莆田 (荷里活廣場)

营业中

休息中

今日去開荷里活廣場，經過莆田就走去試吓…佢哋有啲特價午餐的確好抵食平時散叫都起碼百幾$200，而家午餐可以有一人餐嘅選擇仲可以有一個主食，三個小食仲有燉湯添另外仲有好多散叫嘅唔同選擇😎😎嚟咗一個小酸菜今日燉湯係排骨湯，不過個湯好似俾人飲咗兩啖咁我個人比較鍾意食佢嘅紫菜所以叫咗兩客🥹🥹另外仲有一個豆腐我叫咗我最鍾意食嘅荔枝肉好似平時嘅咕嚕肉咁總括理解一人份量係夠食嘅而且佢仲有好多唔同主煮食選擇👍🏻👍🏻👍🏻

隔左幾年無嚟，覺得水準大不如前。首先茶$18/位，芥$12/碟。叫左福建特色海蠣煎 ($128)，第一次上枱啲蠔疑似唔多熟，除左蛋餅之外所有嘢嘅味道都有啲青，粉漿又有啲似未凝固咁。反映左意見店員即刻幫我地同廚房要求重做，第二次味道無咁青了，不過蠔仔好小同好細隻，整體鮮味欠奉，無特別醬汁，味道略嫌單調。鮮貝燴絲瓜 ($98) 份量還好，絲瓜下面都有唔少元貝仔，味道正常。半隻香煎走地雞 ($188) 嘅皮就唔算好脆，味道就幾香，肉質都算係咁，未去到嫩滑，但都不至於柴。後來加個百秒黃花魚，到差唔多食完都未上，應該係漏單。反正食唔落，所以就索性取消咗。整體食物質素都無以前咁出色，始終價錢唔係特別平，本身同屋企人嚟食都有啲期望，但最後就唔覺得好食。不過服務係非常好，店員都係有禮貌同耐心跟進OpenRice 要求出示收據證明唔係試食🤷🏻‍♀️由於食完就掉左唯有比付款證明😇😇

莆田餐廳主打地道福建菜，橫掃新加坡、香港、上海各大美食獎項，受到各地美食愛好者的追捧。每年不同季節推出不同時令菜式，今季推出福建莆田哆頭村的蟶子鮮甜無沙，晶瑩剔透的蟶肉以炸、炒、蒸、焗、煮等炮製8款哆頭蟶菜式，道道都既鮮嫩又肥美！蒜蓉蒸哆頭蟶：每粒哆頭蟶表面都鋪滿很多蒜蓉，每隻都肥肥嫩嫩，鮮甜爆汁，蒜香濃郁。冬瓜哆頭蟶湯：將消暑冬瓜與肥美的哆頭蟶共融一爐，鮮美大大提級。蟶子鮮活肥嫩，吸收了鮮甜的湯汁，一口咬下，汁液豐盈。 莆田荔枝肉：以豬梅花肉搭配特調醬汁炒製而成，豬肉外酥內嫩，味道酸甜不膩口。大白菜燉軟豆腐：奶白色湯底是以上等老母雞、豬大骨等用文火慢燉8小時以上熬煮而成，並加入自家製軟豆腐、干貝、蝦乾、黃心大白菜等食材煮成，鮮味十足。福建海鮮鹵麵：湯底以豬骨、雞肉、蝦乾等熬製，湯頭清鮮，麵條吸收湯底精華，並配以鮮蝦、乾貝、香菇、腩肉、白菜仔等食材一同熬製，鮮香足料。冬瓜薏米水有利水消腫功效，味道清甜。

莆田哆頭蟶節返嚟喇，有蒸炒煮炸多款不同做法好回味佢地嘅鐵板鹽焗哆頭蟶無食一排，比印象中嘅更好味添🎈鐵板鹽焗哆頭蟶果然無令人失望，哆頭蟶好好肉地，肉質鮮甜鹽焗煮法鎖住水份，仲帶點花椒香一個人食晒一盤都無問題～🎈福川魚丸燕皮扁食湯魚丸大粒又彈牙，內有肉餡，食到濃濃魚油香扁食都好有特色，外皮爽彈加上湯底嘅紫菜、乾蔥，味道唔錯🎈蝦苗頭水紫菜賣相精緻，紫菜酸酸甜甜好開胃口感滑溜，搭配蝦苖，係個開胃小菜🎈脆皮蒜香雞每次必點菜式，半隻雞份量夠晒二人分享雞件上鋪滿炸蒜超吸引，肉質嫩滑入味最加分係外皮金黃薄脆唔會有肥肉，食得放心🎈福建海鮮鹵麵配料十足，有蝦、蟶子、元貝、雜菇同菜等麵條類似伊麵，相當掛湯，好有福建特色加辣椒醬食味道更豐富🎈建蓮雪耳湯柔軟嘅雪耳加上蓮子，甜度剛好，最佳飯後甜品

蟶霸（$228/2道）養殖嘅嘅蟶子隻隻都咁肥美，逼爆個殼🙊今次揀咗新食法-撈汁哆頭蟶🌟推介🌟估唔到係凍食冷盤，麻酸開胃🤤，啲汁用嚟送飯一流-鐵板鹽焗哆頭蟶🌟推介🌟連續八年銷量冠軍，點可以唔order!!!食材新鮮，只需簡單嘅鹽焗就食到蟶子嘅原汁原味，鮮味無比**********古法黃魚湯撈麵線（$158）🌟推介🌟通常去莆田食飯，都會一人叫一份百秒黃花魚，佢地出品嘅黃花魚真係好鮮嫩，今次比較特別試吓呢個黃魚湯撈麵線，又可以當主食，又可以食到黃花魚，黃花魚切開一件件，又冇魚骨，食起上嚟好方便魚湯湯底呈奶白色，非常鮮甜！麵線幼身，偏腍，最鍾意❤️**********莆田荔枝肉（$98）咕嚕肉酸酸甜甜好開胃🤤，而且啖啖肉**********鮮貝燴絲瓜（$98）絲瓜清甜，好啱嚟緊夏天食！

朋友約咗我去鑽石山荷里活買嘢，順道去商場內嘅莆田食晚餐，朋友一向喜歡食福建菜，尤其係莆田，餐廳用料新鮮，地方簡潔、招呼週到。今期有季節性限定嘅莆田哆頭蟶，每年4至5月，是莆田哆頭蟶肥美之時，這種蟶子於福建省莆田市的黑泥灘塗吸收充足營養，因此每隻都肥肥嫩嫩，鮮甜爆汁，莆田有8種吃法 一次點倆款仲有優惠。蒜蓉蒸哆頭蟶：將新鮮嘅哆頭蟶上加上蒜蓉去蒸，再添上少許醬油，肥嫩的蟶子都帶有滿滿的蒜香，而且味道十分之鮮甜。冬瓜哆頭蟶湯：哆頭蟶本身鮮甜肥嫩，而冬瓜則有清爽口感，整體來講這個湯味道鮮甜、清爽，是夏日消暑佳選. 福建特色海蠣煎：海蠣肉質飽滿，口感鮮甜，海蠣煎既保留了海蠣的嫩滑，也有雞蛋的香酥，鮮美可口。莆田荔枝肉：荔枝肉的特色在於其酸甜的口感，醬汁中酸甜交織，肉質軟嫩，外酥內嫩。鮮貝燴絲瓜：鮮貝的鮮甜和絲瓜的清爽互相襯托，味道鮮甜、清爽，口感層次豐富。福建海鮮滷麵非常足料，有海鮮和蔬，麵條沾滿濃郁嘅湯汁，味道鮮味又爽滑。

莆田新menu有蟶子食😍😍 即刻同屋企人試！原來依家做緊優惠 $228任揀2款蟶子菜式，勁抵食🫶🏻🥢蒜蓉蒸哆頭蟶用蒜蓉蒸熟嘅蟶子，味道非常鮮美，蒜香味十足，肉質鮮嫩，食落去非常開胃，適合喜歡海鮮嘅朋友🦪🧄 食落完全冇沙🥢豉椒炒哆頭蟶鍾意辣味一定要食🔥用豆豉、青椒、紅椒炒製，醬汁味道鹹香惹味，蟶肉鮮嫩彈牙，好適合搭配飯食！🌶️🦪🥢黃魚煲仔飯推薦！用新鮮嘅黃魚同香噴噴嘅米飯煮成😍 米飯吸收咗魚嘅鮮味，攪勻食配埋醬料勁好味！底部嘅飯好香脆，食落去非常滿足，係一個經典嘅廣東煲仔飯選擇！🍚🐟🥢福州魚丸燕皮扁食湯清淡鮮美帶點酸味，魚丸彈牙，扁食則帶有豐富嘅餡料，好適合當作開胃湯品🍜🥢黃金荷葉包口感柔軟，包住惹味嘅豬肉同蔬菜，味道鮮美，係一道歡迎嘅小食～🥢興化炒米粉經典嘅炒米粉，米粉勁幼細，炒得香滑，搭配各種配料豬肉、蜆、蟶子、蔬菜等等，味道口感豐富，係一個好嘅主食選擇🍜 配招牌辣醬勁好味🔥

最近我去咗位於鑽石山荷裡活廣場嘅莆田餐廳，真係好開心可以品嚐到咁多地道嘅福建美食！話唔多說，立即分享我嘅食評，唔好錯過呢啲美味呀！**福州魚丸燕皮扁食湯** 🥢 首先上桌嘅係福州魚丸燕皮扁食湯，湯底清澈透明，散發出淡淡嘅魚香味。魚丸彈牙，咬落去有一種爽口嘅感覺，燕皮扁食嘅口感又滑又嫩，真係令人一口接一口！湯頭鮮甜，仲有少少香菜嘅清香，食完之後令人心情愉快。**莆田荔枝肉** 🍖 接住嚟就係莆田荔枝肉，呢道菜真係色香味俱全！肉質滑嫩，色澤金黃，表面嘅荔枝醬汁酸甜適中，增添咗一份清新嘅感覺。每一口嘅肉都係滿滿嘅果香，配上白飯絕對係一個完美嘅搭配，令人回味無窮！**鐵板鹽焗蟶子** 🦪 而鐵板鹽焗蟶子更係一絕，蟶子新鮮得嚟，鐵板嘅熱力將海鮮嘅鮮味完全釋放出來。鹽焗嘅做法讓蟶子更添咸香，搭配一啲檸檬汁，口感更加清爽。吃完之後，口腔裡仍然留有海洋嘅味道，真係好享受！**蒜蓉蒸蟶子** 🧄 最後係蒜蓉蒸蟶子，蒜香撲鼻，蟶子吸收咗蒜蓉嘅香味，令人忍唔住想多食幾隻！蒸得恰到好處，蟶子肉質鮮嫩，口感滑溜，真係一口接一口，根本停唔落嚟！總結一下，莆田餐廳嘅每一道菜都好出色，無論係賣相、香氣、味道都

#莆田 差不多每次有新嘢都會去食❤️因為保持到水準之餘而且價錢又唔貴今次個餐牌多了海蠣選擇不少，我就叫了其中一款九層塔香燜海蠣，一打開已有濃濃香料味，仲有香蒜頭味勁香口半生熟不錯， 海蠣幾鮮甜而且份量不少幾脆口閩南姜母鴨幾濃薑母味，待應話混好再食，鴨味都濃仲有不少薑蓉感幾香大白菜燉軟豆腐 當湯而家之最好，大白菜淋身，豆腐味都濃又有口感，幾軟熟興化炒米粉 每次來都必叫，口感幼細入味，海鮮多又新鮮，必要加上辣椒醬最惹味甜品方面叫了一個加一個飲品，桂花陳皮燉雪梨，桂花味濃帶甜，雪梨好入味夠潤。鮮榨玉米汁 比較少飲，這杯口感勁滑身又濃郁玉米味，的確幾健康又好味

👧🏻😋👅🍽✨完美福建菜 新鮮清淡健康又好食🥰-🥢 莆田主打新鮮而清淡福建菜, 好岩我地一家人口味, 一年有唔同海鮮當造🥢 蟶子節我地幫襯過唔少但每次有新鮮感, 因為每次都會有新菜式-▪️哆頭蟶霸 $228/2道🍲 冬瓜哆頭蟶湯 勁清甜, 完全唔使落多餘調味, 蟶子鹹鮮肉質飽滿好juicy🧂 鐵板鹽焗哆頭蟶 連殼焗到外邊乾身帶焦香, 亦有黑椒同鹽香氣, 咬落依然保持肉汁▫️莆田荔枝肉 $98🧆 驚豔🥹 每一粒都圓轆轆, 咬落極酥脆但皮薄肉厚, 荔枝香甜再以青椒平衡返酸甜味▪️椒鹽豬手 $39/件🐖 又係不得了🥹 炸到骨肉分離一咬就開, 豬手皮同椒鹽炸漿融為一體, 豬手膠質入口即溶▫️黃魚煲仔飯 $128🥘 拆骨香煎黃花魚, 配上薑蔥蒜撈煲仔飯好香口, 飯焦脆卜卜同鹹香魚肉勁夾▪️福氣滿滿四喜糕 $58🍡 福建傳統糕點貫徹清淡口味, 唔甜但好香, 2款冇餡煙煙韌床好似鬆糕咁, 另外2款有餡分別係花生餡白糖糕同眉豆餡茶果

餐廳佈局明快，感覺很衛生；座椅也坐得舒服。侍應很快有回應，每次上餐的時候，也介紹食物。我們選用的，是午餐，有主食，並有三種小吃；而最好的是有一個非常好喝的燉湯。此外，菊花茶也很不錯。

行過莆田，睇到佢出咗唔少新菜，咁一定要試試。鮮榨西瓜汁，西瓜汁即叫即榨，入口西瓜味濃郁，好清甜。熟醉瀨尿蝦，今期季節限定菜。瀨尿蝦煮熟，再用自家制料汁醃制一晚。蝦肉鮮甜醬香味濃郁，食落帶有好重嘅花雕酒香味。酒香竹筒蝦，用當歸老酒煲制鮮蝦。蝦肉新鮮彈牙，湯底清澈透亮。鹹香黃花魚，炸到表皮酥脆，內裡軟嫩，魚肉冇骨入口即化。用鹽簡單調味，已經可以食出黃花魚鮮甜味道。吉品溏心鮑，落咗老母雞，火腿等配料燜煮72小時。鮑魚切落微微溏心，入口軟糯好有膠質感，唔洗點醬已經好夠味。鮑魚辣椒小炒肉，成碟餸炒得好有鑊氣，鮑魚Q彈爽口，豬肉皮脆肉嫩，再加埋豆豉鹹香，就飯一流。

又係時候到莆田一年一度海蠣節呀！還見到有做優惠$218就可以選兩道菜，當然要品嚐一下啦！🌸百秒黃花魚 $78🌟🌟🌟🌟🌟一上枱吱吱喳喳非常滾熱，黃花魚肉質鮮嫩，不過比較多骨要小心食用，湯汁非常鮮甜。🌸福建土筍凍 $68🌟🌟🌟🌟🌟土筍凍都是第一次見，原來討筍是一種從昆蟲來的，入口感覺特別，而且爽脆給配搭醬汁也比較好味。🌸薄荷枇杷凍$38🌟🌟🌟🌟🌟濃郁薄荷枇杷，吃後感覺喉嚨比較舒服。🌸桂花陳皮燉雪梨 $48🌟🌟🌟🌟🌟大大碗整個燉雪梨，雪梨先去芯，每一啖都能食到雪梨肉及陳皮絲，而雪梨索晒湯汁，桂花連雪耳很有膠質，滿滿骨膠原滋潤的感覺。🌸農家海蠣湯 $218/2道🌟🌟🌟🌟🌟大大兜海蠣湯，每粒海蠣都比較飽滿，而且湯底非常鮮甜，多喝幾碗也不覺口渴。🌸九層塔香燜海蠣 $218/2道🌟🌟🌟🌟🌟每一隻脆卜卜海蠣非常大隻，而且非常飽滿，口感非常鮮甜，這煲也有10多隻，還有鮮甜的紫洋蔥及九層塔，非常惹味。🌸熟醉賴尿蝦 $78 🌟🌟🌟🌟🌟見到這個是新菜式，當然要品嚐一下，這個酒香非常濃郁，瀨尿蝦也索晒酒香的味道，肉質非常鮮甜。🌸黃金荷葉包 $38/1個 🌟🌟🌟🌟🌟這個荷葉包炸到脆卜卜，再將包割開放入肉絲

岩家庭小聚，環境乾淨，👶 有BB椅提供，方便帶小朋友🦪蠔餅 蠔仔飽滿新鮮無沙、粉漿外層微焦脆 蛋香濃郁🐟百秒黃花魚 ⏱️需蒸製1️⃣0️⃣0️⃣秒 魚肉嫩滑 無咩泥腥味 ，鮮味十足🍵 湯汁清澈🪿芋泥香酥鴨 🔥邪惡之選！芋泥綿密香甜，夾住厚切滷鴨肉，外酥內糯～🍲興化炒米粉米粉好似髮絲咁幼🍜 配料有豐富有蝦乾、蠔仔、蔬菜，夠鑊氣～⚠️有D偏乾 味道偏淡

年初五跟朋友生日聚會，朋友們想食中式餐廳，我就提議大家試下莆田，話晒新加坡創始店係米芝蓮推介餐廳！雖然我已經食過唔少次，但朋友們未試過就一於再食多次！😌一行三人，我地點左三個主菜加甜品。一埋位就上茶芥，個人覺得杯茶幾純飲得好舒服。再送上福建四果小食，個人比較喜歡碟甜酸菜，唔會太酸易入口！👍點左主食包菜飯 $118，有少少濕潤唔會太乾身，而且好足料，有菜、肉、冬菇及乾瑤柱，加上整個飯都有陣陣荷葉香味！再點左芋香鴨 $98，呢個菜每次黎都會點，因為實在太好味！芋香炸到外層金黃脆口，芋蓉嫩滑，而鴨肉夠香口，肉質又嫩，每次食完都會齒頰留香！再來黃金荷葉包三件 $114，個包炸到外脆內軟，而豬肉餡料肉質夠嫩，好味！甜品有薄荷枇杷凍$38、桂花陳皮燉雪梨$48及建蓮雪耳湯$38，三款都好滋補，個人比較喜歡薄荷枇杷凍，清爽潤喉。由於我地食午餐1:30後，客人較少，服務周到有笑容！