荳子 (新城市中央廣場)

营业中

休息中

由於要等候攞passport，見有個半鐘，就去左附近搵野食。第一次黎呢到咋～進入前，會比你選擇香薰味既消毒噴霧，消毒雙手，好特別。我地一行3人，叫左烟三文魚 egg benedict，甲羅燒意粉同芝士黑松露意大利飯。試左佢個蘑菇湯，好足料呀3樣野，最好味都係egg Benedict（難怪見好多人order) ，飯同意粉都好飽肚。特別係意粉，好似有蛋黃一齊整，食少少已經好足夠。食完主菜，梗係想食甜品啦～朱古力奶係小朋友既，唔計算呢個朱古力mossy ，唔甜好濃朱古力味，唔錯呢個係好有驚喜，因為好靚呀。幾粒爆粟，有個小小既心太軟，唔甜，好正，中間係nuts 同士多啤梨乾，好特別，好開胃，主角係焦糖燉蛋，焦糖好脆，蛋好滑，超好味。整體食物唔錯，唔算貴。但服務真的有待改善。

We had lunch with empty stomach at BEANS on this rainy day. However, the experience did not catch up on the price.1. The black truffle spaghetti with Soft-shell crab - the crab was way too salty and it was somehow bitter. the spaghetti was with weird taste (please don’t ever mention it is worth $132 + 10% service charge)2. The risotto with beef cheek bourguignon - the beef cheek was tender yet tasteless while the risotto was salty AGAIN.3. the Americano - i ordered with no milk and no sugar with

好耐以前已經幫襯開，見證住Beans由一開始好食又抵食，到而家越加越貴，貴都算，竟然仲食唔飽人今日見有新menu就試吓，$92嘅芝士三文治加湯，要人手機落單但電子menu上面冇圖睇，心諗$92嘅all day breakfast應該食得飽，點知見到實物勁失望，塊包薄過嘉頓方包，仲要兩啖就食完，同埋碗湯係金寶罐頭湯味，全部食材都勁cheap，咁都唔整大份啲，真係勁冇良心難怪而家咁多人寧願返大陸食嘢，香港嘅餐廳真心不思進取，當客係傻仔

昨天3月28號下午約兩點半到Beans不用排除就可坐下進餐。侍應服務亦有禮貌和體貼。我點了抹茶黑糖麻糬流心吐司。枺茶雪糕和黑炭吐司內的枺茶流心醬依然好濃味，我很喜歡👍🏻。不過一個人食這個甜品總會有一些罪惡感。所以加$30多點一個前菜羽衣甘藍藜麥沙律，沙律菜好新鮮爽脆，藜麥又多可補充身體所需維他命和纖維素，配上甜甜微酸的意大利陳醋，真係好開胃，食完沙律再食抹茶黑糖麻糬流心吐司，最後飲埋一杯榛子莫加mocha，感覺超滿足幸福😊

今日再去食下午茶，平日不多客人，所以不用排就可以入去餐廳坐下來用餐。我點了我至愛的抹茶黑糖麻糬流心吐司，枺茶雪糕和吐司內的抹茶流心醬汁好濃，喜歡飲日式枺茶的人不能錯過。真心這個甜品依然做得好好味😋不過只食甜品總會有一點罪惡感。所以我另外加點了羽衣甘藍藜麥沙律做前菜，沙律蔬菜好新鮮爽脆，又有足夠藜麥補充體所需的維生素，還有甜酸味道剛剛好的意大利陳醋令人胃口大開,。待應收務亦週都，值得再去encore！

外賣牛面脥意大利飯。已不是第一次吃到大大件肥肉，本想著多給一次機會吧，怎知飯面只有2塊肉，但其中一塊是9成肥肉。用尺量一下，見肥肉長5cm。它是該塊肉的9成體積啊，說實在，2塊肉也太細小了吧。唉～

買外賣極失望！味道已不是特別好，而且份量奇少，百幾$200成個外賣，比目魚明明名稱忌廉薯蓉，只得個周打魚濃汁；職員話個蓉溶曬一層都冇個汁，真係好神怪，職員態度極惡劣，以後堂食一切一律抵制，極差销售，大家👀圖分析吧，咁既野成二百文，我去廟街食大餐冇咁谷氣

Beans真係間間分店都keep得住水準，掂👍🏻👍🏻第一次食應該係荃灣已搬遷的分店，差唔多佢各區嘅分店都已經食暈晒😆由主食到甜品到飲品，好似暫時冇中過伏🤣雖然唔係食晒全部Menu嘅嘢，但應該有食超過50%

星期六晚諗起好耐冇去沙田間Beans, 即管試吓勇闖…當然最終係要排隊😅其實6點幾去到，如果唔介意坐中間嘅對著「大魚缸」位，係可以直入嘅，但係當然唔想啦！帶位嘅同事好有禮貌地不停同我哋講唔好意思，呢方面係近年少見嘅！我哋3個人，先點咗一個蕃茄紫蘇藍青口，好多時食青口都係用白酒煮，今次用蕃茄汁煮就惹味啲😋！主菜揀咗兩樣，其中order咗一份豬仔骨，保持到一貫水準👍🏻！ 另一款係俾佢幅相吸引咗嘅，order咗墨魚蟹膏意大利飯，其實係墨魚定係八爪魚呢？真係唔識分🤪，上檯時嚇一嚇，真係相與實物相符，原條墨魚上碟…第一樣令我擔心嘅係，會唔會好韌，咬唔開呢？但又唔需要擔心，煮到恰到好處👍🏻，而本身個蟹膏飯又好入味😋最值得讚嘅係，佢哋依家有個promotion, 只要當月生日，響佢度食飯，出示證明就會送蛋糕一件，咁同檯友人係一月生日，所以當然唔執輸🙈而佢俾我嘅驚喜係，臨尾送一張員工簽晒名同有手畫嘅公仔嘅生日卡俾我朋友，對我嚟講，唔係一啲公式化嘅做法，好值得表揚👍🏻

以前呢間餐廳成日都要等位，星期六晚上黎到唔洗等lu~龍蝦湯係用一個壺倒落個碗度，好特別🤣龍蝦湯味道濃郁，好飲👍👍黑松露軟殼蟹意粉$132，軟殼蟹脆卜卜，黑松露醬汁夠多，好creamy 🤤🤤紅酒牛舌芯$172，牛舌芯好淋，不過覺得個醬汁就普通d。甲羅燒黃金蟹肉意大利$148，蟹膏唔算好濃味，但個意粉煮得好好食，又係醬汁出色👍👍後面個紫薯tart同朋友都一致覺得最好食，紫薯味突出，平時唔太愛紫薯既我都覺超正🤩前面既栗子蛋糕就比較普通。

😎😎😎😎😎😎😎😎😎😎原來沙田Beans有Camping Stlye室外位，一路吹吓風食吓嘢飲杯咖啡食個蛋糕，又幾有風味喎😎喺沙田呢個咁熱鬧嘅地方，居然有一個餐廳可以唔使咁嘈，靜靜地坐下來食吓嘢傾吓偈，真係一個幾好嘅選擇。其實都去過好多間Beans, 之前去九龍灣嗰間就覺得幾大都坐得幾舒服，沙田呢間就冇九龍灣咁大，但係居然今次發現有室外，坐喺露營凳，感覺好Chill好舒服，碰啱天氣又幾好，唔曬唔凍，真係一流嘅選擇。嗰一刻即刻諗起平日可以拎部電腦嚟做吓嘢開吓會，認真唔錯。

假日行homesquare 想坐低飲杯咖啡，求其揀咗呢度。入去時叫我哋揀隻酒精噴手液嘅味試吓，試咗木味覺得怪怪地。裏面都幾靚。雖然檯唔大但同隔離檯嘅距離都算唔錯。坐低侍應攞張櫈黎俾我哋放袋，估唔到cafe 都有咁做(通常已經響櫈底有個籃咁)，加咗分。發覺啲侍應全部都好後生，講嘢好快但都有禮貌嘅，同埋都有笑容。打開menu 發覺原來佢都幾多分店，未食過真係失覺曬，同埋好似好支持本地創作同慈善團體。叫咗個花雕單骨炸雞翼配他他醬+美式咖啡，蘋果批+Mocha。美式咖啡比較細杯，水少比較濃，都幾香。反而好似Mocha 大杯啲。飲嘅好滿意個mocha。其實對佢個花雕單骨炸雞翼無乜期望，因為出面好多炸咗都冇乜酒味。點知都幾有酒味喎！炸得都好好，粉的厚度適中。點他他醬食亦出奇地不錯，雖然冇特別對個雞翼加分，但食食吓點啲食都幾好。蘋果批估唔到佢擺盤幾有heart. 個餡好啱香港女仔食，唔會太甜，肉桂味都幾勁，啱曬我。可惜個皮實在太薄，似食紙包蘋果蓉多啲。爆谷好痴牙，冇乜味。服務一直都幾好。侍應識自動波換碟，加紙巾。總結：嘢食唔錯。服務加分。下次可以試吓正餐。

.再訪 @beans_bakery_hk （沙田）.1.麻糬葡撻 & 芋泥葡撻.認真 我覺得幾特別！！我比較鍾意芋泥款！麻糬款嘅麻糬口感我個人覺得偏淋！整日都唔錯.2.黑芝麻麻糬軟歐包.麻糬超多！雖然都係質感偏淋.. 但係我覺得每個人口味不一！黑芝麻幾香！唔算濃！但存在感一定係到！成個包嘅軟熟 帶點 穀物 & 橙柚香as 街包我幾鍾意😜👌🏻可以一試.下次再試試其他 hehe 阿門.#香港美食 #港式餐廳 #卡路里 #飲食記錄 #飲食控制 #營養 #健身 #健康飲食 #無添加 #減脂 #增肌減脂 #增肌 #減肥餐單 #減脂餐 #myfitnesspal #fitnesshk #hkfitness#calorieswithmic甜品 #calorieswithmicbagel #calorieswithmic包點 #calorieswithmic沙田

典型西餐廳，隔一段時間都會有創新菜式。所以值得再次幫襯，環境唔錯，紀念日去都冇問題。龍蝦湯上枱時由侍應响個茶壺度倒出嚟又真係幾攪鬼。差dd嘅係羊架叫7成熟上碟過嚟就只得5成，不過都係好小事，只係餐飲選擇比較少。

今次係我第一次黎Beans食lunch set,都知道平晚市時間會好多人排隊，今次5點半過黎居然可以直接入座😆一個人過黎食，叫左個龍蝦海鮮濃湯，黃金蟹肉意大利粉，栗子蛋糕，蜂蜜檸檬茶。先講下個龍蝦湯，湯頭非常濃郁，但調味既話就一般，亦都無乜龍蝦既鮮味，可能用左急凍龍蝦，考慮到價錢方面尚可接受。跟住上既就係黃金蟹肉意大利粉，麵條掛汁，意大利粉亦都煙韌，值得一讚蟹膏既係好足夠，可以食到啖啖既蟹肉同蟹膏，配上濃郁既意粉汁同菇類提鮮，非常滿意。主食方面口味偏淡，廚師鹽味唔會落得比較輕手，人各有喜好，我就比較鐘意鹹D，但總括都在可接受的范圍內。最後enjoy埋個甜品同野飲，有栗子蛋糕🌰同蜂蜜檸檬茶，蛋糕無太大既驚喜，只能說不過不失，而蜂蜜檸檬茶既蜂蜜質素非常好，飲到係某種花蜜，同檸檬幾match下。最後埋單總數$179，在相同級數既Cafe比較之下性價比算中上。值得一提係侍應既服務非常好，有時刻留意到我用餐既情況，見到我食完野有貼心幫我準備牙籤，紙巾等等，見到我食完個意粉有主動問我需要幾時上甜品等等，ed細微既動作令我對Bean印象深刻，本人作為酒店業者覺得已經有5星級酒店既服務質素，值得表揚。