次先得😆

莆田 (荷里活廣場) (鑽石山).莆田扁肉湯 •蝦苗頭水紫菜.扁肉湯我每次食必叫，微酸又開胃，扁肉夠肥美水紫菜偏酸，超開胃小食.冰鎮南日鮑🧊.南日鮑叫左一隻切開我地share食，鮑魚肉質爽實.鮑魚紅燒肉.呢個幾出色，寫到明一客係三隻鮑魚，炆得好淋身，紅燒肉係無肥膩味.白切羊肉.第一次試白切羊肉，好似沾豉油咁，羊肉微羶，肉之間程現半透明.福建特色紅糟鰻.今次嘅季節性菜品，福建特色炸得通透的鰻魚再配上紅糟汁.莆田 (荷里活廣場) (鑽石山)鑽石山龍蟠街3號荷里活廣場2樓214號舖

今年揀咗莆田同媽咪慶祝生日皆因中菜嚟講呢度嘅福建菜式同服務都好有水準環境舒適最近仲做緊鰻魚節有幾款唔同烹調方法，每款都好吸引✨蒜蓉豆豉蒸鰻魚即叫即蒸嘅鰻魚，熱辣辣鰻魚好新鮮，口感爽彈面層加上蒜蓉同豆豉仲有枝竹墊底最重要係無細骨，啖啖肉✨辣汁花烚大大碟嘅花甲都有好多隻醬汁帶點微辣，非常惹味✨莆田荔枝肉酸酸甜甜嘅醬汁，非常醒胃仲有香甜嘅荔枝肉食到停唔到口✨福建海鮮滷麵超足料嘅滷麵配上熬煮8小時嘅高湯加入唔同種類海鮮麵質幼滑✨芋香鴨外層酥炸香脆裡面夾著芋泥夾同厚切嘅滷鴨肉軟軟糯糯帶點鹹香不油不膩

鍾意食中菜嘅我成日都去莆田，佢哋周不時會有期間限定嘅特色菜，食物高質的來價錢唔算太貴， CP值好高🌟福建特色紅糟鰻 $188炸鰻魚用左大量紅麴做調味，賣相就係深紅色嘅醬汁睇落好似好重味但其實佢係紅米，淡淡米香突出鰻魚鮮味🌟脆皮蒜香雞（半隻） $168乾蒜粒配咗喺成隻雞上面，份量好多但唔會過鹹，雞皮好脆雞肉又多汁🌟滷水豆腐 $58豆腐煮到好腍，索晒啲汁好入味🌟興化炒米粉 $118呢個炒米粉好足料，餸仲多過米粉，有大蝦、蜆肉、蝦米、菜、菇，面頭仲有啲菜都炒埋一碟好香口🌟馬來風光 $88辣椒蝦醬炒通菜就係出名嘅馬來火鍋，炒得惹味乾身有鑊氣

趁假期未完，見翻十幾年識既朋友。一見如往，朋友比較健談，分享了許多轉行想法。呢晚我地來到間福建菜餐廳莆田，二人點左四道菜。點菜通常會食季節性限定，點左普寧豆醬焗鰻魚，這道菜以新鮮的鰻魚搭配濃郁的普寧豆醬，在鋪在鰻魚上，經過適度烘烤，令鰻魚柔軟入味，外層微金黃酥脆。接著介紹福建海鮮麵，這碗麵擁有豐富的海鮮配料，包括新鮮的蝦、蜆和魷魚等，還有菜添！麵條煮得相輔相成，平時晚餐唔食澱粉既我，都要品嘗。芋香鴨呢道菜，滋味可口。這道菜品使用新鮮的鴨肉，搭配著香氣四溢的芋頭。鴨肉的肉質鮮嫩多汁，芋頭則增添了菜品的濃郁口感，給人一種滿足感，有新意和美味。最後，石鍋滑豆腐是一道將豆腐的鮮美發揮到極致的菜品。這道菜品將滑嫩的豆腐和豐富的配料包裹在石鍋中，經過慢火煮熟。豆腐的口感柔滑豐富，與其他配料的結合使味道更加豐富。另外鮮貝燴絲瓜清甜滑嫩，加埋小鮮貝，味道更清香。整體而言，各樣菜式都美味可口，價錢吸引，不用700蚊就可以食到四個菜！絕對係朋友家庭飯聚之選！

莆田 (荷里活廣場) (鑽石山).成日唔知食咩都會食莆田，今日咁啱諗住鑽石山中間點，唔食唔發現，好似間間分店啲菜式都會有少少分別！.▪️ 福建特色紅糟鰻▪️.呢排佢地做緊鰻魚節，都有平時食開嘅薑葱鱔，不過覺得呢個紅糟好似特別啲，食落少少酸酸甜甜，鰻魚係炸過.▪️砂鍋黃花魚湯 ▪️.真係每次必叫，魚湯濃郁，係個豆腐會有煙熏味黃花魚都多碎骨，要小心食用.▪️椒鹽豬手▪️.四個人每次都係叫兩件切半share就剛好，一個人食曬一隻就會太膩.▪️ 黄金荷葉包▪️.同樣係叫兩件起，非常好食，包好似炸饅頭咁，上面佈滿白芝麻飲料係紅炆嘅肉絲加洋葱，好惹味！.▪️ 鮮貝燴絲瓜（例） ▪️.呢個係我之前食咁多次莆田都無見過嘅菜式！非常好食，絲瓜好腍，個茨汁加上鮮貝粒！.📌 莆田 (荷里活廣場) (鑽石山)鑽石山龍蟠街3號荷里活廣場2樓214號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️