荔香園冰室 (已結業)

夜晚收工肚仔餓，當然就要去食晚餐啦，近近地，就係旺角搵野食。見到門口已經好特別，好有懷舊既感覺，有特色既擺設，深深吸引我行入去。人來人往既旺角，竟然有間咁有特色既店舖。見到個皇牌焗飯系列（原來有得跟意粉）🥩車打芝士汁焗牛扒意粉 $62套餐配：凍奶茶 +$9勁愛🧀芝士既我，當然就非叫芝士不可啦，好香濃既車打芝士汁，芝士汁滲哂落啲煙煙韌韌既意粉到，有隻芝味流心太陽蛋，配埋肉汁多，又好咬口既牛扒，肉質嫩滑。配埋杯🧊香滑凍奶茶，就最好不過啦。黎到無理由只食晚餐掛，當然都要叫番一份小食啦，滋味小食推介，我選擇咗一份🧀芝士流心厚西多士 $38外脆肉軟既厚厚西多士，中間夾著香濃既🧀芝士，仲要係流心嫁，切開一格格，啲芝士流哂出黎。好味道👍🏻🍹懷舊雜果冰 $25好大杯雜果冰，仲要係勁多雜果。好耐無飲啦。正。📍 荔香園冰室旺角通菜街1號威達商業大廈地下N號舖

今日我哋兩個女人一齊去叫.....雞🐔....煲😂😂😂😂😂😂😂🤣🤣🤣🤣🤣之前係到食過呢到既雞🐔煲之後，覺得味道唔錯，而且價錢又好抵食，今日約咗朋友係附近食飯，突然唸起呢間食雞煲好抵，所以我們兩個女人就決定一齊去叫....🐔雞....煲食🤣🤣🤣1-秘制重慶雞🐔煲——-熱辣辣上枱，香噴噴，秘制汁惹味，有配料洋蔥🧅蒜頭🧄乾蔥爆過吊味，零捨好食，但今次食覺得偏淡咗小小，其他都無特別影響，雞🐔肉一樣咁嫩滑同香口😋2-酸菜魚🐟———足料，好多咸酸菜，我好鍾意食咸酸菜，魚🐟肉滑溜夠味，加有芽菜，食落青新爽口又有口感⋯⋯將酸菜魚湯加入飯內吃，成碗飯比我食哂🤣🤣🤣🤣跟套餐配菜心苗🌱，菜心苗嫩滑、菜又清甜😊😊天氣咁熱當然要配合埋凍🍋檸檬茶，茶味香濃又足料🧊🧊冰冰凍凍的🍋檸檬茶🥤⋯⋯涼透入心........懷舊式環境裝修👍👍👍👍令人回味的香港🇭🇰⋯

今日終於唔使開OT，就走左落旺角睇下相機，順便食下野。呢次我去左間位置女人街入面嘅冰室，裡面都好多懷舊野，例如啲鐵閘，九龍皇帝字跡等等。去呢間冰室食野就好似穿越左時空咁，好有共鳴。呢間店除左懷舊野仲有好多特色食物，例如爆蛋芝士牛肉菠蘿包，芝士流心厚西多士等。不過今次我叫左安格斯牛肉爆蛋撈麵，同埋一杯凍檸茶。係野食未黎嘅時候，我就係度打下卡影下相，牆上面嘅畫基本上張張都可以影完放上ig都唔成問題，其中九龍皇帝嘅字跡就最吸引。撈麵黎啦，份量都算多，因為啲牛肉鋪到滿哂，同埋第一時間篤爆粒蛋同啲麵一齊撈，未食已經覺得好香，好視覺衝擊。食左第一啖，基本上停唔到口，因為碗底啲醬汁同啲麵好夾。當然唔少得杯凍檸茶，為呢個辛勞嘅下午舒緩一下。

2020年5月5日夜晚，諗住幫襯有個人企係門口同店員傾計塞住，個人話唔得閒叫我唔好入，隻手重差d fing到我唔知佢係唔係老闆但店員又無出聲做生意做到咁不如唔做開門啦

細個去冰室，都係老豆帶我地落去食下紅豆冰同雞翼薯條🍟！一日行過女人街，想揾間餐廳平平地食過Tea, 就俾佢啲霓紅光管吸引左😊😊😊 望下啲Tea Set , okay 價錢喎，就入去試下先！😂😂😂因為我同家姐坐低己經係5點幾，又要等隻豬仔剪完頭髮一齊食Dinner , 所以我都唔想食咁多嘢，就少少地叫返個紅豆西多+ 柚子蜜啦 （咁都叫唔想食咁多嘢啲系列...😝😝😝😝)，而家姐就叫左個巨脾沙律+熱啡。。。西多配紅豆，其實我未食過，不過我知呢2樣嘢加上來都唔會太伏，來到嘅賣相的確唔錯，撇開佢塊包外型唔太靚仔，不過我呢啲講內涵嘅，味道最重要。🤣🤣🤣🤣切開之後，紅豆唔少，雖然紅豆都有甜昧，但西多來講糖漿係必須加嘅🤣🤣🤣🤣 ，加左糖漿，更加好食，而且又唔會太油，麵包又無淋到。👍🏻👍🏻👍🏻👍🏻不過好食還好食，都真係會漏，我食到最後3舊都呆滯咗🤣🤣🤣🤣至於家姐既巨脾沙律，個脾真心唔巨，係普通size, 所以佢都食唔飽🤣🤣🤣🤣食完見到其他人都有食啲台式肉燥飯，幾好食咁，下次再來食下先。

星期日的下午，想食個寫意一點的下午茶，於是便在openrice揾了一輪，終於俾我們發現了荔香園。位於女人街尾位置，不算難搵，裝條勝在夠懷舊，綠色鐵皮、卡位加懷舊poster，雖然店仔細細，但枱上都擺左熱水壺和留聲機喇叭，加卡也是一流！這裏人氣係巨型雞脾，無論滷水定炸，所以最後點了個芝士汁雞脾撈麵和雞扒拉麵。因為限聚令期間，所以我們可以獨霸一大張卡位坐。煎雞扒做得不錯，煎，仲得甘香亦滑嫩，上面有木魚絲 。個撈麵啲汁好誇張，多到遮住左隻雞脾，雞脾炸得唔乾，啖啖肉，再配埋公仔麵，加埋滿滿的黃色的芝士汁，好邪惡！我們外加了一個上湯娃娃菜，份量好多，雖然下午茶，但食啲菜感覺健康啲，再配埋一杯熱菜蜜，簡單又滿足。啲碗碟都用公雞嘜頭，懷舊味道甚濃。其實仲想試其招牌菠蘿包，但因為見飽，唯有下次再黎打卡。

今日去左旺角行街, 行到攰又攞住一大袋戰利品兼行到身水身汗，就想揾間餐廳坐低休息下。女人街出名多野食，於是就去物色下。經過荔香園，已經即刻俾佢個懷舊風裝修吸引左，同旁邊既餐廳對比十分吸晴，二話不說吾唸咁多就入左去餐廳入面既裝修都係好有特色，好似回到過去咁，睇得出係花過吾少心思。欣賞之餘點餐都好重要，芝士控的我就點左瑞士汁巨脾芝士撈面，再加一個招牌爆蛋芝士牛肉波羅包。入面d擺設真係好掂雞比芝士汁撈面好濃既芝士味，岩晒我，配埋公仔面冇得輸啦。雞比大大隻，yummy呢個招牌芝蛋牛肉波羅包超足料，而且波羅包入面真係有波羅架一定要趁熱食，大大啖咬落去勁滿足。值得一讚係食波羅包時，店員會俾埋個膠手套你，吾會令你食到隻手污遭晒，好細心。

雖然位於旺角「女人街」裡面的港式茶餐廳「荔香園冰室」，名義上是被稱呼叫做「冰室」，但是「荔香園冰室」裡面可以被稱呼叫做「招牌」，有代表性的結果還是一般粉麵飯食品為主，招牌飲品反而不多。例如我在星期五晚上，專程來到「女人街」光顧「荔香園冰室」，本來是因為在家裡面的晚餐，還未食到有濃厚牛肉原味味道，以及有厚實口感的牛肉，所以刻意從西貢來到旺角，就是想在「荔香園冰室」找到晚餐解決問題。不過我發現「荔香園冰室」裡面，真真正正被稱呼叫做招牌的食品，竟然不是我平日經常會食的「牛肉」，而是由我平日很少會享用的「豬肉」「叉燒」鋪在蛋包飯表面上，再淋上醬油而成的「皇袍叉燒飯」。「皇袍叉燒飯」雖然稱得上算是「荔香園冰室」裡面的招牌菜，但是始終完全違背我平日少食豬肉的飲食習慣，所以最後沒有選擇享用「皇袍叉燒飯」，改試其他「荔香園冰室」菜式。我本來是有考慮過，享用「懷舊黑椒牛扒餐配意粉」，但是我最後還是放棄了，沒有選擇「懷舊黑椒牛扒餐配意粉」，因為曾經在其他茶餐廳點牛扒，結果經常遇到牛扒被煮得過熟，肉質硬到近乎咬不開的慘況。所以我在「荔香園冰室」裡面，既不選擇豬肉叉燒的「皇袍叉燒飯」，也不選擇「懷舊黑椒牛扒餐

最近也很少出街用膳，今天行過旺角有點肚餓，所以找來這家懷舊主題的茶餐廳。四處也有懷舊色彩，poster, 讓人有一份親切感，很有兒時回憶。懷舊鐵板餐 $88鐵板餐有牛排，雞排，波蘿 和腸仔等食材，底下還有薯條 ，雞排又厚身又大件，皮脆肉嫩，牛排入口香軟，非常抵食。厚切豬排芝士撈麵 $52作為芝士控，不得不試芝士麵。 芝士咸香又滑，撈麵彈牙，豬排很厚。朱古力Orea 上台時，這杯特飲飄逸orea 餅乾香味。放待5分鐘，orea 餅乾溶了一點，味道更出，讓朱古力飲品更添一層味道

今天到旺角取小米10之後，四處看看，便再回這裏醫肚子。K餐賣晒，為有吃D和J吧。叉燒旦飯改了用碟上，外觀不錯，而且豉油分開上，很細心，如果加少少配菜就更貼心了。滑旦煎得滑滑的，有旦味，叉燒也有煎過，分量也不少。牛扒意粉有驚喜，除牛扒外，還有煎腸仔和雞蛋，看見也食慾大增。先來吃條腸仔，味道正常，不會太鹹。雞蛋半生熟，蛋黃混合意粉吃，好味道呀！牛扒是茶餐廳那款，但算不容，沒有肉鬆粉味，肉質不會太柴，配上黑椒汁，不錯之選。熱菜蜜潤喉凍好立克夠濃。環境有特色，價錢走大眾路線，不錯之選。

又來荔香園，又是一個放工的晚上🌃每天都要好好吃飯，照顧好自己，才能有力量面對每一天的挑戰！.聽說出了新餐牌，果然要過來嘗試一下。最喜歡的還是這種地道的香港🇭🇰味道，好像穿越到了電影🎬裡面。聽著復古歌曲，環境也是很有情調，如果不是在這裡生活，都忘記了生活遠了可以有這麼美好的一面，以一個遊客的眼光去看這麼美麗的城市，讓生活每天充滿了愛和希望！.環境是自己創造的，生活也是自己選擇的。每天吃的飯，喝的水，合作的小夥伴，也是自己選擇的，所以，控制好這些方方面面，保持自己的正能量滿滿！.台式雜錦鹵肉飯$58鹵肉飯份量剛剛合適，不會太飽，晚餐🥣來說，剛好滿足了食慾，又不會有罪惡感。米飯🍚粒粒飽滿圓潤，配上台式肉燥和滷味，簡直鮮美到飛起來。平時吃太多火鍋🍲要吃一些台灣風味，平衡一下味覺。.熱檸檬🍋菜蜜$14甜度適中，檸檬🍋新鮮，補充維生素

話說今日無無聊聊去咗旺角行街，行到肚餓就諗住就地去搵間茶餐廳醫下肚，喺通菜街見到呢間係有香港懷舊風味嘅冰室，價錢唔係好貴就入左去試吓冰室走懷舊風味，裝修好似八九十年代嘅香港咁樣，除咗牆壁嘅裝修懷舊之外仲，有啲八九十年代嘅車耳機放喺枱面做裝飾晚市價錢都係$50左右，真係幾抵食<日式照燒汁雞扒拉麵$48>女朋友叫咗個日式照燒汁雞扒拉麵，湯底幾清，照燒汁雞扒大大嚿，配埋拉麵係健康之選<黃牌沙丹豬扒鮮茄焗飯$50>Fatbrown 就叫咗個豬扒焗飯，飯式系Fatbrown 最愛的係蛋炒飯底，粒粒飯粒都夾雜着蛋香，豬扒原塊上，鋪上滿滿嘅蕃茄醬，好好味呢

唔好咁敏感，打邊爐並唔係近排嘅事，絕對係爆武肺之前，不過小妹最近先學人寫食評，大家要珍惜生命，疫情過後先再打邊爐啦，呢個咁抵食嘅邊爐套餐應該收咗皮😢食住叉燒飯先啦我哋嚟睇吓相，有得睇冇得食，好sad不過我想講呢間黃店堅係有良心，抵食新鮮又足料，有圖有真相👇🌝湯底夠震撼，d蜆食到個口好攰，肥嘟嘟脹卜卜，個湯勁鮮，好想再食啊🤤貴妃蚌唔算好肥，不過新鮮+甜🤤帶子鮮甜肉厚扇貝我麻麻地，因為我淨係會食中間白色舊肉，下次換曬帶子比我😆😆😆鮑魚新鮮彈牙海蝦扎扎跳 蟹....冇影到肉🤣🤣🤣，不過識睇嘅知道新鮮有我至愛嘅芋頭丸...呢？我影咗d咩...攝影技術有待改善😢疫情過後，我希望再嚟食呢度嘅邊爐套餐🖐😷☝️

-位於旺角既《荔香園冰室》🏠裝橫充滿80年代既味道。餐廳嘅背景音樂令懷舊風更貫徹！令人不知不覺喺度逗留左比較長時間⋯先唔講野食、有幾個點令我覺得好窩心。話說當日我一如以往自己游下游下、游到黎呢間餐廳門口、坐低點餐後個鐵板餐到咗之後淋醬汁係面🥩個老闆雙手拎住包紙巾行咗過嚟俾我、仲成包放低俾我用。果包係tempo!!!係tempo啊!!(大叫）老闆係超nice講真!因為一路食一路留意佢對顧客真係小有咁有heart。如無意外應該係啱啱出嚟創業既年輕人！（單身女士請留意最底個地址😉）我未講完！另一樣野係份野食係由個廚房佬本尊拎出黎放低落我張枱！😂雖然果下見到佢件衫成身都係汁、又著住水鞋有少少肉酸、但果下又莫名其妙覺得好warm!’（廢話講完）🥩懷舊鐵板餐 （$88）有牛肉、豬肉、腸仔、薯條、同埋有塊菠蘿😳食鐵板餐為既就係淋汁果下既‘支支炸炸’聲音！香氣四溢！但你話野食質素就一般啦！但有d驚訝，跟餐個湯⋯⋯⋯⋯⋯完全係茄汁溝水既味道🙄紅色中間有幾粒紅蘿蔔粒⋯⋯⋯🙄完下次黎大家食個feel之餘點其他野食啦😂唔係好建議點我今日點既野！哈哈！

早前經過女人街見到一間裝修懷舊具香港味道嘅冰室 冰室叫「荔香園冰室」整係聽個名會即刻聯想起荔園 可能已經引起你嘅共鳴 身為叉燒控 所以就叫咗佢嘅招牌菜「黃袍叉燒飯」☺️啲炒蛋好香好滑 不過叉燒就唔係好有味 可能俾啲豉油搶咗啲味 總括黎講價錢公道 味道不錯 加埋有心思嘅裝修 值得一試😆