莆田 (港威商場)

营业中

休息中

Has booked a table of 5 via Openrice, but the restaurant missed our booking although we had arrived and presented the QR code. We have been put in wait for more than 30 minutes and being told that they overlooked our booking. Very disappointed with their poor management of table booking.Ordered set dinner for 4 people and the Singaporean dishes are good and up to standard. But just disappointed with the table management services.

🎊🧨🎊🧧🎊🧨🎊莆田新春套餐推出喇必食超班新春盆菜✨新春如意2人餐 $888🧨風生水起•煙三文魚撈起以煙三文魚為主配料，加入多種特製醬汁及香料，搭配了色彩繽紛多彩的紅白蘿蔔、青紅椒、柚子肉等，每一種都有特殊好意頭，絕對係開場必食，最熱鬧最有氣氛的菜式！*莆田的新春「撈起」可隨時外帶回家*🧨盆滿缽滿•鮑魚大蝦盆菜 必食新春盆菜！盆菜之食材經過煎、炸、燒、煮、燜、滷等手法烹調，食材包羅萬有，包括莆田南日島的八頭大鮑魚、莆田哆頭村的蟶乾、原粒日本80頭大瑤柱、豬婆參、大蝦、鵝掌、豬手、花菇、福州魚丸等，超級豐富！湯汁更以老母雞、鴨掌、豬後腿肉、蠔乾等十多種原材料熬煮以成，非常入味🧨鴻運當頭•海皇魚翅羹湯料豐富，有魚翅、花膠、蝦肉，金華火腿，每口清甜鮮味🧨萬事勝意•鮮貝燴絲瓜 絲瓜完去皮，嫩滑鮮甜🧨媽祖平安麵媽祖平安麵，新春佳節寓意平安吉祥，海鮮鮮味十足，每條麵條沾滿鮮味高湯，讚🧨甜甜蜜蜜•桂圓銀耳湯秋冬滋潤糖水，味道清香淡雅，清甜潤喉，為這頓新春盛宴畫上完美的句號莆田 📍尖沙咀廣東道3-27號海港城港威商場地下G103號舖

新一年祝大家新年快樂，身體健康心想事成，最緊要係風生水起盤滿缽滿！講一大堆都唔夠食返一餐咁滿足。星加坡米芝蓮一星，服務真係唔錯唔錯。✨風生水起•煙三文魚撈起有時食嘢梗係要食返個意頭，呢一碟撈起就啱晒新年嘅頭道菜式！整個撈起嘅概念完美地呈現咗起品嚐嘅過程當中，職員非常熱心，會把煙三文魚、脆片、紫菜脆片再淋上麻油、芝麻、花生粒，落每一款嘅食材職員更加會講出吉利嘅說話，希望今年真係風生水起啦！✨盆滿缽滿鮑魚大蝦盆菜 繼續拎個好意頭，12種食材分別經過煎、炸、燒、煮、燜、滷等烹調手法，層層裝盆而成！包括：南日島的八頭大鮑魚、哆頭村的蟶乾、原粒日本80頭大瑤柱、豬婆參、大蝦、鵝掌、豬手、花菇、福州魚丸！而個湯底一啲都唔鹹，但係帶着濃郁嘅香氣，根據職員所述，餐廳用左老母雞、鴨掌、豬後腿肉、蠔乾等十多種原材料熬煮成湯汁！鮑魚入味，鵝掌同豬手超腍，海參骨膠原滿滿，口感好Q彈而且好厚身。心入面即刻覺得如果有碗飯就已經好足夠。✨鴻運當頭•海皇魚翅羹小編平時都唔係太鍾意食羹，因為嫌佢會好粉好滯肚，但係餐廳嘅呢一個海皇魚翅羹就好合我嘅口味，裏面料多過湯羹！啲魚翅完全係可清晰可見，仲有個金華火腿真係好夠鹹香！✨

月尾就新年啦🧧,我自己就喜歡意頭嘢~所以去咗莆田食佢哋嘅新年套餐,因為有得一齊撈起🥢!我呢個人如意套餐,佢嘅煙三文魚撈起除咗有意頭🐟~其實味道都唔錯,啲蔬菜絲清清爽爽🥬~侍應姐姐仲會一邊落配料一邊講恭賀說話~同長輩一齊去實啱心意👵🧓~套餐仲有海皇魚翅羹同埋乾貝燴絲瓜🥒~我自己平時嚟莆田食都會叫呢個絲瓜,鮮甜好味😋~另一個重點就係佢哋嘅盆菜🫕,有鮑魚,有蝦有海參~件鮑魚仲好肥厚同埋入味🦪~一個套餐食齊鮑參翅肚,真係好豪氣呢🤩!主食有個媽祖平安麵🍜~然後再食埋甜品桂圓銀耳湯🥣~幸福長壽,甜甜蜜蜜一整年🥰~

莆田海蠣節又嚟啦，7種食法，一次點倆只需 $218，真係好吸引。辣子鮮海蠣海蠣份量多，每粒都肥美飽滿，鮮甜美味。而外層就非常酥脆，微麻微辣口感好過癮😋。九層塔香燜海蠣海蠣份量多，每粒都炸得外層酥脆🥰，然後加上九層塔、薑🫚、蔥、蒜🧄及其他味料回鍋再燜，味道特別香口入味，也更突出海蠣嘅鮮美😋。滷水豆腐 $58鬆軟入味，滷香味道濃郁😋。閩南五香卷 $68豆皮包肉餡，餡有爽馬蹄，先蒸後炸後外酥內軟😍。蒲田荔枝肉 $98猪肉🐖炸得香脆鬆化，肉質彈牙有肉香味🥰，醬汁酸酸甜甜帶荔枝香味，味道清新醒胃又好食😋。興化炒米粉 $118選用非常幼身的米粉，加上豐富的食材，有蝦仁🦐、帶子粒、碎肉、蜆肉🦪、洋蔥🧅、花生🥜、冬菇🍄及雜菜🥬一齊炒，炒得乾身又無油，味道鮮香又豐富😋。

朋友知道我想食海蠣煎之後，即刻帶我去咗一間餐廳，原來係連續多年獲獎嘅米其林餐廳——莆田❤️睇咗下菜單，發現全係福建特色美食😍就連海蠣煎都有七種做法之多，好吸引，感覺樣樣都想點一份呀~🥳佢哋嘅特色海蠣煎，真系好好味，朋友真系冇呃我。煎蛋外表金黃焦香，海蠣肉好飽滿又新鮮，份量又大，加上店裡特製嘅辣椒醬，🌶️真系又香又鮮美。💖除咗海蠣煎，仲有黃花魚味道鮮香，😋石鍋滑豆腐香滑可口，芋香鴨配料又多又滿足！

📍莆田 🔍尖沙咀廣東道3-27號海港城港威商場地下G103號舖-----聖誕節要返工，收工想避開人潮特登去食中餐，結果黎到發現中餐都幾乎滿座，好彩都算收得早，等咗一陣就有位坐。🦆閩南薑母鴨薑母辛香與鴨肉香氣相輔相成，鴨肉質感緊實，食落有種溫潤感，好適合冬日進補。 🥢辣汁花蛤辣度恰到好處，不會過於刺激，反而讓花蛤鮮味更加突出，花蛤肥美亦無沙。 🥢海蠣節兩道菜式：九層塔香燜海蠣 & 黑松露海蠣燒豆麵（7款海蠣菜式，$218自選兩道）新鮮飽滿嘅大粒海蠣，搭配九層塔獨特香氣，調味好台式Feel，而且炸皮夠薄身，炸完之後再焗煮，令外皮帶點煙靭；黑松露海蠣燒豆麵嘅豆面好軟滑，口感類似薯粉，加上鮮甜海蠣，及濃郁黑松露，非常惹味。（前者用大粒海蠣，後者用細粒海蠣）🥢金湯時蔬（豆苗）金湯帶有濃厚鹹蛋黃的香氣，與嫩口的豆苗結合，令整體口感更加豐富。鹹蛋黃嘅濃郁同豆苗嘅清甜非常夾。🥢豬蹄凍入口膠質感滿滿的，冰冰凍凍，搭配的調味醬汁酸甜酸甜的，幾開胃。

今日去咗位於尖沙咀港威商場嘅莆田食飯，適逢聖誕假，莆田都好好生意啊，我哋都等咗一陣位先至有得入去食。最近莆田就推廣緊佢哋嘅海蠣餐牌，包括有海蠣煎，蒜青炒海蠣等。蒜青炒海蠣依家道菜用咗唔少嘅海蠣，海蠣雖然唔算好大隻，但勝在數量較多，肉質都幾飽滿，入口仲有肉汁添。鮑魚紅燒肉紅燒肉口感略為韌，鮑魚就吸收晒成道菜嘅精華，入口爽口彈。原汁焗排骨依家度餸係我全晚最鍾意嘅，非常之有新加坡風味。排骨煮到非常之腍，有胡椒香，入口仲有少少脂肪嘅香味。桂花陳皮燉雪梨呢個甜品我非常之欣賞，用上完個雪梨，入口清甜。加上呢度甜品用咗陳皮調味，令到味道好豐富。整體嚟講，我覺得今餐嘅食物質素非常之好，佢哋新出嘅原汁焗排骨真係好好味。

莆田主打新派福建菜，佈置時尚優雅，大廳中央懸掛著球形燈飾，柔和的照明效果，加上淺木系傢俱，感覺雅致。被大閘蟹佳餚吸引著，點了性質比高的二人餐，令人食指大動! 豐富二人餐 $398精美雙拼雙拼是滷水豆腐和筍片，白滑的豆腐充滿滷水香味，口感滑嫩，筍片清爽開胃，是滋味開端。百秒黃花魚（位上）黃花魚以熱鍋盛上，魚肉鮮味柔嫰，再呷一口熱燙的魚湯，鮮甜䁔胃。魚肉雪白、滑溜，美味鮮香。莆田荔枝肉豬肉粒外脆內軟，質感軟腍酥化，加上清甜的荔枝肉，酸甜肉汁醒胃，還有三色椒，增添味覺享受。金湯時蔬嫰綠的菠菜，掛上金湯，濃郁的鹹蛋黃及皮蛋香，濃稠可口，菠菜的鮮甜突出，令人感到滿足。興化炒米粉炒米粉爽口而不油膩，搭配豐富的海鮮配料，大蝦、海蜆、肉碎及洋蔥，口感豐富。伴以脆卜卜的紫菜及炸花生，香氣撲鼻，帶來純樸的溫暖感。建蓮雪耳湯（位上）雪耳滑不溜口，甜度清香怡人，紅棗沁出清純甜香，滋潤乾涸喉嚨，非常適合餐後享用。油煎大閘蟹 $138煎封後的大閘蟹，上枱時熱騰騰，蟹膏更顯濃郁，入口淡淡的煙熏香。打開蟹蓋，蟹肉的鮮甜，加上細滑濃郁的蟹膏，像鹹蛋黃的甘香，令人陶醉。

朋友突然想食大閘蟹，在網上尋找後，最後就決定到她公司附近的「莆田」試試。餐廳環境開揚，燈光明亮，設計簡單中帶點現代風。而店員們的友善服務，值得一讚！😋是日選擇：1️⃣冰浸苦瓜🍽苦瓜脆嫩，味道清新，每一口均有清涼感。2️⃣清蒸大閘蟹（奉送薑茶）🍽鮮美的肉質，濃郁的蟹膏，讓人回味無窮。3️⃣脆皮蒜香雞（半隻）🍽表面金黃酥脆，蒜香味濃，內裡肉質鮮嫩，略有點點鹹。4️⃣酥炒芋芯🍽香脆的外層，粉糯的芋芯，鹹中帶甜，很有風味。5️⃣蟹黃炒米粉🍽蟹黃鮮香，配料十足，米粉炒得夠乾身。

莆田上秋大閘蟹開季了除咗清蒸大閘蟹有幾款大閘蟹為主既菜式清蒸大閘蟹清蒸大閘蟹熱辣辣新鮮蒸起，好多膏好creamy 鮮味。蟹皇炒米粉米粉乾身爽口蟹皇鮮甜口感豐富仲有好多其他海鮮配料。普寧豆醬焗鰻魚鰻魚肥美肉厚配上普寧豆醬特別惹味。芋香鴨呢味餸我每次都點但每次都咁好味，外層鬆化芋泥包住鴨肉。鴨肉咸香夾埋芋泥食落唔會有油膩感。特別一提餐廳而家有糖水送。只要收藏+打卡點評就有兩款糖水任選一款我哋要咗枇杷涷原個枇杷啖啖肉再配上枇杷涷生津潤肺

✨清蒸大閘蟹又到食大閘蟹當造季節 大閘蟹夠新鮮 簡單清蒸原汁原味蟹肉鮮甜 蟹膏甘香軟糯 大滿足✨熟醉大閘蟹大閘蟹好多膏 蟹肉鮮甜 蟹膏甘香 白膏軟滑黏糯酒味温和 淡淡酒香 帶微甜另外堂食大閘蟹 會奉上薑茶一杯 熱辣辣 甜味足 薑味濃帶辣 ✨蒜蓉豆豉蒸鰻魚鰻魚肥美厚肉 肉質爽實 加左蒜蓉豆豉蒸 味道鹹鮮惹味✨莆田荔枝肉有啲似咕嚕肉 上粉夠薄 外層酥脆肉質軟腍 沾上酸甜醬汁 配料有清甜荔枝同三色椒總結：食物可以 環境唔錯舒服好坐 服務好好 價錢可以

餐廳主打正宗閩菜、海鮮及中式小菜，近期推出大閘蟹套餐，除咗提供唔同煮法嘅大閘蟹之外，更將食材加入原本嘅菜式，為顧客提供高質量嘅美食體驗。尖沙嘴分店地方闊落，樓底高，服務態度友善，而且地點夠晒方便，適合團聚。前菜有滷水豆腐，估唔到用鍋上，仲有火熱住，豆腐鬆軟入味，滷香味濃郁，偏鹹香，適合配飯。閩南五香卷最近新推出，採用先蒸後炸嘅方式烹調，以豆皮包住肉餡，餡料有脆馬蹄，外皮酥脆，薄身，咬落爽脆，調味適中，值得一試。大閘蟹可以選擇以清蒸、熟醉或油煎嘅做法。煎封嘅蟹膏馥郁帶淡淡煙熏香氣，超級鮮甜，蟹肉啖啖肉，食完之後仲會附上暖笠笠嘅薑茶，超級貼心。小食有黄金荷葉包，見唔少人點，麵包好香，外層酥脆，夾住鹹香肉絲條都幾Match。主食推介閩南姜母鴨，古法砂鍋燉製，香氣撲鼻而來，鴨肉焦嫩入味，上面仲有姜片可以搭配住食，性價比高。酥炒芋芯可以當係甜品都得，外層炸至酥脆，帶焦香氣，內裏軟糯，微微甜度，趁熱食仲好味，滿足嘅一餐。

踏入秋冬，大閘蟹又開季喇！莆田大閘蟹新餐目完美細嚐螃蟹之鮮。必食清蒸大閘蟹！來自江蘇的大閘蟹，蟹膏金黃甘香，蟹身飽滿，蟹肉鮮味，一口綿密的蟹黃，令人回味無窮，獨有既醇香，真的很棒百秒黃花魚到店必點！革命性的突破！只用100秒，蒸熟一條魚！原條黃花魚呈上，魚肉嫩滑鮮味，新鮮香甜辣汁炒花甲惹味精選！微辣醬汁帶有東南亞風味，完美帶出花甲之鮮，花甲飽滿鮮甜絕無砂石，讚！大白菜燉軟豆腐湯底以大骨高湯熬製8小時，大白菜清甜鮮嫩，配上豆香濃郁的莆田自製農家軟豆腐，果然非同凡響，整體鹹香鮮味，吃岀故鄉的味道莆田📍尖沙咀廣東道3-27號海港城港威商場地下G103號舖

必食招牌菜蟶子-尖沙咀莆田呢間餐廳招牌菜係蟶子，點都要試吓，好新鮮㗎😊隻隻脹卜卜，所以點咗三款😂點咗一款鐵板鹽焗蟶，另一款係用蒜蓉蒸，最惹味係椒鹽，仲有炸茶樹菇👍🏻最鍾意食係椒鹽個款，好香口但又唔伯炸到太乾😂其他菜式都好吸引㗎，好似芋頭控必食既芋香鴨，滷水豆腐都好正，索哂D汁☺️最後點咗甜品桂花雪梨，真係好滋潤，為今餐畫上完美嘅句號😉仲有襟章送😂蟶子咁既樣