荳子 (海壩街) (已結業)

聽講呢間野七點之後就會好多人於是我地就六點幾已經去等位可能仲好早所以都未有太多人可以就甘入去臨坐低前我地都有同店員講七點半先齊人 但佢地都好好照比我地入去坐 ! 不過就叫我地嗌住野飲先最後我地嗌左幾樣野小食拼盤 等到人齊先食所以凍左如果唔係既話應該會更好味黑松露軟殻蟹意粉好濃黑松露味千島醬蟹棒蟹子帆立貝pizza我覺得一般但啲朋友話正車打芝士薯條呢個因為跟餐所以加25蚊就有係幾好味但就真係要趁熱食如果唔係就會好膩抹茶流心吐司抹茶味雪糕好濃竹炭吐司好香脆配埋d雪糕食真係正點野飲方面我嗌左杯hazelnut chocolate外形係幾吸引不過飲落無乜hazelnut味道另外仲有焦糖香蕉窩夫切片香蕉上面舖左焦糖幾match!

《Beans》🔹卡邦尼黑松露煙肉意大利粉 $98🔹忌廉汁鮮蟹肉蟹棒蟹子意大利粉 $88🔹車打芝士薯條（小） +$25🔹Iced Americano -♦️卡邦尼好滯 黑松露個人覺得唔夠 普普通通♦️忌廉汁ok嘅 但蟹肉太小 唔抵食♦️芝士薯條份量都唔小 芝士又夠👍🏻♦️아아 咖啡唔錯-byT: 7/10instagram: 90sfoodieshare

食完晚飯覺得唔夠喉，再同友人去咗beans，諗住食多個甜品傾陣計。我地兩個人即係有三個甜品share， 一邊有拿破崙，cream burleè同 梳乎厘。拿破崙有三層酥皮中間夾著吉士，酥皮充滿牛油嘅香味，就算擺咗成日喺雪櫃都冇雪味，我地好快就清晒。梳乎厘即叫即焗，黎到嘅時候充滿着蛋香，入口就好似食緊棉花一樣入口即溶。法式焦糖燉蛋加入咗 雲呢拿，蛋味亦夠濃，入口非常滑溜，唔會覺得太過火，上碟前師傅喺面頭瀟左啲糖，再燒成焦糖，熱熱地嘅焦糖加埋凍嘅燉蛋食一冷一熱口感特別。

今日放半日假去body check，餓得太耐，決定要食餐好慰勞下自己! 🤗黎到係5點，唔洗排隊就可以直入，實在太好喇! Lunch menu 由11點至6點，啱晒就黎餓暈既我! 叫左黑松露軟殻蟹意大利粉、凍檸檬蜂蜜，再加$25芝士肉醬薯條。黑松露軟殻蟹意大利粉 - 一擺上枱已經聞到好香黑松露味，每條意大利粉沾滿濃郁醬汁，甜甜地，而軟殻蟹炸得香脆，好多汁又多肉，雖然意大利粉食多左會覺得漏，但飲返啖凍檸蜜就啱啱好! 👍芝士肉醬薯條 - 新鮮炸起既薯條，唔覺熱氣，芝士好香又夠多，但唔見有肉醬既!?其實已經食過幾次 Beans，今次都係第一次食正餐，估唔到連意粉都ok wor! 👍👍 lunch set 價錢唔貴，如果唔洗排隊，一定會再黎! 😊

聽人講好好食...見到d comment 又咁多like!流既大佬...杯野飲好難飲！野食都好一般！員工態度又麻麻！有d無耐性～～～～如果要排隊或者特登入去都咪攪！

星期六放假，當然離唔開食 & 瞓 去左呢間平日最少排半粒鐘既cafe! 4點半呢個時間竟然唔多人之前試過黑蒜、蜆肉意粉、帆立貝、白酒意粉，呢個意粉個名好長，料好足！ 意粉有口感，白酒汁輕輕掛上一條條意粉上，最令人欣賞。熱檸檬蜂蜜～ 養生啊.. 輕甜解渴實在肚餓🙈🙈order 左呢個Deluxe All Day English Breakfast !喜見水泡窩夫質感軟軟綿綿，香香蛋味，完全對佢一見鍾情！亦係飽肚既不二之選！

第二次黎到，叫左個all day breakfast 同凍的雲呢拿咖啡，個all day breakfast 好好食，蛋重黑松露的味道，冬甩窩夫暖暖幼滑，酷似甜品，點上cream有畫龍點睛的效果。個凍雲呢拿咖啡都好香濃。

平時經過路邊，見到好多人排隊，今次終於去到 ，正午時段係出面熱左一陣，終於入到去啦。叫左個蟹籽忌廉蟹肉意粉，份量都夠飽，忌廉汁準確地鎖住意份周圍，啖啖蟹肉味，去其他人點all day breakfast，下次試下。夏天係室外等位都幾攞命，佢無特別限時好值得一讚，下次會再去。

每一次去到荃灣，都會諗起beans呢間西式咖啡店。而我每次都會點呢一個有waffles嘅all day breakfast！呢個waffle係冬甩形，裏面煙煙韌韌，出面有微微嘅焦味，真係幾特別，而焦糖香蕉更令整個combination嘅味道層次提升。

位於海壩街ga Beans, 係意西fushion 菜 必點軟殼蟹黑松露意粉除左軟殼蟹勁香脆之外黑松露的味道配上意粉亦剛好有唔食黑松露的朋友會覺黑松露似火水味但呢款完全沒有這種感覺南瓜XX 意大利飯覺得呢個意大利飯實在太硬了但味道係唔錯的同場加映似LC 的杯, 顏色好靚小食拼盤: 炸洋蔥圈, 炸薯條配肉醬, 香辣黑啤單骨雞翼 & 蜜糖單骨雞翼炸物全都好好味~尤其單骨雞比一般雞翼更入味帆立貝蟹子蟹棒pizza帆立貝係獨立開的, 並沒有混進pizza 味pizza 配上蟹子蟹棒& 沙律醬已經好好味了來Beans 絕不能錯過甜品因佢ga 甜品款式係其他地方食唔到最出名係後面ga 培茶cream brulee茶味ga cream brulee 好特別用上培茶但又擁有cream brulee ga 質感加上內裡有少少玄米, 完全畫龍點睛最後仲有朱古力窩夫~說實話我覺得窩夫挺貴的小小的窩夫配上牛奶公司朱古力味雪糕就要 ($5X) 食完心心念念想再去食~

同友人黎到荃灣beans食午餐，唔洗等之下就入去坐左係玻璃窗邊，幾舒服既環境，又無話好噪，叫左個蟹肉同煙三文魚蜆意粉，驚唔夠飽仲加左個薯條。 上到黎都擺得幾靚，同好香濃既味道，兩個都好鮮好好味，薯條就新鮮炸起啦無咩好特別，叫左兩杯野飲，杯朱古力好香好正，好提神又好好飲。總結都係一間值得再去既餐廳

約了好朋友到荃灣飲飲食食，決定要食好西！荳子一路都好想試，但成日都見佢大排長龍因而放棄，以前係荃灣番工番了好一段日子都竟然未試過！今次見佢門口人吾太多就決定去朝聖啦。荳子分兩間小店，一間叫BEANS, 另一間叫BEANS CORNER。其實兩間舖是相連的，不過就沒有打通。排隊等位也要分開排，於是大家都會分開兩邊排，分散投資。個人認為一條隊排晒兩間店會比較有效率，也比較公平。排了半個鐘左右，終於有得入座！左揭右揭餐牌，我的選擇困難症開始發作了，好多款式都想試呢😋😋1、黑魚子煙三文魚蜆肉意大利粉意大行粉口感al dente, 配以cream sauce 味道剛剛好。蜆肉也算肥美新鮮。值得一試！2、流心綠茶芝士撻，綠茶雪糕，綠茶貝殼蛋糕對於我呢個綠茶控來說簡直就是不得不試吧！ 甜品放在黑盒子上，盒子內擺放了乾冰，所以在上菜時做出煙霧瀰漫的效果。特別推介流心綠茶芝士撻，芝士不但沒有遮蓋綠茶味，反而兩者協調得很好，內裡流心配外層鬆脆的餅皮。綠茶雪糕上配以焦糖脆脆，增加口感和層次！呢道甜品十萬個like 😍😍3、玫瑰荔枝疏打，熱情果沙冰飲品雖然細細杯，不過賣相很精緻，一於相機飲先！整體而言，味道很

夜晚7點去到已經勁多人排緊隊店舖入面唔算大，但坐滿哂人睇黎大家都好識食哦😏😏😏------------------------------🌟Beans小食拼盤 $108入面有焦糖雞翼 香辣雞翼 洋蔥圈 肉醬薯條雞翼係單骨雞翼黎架😍樣樣都非常香口單骨雞翼更加方便我地唔想係街用口拆骨食雞翼嘅lazy piggie 😆😆------------------------------🌟千島醬蟹棒蟹子帆立貝薄餅 $88加$25有馬達加斯加雲尼拿子拿破崙（原價：$42）薄餅上面有大大粒嘅帆立貝😀😍芝士同蟹子都好足料👍👍------------------------------🌟馬達加斯加雲尼拿子拿破崙拿破崙甜品亦係大大加分外面非常鬆脆內裏creamy都不行了絕對可以encore😛

荳子係荃灣既熱點餐廳，今次特登揀下午5.6點呢d青黃不接時間同fd食，先至可以坐得舒適。荳子有三本menu, 一個正餐，一個甜品，一個飲料。如果係第一次食，一定要試下個黑松露軟殻蟹意粉，個意粉係al dente ，配上濃郁既黑松露，洋蔥，蘑菇做成既醬汁，口感非常之rich，食落啖啖滿足。至於個軟殻蟹，炸過先上碟，入面有蟹黃，配上個意粉，真係一碟就飽。甜品又係另一個要點，我試左個 玉露·蘋果金寶。佢個做法係用綠茶粉沾滿個crumble，綠茶粉應該係用宇治小山園出品，另配一球綠茶雪糕同一管綠茶汁。綠茶既甘味同Apple crumble 既酸甜好夾，中和左個甜滯感，呢種配答都係第一次食，推介

第一次食係荳子岩岩開個陣。話咁快就開左幾間分店。好耐無來食荳子，但想食意粉又想食甜品的話，中價位來講荳子確實係相宜既選擇～1. 黑松露軟殻蟹意粉非常好味，黑松露味道濃郁，軟殻蟹亦能維持脆卜卜既口感。睇落去好細份，其實兩個人食都夠。2. 小食拼盤有肉醬薯條、兩款單骨雞翼、洋蔥圈，味道不俗，特別係兩款雞翼。洋蔥圈就表現不過不失啦，如果鍾意食雞翼既話建議就咁嗌會平啲～3. 飲品諗唔到飲咩好就叫返有3D art既latte~想當年荳子就係靠佢打出名堂不過今次飲係有少少失望既雖然嗌得咖啡，對味道都無咩要求不過一擺低都明顯見到同以往唔同啲奶泡都無咁穩，個公仔好似隨時會消散唔見而奶就過多，應該係打奶打得唔夠耐不過都要讚下個造型係勁得意～仲要有兩隻熊熊非常有心思4. 抹茶流心吐司唔記得全名係咩，大概係咁啦。一見到已經覺得好靚～甜品特別用黑色既麵包，再加一啲綠茶曲奇碎同雪糕，少量莓類，綠茶味十足烤過既麵包配埋綠茶流心同雪糕，口感好好，真係值得一試5. 店員服務態度好又專業，唔洗用筆寫都記得哂點左啲咩食，會主動問洗唔洗上甜品，禮貌又好足希望可以改善既係吧枱位冷氣問題。唔知係咪射燈既關係，熱到不得了