荔香園冰室 (已結業)

女朋友去左旅行，夜晚就求其搵間茶記食算。點知見到呢間新開既茶記，叫荔香園冰室。佢門面裝修好懷舊Feel，比佢吸引左入去食。 坐底後，望下四周裝修，好有香港風味，見到周星馳😂😂重有香港既地鐵站名😂如果一路行入去，重有一個六人坐位既房仔，好岩一班人開餐👍🏻👍🏻我睇一睇個餐牌，都係一啲地道既香港食物🤤重有好多，影吾晒😂😂 而我選左咖哩厚切豬排飯。除左好耐無食過咖哩之外，出面啲茶記為左切合市場需要，會將咖哩調到好香，一啲都吾辣，什至甜甜地。今日食到呢個咖哩，有啲意外。首先賣相吾差，佢地啲咖哩香之外，真係辣嫁，但又吾會辣到食吾到，其實咁先好味道👍🏻👍🏻一口咬落塊豬排到，佢地真係無講錯，係厚切，雖然好厚切，但豬排仍然好淋，好易咬，非常好🥰🥰食茶記緊係要配凍檸茶，呢個配搭，好 Match😂😂整體黎講，個飯好好味既，我食晒嫁，下次會想再去試下其他食物👍🏻👍🏻 埋單先知佢地做緊新張期間9折優惠，但吾知去到幾時，大家去食果時，順手問下囉。

嗰日同朋友行街經過，俾啲裝修吸引住，一睇就知係我地最like既懷舊野，正！一於入去試下飲杯至愛既奶茶+下午茶🤤一入到去搵個卡位坐，然後聽到梅姐既歌，童年回憶返曬嚟😝我地叫咗一個爆芝蛋牛肉菠蘿包，蝦多士，奶茶，紅豆冰。個菠蘿包真係不得了，一嚟到既時候我同朋友，嘩咗一聲，使唔使咁多料呀，有芝士，蛋，牛肉，蕃茄，最緊要係菠蘿！食咗咁多年菠蘿包，第一次食堅係有菠蘿既菠蘿包，哈哈😄個菠蘿包真係好好食！！好豐富好多汁，不過食曬一個有啲飽，因為份量都幾多，勁抵食！蝦多士已經唔係周圍有得食，一定要叫，炸得好鬆脆！奶茶好夠茶味，朋友話紅豆冰都好飲，紅豆夠林，係經典既味道。下次一定會再嚟試其他野，特別係西多士，見到隔離枱食好似好正咁，因為今次真係太飽食唔落😣

唔知點解最近越開越多冰室, 叫得冰室通常都係主打懷舊, 路過見到呢間荔香園裝修幾有心思, 門口阿姐又不斷大叫有九折, 於是就入去試下😎 我叫咗個 $48 雙拼蕃茄湯麵連飲品, +$5 轉稻庭烏冬, 大大粒墨魚丸有4大粒, 唔粉不特止仲幾彈牙添! 瑞士雞翼2大隻, 都幾入味! 蕃茄湯唔算突出, 不過不失咁啦, 反而烏冬幾煙韌, 唔錯唔錯~~~ 裝修真係幾靚嘅有心思