荔香園冰室 (已結業)

三件事咋1. 照騙囉，同唔識炒蛋都係同一件事 （睇相）2. 無心機囉。飯用好深嘅碗裝，最底五分一嘅飯都浸係豉油度，唔食當係我浪費，煮到咁係餐廳盡咗力啦3. 包嘢飲但收錢囉。我係指住圖1款餐牌落單，有問職員係咪包嘢飲佢話係我先叫杯熱飲，埋單$64 見張單熱飲+$6，我問唔係包嘢飲咩？職員拎咗另一張晚餐menu 指俾我睇 熱飲+$6。哈，吊丫

在旺角，美食甘多，今次就特別揀左食冰室。在冰室就一定要食香港特色美食喇！我就試左冰室出名的雞髀配芝士撈麵，宜家好少食到芝士撈麵喇，要係好懷念！雞髀的size唔算好大，不過醃得好入味值得一讚係個撈麵，一見到芝士好水汪汪，心諗一定唔好食，當撈好後，麵條沾滿左芝士汁，即刻無左水汪汪的情況，芝士汁好濃好香，麵條唔會好乾。我哋跟餐點左菜芯，以為好細碟，點知份量好足，同埋佢地用上湯煮菜，唔會好味精或蓋過菜味。我地點左雞煲，雞件好多好惹味！美中不足係白飯份量好少，食哂飯之後仲淨好多雞件

基本上所有野都偏咸，跟餐無飲品送仲要加勁多錢，牛扒飯既牛扒可以話只係加厚版肥牛；唔洗用刀既，用膠匙更細細力扒兩下就就一分為二啦。仲有個「重慶雞煲」，改名叫「咸雞伴洋蔥」就差唔多啦

🔎 旺角通菜街1號威達商業大廈地下N號舖*📍 荔香園冰室.特濃蕃茄湯豬扒米線($48)好鍾意食蕃茄蛋,所以叫咗呢個米線.但有D失望,主要因為佢第一次上菜時完全唔夠湯,幸好職員都立刻補上.湯底的確濃,但”傑”咗少少,所以唔太鍾意呢種口感.但豬扒幾入味都算幾大塊.黃袍叉燒飯($58)呢個係店內嘅signature,當然要一試.D蛋好濃好滑,連埋飯食的確好味.叉燒唔算好多同埋偏硬略為失色.但整體呢個價錢都算唔錯啊,而且賣相都幾靚.

同朋友睇完戲，夜晚九點幾十點，見價錢都正常價，就入去呢間試下。 我叫咗個雞翼煎蛋滷肉飯， 雞翼同滷肉都超級咸，飯亦都偏硬。我只可以搵啲蛋汁撈飯，先叫勉強食到半碗，啲滷肉咸到食2啖，就飲左半杯凍檸茶，十分失望。 我朋友就叫咗個 芝士撈公仔麵， 賣相就還可以，但係啲芝士汁都冇咩芝士味，無特別，同價嘅芝士撈麵 係旺角一定有好多其他選擇，無必要選擇呢間～～我朋友同我諗法都要樣....第一次食，亦都會係我地最後一次食！！！

早前同事介紹這間位於旺角女人街內的懷舊餐廳，門口大大個霓虹光管，內裏裝修真的充滿懷舊風味，牆上的電影劇照令人懷念，相信大部份香港人一定看過午餐和下午茶餐也有頗多的選擇見牆上貼住推介皇袍叉燒飯，就叫來試試，黃色的炒蛋，紅色的叉燒上灑上蔥花，充滿色彩，叉燒是用瘦叉而不是半肥瘦，食落比較健康，炒蛋雖然不是半生熟的滑蛋，而是炒得剛熟的炒蛋，反而喜愛熟透黃黃的炒蛋，炒蛋下面是加入䜴油的白飯，飯比較軟綿，夾埋蛋一起吃，更滋味叧外再叫了秘製蔥油雞扒煎蛋飯，煎蛋上灑上豉油，撈飯一起吃，美味可口，雞扒上淋滿蔥油，雞扒煎得外表香脆，蔬菜伴碟，有肉有菜有蛋，都很健康懷舊食店又點少得紅豆冰，紅豆雖然略帶甜，煮到起沙，食落特別好吃

今日旺角睇完戲想食d平平地嘅野呢間冰室好似新開咁 d 裝修又幾得意重點係想試佢嘅宇治綠茶紅豆冰就衝左入去鋪頭d裝修都好有懷舊感覺晚餐選舉都算多 不過d 選擇就都係普通茶餐廳嘅野後尾先發現有鐵板餐 好似好豐富咁但我俾芝士撈丁吸引左所以叫左豬扒芝士撈麵 塊豬扒都幾大塊而且芝士都多 唔濕底 另外就叫左個雞煲 唔算好辣 份量正常雞件數量都可以 味道就普通早知叫扒餐應該開心d而且凍飲要加6蚊都算貴🤔最後仲要賣哂宇治末茶紅豆冰 最想試呢個其他味道都正常ok

放工約左朋友食晚飯😋揀左中間點旺角，試下呢間朋友介紹的荔香園冰室😊餐廳外貼左精選晚餐menu，好地道和富有本土特色，價錢平均都係$50左右，晚市黎講真係超實惠。間冰室雖然唔算大，但裝修方面好有心思，牆面仲有香港街景。好靚！好感受到香港味道。裏面亦有唔少卡位，坐得好舒服。我叫左個秘製葱油雞扒煎蛋飯實物和想像的差不多，賣相十分吸引。秘製葱油配飯，再撈埋隻蛋和蛋汁，非常入味。舊雞扒亦煎得剛剛好，肉質香嫩，份量亦好足。我見隔離幾枱都有叫呢個飯，好受歡迎！朋友叫左皇牌沙丹豬扒鮮茄焗飯我都試左少少😋 果然係皇牌，呢到既焗豬扒飯真係超有水準，特別係啲醬汁，香濃入味。面頭仲有隻煎蛋，能夠撈埋個焗飯一齊食。另外加多左個上湯菜心苗～好新鮮，清清地，感覺幾健康。個上湯熱辣辣，好暖胃。最後仲有套餐配的餐飲🍹呢餐食得好飽好滿足。咁既價錢真係好抵，絕對值得再幫襯。老闆仲要好好人添！☺️

今晚約左朋友打波,通常打完波會去食下野,好彩今日趕得切下午茶時間,所以平平地就搞掂左係旺角女人街好多野食,香港人緊係要幫襯返香港人既茶記去到已經5:55分,我自己點左個下午茶餐,朋友就等多5分鐘可以點個晚餐懷舊情懷下午茶好平朋友睇中左呢個皇袍叉燒飯流心芝士西多士,用芝士代替花生醬,無花生醬咁甜芝士處於流心狀態芝士味好濃朋友的皇袍叉燒飯叉燒好JUICY蛋都好滑,價錢十分合理奶茶紅豆冰,十分香滑凍檸茶

年廿九，公司放早咗，就一個人去行下女人街，睇下有無D新年嘢買吓，行下行下途經門口望見個餐牌，🐔煲雞煲被佢吸引住⋯⋯咁抵食既，入面仲坐滿人，必定唔差，望住個餐牌目標就係食個秘製重慶雞🐔煲😂😂😂😂😂入去見到一間好有懷舊色彩的餐廳☎️⏳一坐低，乜都唔使睇，一睇又唸唔到食乜，是關我有選擇困難症🤣🤣🤣🤣唔使諗——-秘製重慶🐔雞煲😁秘製重慶雞🐔煲———微辣、可以適合大眾化，味道比我想像中好味，唔怪之得坐滿人之餘出面一樣有人等位👍👍醬汁味道夠惹味，雞🐔也是没有煮过火，食落滑溜而且又夠曬惹味，加埋D汁食飯仲開胃上湯菜心，幼嫩、咬落唔會有渣，上湯🥣又夠鮮甜⋯⋯食完個雞🐔煲再飲返杯凍檸茶.........爽😊

新年倒計時，祝願大家新年新氣象！今天放工也特意來荔香園冰室，懷舊回味一下，辭舊迎新！.黃袍叉燒飯$58翻開菜單第一眼就看到它，果然是招牌菜式！叉燒肉質鮮美多汁，「黃袍」原來是包裹在香甜米飯🍚上面的煎蛋🍳，比喻生動形象，而且寓意大吉大利，絕對適合新年時候過來品嚐！雞蛋香滑爽口，配上甜醬油，更是增加了整道菜的鮮美滋味。簡簡單單的一晚飯，確實實實在在的滿足感❤️...荔香園冰室 (旺角)旺角通菜街1號威達商業大廈地下N號舖

平時諗唔到食乜都鍾意去茶餐廳度食今日喺旺角經過見到呢間荔香園冰室喺出面望入去見到個裝修好別緻餐廳入面每一個角落都好有懷舊香港嘅風味見到居然有一人雞煲食所以揀咗個黃金芝士雞煲 $68跟餐仲可以配一個白飯或者意粉一上枱已經聞到芝士味好香濃雞件份量比我想像中多食曬一個雞煲都幾飽芝士真係好足料 配埋嫩滑嘅雞件好好食另外啲雞嘅下面仲會有啲菜中和返芝士嘅油膩感跟餐嗌咗個凍菜蜜 +$9另外都試咗個蜜糖雞中翼 $38炸得好香口外脆內嫩

途經通菜街，見到一間裝修好懷舊的茶餐廳，環境有d似拍戲場景，好正！入去食d野坐一陣，幻想時光倒流，身處七十年代流金歲月。環境清潔，又勁多打卡位，點影都靚！是日午餐抵食又大碟。跟埋餐飲，凍菜蜜，凍檸茶。皇袍叉燒飯，叉燒份量多，啖啖肉，滑蛋細膩帶有蛋汁，很好送飯。上湯浸時菜，菜好甜，送飯一流。食得肉多都要食返D菜平衡一下爆蛋芝士蕃茄菠蘿包，菠蘿包酥皮脆香，一層雞蛋一層芝士，一層蕃茄，口感多層次，下午茶好岩食呢個。

2020年1月19號約左朋友食下午茶。朋友話呢間野食一流。就決定同佢一齊試。點知我早左到。就去左搵啲野食同野飲。食完飲完。朋友終於出現啦！感動！！旺角有間咁靚既冰室。真係好少見。因為平時旺角啲冰室係勁舊。入面裝修都勁靚。好復古。好岩我心水餐牌。見到有炸雞髀一定要叫！！！仲有杯特飲！！加8蚊就飲到。所以我就加左！朋友飲檸茶。不得了。加8蚊又幾抵！！又唔算好甜。但抹茶味唔係太夠。如果濃啲抹茶就冇得輸。朋友叫左個芝士撈面。我個炸雞髀佢仲勁細心。比左個茄汁我！勁熱勁正！！如果你下午茶黎到。必食！但我建議你叫薯條。沙津冇特別。

滷肉飯表現正常，而瑞士汁雞翼可能係煲得太耐嘅關係，有少少偏咸的情況🤔如果雞翼有啲瑞士汁嘅甜味，相信會更加好味😋.根據餐牌圖片，皇袍叉燒飯係將叉燒同埋雞蛋混合一齊炒，睇落都幾吸引～但食物嚟到後，見到叉燒同雞蛋係分開上，感覺有啲啲失望😣雞蛋同埋飯嘅質素表現正常，而叉燒則相對上比較硬