草民 (已結業)

閨蜜 👭 teatime 映相相 📸草地映相好靚靚 😍 環境又靚又舒服 D 野食都係又靚又好味！最中意柸rose tea 🍵 🐰兔好可愛炸🐟薯條🍟好味 女生 teatime 怎可少了甜甜... 4個人食左5個甜品 🍮 Brownies 吾太甜好味Tiramisu 十分🈵️意閨蜜甜點映相好正 🤣淨係映相都映左成個鐘.. 吾好意思 阻住人地做生意 😂😂Tea 到7pm...🤣🤣 會吾會 bad list 我地呢...😛😛😛.

尖沙咀中等價位既Cafe唔算多，我都係喺openrice見到呢間環境同價錢唔錯所以去試一試😛-無諗過兩點幾黎到仲有午餐揀，揀左最愛既黑松露飯～ 其實上碟既時候有少少失望，因為覺得外表唔算太吸引，同埋份量都比較細份🤔 食物方面，我覺得黑松露味道唔太突出，似食緊普通意大利飯，所以略嫌失色～ 反而同行朋友食既卡邦尼係吸引啲🙈隨午餐附送指定飲品，但選擇唔多，所以就揀左熱既烏龍茶試～ 本身對薑既好感唔大，但呢度既薑味唔會話好濃或者太辣，反而加蜂蜜有甜味，所以都接受到🍵加分位在於環境同服務🌿一入店舖既時候其實有少少嚇親，因為有好多staff😂 但服務唔錯，上菜速度算快，而且成間店既感覺好和平同慢活，唔會趕頭趕命同埋望住啲顧客咁～-下午兩點幾比較少人，我同朋友就揀左特別啲坐係角落既草地，店裏面都有返普通枱凳揀既～😋 好鍾意個環境同裝修，好舒服寧靜，所以想同朋友輕鬆聚舊既，呢間既氣氛都好適合！-Overall黎講，環境一流，但食物質素如果可以提高返就更加好啦👻

今晚約左朋友，由佢帶路喺尖沙咀食飯，估唔到喺咁旺嘅厚福街藍馬工廈，原來都有靚cafe，餐廳走田園風格，部份座位仲舖上草皮，我地叫左以下食物：經典卡邦尼意粉$72扁意粉配上磨菇、火腿、洋蔥同忌廉，汁夠多，意粉口感剛好，沒有多餘嘅調味，穩陣之選野菌黑松露牛肝菌五穀米飯 $122呢個係素食之選，珍貴嘅野菌黑松露配埋香味獨特又健康嘅牛肝菌嘅五穀米飯，米飯口感煙靭有咬口，相當不錯金萬利橙酒朱古力心太軟伴movenpick 雲呢嗱雪糕$58面頭d焦糖脆脆好正！用金萬利橙酒造嘅朱古力心太軟，唔會好濃酒味好難入口，流心夠多，好好味！餐牌上好可愛嘅公仔：

個日終於同朋友黎左呢間book mark左好耐既樓上cafe食個悠閒既午餐啦一上到去就見到打卡熱點既小草地同小木屋啦呢度既lunch set定價一啲都唔高，全部都係70蚊内所以我地就每人揀左一個再share朋友揀左個“烤雞肉芝士墨西哥餅”HKd$60+10%一份六塊，烘到脆薄既墨西哥餅夾住軟心拉絲既芝士，而雞肉用上雞腿肉，所以食落唔嚡口雖然做法並不複雜，但當中既細節用心處理，並不馬虎，客人仍是感受得到而我就嗌左一碟“鮮茄蓉肉丸意大利麵”HKd$58+10%意大利粉並無因為煮得過熟而變得腍patpat，而鮮茄蓉既調味仲好fresh好開胃添而個肉丸亦不俗，既有肉汁又彈牙依家凍凍地，最岩就係食飲返杯熱飲暖下胃，所以我地兩個都跟餐要左杯熱既既“生薑蜂蜜烏龍茶”跟住我地見到呢幾款“期間限定”既甜品都好吸引咁呀....所以我地既甜胃都隨即自動開啟最終我地決定要件“蛋白霜檸檬撻”HKd$56+10%一齊食呢件檸檬撻既size都唔細雖撻撻邊同撻底既手牛油皮略欠脆度偏軟，但表面既蛋白霜打得輕盈綿密甜度得宜，而酸酸甜甜檸檬餡就令個撻更覺清新，補回不少分數能夠坐係咁舒服即環境之下與好友他他條條咁嘆返個味道不

尖沙咀有不少食肆這日來到一間環境不錯的樓上 cafe 悠閒的嘆個午餐餐廳以木系傢俱作裝潢最吸晴的是旁邊的小木屋、小茶几和綠草地 ... 是店內的人氣位來的，想坐到就要早點預約好這日這個人氣草地座位已預約滿額 ...我們揀了陽光充足的靠窗位置經典卡邦尼意粉 HK$72 卡邦尼意粉份量不少，裡面仲有蘑菇和煙肉醬汁又香又滑，不太濃稠，冇咁膩口 ... 不錯 草民推介的甜品 ... 日本柚子窩夫配朱古力雪糕 HK$72即叫即製的窩夫一上枱已經聞到很香配料仲好豐料 ... 有新鮮的藍莓粒和士多啤梨、焦糖脆脆、鮮忌廉、Movenpick 朱古力雪糕窩夫烘至外脆內軟，柚子味不太明顯，但很香蛋味加上豐富的配料一起食 ... 超滿足我的 ... 焦糖咖啡 HK$43焦糖的香甜稍微遮蓋了咖啡的苦澀，順滑易入口朋友的 ... 熱情果凍頂烏龍茶 HK$40欣賞店家支持環保 ...自攜餐盒外賣自取，有 9 折再減 HK$5尖沙咀上班的朋友仔注意喇 !!! ** 以上分享是以我的口味、喜好和情況作出分享及感受，一試 / 合用與否請自行決定

​今晚上完泰拳好肚餓，同師姐一齊搵嘢食，我哋見到呢個餐廳名好親和，草民好啱我倆師姐妹瀟灑自然嘅作風。炸薯條配BBQ醬及蜜糖芥茉醬＄54 鬆化脆口薯條，脆卜卜，配有兩款醬料給客人選擇，兩款味道各不同，同樣出色，我覺得就算唔點醬，微微嘅鹹香調教得都已經好好食。煙三文魚意大利麵配忌廉番茄汁＄98 第一個味覺，三文魚煙燻得肉香味濃，第二個味覺，鮮忌廉清香怡人，第三個味覺蕃茄鮮甜，還有意大利麵爽口彈牙，調味恰到好處，大廚功力不少。野菌黑松露牛肝菌醬五穀米飯$122 另一個五穀米飯，每顆飯粒都圓潤飽滿，每種米都係細心揀選，健康得嚟又夠營養。黑松露幽香撲鼻，零舍醒神。牛肝菌鮮味清甜。師傅調製醬料嘅味道非常出色，呢款飯非常適合熱愛運動的人，不需顧忌又可以品嘗美食，仲可以補充營養，相得益彰。8

沒想到在尖沙咀的鬧市中，有個綠洲。餐廳佈置得一片綠油油，連窗邊的一排櫈上都放了塊草皮，環境舒適。63度溫泉蛋卡邦尼意粉看著友人把溫泉蛋弄破，澎湃的蛋汁湧出來，視覺效果極佳。蛋跟意粉拌勻後，我試了一口，意粉口感可以，不會太腍，沾滿忌廉汁，但太淡。正宗卡邦尼是蛋黃和芝士，但這個沒有芝士味，連鹹味都沒有，夾著煙肉一起吃可能會好一點。烤雞芝士墨西哥夾餅都幾鍾情墨西哥菜，去墨西哥旅行時吃足十天都未厭。可惜這個推介的quesadillas完全喚不起當時的回憶。餅焗至微焦微脆，幾酥化。餡不多，包著雞肉、一塊熱至腍掉，吸滿醬的沙律菜。吃不到芝士味，也不太覺芝士的口感，反而是大量帶甜的蜜糖芥末醬，跟正宗的quesadillas差天共地。猜是店方就著港式飲食文化改了做法。生薑蜂蜜烏龍茶有檸檬和薑在內，蜜糖甜度剛好，不錯，如果薑味更重會更佳。秘製娘惹雞中翼雞翼上塗了咖喱醬，口感嚡嚡似沙嗲。雞中翼很大隻，肉很多，幾嫩，不過不入味。日本柚子拿破崙賣相滿分，朱古力粉的公仔可愛，拿破崙亦好看，讓我影個不停。酥皮很脆，很鬆，但不酥，沒有牛油香。吉士質地不俗，夠厚而不過份，柚子味很出，一點吉士的蛋味都沒有。上面的忌廉主

前陣小，有在網上留意到這間田園風cafe，特別在於cafe的室內草地，可以讓人「偽野餐」所以其實這天我和男友是衝著這片草地而來，在石屎森林中「野餐」我們特意選在午後時間來，希望可以坐在草地上，但cafe人氣旺盛，草地位已滿座～不要緊，這是一個很好的籍口讓我下次再來這裡有供應前菜、小食、主菜、甜品、飲品。食物種類多元化，有西式的卡邦尼意粉、印度的手抓餅、墨西哥的夾餅等多國菜色煙三文魚鮮果汁雜菜沙律 ($78)：沙律賣相很美，儼如一盆盆栽，十分切合cafe主題。煙三文魚捲成花形，並以沙律菜為葉和哈密瓜為盆，很有創意沙律內還有一些鮮雜果。有別於一般沙律，沙律汁不是沙律醬或油醋，而是哈密瓜果汁，香甜清新吃完沙律別忙了把果汁喝掉～手抓餅 ($50)：手抓餅煎成金黃色，又脆又熱，但不會過油所配的醬汁酸酸的，很好味，讓人不停把手抓餅往醬汁裏沾烤雞芝士墨西哥夾餅 ($86)：這是一道較輕盈的主菜，香口不油膩餅皮帶少少煙靭，內餡有芝士、烤雞和菜，完全不覺乾身爆脆草地滾球 ($88)：最後當然不少得這𥚃的signature甜品啦～這道甜品巧妙地配合cafe的主題，以綠色的綠茶金寶和爆炸糖扮作草地和泥土去襯

一睇店名，就聯想到與大自然有關，以假草地舖在座位上，又令人坐得幾舒服，甚至餐桌都以绿色做裝飾，有置身於田園的感覺。1) 最先品嚐的是煙三文魚意大利麵，其實是扁意粉，配上蕃茄忌廉醬汁好夾，意粉煮得剛剛好，軟硬適中，酱汁豐富，令到每條意粉都沾上酱汁，三文魚及菇類配菜都算充足，醬汁酸酸甜甜，令人胃口大增2) 秘製娘惹雞中翼味道有少少像沙爹，襯番個菜名，都幾惹味。值得一提，就是連點缀用的配菜都沾上少許蛋黄酱，可作沙律，绝不浪費，只可惜一碟只有四隻，份量較少3) 印度手抓餅，餅皮烘得非常酥脆，配上酱料，小甜小辣，幾有印度風味wow 4) 爆脆草地滾球，賣相相當吸引甜品十分漂亮，賣相一流，草地滾球仲有得玩，朱古力球上面放了一隻用威化做的彩蝶，用木槌打破後，内藏另一隻較小的，好以大自然規律，生生不息的感覺，配上非常脆口的朱古力可可米，好味道！客人如外賣自携餐盒可享有優惠，對保護環境，值得鼓勵

green  cafe@尖沙咀喺 ig 見到有朋友喺室內草地食 tea，一 search 就知係喺尖沙咀。Cafe 靠牆嘅一邊有兩間小木屋，地下係一大片草地，好寫意～原來呢度唔止係草地嘅 “green”，係真支持環保嘅 “綠色餐廳”，如果外賣自取自攜餐盒除咗免加一、九折再減多 $5，鼓勵大家用少啲即棄嘢。👍🏻小食叫咗個秘製娘惹雞中翼，用娘惹醬整雞翼都幾特別，雞翼辣辣哋幾惹味。Carbonara 個樣真係好 classic，完全無花巧嘢，但係整得好好食！😋 啲意粉好彈牙，個 sauce 好 creamy，煙肉粒好有鹹香。鮮茄蓉肉丸意大利麵個肉丸應該係自製，因為真係好彈牙同好有肉汁！就好似將漢堡扒打到丸狀咁 😂 兩碟意粉都好掂！柚子拿破崙灑滿鮮莓，夾心係柚子 custard。格離有隻 “草民”，果然係吉祥物。😆

今日朋友同我慶祝生日，想揀間坐得舒服的西餐廳，於是就揀左呢間試。環境舒服，可望入廚房，但無油煙味。我地三個人就揀左一個二人餐（印度手抓餅，黑松露牛肝菌意大利飯，美國IBP牛柳，兩杯熱情果烏龍茶），再加個煙三文魚忌廉蕃茄汁意粉。味道唔錯，但份量較少。再追加多個炸薯條，配芥末醬一流，薯條剛炸起，熱辣辣，配燒烤醬都唔錯。最後叫多個雲尼拿窩夫（叫左晚餐，叫甜品就有8折）。呢個甜品好味，佢用M字頭的雪糕，再配蜜糖脆脆和窩夫一齊食，簡單無得輸。呢餐值回票價，但成晚得兩枱客，重點是星期日晚。

每逢星期六都要上班的我，若非要整天外出工作，可以有至少半天留在辦公室時亦會約約朋友來個午餐，平衡一下鬱悶的週末。今天便得蒙好友厚愛，來到這裡與我共進午餐，便帶她來這個我很想試很久的餐廳相聚。位於厚福街的樓上cafe，環境舒適，一邊有小木屋和草地，客人可以坐在草地上用餐，感覺像野餐；如不想盤滕而坐，也可坐在另一邊的座位；我與友人也懶得脫鞋跪地而坐，便選擇於梳化位置用餐。星期一至五都有午市餐供應，週末便沒有，故要散叫食物；因我也吃不多，最後點了一款主食，一個小點和一客甜品。先有經典卡邦尼意粉($72)，一碟份量頗大呢! 忌廉醬汁香滑幼細，但不是傳統蛋黃和芝士的濃郁，蘑菇和煙肉份量多，扁身意粉有韌度咬口，配上濃郁的卡邦尼汁相當入味!炸薯條配BBQ醬和蜜糖芥末醬($52)是為我這個薯條控而點的! 薯條是粗闊身的，份量比我們想像中的多! 薯條是剛剛炸起，熱辣辣的，相當脆口，加上厚身的薯味十足! 兩款醬汁來說，我較愛蜜糖芥末醬，甜甜的味道剛好中和了薯條的鹹，相當滋味!最後當然要有甜品作結! 朱古力心太軟配朱古力味雪糕($58)，絕對是即叫即製啊! 蛋糕焗至外層脆身，內裡軟綿，朱古力醬屬於稠身的，未

第二屆京都事件回顧，暨特別申訴組合飯局，話説3年前嘅京都之旅撮合咗我哋呢餐飯嘅飯腳組合。今次揀咗尖沙咀厚街呢間cafe，貪cafe冇時限可以無限吹水，比各組員盡快宣泄。不過呢間cafe都幾攪笑，我哋book 枱時係4個人，之後打去想改5個人，但佢話改唔到，叫我哋坐迫dd，咁都冇計我哋咪張就下囉!但去到cafe時發現真係坐得嘛嘛地舒服，想叫佢比多張櫈，點知佢哋話冇spare櫈，得張矮櫈。唉~~~cafe其實真係要考慮下收埋幾張"十大武器之首"囉!橫掂佢d櫈都係雜牌軍咁，張張都唔同style。cafe 其實唔算好大，計埋晒大約得30個位左右。我哋今晚係坐窗邊位，近窗嘅side bench 係鋪咗塊假草。其實side bench 真係可以三個女仔迫迫地咁坐，我哋都唯有係咁坐，不過有得揀就緊係想坐得舒服d啦！加上張4人餐枱堅係迫~另一個point 係，我吔由頭盤食到主菜再叫埋甜品，後面果張2人枱都係無客嘅，但職員完全無意識話比張櫈我哋囉！我覺得我哋都算係咁㗎嘞！呢間Cafe 另外有個特式係真係有遍草地可以坐，不過據聞好難book，指明要都唔係一定有位比到你。我哋今次無特別book，因為預咗坐得

餐廳裝修以木系傢具為主，靠牆的一則更以仿草地和矮桌子裝飾，坐在那邊用餐有田園感覺。今天與同事來食lunch,就選擇坐靠窗的位置。午市套餐價錢實惠，還包含一杯即磨咖啡或烏龍茶。63度温泉蛋卡邦尼意粉意粉帶點煙韌，煙肉、菇、加上温泉蛋，味道不錯。卡邦尼意粉醬汁十分多，不會出現食到後期乾巴巴的情況，抵讚。同事點的野菌黑松露牛肝菌醬意大利飯，我沒有吃，但也聞到淡淡黑松露味。跟餐的即磨鮮奶咖啡也有拉花最後我們也點了一份柚子窩夫一起吃。賣相很吸引，以tiramisu口味的Movenpick雪糕砌了一個雪人。窩夫脆得像雞旦仔，還有不少士多啤梨和藍莓，很出色的一道甜品！

老婆超想睇嘅玩轉極樂園終於上畫, 我地一起身早餐都未食就出發去Isquare買戲飛, 之後當然就係搵地方醫肚啦。因為開場時間有差唔多兩小時, 我地搵左呢間網上好多人讚環境舒適嘅"草民 Grassman", 打算係度食Lunch, Hea夠兩個鐘頭。😁草民位於尖沙咀厚福街, 近年呢度開左好多間特色食店, 可以講係尖沙咀新食街。我地12:00到嘅時候餐廳剛剛開門, 客人未係好多, 12:30後就開始多人, 不過座位好寬敞, 就算人多都坐得好舒服。餐廳裝修以木色同綠色植物為主, 好有大自然嘅感覺, 而且採光度高。老婆一見到桌上嘅空氣草就好雀躍,好欣賞餐廳花心思的佈置。👍餐牌設計簡約, 我地未係好肚餓, 只點左兩款主食煙三文魚意大利麵同烤雞芝士墨西哥夾餅同埋飲品。煙三文魚意大利麵味道好有驚喜, 意粉汁唔會太咸, 口感好細滑, 微微酸配上味道濃郁嘅煙三文魚, 配搭好夾, 意大利麵唔會太諗, 富有彈性, 雖然份量唔算好多, 不過好惹味。😋烤雞芝士墨西哥夾餅係老婆要求點的, 餅底幾香口, 餡料好豐富, 除左有芝士同鮮嫩烤雞外, 仲有沙律菜係中間增加口感, 一份有六件, 兩個人share都好夠食。飲品