荳子 (新城市中央廣場)

营业中

休息中

Beans係好多地方都有分店，今日晏晝就去咗沙田嘅分店食lunch。好多人排隊，等咗差唔多半個鐘先可以入座。我哋兩個人，叫咗兩個意粉同埋一杯嘢飲。黑松露軟殼蟹意粉($132)呢個係我每次嚟到都必點嘅，因為佢哋黑松露嘅醬汁真係好濃郁，好好味，而且炸到好酥脆嘅軟殼蟹都好正，同黑松露意粉好配搭。黑蒜磯燒鮑魚蜆肉白酒意大利粉($138)好搞笑，所有嘅配料已經寫晒喺個食物名上面，但係佢個味道都幾有特色，係有少少日式照燒汁嘅風味，但係冇咁濃，啲燒鮑魚好好味，又大隻，好容易咬落去，蜆肉亦都好鮮甜。呢度環境坐得好舒適，好chill，舒舒服服食個lunch，真係唔錯，只係太多人排隊，如果唔使等太耐就更加好。

餐廳環境舒適，裝潢簡潔文青，特別適合三五知己在週末下午聚會、閒聊及享受美食。先說甜品，這裡的梳乎厘絕對是必試之選。新鮮出爐的梳乎厘外層金黃蓬鬆，輕輕一撥便冒出香氣，入口即化，蛋香濃郁，配上旁邊的鮮忌廉和杏仁片，層次豐富，甜度適中。主食方面，香濃的黑松露野菌意大利飯用料十足，飯粒煮得軟硬適中，吸收了松露的香氣與蘑菇的鮮味，口感細膩，令人一試難忘。另一款煙三文魚忌廉意粉賣相吸引，三文魚片捲成玫瑰花狀，配搭忌廉醬汁及蛤蜊，既有海鮮的鮮味，又不會過於膩滯，十分適合作為午餐或輕食。小食方面，芝士薯條外脆內軟，淋上濃郁芝士醬後更添風味，是與朋友分享的好選擇。荳子鄰近港鐵沙田站，需步行十分鐘。尤其推薦大家於週末午後來這裡享受一份精緻下午茶，放鬆心情，渡過悠閒時光，順便再行下IKEA。

今次係三個月內第二次再來這間餐廳，總結，值得值得，會再光臨。今次下午茶時段，叫咗一個午餐及一個下午茶。叫咗黑松露軟殼蟹意大利粉+凍美式咖啡，窩夫-熱帶果園（荳子窩夫. 芒果.芒果蓉.熱帶水果.白朱古力忌廉）+凍檸檬蜂蜜。凍飲好快送上，凍咖啡，正正常常，凍檸檬蜂蜜叫咗少甜恰到好處，加咗香草葉，好fresh 。意粉送上時，首先聞到軟殼蟹好香，黑松露醬意粉食上一啖，熱辣辣，醬汁恰好適中，好味，滿足。窩夫賣相有驚喜，好美，食落亦好好。入餐廳時可以試吓不同味道的潔手液，可以潔清雙手才進食。最窩心係食到差唔多完時，侍應哥哥送上打開咗的牙簽盒。

荳子的下午茶選擇真是超值！我點了蕉糖香蕉班戟，薄薄的班戟外皮輕盈柔軟，裡面包裹著香甜的香蕉和濃郁的蕉糖醬，口感層次豐富。每一口都讓人感受到香蕉的自然甜味，搭配微微的焦香，還有雲呢拿雪糕搭配Lotus餅，這組合真是完美！雲呢拿雪糕口感滑順，香氣濃郁，與Lotus餅的香脆相得益彰。每一口都能感受到餅乾的焦糖風味，搭配雪糕的清甜，讓人回味無窮。這份下午茶不僅價格實惠，還能帶來愉悅的味覺享受，絕對值得一試！

係沙田買完傢俬，順便就來咗呢一間連鎖cafe享用返個early dinner ！呢度環境幾舒適，又夠大。一入門口店員好nice叫我地用不同香氣嘅消毒噴噴捽手，唔講以為入咗香薰店。由於當時仲早，6:30未到，店員都好nice比左張四人卡位我地兩個女仔坐，冇西面冇唔比真係好加分。食物種類好多，輕食，意粉，扒，pizza 乜都有。我要咗份牛，朋友食意粉。overall 食物質素中上，價錢都係正路cafe 價錢。呢幾樣都唔係我推介之重點，重點係呢到嘅客人係生日月有cake送，剛好朋友係本月壽，我地就試下個優惠！個cake有好幾款選擇，單點都要$41， 起初我以為送d平cake 啦，點知免費嘢都可以咁大件同精美！有晒生日message , 蠟燭呀生日卡都有，兼送多支維他命飲品！今時今日經濟唔好，餐廳都咁有心，好抵讚！

Egg Benedict真係無得彈！一篤穿隻水波蛋，啲蛋汁即刻湧出嚟，同自家製English muffin同煙三文魚完美融合，荷蘭醬酸甜度啱啱好，食落去又rich又唔膩。最驚喜係伴碟嘅番薯條——外脆內軟，仲要係紫心同黃心番薯mix，甜到漏油，仲有啲肉桂香，食到停唔到口！ 飲品必試佢哋嘅「橙香咖啡」，新鮮橙皮油撞上深焙咖啡豆，第一啖係清新柑橘香，飲落去又有朱古力嘅回甘，同個Egg Benedict夾到絕！老闆仲好好傾，話佢朝朝早親自去街市揀番薯，難怪咁好味啦！ 陽光曬住木枱，人均兩舊水就食到咁高質嘅brunch，真係抵到爛！下個禮拜一定要再嚟試埋佢哋嘅莓果pancake

Enjoyed dinner with frd, each of us ordered a set dinner (a main with free drink). You can also add price for the snack. We ordered a seafood pizza (千島醬蟹棒蟹籽帆立貝薄餅) and crab spaghetti (黃金蟹肉意大利粉). My frd highly recommended the crab spaghetti. It tastes so rich. Very creamy~A whole crab in the side which is very eye catching. As for the pizza, lots of cheese on top. Ok crispy, and I prefer more toppings😂😂Both are yum.For the snack, we chose a truffle fries (黑松露醬薯條). I like the truffle mayonnaise🤎🤎🤎T

【一試難忘😋創意Fusion美食記🎂】 濃郁多汁手撕豬漢堡！燒烤醬搭香甜焦糖洋蔥，配粗薯與沙律，佐以特調熱檸蜜平衡味蕾，份量十足得連男生也滿足！ 驚喜之作「珍珠元貝大澳蝦醬忌廉燴沾麵」堪稱東西合璧典範，日式沾麵裹上香港大澳蝦醬，蝦醬如東方芝士般鹹鮮香濃細滑，配上新鮮軟滑元貝，創新程度令味蕾大滿足！店家將傳統蝦醬精煉成細滑版，鹹鮮香濃滑後勁沖擊味蕾。 入舖前睇下餐牌先知餐廳暗藏生日優惠彩蛋！快約鍾意食既朋友再來場顛覆想像的味覺之旅。從漢堡包的豪邁到沾麵的優雅，用創意重新定義香港情懷，每道菜都是驚嘆號！

9/3/2025📍Beans呢間連鎖Cafe都開咗好多年 呢日行完HomeSquare懶得出去搵嘢食 近近地揀咗呢間喺商場入面嘅分店 晚市都唔多人嚟食 所以出餐都幾快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果pizza（$102）加$8要焦糖芝士 因為唔知係咩嚟😂原來都冇咩特別 係好淡嘅芝士味 不過好脆口 有啲口感Pizza表面鋪滿開心果醬同焦糖芝士 再淋埋蜜糖 鹹鹹甜甜咁 開心果同芝士味幾明顯 味道都幾夾 😋但個餅底做得麻麻哋 係薄批但一啲都唔脆🫠✨焦糖番薯條（跟餐價 $30）份量都唔少 炸到外脆內軟 番薯薯條本身就夠甜 表面淋咗啲糖漿 再點少少茄汁 真係好正😽✨醬燒豬肋骨（$218）豬肋骨唔夠腍 唔多爛 啲骨肉分離唔到 食落差咗啲油香 但調味唔錯 伴碟仲有沙律同薯蓉添😍✨卷.山政小山園（跟餐價 $30）整體抹茶味足夠 蛋糕濕潤 cream好香但唔heavy 入面仲有啲紅豆🥰✨焦糖脆餅流心吐司.雲尼拿雪糕（$82）相比之下 呢樣甜度高好多 麵包焗到好脆 中間係焦糖流心 面頭有層焗過嘅棉花糖同lotus餅 咬落脆脆哋用麵包點雪糕 再加埋淋面嘅焦糖醬同棉花糖 係甜咗少少 但都好食嘅👌

自從beans變左連鎖店之後都好耐無堂食過，今次帶埋狗狗去，就係貪佢室外位就係商場寵物友善設施既位置，狗狗可以坐吓又玩吓咁🐶當日天氣都幾凍，職員主動offer暖水俾我地幾細心.用手機落單，發現每樣食物都好多野可以customise😂要禁勁耐先至落到單.✨豪華英式早餐✨同以前食既all day breakfast一樣味道，完全無變，佢個窩夫都係咁軟綿綿，keep到水準✨手撕豬漢堡✨貪得意轉左做車輪牛角但有點後悔，因為同個手撕豬唔係好夾🐽而手撕豬味道偏甜，主要都係茄汁味，反而薯茸又幾好食✨阿薩姆紅茶卷蛋✨好乾既卷蛋，cream亦都唔夠滑，感覺雪得太耐，無咩必要就唔好點✨熱焦糖燉蛋拿鐵、熱檸蜜

我哋4個人坐低，枱上只有一本menu。我uncle見到隔離空枱於是攞嗰度嗰本嚟睇，點知有個（好瘦嘅）女侍應喝住佢同佢講：「你唔好攞呀！搞亂晒！你要多一本Menu我去攞俾你！」態度非常惡劣黑面藐嘴！咁樣對老人家真係非常衰格！我哋有一杯飲品好耐未到於是想跟一位男侍應反映，佢又係好惡咁同我哋講：「等陣！」然後轉頭走咗去做另一啲嘢無理過我哋。啲嘢食當然就好一般啦！真係唔知間嘢搞乜，以前冇咁差嘅。我哋以後都唔會再去！

跟朋友逛完宜家傢俬，去在旁的荳子吃晚餐。這個位置相對偏僻，朋友沒提我也沒發現。在門外等了數分鐘安排入座。由於我們只需要一個空間坐下邊吃邊聊，所以被安排到面向牆的位置也沒所謂（這種座位較適合獨自用膳的飯友）朋友點了漢堡包薯條，我點了一份豬手。豬手份量比我想像中的大，吃不完有打包回家。皮炸得有點硬，肉質可以。當用刀切起來時，有點無從入手。總括而言，這個晚餐能夠慢慢吃，專心跟朋友聊天。

保持水準😊簡中都會黎食brunch, 機本上每次都叫all day breakfast 同蟹肉牛油果他他All day breakfast 都算大份，齊晒機本野，最鍾意嘅係waffle,新鮮熱辣，口感鬆軟又重蛋味,配埋whipping cream😋😋蟹肉牛油他他會跟埋sourdough, 加埋少少黑醋食👍🏻

我們於30/1（四）約晚上六點半左右到餐廳，都有不少客人。侍應先讓我們選一款香味酒精搓手液，好香同出奇地好long lasting（之後洗咗手都聞到😂)用QR code下單，點完侍應會同我們再confirm 1次。叫了3個主菜，包括飲品及2個甜品。①主菜❶牛舌粒蕃茄肉汁燴沾麵🍝（$128）：有8片牛舌粒，及有蘑菇粒🍄‍🟫、洋蔥碎🧅，而麵身較粗及煙煙韌韌。❷紅酒燉牛面頰意大利飯🍲（$132）：食落係重胡椒味，面頭有2塊大燉牛面頰，也有一些蘑菇粒🍄‍🟫及細牛肉粒。❸開心果馬蘇里拉芝士薄餅配蜂蜜🍯（$102）：pizza🍕上有不少開心果碎，餅底較硬，馬蘇里拉芝士🧀搭配得宜。②甜品❶酥皮泡芙.天仁茗茶鐵觀音朱古力吉士．馬斯卡彭芝士忌廉（+$30）：泡芙皮較硬，入面鐵觀音朱古力吉士的茶味好濃。❷日月潭阿薩姆紅茶海綿蛋糕.日月潭阿薩姆紅茶忌廉.日月潭阿薩姆紅茶寒天（+$30）：卷蛋cream好rich，而且好有茶味，寒天口感似jelly。③飲品❶美式咖啡☕️❷檸檬蜂蜜🍯：有2片檸檬片🍋❸黑糖姜母茶：有2片薑🫚，少辣，好啱冬天PS新年都幾多侍應，有一些在近門口位置一堆人談天😅，一些則在bar位置。有部

係好食嘅，即叫即撞，本來係好有誠意。點知原來要等好耐又唔講明。食完晒嘢，先叫佢上甜品。嗰一刻先至話我知，原來叫佢嗰一刻先至開始煲啲奶。要等五至10分鐘。點知等咗15分鐘都未嚟問佢可唔可以吹下，佢先至講磨薑汁機壞咗……結果等咗20分鐘，送到嚟仲要再等多5至10分鐘先至撞好。幾好食都扣晒分啦。