荳子 (新城市中央廣場)

营业中

休息中

🙊家私廣場之旅I沙田家私廣場出名ikea肉丸, 以前和民、大快活陸續撒出，換來一間連鎖文青咖啡店，假日午市門外人龍絡繹不絕，店鋪佔地寬廣，有內有外，有意粉有蛋糕，又有沙田的文氣，確是可以撐起整間Home Square。高檔餐飲同樣做起抗疫外賣自取優惠，點了黑蒜蜆肉帶子白酒意粉+ $25芝士醬薯條 + $25(原價$42)蛋糕 紅苺醬拿破崙蛋糕主食意粉有黑蒜，有蜆肉，有迷你帶子，熟洋蔥加少許綠葉，配合the Greenhouse主題，蜆肉帶子有海水的味道，黑蒜酸咪咪，整體不俗，但白酒失蹤甜品完全是糕餅店水準，外表精緻，酥皮脆，粉紅慕絲微甜, 互相配合得天衣無縫薯條雖然是外賣，但即拎即食已經淋支支，僅比麥當當粗些許，芝士醬一盒黃黚黚，沒特別惹味

陪女兒去沙田政府合署續領護照，又想趁機逛逛IKEA,順便在這商場搵食，5樓只見到三間食肆，兩間日式既及這間。呢間Beans已經見過一段時間，但、次次都排曬長龍，見到條人龍都會掉頭走人，奈何想嘆杯咖啡，唔想食日式的，唯有乖乖地排隊，可能因為係下次4點的關係，人龍唔長，等第四張，大約10分鐘，便輪到我們。我叫了黃金蟹肉意粉(味道ok，多番少少汁更好，很怕食乾爭爭既嘢)，亞女叫了牛油果意大利飯(我試了一口，硬堀堀既飯，真係好唔習慣，但、我當然明白唔係食物問題，係我個人口味問題。)飲品，我叫了咖啡，亞女叫了凍檸蜜，飲品ok既。另跟餐加$25可選沙律或甜品，我們叫了Cake嚟食，分別是Green Apple(味道麻麻，又不夠滑)同Everest(咖啡味濃，Mousse好滑)。二人埋單共$215，沙田區較企理既餐廳嚟講，有埋主菜、飲品、甜品，咁既價錢係超抵食的，但、食物又沒想像中出色。

最近大家都避免出街食飯，多間餐廳都有提供外賣自取優惠。Beans 都唔例外，外賣自取 7 折優惠，所以我毫不猶疑就揀咗佢！佢嘅 Lobster Roll 平時要 $172 先食到，通常覺得好貴就揀咗其他野食，今次見佢有 7 折就試下啦！呢個 set 包咗一碗迷你龍蝦湯、炸薯條、少許伴菜同埋重點嘅龍蝦卷。碗迷你龍蝦湯真係夠晒迷你，但其他分量都好足。淨係睇下份龍蝦卷，成個龍蝦頭放咗喺度夠晒睇頭，而且 lobster roll 入面都係啖啖龍蝦肉。真係超抵食，唯一美中不足嘅地方係外賣薯條會淋咗！另外我都仲叫咗一份  all day breakfast。同其他餐廳唔同，平時嘅烤多士會轉咗做兩個甜甜嘅 donuts waffle，幾鬆軟㗎！外賣到會配埋忌廉俾你，有夠貼心呢！

假日出開去沙田，見到呢間都幾多人食下，就諗住話去試下，屋企附近都有一間，但係未得閒去試，就先試左係沙田呢間，下次試埋屋但附近果間就可以對比下有咩吾同了。呢間似係cafe形式既餐廳，好像係all day breakfast 比較出名，我地一行幾個人就每人叫左一樣食物，諗住大家一齊share黎食，首先叫左個卡邦尼黑松露煙肉意大利粉，一睇落都吾會好伏，而且比較常見既意粉，食落都吾錯既，不過不失，最重要食佢果種gas味，的確係吾錯既~我地仲叫左個all day breakfast, 焦糖香蕉熱烘窩夫全日早餐，偷食左啖窩夫都吾錯既，不過佢窩夫好像donuts, 焦糖香蕉甜甜地，都吾錯既，燒得個焦糖都幾香脆，好邪惡啊～甜品方面叫左個caramel banana waffles, 佢個焦糖香蕉認真吾錯，價錢吾貴，食落都幾大份，岩曬我地三個人share黎食，waffles 今次係蜜糖味既，少少甜，加埋旁邊既雪糕一齊食，更好食。呢間吾錯，食落既野食都幾好食，價錢又吾算太貴，all day breakfast 係套餐，連野飲既，得閒試埋附近果間，希望吾洗排隊♡

嚟咗沙田行下街🚶🏻‍♂️又有啲high 當然要搵下間黃店休一休🍽食吓飯咁 見咁多人排隊支持 當然都要排埋一份子啦💪🏻入面嘅裝修都好靚 擺放咗好多花盆🌿俾人嘅感覺都好舒服☺️--卡邦尼黑松露煙肉意粉 $92🍝一上到枱個陣黑松露味就已經嗅到好大浸味同好香😋而且勁多汁 不過好可惜食起上嚟個浸黑松露味就比較淡咗啲😌如果浸味濃啲就好啦--火炙西冷牛扒漢堡 $128🍔佢呢個漢堡有得俾我哋揀幾多成熟💁🏻‍♂️於是乎就揀咗5成熟去試吓先 另外都欣賞佢會幫我哋切埋塊牛🥩令我哋食落去都唔會咁麻煩 仲有啲薯條同沙律菜 整體上都唔錯🤤--香辣單骨雞翼 $54🍗呢款小食有少少微辣 所以食起上嚟都好惹味 味道唔錯😋不過美中不足嘅係隻雞翼有啲細隻大食嘅朋友仔就會食得唔夠喉😌--📍 荳子 (沙田)沙田鄉事會路138號新城市中央廣場5樓503號舖

最近屋企要買傢俬因此去咗位於沙田新城市廣場隔離嘅HomeSquare行吓行吓行到好肚餓又咁啱見到有beans 印象中佢哋嘅下午茶都幾豐富所以就入咗去試吓叫咗一個oreo 流心麻薯吐司一切開 見到入面嘅流心流出黎真係好驚喜另外入面嘅吐司都覺得好軟熟絕對值得一試

沙田少有既黃店，每次黎都排長龍。#Peking Duck Bun北京烤鴨放入漢堡包入面，雖然烤鴨皮已經唔脆，但醬料濃郁，配包又幾夾。甜品永遠冇令我失望! 又靚又好食!#Apple Crumble即叫即焗，配上香草味雪糕，蘋果酸甜，面層既餅碎鬆脆。#Green Tea Waffles窩夫外脆內軟，好多配料，有抹茶同香草汁，中間個球以為係雪糕，其實係番薯球，仲有抹茶雪糕同抹茶crumble，隔離有蘋果提子醬，有啲似apple crumble既饀。#Earl Grey Tea Toast非常推薦，一切開非常流心，食到earl grey 既苦澀，又比上面既雪糕中和翻。一苦一甜，一冷一熱，好豐富。

今日出左沙田宜家傢私行街！順便落埋去the beans tea一tea🤫雖然疫情關係 但仍然好多人 重需要等位呀🌹叫左兩個lunch （一個軟彀蟹黑松露意粉&白汁蟹肉意粉）兩杯咖啡跟lunch 特飲減$8👍🏻唔洗多講 e間出名好食不過太飽 食唔到cake!好可惜

.性價比指數: 🌕🌕🌕🌕🌑好味指數:🌕🌕🌕🌕🌕服務指數: 🌕🌕🌕🌕🌑環境指數：🌕🌕🌕🌕🌑.-.下午茶套餐 $58✦伯爵茶流心吐司 配 ✦ 美式咖啡梳打+ 是日蛋糕 Everest $25Total: $83 + 10% = $91.-.✧ 伯爵茶流心吐司一刀切出驚喜！麵包烤得極奇地脆，切落去已經聽到脆脆既聲音，當差唔多切到落底，流心馬上湧出黎，我必需要用個「湧」字先形容到！可惜當日我得一個人影唔到果下。.餡料主角當然係伯爵茶，茶香味濃唔會過甜，而且可能考慮到客人全程只食到麵包同流心料會悶，中間竟然曲奇餅脆脆！夾埋面頭既雜莓同雲尼拿雪糕，簡單係一物多食。.值得一講係，我食野非常慢，臨尾既吐司都浸住左啲餡料一段時間，但竟然都依然脆，非常驚喜！.❖評份：🌕🌕🌕🌕🌕.-.✧ 美式咖啡梳打❖我好鍾意飲Espresso Tonic, 呢個咖啡味香，但對我黎講略淡，而且梳打唔太夠氣。❖評份：🌕🌕🌕🌕🌑..-✧Everest（瑞士蓮白朱古力咖啡慕絲、海鹽焦糖忌廉、咖啡蛋糕）完全係因為佢係靚先叫，我係唔鍾意食白朱古力既。成個蛋糕唔太甜，外面既白朱古力，對我黎講，陣味膠膠地(不過唔係間餐廳問題，白朱古力個

凱撒沙律配軟殼蟹炸軟殼蟹子碟大約2隻油左少少 一咬落口d油咇哂出來 沙律菜新鮮 調味唔錯配 3大塊搽左牛油既法包係一個main course 係份量海鮮湯入面有蝦 蜆 帶子賣點係濃 但飲落唔算濃少少失望香辣單骨雞翼炸耐左少少 所以有d乾唔太辣 黃金蟹肉意大利粉有d似加左蛋黃既carbonara好味道 值得試 GAT （推介）上枱既時候有乾冰既霧飄出來 賣相好靚 要影相就要快手甜品既主角係桔仔賣相既炸物橙色個皮煙煙韌韌多 有d似煎堆既口感入面包住奶黃 點少少柚子醬食 好match 唔會好膩 另外配有乳酪雪糕味道似益力多 而且有d冰如果有真 乳酪雪糕更好

哈密瓜巴馬火腿配陳年黑醋哈密瓜比我想像中細塊，火腿就肥瘦差不多，配埋少許薄荷葉一齊食更佳，但有點油油的。黃金蟹肉意大利粉濃濃的鹹蛋蟹肉味，當中除了有蟹肉，還配有少量的菇，吃起來也不會太乾，味道不錯，每次都必點。香燒八爪魚意大利飯第一次試這個飯，完全意想不到條八爪魚咁大咁多，有咬口，但不難咀嚼，飯也是適當的軟硬度，不錯。飲品可以免費加配檸檬蜂蜜/黑糖薑母茶/普通裝美式咖啡，凍熱同價，叫左杯凍嘅檸檬蜂蜜，不會太甜，剛剛好👍🏻

一次過分享下兩次的用餐體驗先！第一次係新年個陣食過黃金蟹肉意大利粉，個蟹殼應該係假嘅😂，裝飾品。啲意粉好香，好多蟹膏既感覺，好食！份量都好多，我地兩個人食都夠。Matcha latte 都好有抹茶味。新年期間限定甜品GAT！呢個真係好有驚喜，賣相又靚，見到都開心，好有賀年氣氛😆😆佢好似茶樓鹹水角咁，個皮好煙un ，裡面係蛋黃奶油，仲有雪糕配埋，好正😋😋😋👍🏻法式焦糖燉蛋，首先個賣相好靚，仲要有朱古力蛋糕，燉蛋好食😋😋之後另一次去食左軟殼蟹黑松露意粉軟殼蟹都幾大隻，好香黑松露味，仲有好多菇做配料。仲叫左All day breakfast 份量都幾多，味道正常

今日午餐時間來到沙田的荳子beans吃個午飯，每次都例牌有人龍在門外排隊，這次也不例外，不過好快就可以入座。午餐包指定款式飲品一杯，選的是黃金蟹肉意大利粉，之前吃過今次也照舊，因為實在太好吃，價錢＄68，原碟上會有個蟹蓋，貌相很吸精，意大利粉醬creamy非常，而且仲有非常香濃的咸蛋黃粒粒，有蟹肉亦有蟹棒，簡直是！每次來必吃這個，太喜歡了指定飲品選了檸檬蜂蜜，香甜滋潤。如果覺得不夠飽，跟餐仲可以加配蛋糕，見到蛋糕櫃內的不同款式蛋糕也很吸引，下次試試。

今日嚟到沙田同朋友喺度仔食下午茶 可能疫情關係唔算多人 我哋點咗兩樣嘢簡單食 黃金蟹肉意粉個意粉幾啱我口味 黃金鹹蛋醬 配起蟹肉嚟食真係與別不同 鍾意食鹹蛋係你嘅朋友不妨一試 單骨雞翼配薯條呢度嘅單骨雞翼配埋蜜糖同埋黑白芝麻食落幾香口 單骨雞翼食落又方便 同埋睇落份量都好似多咗咁其實食物咗好多選擇 鍾意食西餐嘅朋友可以選擇

1)黑松露軟殼蟹意粉第一次食意粉係完全冇味可能廚師唔記得咗落鹽之後問侍應拎黑胡椒同鹽 加咗啲落去馬上出味 汁未濃到可以掛在意粉上所以 汁同意粉係分開賣相2.5/5味道2.5/52)手打豬仔骨漢堡配薯條繼食完意粉後對漢堡沒有什麼期望反而有驚喜豬仔肉是一疏疏 有口感 而醬汁濃度適中薯條完全沒有落鹽 口感像麥記的粗體版點茄汁是不錯的配搭賣相3/5味道3/53)蘋果金寶餐單上描述得很詳細 所以對甜品有期望誰知甜品到後份量竟然是如此的少「不」雪糕個位技巧真高超竟然可以「不」到雪糕球中空不過 無論如何涼浸浸的雪糕+剛從焗爐焗好的蘋果金寶是絕配賣相3/5味道3/54)飲品：檸檬蜂蜜和黑糖薑母像茶餐廳一樣正正常常