荳子 (德福廣場1期)

营业中

休息中

意見第4次食，一次早餐兩次外賣一次晚餐全部都好好食真心要讚下嘅係嗰個八爪魚risotto八爪魚一啲都唔韌，好好食。豬手脆卜卜唔錯，仲有個洋蔥圈配咗啲coleslaw,係傳統嘅味道呀.下次會試下佢啲甜品。

每次路過見門口排長龍，咁啱今日經過唔駛排隊，又諗唔到食乜就決定一試！Order左一個all day breakfast 同 黑松露卡邦尼意粉。all day breakfast 略厭細份，而且唔夠熱，滑蛋唔滑，焦糖香蕉好香焦糖味，beacon 好硬，窩夫配楓糖同cream係ok的，不過本身唔夠熱，食到窩夫嗰陣已經變凍冰冰了，同埋食完依舊有空虛感。另一個黑松露卡邦尼意粉其實同其他西餐廳出品差唔多，份量亦偏少，配檸檬菜蜜，菜蜜重手左，好甜。

一食就忍唔住要食幾次！好味！黑松露炸軟殼蟹意大利粉 $102之前叫外賣食過佢哋嘅黃金蟹肉意大利粉！真係一試難忘！ 所以今次我叫我男朋友一定要試佢地嘅意粉！ 😋 黑松露醬好香濃，軟殼蟹非常酥脆，佢試完都好滿意！豪華英式全日早餐 $118唔知有冇人同我一樣，間唔中就會想食一份All Day Breakfast 😂 哩個餐好足料，包括窩夫，煙三文魚，煙肉，豬肉腸，蕃茄，茄汁豆，黑松露炒蛋，雜菌！ 材料新鮮，好食食！ 如果你都想食一個好豐盛嘅All Day Breakfast 哩個絕對值得一試👍🏻 果然同聲同氣嘅餐廳係好味啲😋 食得開心又滿足👍🏻👍🏻👍🏻 難怪長期都要排隊啦😂

每次經過舖頭都見到一條長龍等位，今日專登12點去食，結果都係要等...兩枱😂。Lunch set價錢由$58-$89包一杯飲品，免加一❣️，有素食選擇。是拉差香辣煙燻三文魚意大利粉 $64配菜有三文魚及蘑菇，白汁滑溜creamy，配搭是拉差辣醬好有新意。但略嫌醬汁加入太多忌廉及煮至太濃身，食到成咀醬汁😂。意粉軟硬度適中，煙靭微彈牙，有口感。美式咖啡☕️店員會附上一瓶牛奶，加唔加落咖啡就自行決定。咖啡味道一般，未見有特色。整體來講，味道不過不失，唔洗排隊等位的話，可以再光顧。

朋友話這間是網上排名第一，咁一心諗住去試吓啦，等咗差唔多30分鐘有位，我哋叫咗碟黑松露軟殼蟹意粉（味道都唔錯），1個牛柳什菌意大利飯，我地覺得個飯完全冇味道，牛柳絲得5條，份量應該比小朋友食，分量真係少得恐怖，只得賣相）因我完全唔夠飽就加$25叫個甜品，點不知連個朱古力慕絲蛋糕都居然冇味㗎（雖然個職員話佢係70%朱古力所以呢就唔係好甜）但唔甜都唔代表完全冇味掛😐😐，杯熱既黑糖薑母茶就難飲，間野簡直係垃圾食物，都仲收咁嘅價錢😡😡佢啲人氣都唔知點嚟，d職員都有禮貌既，如果食環境佢又未到最靚，除食品影相幾靚外，味道係冇囉，以後絕對冇下次.

自Beans開店以來，沒有一天不是大排長龍。疫情期間，雖然少了人潮，但堂食始終有一定風險；適逢Beans推出全日外賣七折優惠，決定試一試！🍳班尼迪蛋·煙三文魚班尼迪蛋生熟度剛好，蛋味濃，但荷蘭醬味道較淡和稀薄；煙三文魚尚算肥美新鮮。🍳豪華英式全日早餐份量非常大滿足！黑松露炒蛋菌味濃郁，富蛋香，但稍為有點「老」；炒菇粒、煙肉和豬肉腸蠻香口，蕃茄尤其足料，非常厚；窩夫不是格仔脆窩夫，而是冬甩型的結實麵團，也好，易吃且飽肚。更值得讚揚的是，餐廳把食物包裝得非常整齊、穩妥，回家也沒有發現任何滲漏情況，可見Beans職員工作細心👍🏻總結（5分滿分）餐廳環境🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸味道質素👅👅👅👅整體價錢💸💸💸性價比值⚖️⚖️⚖️

包裝盒上咁特別既祝福詞㊗️㊗️用喺離職同事請大家食散水餅個陣真係好適合但當然啦,拎俾老細食個陣 就可能要收返埋先啦,話曬老闆都唔會想自己有朝一日請大家食Tart架嘛1盒有12件Tarts。 含多種口味，朱古力🍫、抹茶🍵、什莓🍓，檸檬🍋。今次我就食咗兩隻味👅👅1個檸檬味,撻唔會漏,檸檬cream質地好滑,餅底仲好脆~~仲試多1個朱古力味,同樣地餅地好脆,朱力味好濃,唔會好甜,係好濃厚既可可味,食落十分正呀~~呢款散水餅既特別又高質,而且味覺👅同視覺👀都係有好高既享受呀‼️好食指數8/10 ‼️推介指數8/10

呢間餐廳成日行過都見到好大條龍😂今次小編終於行咗入去試呢兩款菜式黑松露忌廉意大利飯黑松露味有少少淡，但係忌廉味龍口，帶少少芝士味🧀如果鍾意食芝士嘅朋友應該幾鍾意。但係佢個意大利飯偏硬，好難咬，每次都要咬好耐先至吞到🙈有點失望黑椒帆立貝意大利粉黑椒汁味偏鹹，帆立貝亦較為瘦削，份量亦少。意大利粉質素平常。整體都係偏鹹同埋份量少，而且有啲鹽粒好似未攪勻😐小編今次差唔多用咗半個鐘先至排到入去。但係食物質素比我預期中嘅差😫可能我抱住好大嘅期望佢啦，員工嘅態度亦冇乜禮貌👎🏻或者佢哋真係好忙...同埋值得一提嘅係佢哋嘅碟非常之大，但係佢哋張枱係非常之細😹我同同行朋友兩個人叫兩碟野已經擺滿左個枱，張枱連我個電話都擺唔落😑😑😑覺得真係要檢討吓不過今次嘅食評只係屬於當日嘅質素而定，小編只係試咗呢兩款嘢食，可能有其他款式係好味嘅，就有待大家發掘下啦🤗

星期六下晝，朋友一直想試下呢間café，見門口都唔少人排隊，等左大約20分鐘先入去食下午茶。星期六就無下午茶優惠，都係全日menu，肚餓都直接揀正餐。呢間特別在可以轉我和你無所事事嘅飲品，飲品正價減8蚊咁，不過我就無試啦。除左menu外，都見佢地有宣傳要為醫護打氣加油。朋友就揀左豪華英式全日早餐（$118，要加一），跟餐凍檸蜜（+$0），自己就揀安格斯牛肉漢堡，配焦糖洋蔥、車打芝士、太陽蛋、薯條（$142，要加一），跟餐熱美式咖啡（+$0）。安格斯牛肉漢堡雖然偏貴（$142，要加一），但一上枱就知份量十足，如果想用手攞起黎食，一定會好似我咁滴到周圍都係，建議大家都係用刀叉好啦。麵包烘好，太陽蛋煎得唔錯，牛肉漢堡扒非常juicy，芝士香濃，焦糖洋蔥好食，生菜同蕃茄新鮮，非常推薦。跟餐沙律同咖啡不過不失，但薯條乾身又唔香，對比咁好食嘅漢堡就略有失望。朋友嘅全日早餐（$118，要加一）都幾豐富，偷食左少少鬆餅仔都好食。

🚩黃金蟹肉意大利粉 $102蟹肉分量足夠🦀🦀蟹粥同意粉撈埋一齊食好夾同creamy😋注意⚠️蟹蓋係做裝飾嗰隻入邊係冇嘢嘅😂😂不過打卡一流👍🚩火焰西冷牛扒漢堡日式蛋黃芥末醬配薯條➕新鮮沙律 $142成個漢堡份量好大👍麵包幾鬆軟嘅😊薯條係粗薯熱辣辣正👅不過西冷牛扒有少少有少少難咬開 咁啱食到條筋🙈沙律就正正常常總結時間🥰生日飯 朋友聚會可以1⃣️試💛

今日又係嚟到德福尋找美食的日子諗到食早餐尼個問題就有D頭痛Superxxxx又成日食🧐……今次想試下一D新野😏😅行行下就比一間外表簡約的BEANS給引住😁見佢早餐時段等位的人唔算太多，就佢啦…限時1.5hrs！坐位舒服，服務員態度ok, 內佈置亦好靚(每一行的吊/地燈都唔同)…好relax我地挑選左炸魚set+2杯熱咖啡先送上2杯精美的咖啡，再送上一大盆砌得好靚的炸魚早餐(有點吃不消的感覺🙄)… 整體感覺良好！但出事位嚟啦！就係炸魚/包係熱的&好食架，但其他食物微暖only(蛋/菇)，可能廚師掛住砌靚盆早餐而忽略左尼個最重要的問題😫… 希望佢地可以改善尼點就perfect

個吐司其實係唔同甜品鋪都試過，但係有麻糬係裡面嘅就真係未聽過，加上我超鐘意煙煙韌韌、有咬口嘅嘢食，所以忍唔住嗌左黎試下😹 吐司內軟外脆，裡面裝著舊麻糬，唔會太過硬/軟，啱啱好，上面嘅雲呢拿雪糕同oreo好夾，融左之後仲可以用黎點吐司，另外加埋我最鍾意嘅水果——士多啤梨，簡直係完美配搭😌另外，好奇心作祟🤪我就點左哩個dessert! 主角法式蘋果酥上面有蘋果片，以杏仁粒同埋糖霜作點綴，蘋果酥薄薄地，好鬆脆，將蘋果酥夾埋啖香草味雪糕、抹茶脆脆&倒少少黑糖薑蜜，蘋果嘅味道更出，味道豐富而且好獨特，係三個甜品當中最俘虜到我個心嘅甜品🥰 最後，身為芝士控嘅我，點可以錯過哩個甜品呢？跟個下午茶餐，加$25就可以食到。蛋糕嘅檸檬味冇搶咗芝士嘅味道，creamy得黎唔會太「漏」，而且外型同芝士一樣非常吸引😍！

由於太耐冇見中學同學，於是約咗佢喺九龍灣食飯.因為佢喺九龍灣返工所以德福食飯比較就腳，跟住問佢想食乜嘢，佢就話想食呢一間，但佢就未食過因為每次經過都大排長龍.咁啱我今日放假，於是我早咗半個鐘去排隊，可能因為疫情同埋時間早嘅關係，都冇人排隊，於是我企係側邊等我中同放工.我哋兩個人嗌左三樣嘢食一個意粉一個全日早餐一個黑松露薯條然後+2杯嘢飲，埋單都係三百幾蚊唔算太貴。而且嘢飲可以減$8非常之抵。蜆肉意粉好食 個全日早餐就不過不失 黑松露薯條覺得有點鹹

Beans嘅人氣度高到開咗好多分店，而九龍灣呢一間係可以order埋隔離「我想和你無所事事」嘅飲品，淨係呢一點都好吸引，不過今次唔係好肚餓，所以揀咗甜品冇叫飲品。手撕豬仔骨漢堡，配焦糖洋蔥，太陽蛋，薯條 $118手撕豬肉真係好入味，而豬肉嘅份量都好多，食落有好少嘅甜味，加埋隻太陽蛋喺上面好吸引。薯條份量都多，但有少少失望唔係太脆。抹茶流心吐司 $58大大個吐司🍞，上面有一舊抹茶雪糕，甜品愛好者一定要試。

幾個人叫咗pizza、意粉。係個蟹肉意粉比較特別，其他同普通cafe的質素差唔多。我反而想介紹嘅係佢個奶茶。叫做泰式是諗但奶茶。另一款叫做是諗但屎橋奶茶。原來泰文是諗但是啡色，屎橋绿色，即綠茶啦。咁我就叫咗是諗但試吓，個味幾好，有珍珠在裡面。返屋企果晚冇訓唔著，幾好幾好。傳說中話要排好耐隊，我果日排了半個鐘到啦，幾個人排，傾下計都差唔多排到，ok la.